خاطفي هو منقذي{الجزءالثاني}

البارت ثامن و عشرون🦋

هلو قلبوشاتي🦋
خاطفي_هو_منقذي

مكانك خالي بس تحلم تردله.....
♡♡♡♡♡♡♡♡♡♡♡♡♡

جواد: رديييي شبييي اخوية.
سمر: سد اتصال و كام يركض بسرعة لبس حذائة راد يطلع كلت اني هم اجي ركضت صعدت لغرفتي لبست جبة شلون ما جان و خليت شال على راسي رحت لغرفة يامان زغير جان نايم حضنتة و شلتة نزلت اركض ركض طلعت من بيت قفلت باب شفت جواد مشغل سيارة سديت باب حوش و صعدت و يامان زغير بحضني جفل من سرعتي سديت باب سيارة و ما احس غير جواد طار بل سيارة.
-جواد حبيبي على كيفك ان شاء الله ماكو شي لا تسوي حادث يمعود.
جواد: ابني هذا سمر ابني مو اخوي اذا يصيرلة شي ماراح اسامح نفسي.
سمر: ماكدرت اتحكم بسرعتة ضليت ساكتة حضنت يامان زغير لأن يخاف من سرعة ورة مسافة طريق وصلنا لبيت بسام جواد وكف سيارة نزل بدون ما يطفيها او يسد باب اني هم خليت يامان زغير على كشن سديت باب نزلت ورة جواد جان يضرب باب برجلة ورة ثواني اجت مريم مرت بسام فتحت باب جواد بدون ما يباوع بوجها و يسأل بسرعة دفع باب و دخل للبيت اني شفت مريم تاكل بأضافيها عرفت هي ورة الشي الي صاير ركضت طبيت جوة انصدمت من منظر الي اشوفة شفت بسام ايدة يجري دم و كاعد بل كاع ايدة على راسة و جواد مقابيلة يتفحصة.
جواد: بسام حبيبي عاينلي يخوي كلي ليش هيج تسوي شنو ماعندي خاطر يمك هيج تأذي نفسك بدون ما تفكر بية.
سمر: ما شفت غير بسام حضن جواد و صار يبجي.
بسام: تعبت ياخوي تعبت وين جنت وين صرت ولك حاربت الكل علمودها عفت بنات ناس كلها علمود عيونها تعبتني ياخوي تعبتني كل مرة ادوس على كلبي و اكول ميخالف يا بسام ميخالف بعدها طفلة عقلها زغير بس توصل بيها تخوني ليش بشنو قصرت.
سمر: كلمة تخوني هزت مسامعنا اني و جواد التفتت على مريم شفتها كاعدة يم باب مطبخ حاطة ايدها على وجها و تبجي و تشهك.
جواد: شنو خانتك احجي؟
بسام: كل يوم اطلع اشتغل شغلتين حتى أكدر اجمع فلوس علمود اشتري بيت بعيد و نعيش مرتاحين من مشاكل ارجع للبيت اشوف مرتي نايمة و تلفونها مفتوح اتصال وية غير رجال ولك شنو ذنبي جواد كوللها بشنو قصرت وياهه ليش كسرت كلبي بعد كل هل حب الي حبيتها ليششششش.
سمر: كام بسام يضرب ايدة الي تنزف بل حايط و مريم كامت تصرخ رحت اني و جواد نوكفة ماكو كأن فاقد.
بسام: ولججج بشنوووو قصرت ويااااج احجيييي ليش تجازيني هيججج ليششش ويننن راحح كل هلللل حب ولججج ما وكفت بعينججج من قررتي تخونيني ما كلتي اذا بسام يدرييي شيصير بي هدنيييي جواددد هدنيييي ياخويةةةة.
سمر: كمت ابجي على بجي بسام من صدك انكسر كلبي عليه كوة جواد جرة من خصرة و طلعة برة شفت صعدة بل سيارة و اني اخذت يامان زغير و صعدت ورة مشة جواد لأقرب مستشفى همة نزلو واني نزلت وياهم راحو لقسم طوارئ بسام يمشي بس جسد كعد على سدية و اجة دكتور يسأل شلون صار هيج و جواد يجاوب مختصر.
دكتور: اكو كزاز بيدة لازم نطلعة و كم مكان يحتاجلة خياطة.
جواد: دكتور الي يحتاجة سوو.
سمر: دكتور و ممرض بلشو ينضفون ايد بسام و يطلعون كزاز جواد ما تحمل بسرعة طلع برة رحت ورا شفتة بل ممر يمشي بعصبية ضهرة علية من خليت ايدي على كتوفة اندار علية شفت دموع بعينة جان يدير وجها مايريد اشوف دموعة لزمت وجهة و باوع بعيوني بدون سابق إنذار نزلت دمعتة و ماكدرت اسوي اي شي غير احضنة كل قوتي حسيتة بادلني حضن و دموعة تنزل على ركبتي و كتوفي.
-كافي ياروحي انت لازم تكون قوي هسة بسام محتاجك ما لازم تضعف.
جواد: شكد نبهتة من هاي بنية سمر والله شكد نبهتة بس ماكسرت بخاطرة من كال احبها ماوكفت بطريقة رحنا خطبناهه الة و هسة شوفي شحالة ولج اخوية يمشي هو ميت هذا الي جان يضحك و يشاقة اليوم اني جنت ساندة لا يوكع اخوي ادمر سمر خلص ادمر.
سمر: انت تقوي احنا كلنا ويا لا تنسة هو مو وحدة باوع بعيوني جواد شو ارفع راسك و باوعلي، انت لازم تقوم بواجبك كأخ و أب بسام هسة محتاجك انت اكثر مو اي شخص ثاني و الي يكدر يساعد بسام و يطلعة من حالتة انت تمام ماريد يشوفك ضعيف فدوة لخاطر بسام لا تضعف.
جواد: ان شاء الله خل اروح اشوف كملو او لا.
سمر: تعال اغسل وجهك اول لا يحس عليك.
جواد: تمام.
سمر: رحت ويا للحمامات غسل وجهه و تقربت مسحت وجهة بحجابي لزمت وجهه وكلت.
-اني دوم وياك لا تنسى هذا شي و ثنين راح نساعد بسام يطلع من حالة الي بيها.
جواد: لا تعوفيني وحدي.
سمر: للموت ماعوفك، باس راسي و لزم ايدي رجعنا نمشي بل ممر لحد ما وصلنا لقسم طوارئ شفنا الممرض كاعد يلف ايد بسام.
جواد: ها خوية بشر.
ممرض: الحمدالله  كدرنا نطلع كزاز و نخيط  ايدة ان شاءالله مابي غير عافية تكدرون تطلعو بس انتبهو على ضغطة لأن من اجة جان ضغطة مرتفع.
جواد: مشكور خوية ما قصرت.
سمر: شفت جواد راح سند بسام و طلعو يمشون كدامي و اني وراهم وصلنا للسيارة رحت قبلهم فتحت باب سيارة صعد بسام و اني و جواد هم صعدنا طول طريق جان الكل صامت وصلنا لبيت بسام بس جواد نزل بسام ضل بل سيارة خليت يامان زغير يمة و نزلت ورة جواد لا يسوي شي ادري بس مخبل رحت اركض اوكفة.
-حبيبي ليش رجعت هنا تعال نرجع لبيتنا فدوة جواد.
جواد: ارجع بس هدي ايدي اذا ما اربيها لهل كحب* ما يرتاح كلبي.
سمر: فلت ايدة من ايدي و دخل للبيت معصب رحت ورا ما شوف غير جواد كام يصيح بأسم مريم.
جواد: وينججج يا حقيرةةة مريمممم اطلعي احسلج.
سمر: شفت مريم نزلت من فوك هي ترجف رجف ردت اوكف جواد ماكو شايط من عصبية جرها من شعرها نزلها من آخر بايات درج و ركعها راشدي اني من يمي اذن صارت تصوفر ركضت كوة لازمتة لا يسوي شي.
-جواد اهدة شبيك جواددد.
جواد: يا كحب* يا ساق*ة ولج بشنو قصر وياج عيشج بدلال جان شايلج بصلاوات يا حقيرة هيج تجازينة شو هديني سمر هديني خلي اربيها بنت كلب.
سمر: لخاطري حبيبي فدوة لخاطري عوفها فكر ب بسام هسة ينتظرنا امشي خلي نرجع لبيتنا كوة قنعتة يهدء و مريم بس تشهك و تبجي.
جواد: سمعي لج باجر ورقة طلاقج توصل باب بيتكم و انتي اذا بنت امج و ابوج ما توقعين وحق الله الي هو يحكم هل كون الا ازوعج العافية.
سمر: جريت ايدة طلعنا كوة قنعتة يهدة لخاطر بسام شفتة اخذ نفس و صعدنا سيارة بسام مرجع راسة للكشن و يامان زغير يلعب بشعرة مشينا لبيتنا شكد خالة دعاء اتصلت ماكدرت ارد راسلتها بعدين اتصل عليج و سديت تلفون بعد مسافة طريق وصلنا للبيت نزلنا اني و جواد شفت جواد راح على بسام يقنعة ينزل بل اخير اقتنع من يامان زغير جر ايدة وخرتة لا يأذي ايدة فتحت باب و طبينا جوة شفت بعد الأكل على ميز باقي البيت حالتة حالة رحت بسرعة لملمت مطبخ و شلت اكل غسلت مواعين سويت جاي خليتة يخدر طلعت للصالة شفت جواد حاضن بسام و يمسد على راسة كلش انقهرت على منظرهم نزلت دموعي مسحتهن قبل لا يحسون لميت صالة و رتبتها صار جاي صبيتلهم و اجيت اقدمة.
بسام: لا تعبين نفسج خوية كلشي ماريد بس اذا اكو فراش انام راسي يوجعني.
جواد: تعال اساعدك تذب مي على نفسك علمود ترتاح بدل و بعدها نام.
بسام: ماريد غير انام.
سمر: أشرت لجواد عوفة براحتة.
جواد: تمام لعد كوم نام فوك.
بسام: خوية اريد انام يم يامان زغير اذا اكو فراش.
سمر: ليش خوية غرفة ثانية موجودة.
بسام: هاي غرفتكم مارتاح بيها اريد انام بغرفة يامان زغير.
جواد: سمر حبيبي سوي الي يريدة.
سمر: صار، صعدت فوك طلعت فراش جديد رحت لغرفة يامان زغير فرشتلة و خليت بطانية و لحاف لأن جو بارد نزلت كلتلة.
-خوية فرشتلك اذا تنام واذا جوعان اسويلك شي تاكلة.
بسام: ما تقصرين خوية مشكور ماريد شي بس انام.
سمر: كام مثل جثة بدون روح مشة صعد فوك و لأول مرة اشوف جواد هيج مكسور كأن هو الي صار ويا كلشي مو بسام نزلت من بايات الأخيرة رحت كعدت بل كاع مقابيلة
-جوادي حبيبي تهون صدكني راح يتأقلم بعد فترة لازم تحمد ربك انكشفت قبل لا يصير عدهم أطفال والا هسة جان الأطفال يدفعون ثمن.
جواد: سمر اني اعرفة لأخوي ولج بسام تربيتي اذا تعلق بشخص و حبة من مستحيل ينسا بسهولة متأكد راح يتعذب.
سمر: باوعلي اني و انت ايد بإيد نرجعة نفس ماجان بس لا تبين ضعفك لأخوك زين عوف بسام فكر بأمك شنو راح يصير بيها اذا تشوفكم انتم ثنين بهل حالة.
جواد: الله كريم بس قسم بآيات الله ماراح اسكت عن حق اخوي الا اخليها تتندم على كل دمعة نزلت من عين اخوي.
سمر: كوم حبيبي غسل و ارتاح كافي تفكير بهل مواضيع.
جواد: امي شلون اكوللها.
سمر: عوفها علية اني احجي وياها انت لا تفكر كوم ارتاح ياروحي، بعد محاولات هواي كوة قنعت جواد يصعد يغسل و ينام واني بهل وقت اتصلت على خالة دعاء و حجيتلها عن مختصر موضوع كسرت كلبي صوت بجيها و ضلت تدعي على مريم و أهلها ضليت هواي احجي وياها و أهديها لحد ما سكتت و كالت باجر اني و ابوج نجي لبغداد كلتلها اهلا وسهلا بيكم سلمت و سديت اتصال كعدت بل صالة ضليت افكر و حايرة ياربي والله بسام ما يستاهل.
.........
تاليا: مر اسبوع كامل اني يم اهلي و يامان بين يوم و يوم يجي علينا اني و تايا يطمن و يرجع للبيت مر اسبوع كلها بملل و بعيدة عن بيتي و زوجي واغلب وقتي كضيتها اكتشف عن حالات نفسية و اخذت شوي خبرة من بحثي عن مشاكل نفسية الي تواجه الإنسان بيوم جان دنيا ليل اهلي كلهم نايمين و اني منومة تايا يم حسين فوك نزلت سويت كهوة و طلعت بسكت من ثلاجة رتبتهن بصينية رحت كعدت بل صالة و فتحت لابتوب ضليت ابحث عن كل حالات النفسية و اي معلومة تفيدني اكتبها بل دفتر بنص تركيزي وية مواضيع سمع صوت اشعار تلفوني رفعتة شفت يامان مراسلني و كاتب.
يامان: حبيبي كاعدة اني واكف بل باب.
تاليا: وخرت لابتوب على صفحة و كمت فتحت باب صالة و طلعت فتحت باب حوش شفتة واكف بهل برد اندار علية شافني واني من كثر اشتياقي الة حضنتة كل قوتي.
يامان: اووف شكثر مشتاق لحضنج بوية.
تاليا: مشتاقتلك والله يمتة يخلص شغلك.
يامان: خلي ندخل جوة و افهمج دنيا باردة لا تتمرضين.
تاليا: رفعني بإيدة طب جوة و سد باب برجلة مشة دخلنا للصالة نزلني و سديت باب ردت نكعد بل صالة بس ماقبل.
يامان: بوية نروح للإستقبال وحدنا اخذ راحتي هنا ماكدر اخاف واحد من اهلج يكعدون.
تاليا: مشيت ويا للإستقبال شفتة سد باب و قفلة اجة كعد على قنفة و جرني لحضنة ضل يشتم بشعري.
يامان: مشتاقلج بوية وحق الي خلقني مشتاقلج احس البيت مابي روح من انتي ماموجودة بس شسوي مجبور.
تاليا: يمتة نخلص يامان يمتة نرتاح مو تعبنا لمتى هل بعد و هل خوف.
يامان: ماضل شي يا لجمة كلبي باجر راح يوصل وجبة مخدرات و ان شاء الله نلقي قبض عليهم.
تاليا: باجر عدكم مداهمة.
يامان: اي بوية واني لازم اروح لأربيل وية جواد لأن اكو هناك ملهى راح تستلم وجبة.
تاليا: ليش مو انت ببغداد.
يامان: بوية الخطة انرسمت هيج بعدين محد من فريق يعرف كردي بس اني و جواد يطكطك بيها لهذا لازم نروح.
تاليا: راح يضل بالي يمك.
يامان: بس ادعيلنا و لا تخافين الله ويانة.
تاليا: تقربت لزمت وجها و طبعت بوسة بطرف شفتة و ابتعدت شفت عيونة ذبلانة و تباوعلي.
- يامان.
-روحة ليامان.
-اذا تحبني ديربالك على نفسك و دوم تذكر اني و تايا بدونك نضيع لا تخلي حياتك بخطر لخاطرنا.
يامان: ان شاء الله بوية.
تاليا: يمتى تطلعون لأربيل.
يامان: ب ٤ فجر جواد يجي علية و نروح سوة.
تاليا: شلون صار جواد اخر فترة حسيتة مو نفسة جواد هواي متغير.
يامان: منهار حرفيا بسبب حالة اخو صار بس يريد يخلص شغل و يرجع كلامة قليل ويانة حتى ضحك و شقة بطلها.
تاليا: الله يساعدهم والله ما يستاهلون.
يامان: ماردتة يجي وياي بهل مهمة بس تعرفين راسة يابس ما يخليني اروح وحدي.
تاليا: صاحب روحك هذا.
يامان: اخوي هذا.
تاليا: يامان تحبني اني اكثر لو جواد.
يامان: هههه ها بوية صرتي جواد ثاني.
تاليا: مااا يلا جاوب منو تحب أكثر.
يامان: ثنينكم هو اخوي وانتي زوجتي وروحي من دنيا.
تاليا: ميخالف حب جواد بس اني اكثر بشوية.
يامان: ههههه صار، تعاي فهميني ساعة ب ١و نص ليش ما نايمة لهسة.
تاليا: ما اجاني نوم كلت خلي ابحث شوية عن دراسات نفسية.
يامان: مو عيونج تروح يا بوية انتي ما يصير تسهرين.
تاليا: لو ما سهرانة ما جنت أكدر اشوفك.
يامان: ها هسة لفيتي موضوع علية.
تاليا: ههههه اي.
يامان: فدوة لضحكتج بوية.
تاليا: يلا حبيبي خل اجيبلك فراش نام ساعة ساعتين بين ما يصير ب ٤ وراك طريق طويل.
يامان: ماريد فراش انام هنا على قنفة بس نيميني بحضنج.
تاليا: تعال ابني تعال واني تالي وية هل جهال مرة انيم تايا مرة حسين و هسة يامان.
يامان: ها هسة اني صرت مثل حسين و تايا يمج خلف الله عليج.
تاليا: ابني مدلل انت يلا نام وليدي.
يامان: نقيب و هالله هالله ناس تخاف من تشوفني و بحضنج صاير طفل.
تاليا: وين لاكي هيجي ام زينة مثلي تنيمك بحضنها و تمسد على راسك احمد ربك.
يامان: الحمدالله.
تاليا: يلا غمض عيونك و نام.
يامان: ماما عادي ابوسج.
تاليا: لا يلا نام و انت عاقل.
يامان: مو بكيفج.
تاليا: حسيت ايدة فتحت قميص مال تراك صار يوزع بوساتة حنونة و لمساتة تتجرأ على جسمي غمضت عيوني و بس اهمس بأسمة تقرب اخذ شفايفي بين شفايفة يبوسهن كأن واحد عطشان ماعرف شلون بادلتة صار يزيد بلمساتة اكثر و رحت ويا لعالمنا خاص ورة ساعات من حب و لهفة متبادلة جنت نايمة على صدرة و هو حاضني حسيت رفع ايدة يباوع للساعة.
يامان: بوية صار لازم اروح.
تاليا: دمعت عيوني حضنتة اكثر، لا تروح فدوة والله خايفة.
يامان: وداعت عيونج حلوات مارايد اروح و اعوفج بس هذا واجبي و هذا شغلي لازم انفذة.
تاليا: وخرت من حضنة لبست ملابسي و هو لبس بلوزتة كمت بهدوء فتحت الباب سمعت صوت اتصال يامان جاوبة من كلامة عرفتة جواد وصل.
يامان: اي حبيبي اجيت هسة طالع.
تاليا: طلع من استقبال يباوع بعيوني بحزن.
يامان: هذا جواد اتصل كال انتظرك بل باب بس اريد اشوف تايا قبل ما اروح.
تاليا: بدون ما احجي صعدت قبلة فوك و حسيت يمشي وراية من وصلت للغرفة و فتحت باب دخل و اني ضليت واكفة بل باب شفتة شلون راح على تايا و يبوس بيها و يحجي وياها وية كل كلمة منة تنزل دموعي.
يامان: تايا يا ثمرة فؤادي ياروح ابوج انتي تعرفين شكد احبج مشتاقلج بوية انتي مشتاق اسمع منج كلمة بابا بس حتى تفتخرين بية و تكولين ابوية بطل لازم أأدي واجبي مجبور اروح يا روحي انتي بس وعد إذا الله كاتب ارجع جنت متمني اشوفج كاعدة و تحضنيني ياروحي انتي.
تاليا: باسها اخر بوسة بشوغة شفتة كام يمسح دموعة ما يريد اني اشوفة طلع من غرفة واني سديت باب نزلت ورا شفتة واكف باب مطبخ يلبس بسطالة رحت ورا فتح باب حوش شفت سيارة جواد تنتظرة هنا صدك نزلت دموعي و صرت اشهك حضنتة.
يامان: قويني بوية قويني لا تخليني أضعف بدموعج.
تاليا: وخرت من حضنة من شفت جواد واكف يم باب سيارة مسحت دموعي عفت يامان و رحت وكفت كدام جواد.
-شلونك يا خوية.
جواد: على الله.
تاليا: كلشي راح يتصلح و يكون احسن من قبل بس انتظر فرج ربك.
جواد: ونعم بالله.
تاليا: ديربالك على نفسك انت بمعزة اخوي هود و اكثر اذا صارلكم شي انت و يامان راح اضيع.
جواد: اعذرني يامان بس هاي اختي و من حقي احضنها.
تاليا: تقرب حضني بإيد وحدة بدون ما يطخ جسمي و باس راسي مسح دموعي.
جواد: دموعج ماريدهن ينزلن هسة وفريهن من يموت اسد.
تاليا: هههه ما ابجي بوقتها.
جواد: عينج قوية ادري بيج.
تاليا: مشتاقة ترجع مثل قبل جواد فدوة حتى سمر تعبانة على تعبك لا تسوي هيج.
جواد: ان شاء الله من ارجع كلشي يتغير.
تاليا: ان شاء الله.
جواد: يلا ولي وانطيني حبيبي يامان اخذة وياي.
تاليا: اخذة اصلاً هو يحبك اكثر مني.
يامان: وين كلت هيج.
تاليا: جواد زوجي يامان أمانتك، وانت يامان ترة اخوية جواد امانتك.
يامان: بعيوني.
جواد: تدلل اختي يلا طبي جوة لا يطلعلج بعبع.
تاليا:ههههه توصلون بسلامة و ربي ينصركم.
شفتهم صعدو بل سيارة جنت محضرة مي من راحو ذبيتها وراهم و طبيت جوة سمعت صوت اذان فجر رحت للحمام توضيت و فرشت سجادتي بلشت اصلي و ادعي.
..........
حجي عبدالقادر: اسد اريد تنتبهون كلش زين هاي اكبر وجبة توصللنا ماريد اي واحد منكم يرف جفنة بدون ما ينتبه.
اسد: ولا يهمك عمي كلشي ماشي عدل.
حجي عبدالقادر: وذا شفت اي تحركات من جماعة مكافحة نفذ خطة الي اتفقنا عليها قبل بيوم.
اسد: ههههه تدلل يا غالي اول و تالي لازم يصير هذا شي.
حجي عبدالقادر: تعرف اني رجال مسالم بس يامان هو جبرني اخطي هاي خطوة.
اسد: راح ادمرلك يامان تدمير واخذ حقي و ثاري من بين عيونة.
حجي عبدالقادر: كفو يلا امشي شوف وقت استلام يمتة علمود الرجال الي موزعيهم على أماكن ينتبهون.
اسد: كلشي تحت سيطرة عمي انت الي عليك تخلي رجل على رجل و راقب أرباح.
حجي عبدالقادر: ههههه اكيد.
اسد: عمي اني راح اسوي كلشي تريدة بس مقابل هذا شي لازم تنفذ بوعدك الي و تصير تاليا بين احضاني.
حجي عبدالقادر: ولا يهمك محلولة هل سالفة بعد موت يامان شي اكيد راح تحتاج رجال يهتم بيها و ببنتها بعد انت و شطارتك.
اسد: انت سهلي طريق و باقي اني اهتم بي.
حجي عبدالقادر: خل نستلم وجبة و نوزعها احسب كلها ايام و تكون تاليا بين ايدك.
اسد: فديتك عمي.
حجي عبدالقادر: يلا ارجع على شغلك.
اسد: تمام حجي.
.......
سارة: جنت اعيد بل تسجيلات قبل كم يوم و انصدمت من شي الي سمعتة والله اذا يامان يسمع هاي حقيقة يدمر و يمكن يصير قاتل ولا يرفلة جفن بشرة تنهار متأكدة اذا تعرف بهذا شي ياربي صبرني على الي سمعتة يارب حولت الصوت لفلاش ميموري علمود يبقى عندي و مسحت تسجيل صوت من مايكات اخاف يامان يسمعة مسحتهن و جفلت من انفتح باب و دخل سيف بسرعة.
سيف: ها سارة شكو اشو لونج رايح.
سارة: سيف مصيبة الي سمعتة سيف.
سيف: شكو شصاير شنو سمعتي.
سارة: شكلت فلاش ميموري وية لابتوب و شغلت تسجيل من سمعة انصدم نفس صدمتي.
سيف: لا ياربي شنو هل مصيبة.
سارة: سيف شنو راح يصير ببشرة و يامان اذا عرفو بهذا شي يدمرون والله.
سيف: مستحيل اخليهم يعرفون بهذا شي.
سارة: مسحت تسجيلات بس خايفة لا اسد و حجي يخلونة يضعف بهل معلومة.
سيف: ثواني اتصل على جواد و افهمة اكيد همة وصلو لأربيل.
سارة: اي واني اسمع باقي تسجيلات اخاف وحدة بيهن بيها نفس كلام.
سيف: كملي شغلج بسرعة.
سارة: ضليت اسمع كل تسجيلات و آخر تسجيل قبل ١٠ دقايق سمعتهم يحجون.
اسد: عمي اليوم ب ١ بليل توصل الوجبات اني نبهت الرجال يفتحون عيونهم.
حجي عبدالقادر: خلص متفقين راسل المخيف كول فلوسك جاهزة.
اسد: تم عمي.
سارة: يعني الي يوصللهم وجباتهم اسمة مخيف مادام فلوسة جاهزة يعني هو ببغداد سديت لابتوب و كمت مشت بل ممر مكافحة ادور على عمر و علي.
سيف: ها سارة شكو شصار.
سارة: سيف نغير خطة اني وياك نبقى بغداد و عمر و علي يروحون لبابل.
سيف: سمعتي شي.
سارة: اي تعال هنا ما يصير احجي، رحت اني و سيف للغرفة و اتصلت على عمر و علي يجون كلها دقايق و اجو.
علي و عمر: ها يمعودين شصاير.
سيف: تغير بسيط انتو راح تروحون بمكانة للحلة اني و سارة نبقى بغداد.
علي: ليش سيدي.
سارة: الشخص الي مسؤل عن تسليم الوجبات اسمة المخيف مادري لقبة مهم اليوم بليل راح يستلم فلوس من اسد و حجي بواحد من ملاهي الي هنا على ما اعتقد.
سيف: كفوووو سارة وصلتينا لرئيسهم كفو.
سارة: علي و عمر ب ١ كل وجبات تتوزع اريد عيونكم مفتوحة.
علي و عمر: تم.
عمر: لعد خلي نحضر نفسنا و نمشي علي لا نتأخر.
علي: اي يلا محتاجين شي.
سارة: لا بس لاسلكيات لا تنسوها اذا صار شي اتواصلو ويانة.
علي: ان شاء الله مع السلامة.
عمر: مع سلامة اخوان.
سيف و سارة: الله وياكم.
..........
عمر: ورة ما علي وصلني للبيت و راح دكيت باب فتحتلي فاطمة صارلي شكد ما شايفها يمكن اسبوع كامل هي بسبب دراسة و امتحاناتها و اني بسبب شغل اضل وية علي طول ليل بل شغل ارجع متأخر بسرعة اذب نفسي و انام و صبح وية فجر اطلع هاي فترة جانت صعبة علينا كلنا، من فتحتلي تعجبت بية اتقربت بست راسها و سلمت عليها.
-شلونج يا عيون عمر.
فاطمة: بخير تفضل.
عمر: حسيت ضايجة من طريقة كلامها طبيت جوة شفت جهال كاعد يتغدون بوستهم و دخلت للغرفة بسرعة طلعت جنطة زغيرة خليت بي ملابس شغل جديدة و شلت كم مخزن مال مسدس و فتحت جرارة ميز جنت قافلها طلعت سلاح و دخلت فاطمة فاتحة عيونها بسرعة خليتة بخصري و فتحت باب مقفول من كنتور طلعت كلاشنكوف و مخازن ٣ خليتها بل جنطة شفتها تقدمت.
فاطمة: عمر شنو هذا وين رايح.
عمر: عندي مهمة حبيبي رايح وية علي للحلة.
فاطمة: يعني هم راح تروح.
عمر: شفت دمعت عيونها و اندارت انطتني ضهرها تعجبت من تصرفها رحت عليها درتها لعندي لكيتها تبجي.
-ليش هل بجي فاطمة شو باوعيلي حطي عينج بعيني على شنو تبجين.
فاطمة: ماكو شي روح.
عمر: بغلاتي عندج شبيج منو وياج احجي لا تسكتين.
فاطمة: انت وياي.
عمر: كالتها و صارت تبجي مثل جهال، اني فاطمة اني شمسوي شو رفعي راسج لا تبجين.
فاطمة: اي انت صارلك اكثر من اسبوع ما ترجع للبيت لا صبح ولا بليل اشوفك اروح للمدرسة وية ابو خط وانت ماكو شنو زعلان مني اني مسوية شي ما تريد تحجي وياي.
عمر: شفتها انهارت بل بجي كعدت على جرباية ايدها على وجها رحت كعدت على ركبي كدامها وخرت ايدها و رفعت راسها بإيدي امسح دموعها ينزلن  غيرها.
- كافي يا عيوني انتي شنو الي خلاج تفكرين هيج وداعتج مشغول بهاي مهمة اني و علي واذا تريدين اتصل على علي لو انتي اتصلي على زينب شوفي اذا هو راجع للبيت هل اسبوع لا وداعت كل دمعة جاي تنزل من عيونج حلوة لا زعلان ولا شي ولج اني متعلل عليج بس اريد يخلص هاي مهمة حتى نحضر بيتنا و نزوج لا تفكرين بغير هذا شي.
فاطمة: بس اني مشتاقتلك عمر ما متعودة ورة كل هل حب و حنية تبتعد عني.
عمر: اعوضج ياروحي والله بس اليوم و ان شاء الله يخلص شغلي نروح سوة نجهز بيتنا وعد بس كافي تبجين مسحي دموعج لا تأذيني.
فاطمة: تمام بس يمتة ترجع.
عمر: باجر من صبح يمج.
فاطمة: انتظرك تاخذني للمدرسة.
عمر: هههه تعودت علية بنتي تدللين.
فاطمة: راح تروح هسة.
عمر: لازم اروح حبيبي بس الي اريدة منج تسدين بيبان و تقفليها لا تفتحون لأي شخص فاطمة سمعتي حتى لو اجة ابوية و ابوج لا تفتحين.
فاطمة: حاضر ما افتح.
عمر: اتقربت ابوسها و اجاني اتصال شفتها خجلت لأن غمضت عيونها من اجة اتصال فتحت عيونها.
-الو ها علاوي.
علي: ها خوية يمعود ما تطلع برة مو منتظرك.
عمر: جان انتظرت شوية يا خوية.
علي: ها ولك شنو جنت تسوي اعترف ههههه.
عمر: دسدة سدة انتظر فد شوية و اطلع.
علي: كمل كمل راح احسب نفسي ما سمعت شي ههههه.
عمر: ضحكت و سديت اتصال رفعت عيوني شفتها خجلانة.
-عجبج راحت هيبتنا كدام علي.
فاطمة: احم اني شمسوية.
عمر: لا ابد شو تعاي اخذ تصبيرة لحد باجر، جريتها لزمت وجها و اخذت شفايفها بين شفايفي و ابتعدت شفتها مصدومة ضحكت على شكلها.
-راح اروح ديري بالج على نفسج و على جهال مثل ما وصيتج لا تفتحين باب.
فاطمة: احم ها اي تمام.
عمر: شلت جنطة و طلعت من غرفة بست جهال و طلعت قبل ما اصعد بل سيارة قربتها بست راسها و صعدت بل سيارة اشرتلها تدخل للبيت من دخلت احنا مشينا.
علي: ها ضلعي امورك ماشية.
عمر: الحمدالله.
علي: دوم يارب ان شاء الله تكمل فرحتكم بعرس و ازفك بإيدي يابة الا اركص ركص بعرسك.
عمر: هههه ان شاء الله خلي تخلص هل مهمة ارتب البيت جديد و بعدها اسوي لفاطمتي حفلة ما صايرة اخلي الكل يسولف بيها.
علي: اخونا خوش اخو يستاهل هوسة ههههه.
عمر: ههههه.
......
جواد: وصلنا لأربيل الضهر وكفنا يم مطعم نزلنا نتغدا بعدها اتصلت علية سارة كالتلي شي يوكف شعر راسي بس سكتت لا يامان يحس ورة غدا رحنا لفندق فتحنا الأسلحة نضفناهه و يامان اتواصل وية أمن اربيل صار بينا تواصل انتظرنا لحد الليل لأن سارة كالت موعدهم على ساعة ١ ضلينا ننتظر لحد ما صار ساعة ب ١٢ شلنا اسلحتنا و توجهنا لمكافحة اربيل من وصلنا اني و يامان طلعنا هوياتنا عرفونا احنا من مكافحة بغداد رحبو بينا كعدنا وية كم نقيب و ضباط هناك كلنالهم عن الخطة و همة ما قصرو حظرو دوريات من صارت ب ١٢ و نص توجهنا للملهى حسب خطتنا حاوطنا الملهى بدون ما احد يحس دخلنا اني و يامان و ثنين من ضباط مكافحة اربيل بس بملابس طلعة حتى لا يشكون.
يامان: جواد عينك خليها مفتوحة ضلعي عدهم مكانين سريات انت على يمين و اني على يسارك لا تتهور و تتصرف من كيفك.
جواد: ولك هسة افرهم فر و اثولهم.
يامان: انت حجي وياك ضايع يابة احلفك بخوتنا لا تتهور اذا تحبني.
جواد: حلفتني بأغلى شي تدلل.
يامان: يلا امشي.
جواد: ردت امشي اجت وحدة كح** تتماوع.
-اوووي اليوم بضاعتنا حلوة من وين انتو يا حلوين.
جواد: يامان تريدني ما اتهور هسة و اركعها راشدي.
-اووف عنيف واني اموت على عنيفين.
يامان: احم ممكن تمشين منا احنا محددين الي نريدها.
-ليش والله اريحكم تعالو جربو.
جواد: امشي منا لا اريحج نهائيا و اشوفج حمزة لابس قاط.
يامان: امشي ضلع عوفها.
جواد: مشينا و عفنة هل كح** اجانة إنذار من لاسلكي شفت ساعة صارت ب ١ عن قصد علو صوت اغاني و زودن الكحاب يركصن اخذت إشارة من يامان بأن اروح اجة وياي واحد من ظباط ضل يلغي بل كردي و يطكطك شوية عربي جنت واكف بختلى بمكان شفت دخلو مجموعة شباب لابسين اسود بأسود يلتفتون لا يشوفوهم احد بعد ما دخلو لوحدة من مكان الي يامان كال عليهن انجبرت اخذ وحدة من كحاب وياي اني و هذا ظابط و دخلنا جوة شفت مثل كازينو كعدت مسافة عنهم ما منتبه لهل كحبة شسوي ضليت مراقبهم بعد فترة كعدتنا شفتهم طلعو أكياس ثنين كبار و هذاك رفع جنطة عرفتها فلوس رادو يمشون دزيت رسالة ليامان و انطاني موافقة بسرعة طلعت سلاحي اني و هذا ظابط.
-سلمو نفسكم المكان محاصر.
-منو هذولة شنو انتو تلعبون ويانة والله لو يعرف المخيف غدرتو ما يخلي واحد عايش بيكم.
-والله مو احنا هذولة مو رجالنا شبيكم.
جواد: بسبس ركزو هنا وياكم احلى شاب بل عراق النقيب جواد من اراضي العراق عظيمة يلا وليداتي سلمو نفسكم و لا تعبوني وراية طريق طويل.
شفت واحد بيهم طلع سلاحة والباقين طلعو سلاحهم راد يضرب طلقة جنت اسرع منة و ضربتة بكتفة والباقي صارو بصدمة كلها ثواني و شفت يامان دخل و كدامة يمشون ٤ أشخاص من نفس جماعة.
يامان: امشو بسرعة.
جواد: ها ضلع.
يامان: تم مهمة بنجاح هسة يجون ياخذوهم بس سمعت صوت طلقة.
جواد: هذا طفل راد يلعب بذيلة و سكتة.
يامان: هاي عود كلتلك لا تتهور.
جواد: يعني منتظر يموتني والله يالله.
يامان: وين مخدرات.
جواد: كدامك حبيبي.
يامان: رحت اخذت مخدرات و شفت الفلوس هم اخذتهن ورة دقايق اجو دوريات دخلو جوة القو قبض على هل حقراء و تشكرو منا رادو اسلمهم مخدرات والفلوس ما قبلت لأن هذا شغلنا طلعنا من مكان و اجاني اتصال.
.........
سارة: من قربت ساعة ب ١ جنا جاهزين اني و سيف و فريق مكافحة كلنا محاوطين المكان واحد من ملاهي بغداد جنا اني و سيف كاعدين بل سيارة فاتحة لابتوب و تسجيلات اخاف يغيرون شي من خطتهم.
سيف: ها سارة ما حددتي موقعهم.
سارة: حددت مو بعيدين يمكن على وصول بس لازم انتبه على اتصالاتهم مشكلة شبكتهم ضعيفة.
سيف: هسة ساعة ب ١ يمكن على وصول.
سارة: ضلينا نشتغل لحد ١ و ربع شفنا سيارة سودة عالية نزلو منها حرس ثنين يفتحون باب لواحد ركزنا نزل واحد على كتوفة كوت اسود طويل واحد من حراس فتح المضلة اله لأن دنيا جانت تمطر دخل جوة و وراهم اجة سيارة اسد عرفتها نزل هو و حجي عبدالقادر كم رجال من رجالهم سيف اشر للشباب يحاوطون المكان و احنا نزلنا.
سيف: سارة ترة هود وصاني عليج لا تتصرفين تصرف يخليني انحرج كدام هود لأن وعدتة احافظ عليج.
سارة: تمام ان شاء الله.
سيف: يلا ندخل بأسم الله.
سارة: رفعت لثاني و خليت شفقة على راسي و سحبت الأقسام مال مسدس و مشينا جوة جان عندنا تنسيق وية واحد من حراس ملهى يشتغل لصالحنا بسهولة كدرنا ندخل جوة اشرلنا على مكان اتفاقهم رحنا فتحنا باب ورة باب لحد ما سمعنا صوت ضحكهم عرفنا بأن هاي اخر باب بل ممر أشرت لسيف ندخل سوة انطاني موافقة صار مقابيل باب و دفرة هو طب قبلي و اني ورا رفعنا اسلحتنا.
سيف: سلمو نفسكم المكان محاصر.
اسد: انتو شسوننن هنا؟
سارة: سوبرايز شباب.
اسد: سارة اخخخ سارة موتج على ايدي.
سارة: من صرت رجال احجي هل حجي يلا بسرعة سلمو نفسكم.
المخيف: سارة افضل ظابط استخبارات بل مكافحة و جاسوسة نمبر وان جنت متشوق اشوفج.
سارة: وياكم ظابط سارة حول.
-نعم سيدي حول.
سارة: دورية بأكملها تهد على هل حقراء حول.
-تم سيدي حول.
حجي عبدالقادر: راح ادمركم.
سيف: يا حقير عندي الك دلائل تاخذك ورة شمس خليني ساكت.
سارة: انتظرنا دورية من وصلت كلبجو الي جانو هناك بس من وصلو لأسد طلع سلاحة و ضرب واحد من شباب ركض يريد يطلع رفعت ايدي أطلقت عليه نار بس بكتفة رفع ايدة ثانية ضربني على خشمي و طلع يركض ركضت ورا اني و الشباب بس ما لحكت عليه صعد سيارة و راح رجعت جوة شفت سيف.
سيف: خشمج ينزف سارة.
سارة: ماكو شي سيدي خل ناخذ هل حقراء.
حجي عبدالقادر: هههههه يامان راح يعرف كل شي.
سارة: شنو يعرف يا حقير شنوووو.
حجي عبدالقادر: الي لازمينة تريدون تسجنونة تعرفونة منو؟
سيف: على شنو تحجي و تلمح احجي عدل.
حجي عبدالقادر: المخيف اخو يامان.
سارة: لا ياربي شنو هل صدمات الي انصدم بيها اليوم.
سيف: شنوووو يامان ماعندة اخ.
حجي عبدالقادر: يامان عبالة أمة ماتت هي و حامل و اخو مات مايدري اني الي قتلت أمة و اخذت اخو هههههههه.
سيف: يا جلببببب ياااا حقيررر و تحجيها عاديييي.
حجي عبدالقادر: قبل ما ادخل سجن وحدي يامان راح يدخل قبلي لأن راح يصير قاتل ههههههه راح يعرف حقيقة.
سارة: لا ياربييييي سيفففف اسددد راححح اسدد اكيد راح يعرفففف، ركضت طلعت برة اتصل على جواد ما يرد هواي حاولت ما يرد اخر شي حجيت ويا لاسلكي.
-جواد وياك سارة حول.
ضليت ادعي بس يرد.
جواد: وياج سارة حول.
سارة: اخذ تلفون من يامان حول.
جواد: شكو يامان راح واني ورا حول.
سارة: لا يربي.
......
يامان: الو منو وياي؟
اسد: هلا بنقيب يامان.
يامان: ها يا حقير شلونها أوضاع يمك مو كلتلكم لا تلعبون بل نار.
اسد: هههههه اخخخ يا ابن عمي راح اكولك معلومة تخرب هل فرحة هاي اعذرني صح انت لعبتها صح بس الفرح ما يدوم.
يامان: روح احجي هل حجي لغيري مسحت بيك كاع مسح.
اسد: معلومة هي عمك الغالي هو الي قاتل ابوك و قاتل امك شلون قاتلهم هاي لازم انت ترجع تتصل و تتوسل بية حتى احجيلك يلا جاو اروح اشوف حبيبتي تاليا اكيد مشتاقتلي بعد شيوصلك لبغداد هههههههه.
يامان: يااااا حقيررر شكاعد تحجيييي الووووو اسددددد الووووو.
اسد: تالونتي تالونة جايج حبيبتي جايج هههههه .....

يتبع....