خاطفي هو منقذي{الجزءالثاني}

البارت السابع عشر🦋

هلو قلبوشاتي🦋
خاطفي_هو_منقذي.

انا بِنْصّ هَليّ و مّا ضِكْتُ طَعْمّ البَيْت....
♡♡♡♡♡♡♡♡♡♡♡♡♡
عمر: هواي تأذيت بيومها من رجعت للبيت و شفتها ماكو يعني ما تحبني لو شما اسوي ما تحبني خلص عمر بعد ممنوع تضعف و ترجعلها ممنوعععع دوس على كلبك، كضيت الأيام بين البيت و شغل اما على مصرف اروح انطي لغسان بدون ما اشوفها هواي تعبت حالتي ببعدي عنها بس اهم شي هي ترتاح جنت راجع من شغل سمع صوت اتصال شفت رقمها شكد قويت نفسي ما أضعف و ارد بس بدون ما احس اصابيعي ردت على اتصال كلت الو ما اسمعك غير صوت بجي و صياح غسان و حنين فقدت من كال الحك على اختي فاطمة راح يموتوها بدون ما اسمع شي ثاني اخذت سويج و طلعت من بيتي صعدت بل سيارة و شخطتها بسرعة اريد بس اوصل ورة ربع ساعة وصلت لباب بيتهم شفت ناس ملتمة وخرتهم و دخلت جوة حنين و غسان بل حوش كاعدين يبجون ركضت عليهم حضنتهم..
-كافي ياروحي انتو وينها فاطمة وين اختكم.
غسان: جوة دمم كلها دم.
عمر: عفتهم و كمت بسرعة طبيت جوة شفتها بل غرفة كلها دم وجها ما مبين ركضت عليها شلتها بين ايدي و اني ارجف على منظر الي شفتة طلعتها من بيت و كلت لغسان و حنين يجون وراية الناس و الجوارين يباوعون صعدتها بل سيارة و صعدت جهال رحت للمستشفى بسرعة بل طريق خابرت على يامان علمود جهال ما كال لا وصلت نزلت فاطمة و كلت للجهال ابقو هنا شلتها بين ايدي وديتها لقسم طوارئ جابو سدية و اخذوها احس روحي راحت وياها منظرها مخيف ضليت انتظر بل نص ساعة شفت تميم و يامان اجو.
يامان: ها حبيبي شكو شصاير؟
عمر: سيدي هو الموضوع ماكدرت اكمل نزلت دموعي.
يامان: لاا يا بطل انت لازم تكون قوي ماريدك تضعف تعال اكعد تعال.
عمر: كعدنا و حجيتلة كل السالفة من اول للأخير
-سيدي بس الجهال اريدهم يمكم بين ما اطلعها.
يامان: جهال أخذهم وياي ولا يهمك وانت شد حيلك و كون قوي.
عمر: ان شاء الله.
يامان: وينهم جهال؟
عمر: بسيارتي.
يامان: تميم انت ضل يمة اني رايح اخذ جهال للبيت و راجع.
عمر: لا ترجع سيدي ما يحتاج.
يامان: مالك دخل بعدين بطل سيدي احنا مو بشغل هسه.
عمر: حاضر، راح يامان و ضل تميم يمي انتظرنا نص ساعة لحد ما طلعت دكتورة كمت على حيلي.
-ها دكتورة شلون وضعها.
-مع اسف منو ضاربها هيج عدها نزيف و وقفنا الكدمات الي بوجها قوية يرادلها وقت و خياطة الي بإيدها رجعنا خيطنا من جديد حالتها هسه مستقرة بس يمكن تحتاج دم و هذا شي نقررة من يطلع نتائج فحوصات.
-أكدر اشوفها دكتورة.
-اي عادي بس لازم شخص واحد.
تميم: لا اني ما ادخل خلي هو يدخل.
دكتورة: تمام ما بيهه غير العافية.
عمر: اتشكرت من دكتورة و طبيت لغرفتها شفتها نايمة و وجها كلة لاصق اتقربت منها كعدت على كرسي و لزمت ايدها
-بسببي هذا كلة بسببي اني الي عفتج و خليتهم يأذوج فاطمتي يا عيون عمر فتحي عينج مشتاق اشوفهن شلون كدرت ابتعد عنج مادري، ضليت احجي وياهه و هي ماكو ما فتحت عيونها خليت راسي على ايدها و ما اعرف شلون غفيت.
............
تاليا: جان الدنيا عصر اني و تايا بل مطبخ جاي نحضر كيكة سمعت صوت الباب يندك رحت حطيت شال على راسي و فتحت باب شفت يامان و جهال ثنين ويا.
يامان: يلا يا أبطال انتو دخلو جوة هسه راح تتعرفون على تايا و تلعبون سوة.
تاليا: شفت الولد لزم ايد اختة و طب جوة سألت يامان
-منو هذولة حبيبي؟
يامان: مزوج عليج و هذولة جهالي من مرتي ثانية.
تاليا: يامااااان صدككك تحجيييي.
يامان: ههههه يمة اهدي انتي مو مال شقة.
تاليا: منو هذولة جهاللل.
يامان: تعال جوة افهمج.
تاليا: لزم ايدي و طبينا شفت همة كاعدين و تايا تحجي وياهم و همة بس ساكتين صعدنا لغرفتنا يامان سد باب و كعد على جرباية يحجي.
يامان: انتي تعرفين عمر الي ويانة.
تاليا: سامعة بإسمة شبي.
يامان: قبل فترة .......... هذا هو موضوع و هذولة جهال اخوان هاي بنية و هسة اختهم بل مستشفى عمر طلب مني بين ما يطلعها من مستشفى الجهال يبقون يمي.
تاليا: شكد خطية اكول ليش هيج ساكتين اكيد مصدومين.
يامان: حبيبي انتبهي عليهم هذولة أمانة بين ما يطلعون من مستشفى.
تاليا: بعيوني اخليهم.
يامان: فدوة لعيونج بوية بست راسها و كلت، اني رايح اسبح حياتي.
تاليا: اغراضك جاهزة روح حبيبي.
يامان: فدوة عاشت ايدج.
تاليا: يامان دخل للحمام و اني طلعت ملابسة و خليتها على جرباية و نزلت جوة شفت البنية زغيرة تحجي وية تايا بس الولد دموعة تنزل بصمت رحت اتقربت عليهم.
-هلو يا حلوين شلونكم.
حنين: دينين(زينين).
تاليا: يمة فدفد شكد حلوة شنو اساميكم.
حنين: ئنين(حنين).
تاليا: ئنين شنو يعني؟
غسان: اسمها حنين.
تاليا: الله اسم حلو وانت شنو اسمك يا بطل.
غسان: اسمي غسان.
تاليا: شنو هاي اساميكم حلوة كلش زين شنو رأيكم بكيكة حلوة و طيبة.
حنين: تيتة(كيكة).
تاليا: اي كيكة نسويها سوية يلا نركض للمطبخ يلا.
تايا: هههه come حنين.
حنين: ئا(ها)؟
تاليا: تايا حبيبي احجي عربي اوكي.
تايا: اوكي، تئاي وياي(تعاي وياي).
تاليا: شفت البنية كامت وية تايا بس الولد ضل كاعد اتقربت و مسحت وجها و لزمت وجها بإيدية ثنينهم و احجي ويا
-الأبطال ما لازم يبجون لازم يكونون اقوياء وانت بطل لأن أنقذت اختك جبيرة و راح تحمي اختك زغيرة لا تبجي و تخلي اختك زغيرة تخاف اختك جبيرة راح تكون بخير وعد مني بس تصير زينة اخذكم تشوفوها.
غسان: وعد.
تاليا: وعد بس مو تبجي بعدين يخرب وعد.
غسان: تمام.
تاليا: يلا حبيبي هذاك مغسلة روح غسل وجهك و تعال للمطبخ ويانة.
غسان: شكرا.
تاليا: العفو، شفتة راح غسل وجهه و اجة يبتسم الية انطيتة ايدي لزمها و رحنا للمطبخ ضليت اسويلهم الكيك و اخليهم يساعدوني من خلينا الكيك بل فرن صرنا نحضر الكريمة و تايا ضلت تلعب وياهم و يضحكون التفتت على باب شفت يامان واكف يباوع علينا و هو يضحك سمعت صوت الفرن يعني خلصت كيكة طلعتها و همة فرحانين يصفكون خليتها تبرد بين ما جهزت الكريمة و أشياء للتزين كيكة طلعت الكيكة من قالب و بديت ازينها و خليتهم يساعدوني بل تزين كلتلهم يلا لازم تبقى بل ثلاجة بعدها ناكل ورة عشة مو هسة يلا روحو لعبو انتو شفت تايا اخذتهم فوك لغرفتها عدها ملاعيب يلعبون كمت انضف مطبخ و الهوسة الي صارت علمود احضر العشة شلت مواعين وصخة اريد اغسلهن حست يامان حضني من خصري.
-يامان.
-لجمة گلبة.
-شكاعد تسوي هسة يشوفونا جهال عيب.
-جانت بس تايا و هسة صارت جهال.
-حبيتهم.
-واني حبيتج.
-ههههه كافي يامان كام يدغدغني.
-شكد احب ضحكتج.
-التفتت و حضنتة من ركبتة، اني هم احبك.
-اخخ تتحارش بوية والله تحرش هذا كاعد تكوليلي تعال اتعشى بية.
-ههههه لا لا وخر خلي احضر شي للجهال هسة يجوعون.
يامان: اساعدج يلا.
تاليا: اوكي بيبي راح اطلع كبة و صدر دجاج انت تكلي كبة و اني اسوي معكرونة بصدر دجاج.
يامان: متفقين يلا.
تاليا: شكد افرح من اشوفة يساعدني طلع كبة و بدة يكليها و اني اسوي معكرونة كل شي يسوي يبوس راسي لو خدي لحد ما كملنا عشى و صحت للجهال يجون رتبت الميز و اجوي كعدو صبيتلهم بلشو ياكلون و اني و يامان نحاول نغيرلهم جو و نضحككهم ورة العشى لميت مواعين و غسلتهن نضفت المطبخ و رحت شفتهم كاعدين يم يامان يباوعون افلام كارتون كعدت وياهم شوية و كلت خلي اجيبلهم كيك رحت طلعت الكيكة من ثلاجة و وزعتها على مواعين و اخذتلهم اخذو من ايدي و كعدو ياكلون و اني بصف يامان ناكل و نباوع وياهم افلام كارتون اندمجنا وياهم و ضلينا نضحك لحد وقت متأخر ما حسينا بروحنا كمت طفيت تلفزيون.
تايا: نوووو مامي.
تاليا: يلا على نوم اليوم سهرتو ما يصير باجر كملو.
تايا: مامي.
تاليا: نو تايا يلا بنيتي يلا حنونة و غسان انتو هم للنوم خل اشوف منو عاقل و يكوم بسرعة.
حنين: ناني(اني).
تاليا: شفتهم يتسابقون علمود يصعدون فوك طفيت كهربائيات و ردت اطفي ضوة صالة يامان بعدة كاعد كلتلة
-يلا مامي يامان امشي ابني صار وقت نوم.
يامان: اني ابنج.
تاليا: اي يلا ياروح مامي.
يامان: اشو دتعاي اشوفج مامي على أصوله.
تاليا: صار يركض وراي واني ركضت بسرعة للغرفة اجة وراية و سد باب رحت صعدت على جرباية
-لا يامان لا اشاقة والله.
يامان: لا مامي اني ابنج مو يلا تعاي نيميني.
تاليا: اجة لزمني و خلاني على جرباية نام فوكي
-ياماننن.
يامان: يلا مامي نيميني.
تاليا: ولك انطيني مجال اتنفس شو شوية.
يامان: ههههه هاج يلا.
تاليا: اي يلا نام ضليت امسد على شعرة و هو راسة على صدري حسيت ايدة كاعد تجر تيشيرت من ناحية صدر ضربت ايدة
-اكعد عاقل ابني.
يامان: ابنج جوعان شني ما تنطي حليب شلون ام.
تاليا:ابني ادبسز تريد حليب اروح اسويلك ممية و اجي.
يامان: لا اريد حليب طبيعي شنو انتي تقشمريني حليب قواطي.
تاليا: يامان نام لا اكوم.
يامان: مو خوش مامي.
تاليا: ههههه ضليت امسد على راسة و هو يشم ركبتي لحد ما حسيت انفاسة ثكلت عرفتة نام بعدت عنة بدون ما يحس طلعت من غرفة رحت على غرفت تايا شفتهم كلهم نايمين بل كاع و تايا حاضنة حنين و نايمة اتقربت عليهم و غطيتهم طفيت ضوة و رجعت لغرفتي رفعت غطة و رجعت بحضن يامان حس علية و حضني و نمت.
...............
فاطمة: الي صار وياي كمت اتخيلة و احس بألم ضربات فتحت عيوني بس توجعني و ارجع اسدهن لحد ما فتحتهن شفت ضوة ابيض بكل غرفة عرفت اني بل مستشفى انداريت شفت عمر مخلي راسة على جف ايدي و نايم كوة حركت نفسي و بإيدي ثانية وخرت شعرة من وجهه و نزلت دموعي وية لمساتي فتح عيونة و فز غمضت عيوني بسرعة بس اسمعة.
عمر: فاطمتي اعرفج كاعدة ليش تسوين هيج فاطمة.
فاطمة: فتحت عيوني و نزلت دموعي الي ضامتهن باوعت بعيونة جنت محتاجتة كلش حضنتة كل قوتي و لأول مرة أضعف و تنزل دموعي بكسرة و احس احتاج واحد يكلي اني اشيل حمل عنج.
-عمررر.
-عيون عمر انتي عيونة شسوو بيج بنيتي شسوو.
-عمر اذوني عمرر.
-بية ولا بيج ياروح عمر كافي لا تبجين اني يمج لا تخافين.
فاطمة: اخواني وينهم عمر اخواني جانو خايفين و يبجون.
عمر: صديقي أخذهم لا تخافين همه بأمان بس احجيلي منو سوة هيج ليش سوو هيج بيج احجيلي شنو الي صار.
فاطمة: وخرت من حضنة و مسحت دموعي شهكة بية و باوعت بعيونة مترددة احجي ماريد احجي و يكرهني ضليت ساكتة.
عمر: هم راح تسكتين مثل كل مرة ليش؟
فاطمة: اريد ارجع للبيت.
عمر: انسييييي مهجوممم ماقبلللل ترجعينننن لهذاك مكاااان.
فاطمة: بس.. ردت اكمل كلامي لزم حلكي بيدة.
عمر: ماريد اتمادة فاطمة كوة مسيطر على نفسي.
فاطمة: هزيت راسي اي و وخر ايدة شفت عيونة ذبلانة يباوعلي.
عمر: راح اجيبلج شي تاكلينة دمج قليل ارتاحي بين ما ارجع.
فاطمة: ماشي، راح هو و اني غمضت عيوني ضليت اتذكر شلون ابوية و عمي هجموا على بيت و لزموني ثنينهم ضلو يضربوني و واحد ورة لاخ الي يتعب هذاك يكوم اتذكرت شلون عمي داس على جف ايدي بحذائة و ماكدرت اصرخ بسبب اخواني تذكرت كلامهم
-ويننن فلووسسس يا ساقطةةةة وينههنننن تضحكين عليناااا.
فاطمة: والله ماكو شغل والله اليوم بس ٢٠ الف اشتغلت.
ابو فاطمة: اخذيييي من كوادج ليش ما تاخذين منااااا شلون اوفي ديووون.
فاطمة: محددد جبركم تلعبون قمارررر محدددد كافييييي تعبتتت ارحمونيييي ولك انيييي بنتك بنتككككك ماحس غير بوكسي فر وجهي فر و الدم يطافر من حلكي.
عم فاطمة: يا حقيرة تصيحين على ابوججج يا عاهرة يا ساقطة ياااا زاااانية.
فاطمة: انييييي مووو زانيةةةةة موووو زانيةةةةة.
ابو فاطمة: عااررر الج يومين تجيبيلي فلوس إذا ما جبتي اختج حنين بحححح.
فاطمة: قبل ما يطلعون عمي ضربني على بطني شاغت روحي و حسيت بشي حار ينزل علية اسمع صوت اخواني بس ما كدرت اكوم افتحلهم باب غوشت عيوني و بعد ماعرف شصار.
عمر: رحت طلبت عشى من برة ضليت برة ادخن بين ما يوصل  كلها ربع ساعة و وصل طلب اخذتة من الولد و حاسبتة تشكرتة و طبيت جوة فتحت باب غرفتها تقربت منها اريد اكوللها كومي اكلي شفتها مغمضة عيونها و دموع تزل و تهذي بإسم حنين
-فاطمة...فاطمتي اكعدي فاطمة.
فاطمة: فزيت على صوت عمر مخروعة عبالي رجعو.
عمر: اسم الله  اسم الله شبيج فاطمة هذا اني عمري اني لا تخافين.
فاطمة: باوعت علي و مسحت وجهي عركان و دموعي كلتلة
-اريد اختي عمر اريد حنين.
عمر: وعد باجر اطلعج و تشوفيها بس هسه لازم تاكلين و تاخذين علاج.
فاطمة: اتقرب عدلي مخدة و ساعدني اكعد جاب اكل فتح أكياس و صار يرتب بيهن اني اباوعلة جاب خبز سوالي لفة و قدمها الية اكلت من ايدة.
عمر: جعلَ عافية يا عيون عمر اكلي بنيتي اكلي.
فاطمة: انت ما تاكل.
عمر: انتي اكلي لا تهتمين.
فاطمة: اكل وياي.
عمر: تمام انتي اكلي هاي لكمة.
فاطمة: صار يسولي لفات زغار يوكلني و ياكل لحد ما شبعت بعد ماكدر اكل لم كل اشياء و ذب الأكياس و اجة كعد يمي باوعت للساعة ب ٣ بليل.
عمر: فاطمتي.
فاطمة: باوعت عليه و كلت ها.
عمر: احجيلي شنو صار اريد اعرف.
فاطمة: شحجي.
عمر: منو سوة هيج؟
فاطمة: ضليت العب بأضافيري و العبرة و الغصة واكفة بلعومي ما حسيت غير جر ايدي و لزمهن.
عمر: ايدج ناعمات منو مسوي هيج بيهن عيونج الي احبهن منو بجاهن تفاصيل وجهج البريء منو اذاها.
فاطمة: ليش تريد تعرف.
عمر: اريد اعرف فاطمة منو سوة هيج كوليلي و لا تعبيني.
فاطمة: بدموع كلت، ابوية و عمي.
عمر: شنو!!ليش؟
فاطمة: ماكدر اكول ليش لا تضغط علية فدوة صرت اشهك.
عمر: اششش خلص خلص اسف ما اسأل بعد بس لا تبجين.
فاطمة: صار يمسح دموعي بردن بلوزة مالتة و كلتلة
-اريد انام.
عمر: ماشي نامي اني هنا يمج.
فاطمة: تمددت و غمضت عيوني كل الي صار ما ناوي يروح من بالي ابد ماعرف شلون تعبت من تفكير و غفيت.
عمر: ضليت كاعد يمها لحد ما سمعت صوت اذان الفجر رحت اريد اتوضة بس بلوزتي كلها دم شلون اصلي طلعت من غرفة شفت واحد من دكاترة سلمت علي و طلبت منهم اذا اكو بلوزة من ملابسهم بس بين ما صلي و الحمدالله الولد ما قصر انطاني من ملابسة رجعت للغرفة بدلت بلوزة و توضيت طلعت من حمام فرشت جرجف بل كاع و صليت من كملت دعيت من كل كلبي تكون الية دعيت ربي يريح بالهه و تحجيلي شنو الحمل الي شايلتها بهذا عمر زغير شلت جرجف و رحت يم راسهه قريت اية كرسي و نفخت بوجها علمود ترتاح و الله يريح بالهه ضليت للصبح كاعد لحد ما اتصل علي علية.
-الو ها خوية شلونك.
علي: هلا عمر وينك سمعت شي من تميم اني بغداد بيا مستشفى انت.
عمر: ما يحتاج شوية و اطلعها.
علي: لا خوية اجيبلكم ملابس ريوك شي وينكم.
عمر: مستشفى***** بس والله ما يحتاج.
علي: ولو خوية اصلاً اعذرني لأن بارحة جنت بالبصرة مو هنا والله و الا ما اعوفك وحدك.
عمر: ما تقصر بعد اخوك ممنون منك.
علي: بل خدمة يلا حبيبي مسافة طريق و اجيك مع سلامة.
عمر: الله وياك.
...........
تاليا: كعدت صبح قبلهم حضرت الريوك و خابرت على سمر تجي تبقة هنا لأن راح اروح وية يامان للمستشفى و اخذ كم قطعة ملابس للبنية خطية
-الو صباحو سمووو.
-اممم صباح نور منو
تاليا: ولج اصحي سمررر محتاجتج.
سمر: ها تاليا هاي انتي كولي حبيبتي.
تاليا: اريدج تجين لبيتنا بس تديرين بالج على جهال عندي طلعة قصيرة.
سمر: اي عمري تدللين بس خلي اصحصح شووو شوية جواد والله باردة ماخذ لحاف كلة.
جواد: ولججج هدي.
سمر: ماهد بس شوية شبيك بخيل.
تاليا: ولكم اكعدوووو ويا منو كاعد احجي.
سمر: اذني بنت اوادم.
جواد: هاي تخبلتي تحجين وية نفسج.
سمر: لا هاي تاليا سويت سماعة خارجية.
تاليا: جواد كوم حباب جيب سمر و تعال ابقو هنا يمنا لازم اني و يامان نطلع.
جواد: شنو شايفيني ولج اشتغل عدكم.
تاليا: سمرررر شغلة يمج بعد انتي اقنعي يلا باي يامان يصيحلي.
سمر: بايات حبي.
جواد: أم صماخ كعدتنا و راحت.
سمر: كوم ياحلو يلا اخذني عليهم.
جواد: مابية حيل تعاي حبيبتي تعاي رجعي نامي شلج بهل مخابيل.
سمر: جواااد.
جواد: اشتعلو عشيرتة كايممم امرييي لله.
سمر: فديتك حبيبي.
جواد: شلون لوتية.
سمر: هاي علية والله حرام ضالمني.
جواد: ولي زعلت.
سمر: عادي اراضيك بطريقتي.
جواد: امم شو تعاي كوليلي شلون تراضيني.
سمر: عود بليل اكولك هسه كوم يلا جوادي الحلو فديت طولك يا عيوني انت.
جواد: اخخخ كلبي تلعب على وتر حساس كومي حضري نفسج هو اني اكدرلج.
سمر: ههههه كمت بسرعة عدلت فراش هو طب للحمام و اني طلعت ملابس الية و الة رحت لغرفت يامان زغير كعدتة و خليت يغسل وجهه بدلتلة و كلتلة انزل جوة هسة اجي رجعت لغرفتي شفت جواد يلبس بلوز ابو ركبة طلعتلة قمصلة و رحت غسلت وجهي و طلعت جواد ما موجود بدلت و عدلت حجابي بس خليت مرطب و نزلت جوة شفتهم كاعدين بل مطبخ طلعت اجبان و و بيض خليت جاي على نار و طكيت بيض بل دهن رتبت الريوك بل مواعين و خليتة على ميز جبت جاي صبيتة بلشنا ناكل اني اكل و اوكل يامان زغير وياي من كملنا لملمت مطبخ على سريع غسلت مواعين و عطرتة طفيت كهربائيات و كلت يلا جواد.
جواد: يلا حبيبي انتو صعدو اني اقفل بيبان.
سمر: لزمت ايد يامان زغير و طلعنا صعدنا بل سيارة ورة شوية طلع جواد صعد سيارة و توجهنا على بيت تاليا.