خاطفي هو منقذي{الجزءالثاني}

بارت إضافي🦋

هلو قلبوشاتي🦋
خاطفي_هو_منقذي

عيونك لحن بغداد تحجي حبنا ضايع.
♡♡♡♡♡♡♡♡♡♡♡♡♡♡♡♡
تاليا: يااامااان ... يامااان، اوف هسة غير يرد هو و بنتَ طالعين و اني الي طايحة بل شغل.
يامان: بشت بشت شبيج بزونتي اليوم معصبة.
تاليا: هم زين شوفتني وجهك الحلو عيني.
يامان: هيج مشتاقتلي و ساكتة لجمة يامان تعاي تعاي اشبعي مني والله مادري هيج مشتاقة سودة بوجه جواد.
تاليا: تقرب جعصني جعص بحضنة، ياماان اختنكتتت بس شوية.
يامان: بوية غير انتي مشتاقتلي.
تاليا: لا يلا وخر.
يامان: هاي ليش.
تاليا: يامان ترة ناس بل طريق عيب حبيبي بعدني ما مكملة ولا شغلة و انت من صبح مكضيها لعب وية تايا ما تجي تساعدني شلون الحك وحدي و منا آدم يبجي.
يامان: هسة راح اشغلج وضعية سحر و نكمل كل شي تدلل لجمتي.
تاليا: شفت كف ردانة و طلع برة كلها ثواني رجع بيدة صوندة فاتح المي.
يامان: اني اغسل و انتي تنشفين يلا.
تاليا: لا والله ماااا اني اغسل و انت تنشف شلون لوتي زوجي يريد ما يتعب.
يامان: تتعاقبين على هل كلمة بس هسة متأخرين يلا تعاي اخذي صوندة.
تاليا: اخذت الصوندة بديت بل غرف غسلتهن و هو وراي ينشف كاف بجامتة شكلة يضحك بس كوة لزمت ضحكتي مابية حيل انكتل طلعت الصوندة للمطبخ غسلتة و غسلت الحيطان وراها طلعت للصالة و الإستقبال غسلتهن و سمعت صوت آدم يبجي عرفت هذا يامان كعدة ذبيت صوندة بل كاع و رحت للغرفة شفتة شايلة و حاير يسكتة
-ليش كعدتَ اذا تعرف راح يبجي و تحتار يامان شلون وياك عندي شغل هسة احتار بآدم لو بشغل.
يامان: ماسويت شي بس بستة.
تاليا: متأكد بس بستة!؟
يامان: ها و عضيتة بس زغيرة والله.
تاليا: يامان اطلع حبيبي يلا سريع لأن راح ابلش اعصب.
يامان: اني اكمل البيت ولا يهمج.
تاليا: لا عوف كل شي لو اكلك اطلع من بيت روح اخذ تايا و روحو لا تضلون هنا لأن راح انجلط.
يامان: اعصابج حبيبي عندي فكرة راح اطلب اكل و الشغل اني اكملة.
تاليا: يامااان.
يامان: طالع طالع.
تاليا: شفتة طلع و جبت حزام الي يشيلون بي الطفل شديتة و خليت آدم بحضني اسكتة و طلعت للإستقبال كملت الغسل و ذبيت صوندة بل حوش جبت الماسحة منا اسكت آدم منا صرت انشف البيت ورة تعب ساعة خلصت التنظيف جبت المعطر عطرت البيت و الغرف شفت آدم غفة بحضني فتحت الحزام و خليتة بسريرة و غطيتة طلعت من غرفة بسرعة حتى الحك احضر شي واني جاي اروح للمطبخ سمعت دكة الباب خليت شال على راسي و رحت فتحت الباب شفت بابا و ام سارة بسرعة حضنت بابا لأن مشتاقتلة.
-بابااا.
عمار: ياروح ابوج شلونج بنيتي.
تاليا: اني زينة بس مشتاقتلكم هلا خالة شلونج.
ام سارة: هلا ياروحي بخير انتي شلونج جهالج شلونهم.
تاليا: بخير يبوسون ايديكم ليش واكفين تفضلو تفضلو.
عمار: زاد فضلج بابا.
تاليا: كلل هلا بيكم لعد وين الباقين.
ام سارة: والله بنيتي هذول تنابل مال نوم تأخروا بل كعدة لهذا راح يطولون شوية.
تاليا: هههههه اي والله صح كلامج خالة.
عمار: اي بابا انتي شلونج زوجج شلونه وينه اشو ما شفنا.
تاليا: والله قبل ما تجون بشوية طلع بشغلة هسة يرجع.
ام سارة: الله يساعدة اي شخبارج انتي شلونج وية جهال خوما متعبج آدم.
تاليا: والله خالة الجهال يعني تعب بس الحمدالله على كل حال.
ام سارة: اي والله تعب الله يساعدج.
تاليا: جنا كاعدين نسولف و اندك باب مرة ثانية عدلت شال على راسي و رحت فتحت الباب دخل يامان بيدة علاليك كومة حتى بحلكة شايل علاكة يأشر بعيونة و يهمهم بصوتة حتة اساعدة واني بسرعة اخذت علاكة من حلكة و من ايدة.
يامان: بنت الحلو مو جاي أأشر على شنو صافنة.
تاليا: مصدومة شنو هل علاليك بس لا جبت أكل من مطعم.
يامان: اعجبج حبيبي لعد اخلي ام جهالي تتعب افا بس افا.
تاليا: اممم يلا يلا ادخل بابا هنا جان يسأل عنك.
يامان: صدك والله يمتى وصلو.
تاليا: قبل شوية وصلو.
يامان: يلت حبيبي بس اسلم و اجي اساعدج بل ترتيب.
تاليا: لا عمري عاشت ايدك راح اسويهن وحدي لأن خالة كالت الشباب شوية يطولون ماريد اكل يبرد.
يامان: ماشي عافيتي يلا اني رايح اسلم.
تاليا: تمام؛ هو راح يسلم و اني ضليت ارتب الأكل بل جدورة لأن اكيد راح يبرد بين ما يجون كملت ترتيب الأكل و مقبلات و الحلويات الي جايبهن يامان اجتني تايا.
تايا: مامي يمته يجون عمو جواد و خالة سمر.
تاليا: بعد شوية يجون ماما.
تايا: يامان يجي.
تاليا: ماما كولي من اخير اريد اسأل عن يامان.
تايا: مامي.
تاليا: اي يجي حبيبتي.
تايا: اوكي.
تاليا: انتي رحتي يم جدو سلمتي عليه.
تايا: no.
تاليا: مايصير ماما عيب اني شنو علمتج من يجون خطار لازم تسلمين على كل علمود يكولون شكد مؤدبة هاي بنية شكد عاقلة.
تايا: راح اروح اسلم.
تاليا: عفية بنيتي you are a good girl.
تايا: thank you mom.
تاليا: كملت باقي شغلات بسيطة و رحت كعدت يم اهلي ضلينا نحجي و نسولف لحد ما صارت ب ١ و نص سمعنا صوت هورنات عرفت وصل جواد ابو همسات راح يكلب البيت كلاب.
يامان: اها هاي وصلو عن اذنك عمي اروح افتحلهم الباب.
عمار: روح ابني روح الحك لا جواد يكسر الباب.
يامان: ههههه من رخصتكم.
تاليا: جريت الشال من يدة الباب و خليتة على راسي طلعت ورة يامان شفتة فتح الباب و اول شخص دخل جواد يلعلع بصوتة.
جواد: لككككك هلاااا بضلعييييي.
يامان: اذني ابن أوادم اذني أريدها.
جواد: مشتاقلك وحق عباس لك تعال بعد روح اخوك خل اركعك بوسة.
تاليا: لطش بيامان يحضنة و يبوس بي ضلينا نضحك عليهم فاتن البنات سلمت عليهن و بوستهن.
سيف: مو زودتها يمعود خلينا نسلم احنا هم.
يامان: خلصونيييي اختنكت.
جواد: غير احبك و مشتاقلك عابت مو مال حب انت ولي من وجهي.
الكل: هههههههه.
سيف: شلونك خوية شخبارك.
يامان: هلا بيك خوة بخير دامكم بخير تفضلو ليش واكفين.
علي و هود و بسام : سلام عليكم.
يامان: وعليكم سلام تفضلو تفضلو.
تاليا: بعد ترحيب حار على الباب دخلو الكل جوة صار صوت البيت بي حياة من جديد منا جهال و منا صوت جواد و ضحك الكل.
بشرة: تالو بشنو نجي نساعدج حبيبتي؟
تاليا: كلشي حاضر مابقى شي بس افرش سفرة و نصب الأكل.
سمر: شوووو وخرن وخرن اجتي مرت جوادو راح تكرفلكم الشغل كلة.
سارة: اجتي مرت معدل ابن معدل الي ماكو منه.
زينب: شوف شوف هاي لأن بيها شغل تكول مرت معدل ورة شغل مرت مخبل.
سمر: البحر مالح و الناس مصالح.
سارة: بيج زيج بس يلا لخاطر عشرة اسكت.
تاليا: لا تسعة ولا عشرة امشن فرشن سفرة متنا جوع يلا.
سارة: سمورتي تعاي حبيبتي هذني يغارن منا تعاي نروح نفرش سفرة و نرتبها.
سمر: اي اي ناس غيرانة من حبنا.
تاليا: شفتهن وحدة خلت ايدها بإيد بعض أخذن سفرة و طلعن رافعات خشمهن.
بشرة: شبيهن هذني؟
زينب: مخبلات عوفيهن يلا خل نكمل ترة جوعانه علي سحلني سحل صبح ماتريكت.
بشرة: كلنا كلنا جوعانين.
تاليا: يلا لعد خفن ايديجن خلي ننقل الأكل و نكعد.
جواد: تالياااااا اممممم صمااااخخخ وين الغدا متنا جوعععع.
تاليا: شبيك يمعود اطشر إذانا اكعد هسة جاي ننقل الأكل.
جواد: استعجلوا بطني بعد ما تصبر.
سارة: بختتتت بختتت ناس تاكل و تمسح مواعين مع ذالك ما تسمن.
جواد: قل أعوذ برب الفلق و من شر ما خلق اليوم اكيد راح اتسمم على هل عين الي راح يصيبني.
سارة: لا تخاف ما يصيرلك شي انت.
سمر: يمة بيش طالبة زوجي ولج.
جواد: اي اي مرتي حبيبتي دافعيلي.
سارة: ما طالبتة بشي بس حجيت حقيقة.
جواد: راح تنكطع معدتي اليوم.
تاليا: ضلينا ننقل بل اكل و نسمع مناكرة جواد و سارة مثل كل مرة بس يجتمعون بمكان يتناكرون كأن ضراير ورة ما صبينا الأكل و رتبنا السفرة رحت صحت للكل علمود نتغدة.
- بابا يلا يا جماعة الغدا جاهز تفضلو.
عمار: اي بابا يا الله.
تاليا: كلنا اجتمعنا بل صالة و كعدنا على سفرة الي صارت كلها أصوات سوالف و ضحك الأجواء الي يحبها كلبي هنا احس بأمان عائلتي الي اختارته القدر فزيت من صفنتي على ايد انمدت على كتوفي رفعت راسي شفت يامان بصفي.
يامان: بشنو شاردة بوية ليش ما تاكلين.
تاليا: ها لا لا هسة راح اكل.
يامان: يلا بوية سمي بسم الله و ابدي.
تاليا: بسم الله، و بلشت بل اكل كل واحد بينا يناوش ثاني الأكل و مشروبات خلصنا الغدا ضحك و سوالف و اكيد السفرة مو حلوة بلا مناكرة جواد و سمر هم يتناكرون و احنا نضحك على سوالفهم.
عمار: عاشت الأيادي بنيتي ما قصرتوا ربي يزيد و يبارك سفرة دايمة ان شاء الله.
تاليا: الف عافية على كلبكم.
جواد: اشو احس اليوم شبعت من وكت اخاف عين هاي بومة صابتني.
سيف: لا انت ابد ولا اكلت حرام.
هود: ابوية الي مسح صينية.
جواد: اي والله عمار ياكل.
عمار: طاح حضكم اي والله عينكم على لكمة.
جواد: اي والله عمار ياكل.
عمار: طاح حضكم اي والله عينكم على لكمة.
جواد: هاي شبيك عمورة اشاقة وياك يروحلك فدوة قاسم.
الكل: ههههههه.
تاليا: من شفت كلهم مخلصين الشباب كامو كعدو على قنفات و احنا بنات بلشنا نشيل سفرة اجيت اشيل مواعين سمعت آدم يبجي.
بشرة: روحي حبيبتي احنا نكمل باقي شغل.
تاليا: هسه ارجع بس ارضعة.
سمر: يمعودة شدعوه احنا مو غربة روحي اخذي راحتج اني و زينب نشيل باقي.
زينب: اي يلا.
تاليا: راح اتعبك اعذروني.
زينب: انجبي حبي و امشي منا.
تاليا: هههه ماشي الجاي على نار و استكانات محضرتهن سارة بس صبيلهم.
سارة: حاضر.
تاليا: رحت للغرفة شفت آدم يبجي شلتة من سرير اسكتة.
-كافي ياروح ماما كافي حبيبي جوعان ياعمري هسة ماما هسة اشش حبيبي.