خاطفي هو منقذي{الجزءالثاني}

البارت رابع و ثلاثون🦋

هلو قلبوشاتي🦋
خاطفي هو منقذي

يل فارگت صدري هوا..
يل ماخذ انفاسي...
باسم الكربلائي
♡♡♡♡♡♡♡♡♡♡♡♡♡♡♡♡

علي: شفت عمر رجع عليه و لزمة من ياخة قميصة رحت اني و جواد نلزمة.
عمر: شوف و اسمع كلش زين غسان و حنين جهالي افتهمت جهالي اذا تريدني اضل محترمك انصحك تمشي منا و ما تشوفني وجهك لأن وحق الله الي خلقني و خلقك اذا اشوفك وجهي ثاني اندمك و انسى جنت ابو زوجتي و عمي.
علي: عوفة عمر كافي ياخوية.
جواد: على شنو واكف امشي منا امشييي.
ابو فاطمة: اني رايح بس اخذ جهالي راح أخذهم بل قانون اني ابوهم.
عمر: ياااا أبببب ياااا عارررر ياااا أب لوووو تسميييي نفسك اب جاننننن مااا ماتت فااااطمةةة جااااان عرسهااااا اليوممم هيييي عروسةةةة هدونييييي عليه هدونييييي اشوفةةةة الأبوة شلوننننن.
علي: كافي يا بعد روحي كافي ياخوي عوفة.
يامان: امشيييي منااا ماااا نريددد مشاكلللل لو عاجبككك تنحبس كم يوممم.
علي: من سمع بل سجن كبل صار يركض و راح اني و جواد سندنا عمر يرجع للجادر من شاف حنين تبجي كعد على ركبة بل كاع فتح ايدة و هي اجتي تركض و صوت شهكاتها مسموعة.
عمر: كافي يا ابوي انتي اششش بعد حيلي يا ريحة فاطمة كافي حبيبة بابا.
علي: شال حنين و رجع للجادر ضلينا لحد الليل كاعدين و الناس شوية قلت شفت حنين نايمة بحضن عمر و هو صافن بل كاع كأن بعالم ثاني.
-خوية كوم طب جوة ارتاح و ناملك كم ساعة من بارحة ما نايم.
عمر: ماكدر انام الا على صوت فاطمة.
تميم: خوية لخاطر هل جهال كوم طب جوة شوف البنية انكسر ركبتها كوم نيمها يمك اليوم صعبة عليهم.
جواد: شوف غسان ما نشفت دمعتة اليوم كوم احجي ويا و اقنعة ينام يلا يا خوية صير قوي لخاطر هل جهال لا تخليهم يحسون ما عدهم احد.
عمر: بابا غسان تعال حبيبي.
علي: اجة غسان وكف كدام عمر و عمر رفع ايدة مسح وجها و لزم ايدة و حنين بحضنة طلعو من جادر طبو للبيت و احنا وراهم.

سمر: تاليا و زينب كتلن نفسهن بل بجي من صبح لحد الليل ما سكتن لحظة زينب مرتين اغمى عليها شكد قنعناها تكوم ترتاح ماكو ما تجاوب بقينا لليل اني و رقية نخدم الناس و نسوان الي يجن تكسرنا بس من خفت الناس و بقينا بس احنا كعدنا نسكت زينب ماكو محملة نفسها ذنب موتها جنا كاعدين نواسيها دخل عمر و الجهال بعدها شفت الشباب كلهم دخلو و الحزن و التعب مبين على وجوه الكل.
علي: سمر خوية مفتاح غرفة بلا زحمة.
سمر: اي اي هسة، رحت للمطبخ طلعت المفتاح من كاونتر و انطيتة لعلي و صعد هو ورا عمر.
علي: صعدت ورة عمر فتحت الباب غرفة دخل خلة حنين على جرباية نزع شماغ.
عمر: غسان بابا تعال غسل وجهك حبيبي حتى ننام تأخر وقت.
غسان: اريد انام يم اختي فاطمة.
علي: انكسر كلبي على غسان يبجي تقدم عمر حضنة و يمسد على ضهرة.
عمر: راحت حبيبي راحت تنام بمكان احلى عوفها نايمة بابا باجر اخذك تزورها بس هسة لازم تنام لأن إذا ما نمت اختك تزعل علينا تريد تزعل.
غسان: ببجي لا.
عمر: لعد تعال ياروحي نغسل علمود ننام و باجر نكعد من صبح و نروح عليها.
علي: غسان لزم ايد عمر و راحو للحمام ضليت كاعد و اباوع على غرفة ياربي شلون راح يكدر يتخطى شوية و طلع عمر يمسح وجه غسان بل منشفة.
عمر: علي روح ارتاح خوية تعبتك وياية اليوم.
علي: لا حبيبي ماكو تعب اني راح اروح بس انت هم نام و ارتاح موزين تبقة هيج.
عمر: ان شاء الله.
علي: شفتة راح كعد على جرباية و سند ضهرة على تاج ضل يمسد على راس غسان حتى ينام اني هم طفيت اضوية و طلعت من غرفة سديت باب وراي نزلت جوة شفت الكل كاعدين بل صالة اندارو من شافوني نزلت.
يامان: شلون صار؟
علي: منهار بس ما يكدر يسوي شي بسبب جهال.
يامان: الله يساعد كلبة.
علي: امين الله يصبرهم حنين زغيرة ما تفتهم هلكد بس غسان خطية يفتهم.
يامان: سيف ما عرفتو منو ورة هذا شي.
سيف: خوية حسب علمي يمكن لو عمامها لو واحد من اقاربهم لازم اخذ أقوال زينب و الجهال بس هسة مو وقتها خل تمشي يوم يومين و نبلش تحقيق.
سارة: بلكي المجرمين ينهزمون ليش تتأخر.
جواد: صح كلامها.
سيف: مخلي مراقبة على بيت عمامها و على ابوها لا تخافون حاسب حسابي لكل خطوة.
علي: سمر خوية وين زينب؟
سمر: والله يا خوية موتت نفسها بل بجي من صبح كم مرة اغمى عليها نريدها بس توكف بجي ما تسمع منا و هستوها تخربطت اخذتها رقية للحوش تشتم هوا.
علي: اني رايح اشوفها من رخصتكم.
الكل: اخذ راحتك.
علي: طلعت من صالة رحت للحوش شفتها كاعدة على كرسي و رقية كاعدة بل كاع مقابيلها تمسح وجها تريد تسكتها و هي بس دموعها تنزل تقربت و تحمحمت.
-احم زينب حبيبي مو كافي ليش تسوين هيج بنفسج.
رقية: حاول وياها اخوية ترة من بارحة ما حطت شي بحلكها اني رايحة اخذو راحتكم.
علي: مشكور خوية تسلمين، فاتت رقية جوة و اجيت كعدت كدامها و احجي وياها.
-زينبي شو باوعي بعيوني رفعي راسج حبيبي باوعت بعيوني و عيونها صايرات حمر من كثر بجي مورمات، اششش تعاي حبيبتي تعاي كافي لا تنسين انتي حامل هذا قدر ربج و لازم نرضة بي.
زينب: كدامي جروها كدامي و ماكدرت اسوي شي سمعت صريخها سمعت توسلها و المها تصيح عوفوني ما عافوها ليششش هيججج ليششش شنو ذنبهاا علي ليشش سوو هيج بيها ليش والله ما الها ذنب بعمرها ما اذت احد ليش قتلوها بدم بارد شلون اباوع بوجه اخوانهااا كلييي شلون علييي حنين اذا تسألني خالة اريد امي شكللها ماكدرت ادافع على امج و ماتت جاااايي اموووت انييي علييي جاااي اموتتت.
علي: اهدي يا روحي انتي الي صار الله كاتبة لا تحملين نفسج ذنب بعدين اذا فاطمة تشوفج هيج راح تزعل عليج يلا كومي اكلي شي و لازم تنامين انتي حامل موزين تسوين هيج بنفسج لا تعذبين فاطمة بكبرها و هي مرتاحة ترحميلها.
زينب: ماكدر علي والله ما جاي يروح من بالي الي صار.
علي: فقدانها كسرة بكلوب الكل بس لا اعتراض على حكم ربي حبيبي واذا تريدينها ترتاح بكبرها كومي توضي و صلي ادعيلها.
زينب: راح ادعيلها راح ادعيلج فاطمتي يا بعد روحي اختي يا كسرتنا جبيرة.
علي: كوة كومتها جان اكو مغسلة برة غسلت وجها و لميت شعرها عدلت حجابها و دخلنا جوة هي راحت تتوضة واني طلبت من سمر تحميلها الأكل.
سمر: تدلل خوية، يامان خوية ترة حتى تاليا ما ماكلة شي.
تاليا: بصوت مبوح، ماريد اكل.
يامان: مو بكيفج بوية، سمر انتي احمي الأكل و باقي علية.
سمر: اي ان شاء الله رحت طلعت الأكل من ثلاجة و خليتة على طباخ يحمى رحت طلعت خضراوات و سويت عصير برتقال لزينب حتى يقويها هواي تعبت اليوم رجعت للطباخ شفت الأكل كامل طفيت طباخ و صبيت الأكل بل مواعين و رتبتة بل صينية و شلتة رحت للصالة خليتة كدام زينب و بصفها علي.
علي: يلا حبيبتي سمي بسم الله و اكلي حرام عليج الطفل يبس ببطنج من صبح لا أكل و لا شرب.
زينب: ان شاء الله.
سمر: علي صار يوكلها انداريت على تاليا مكرفسة نفسها بزاوية قنفة راسها على حايط تبجي يامان يقنع بيها ماكو.
يامان: تاليا بوية والله حرام الي كاعد تسونة الله اخذ أمانتة و هذا يومها لا تعذبوها بقبرها.
تاليا: بارحة جانت كاعدة كدامي و انصحها والله وجها الحلو ما يروح من بالي تعرف شنو كالتلي يامان تعرف شنو، كالتلي تاليا اني راح ابدي حياتي من جديد وية عمر بس اخاف لا ابوية لو عمامي يخربون علاقتنا اني و عمر خايفة لا يخربون حياتي و هسة شوف راحت و ما تهنت بحياتها ليششش والله حرام.
سمر: على بجيها كلنا نزلت دموعنا ماجنا متوقعين ولا واحد بل مية راح نفقدها تذكرت بارحة قبل ما تروح حضنتنا كلنا.
يامان: كافي يا بوية ادري صعبة على الكل و احنا كلنا مصدومين و حزنانين على فقدانها مو سهل على واحد بينا بس لازم نتقبل الواقع و ربج اختارلها مكان احلى و احسن بهواي ترحمولها بوية انتي كلامي اوجهه للكل ما لازم تضعفون لأن عمر و الجهال يحتاجونة وياهم لا تنسون حتى عمر ما اله احد شوفو وين اهلة وين ابو و عمامة كلهم راحو حالهم حال الناس لازم احنا نكون ويا.
علي: صح كلامك يا خوية لازم نقوة غصب عنا.
يامان: يلا حبيبتي كومي اكلي شي سندي نفسج بي ترة باجر يجون ناس اكثر من يوم شلون تكدرون توكفون على رجليكم كومي يا روحي الله يصبرنا.
سمر: بكلام يامان كامت تاليا نزلت كعدت يم زينب ثنينهن ياكلن و دموعهن ينزل من كملن شلت صينية و غسلت مواعين مر ساعة و شفنا عمر نزل لابس اسود بأسود لاف شماغ على راسة و ضام وجها راد يطلع.
علي: وين ياخوية وين رايح.
عمر: رايح للبيت.
علي: شسوي هناك يا روح اخوك على شنو رايح اني مو كلتلك ناملك ساعة ليش نزلت.
عمر: ماكدر انام اريد اروح للبيت وخر من طريقي ياخوية.
علي: وياك اجي والله ما خليك تروح وحدك.
عمر: تمام.
علي: شفتة هو طلع قبلي و اني اخذت سويج مال سيارة و طلعت ورا صعدنا بل سيارة و مشيت طول طريق ساكت ما يحجي شي لحد ما وصلنا راس شارع نزلت دموعة مشيت و وكفت سيارة كدام الباب جان موجودين حارسين بل باب و كدام الباب حوش محاوط بلاصق تحقيقات نزلنا نريد نفوت الحراس ما قبلو بس من عرفو احنا ضباط من مكافحة انطونة اذن شفت عمر شال اللاصق و دخل للحوش و خطواتة ثقلت من وصل لباب صالة دفع باب بهدوء و شفت رجفة بإيدة فتح باب صالة و دخل و اني امشي ورا من اتقرب لمكان الي انقتل فاطمة بي وكع على ركبة ركضت عليه اسندة بعد ايدي صار يلزم مكانها و الدم الجامد بإيدة الي يرجفن و دموعة تلالي برموشة بمجرد ذكر اسمها طاحن دموعة.
عمر: فاطمتي ياعيون عمر هذا دمج ابوي انتِ دمج يا بنيتي مضلومة ضلموج هواي بنتي ضلموج و ماكدرت اساعدج يا مضلومة يا بنيتي كسرتي ضهري يا بعد بيتي اذوج حبيبي جنتي تتأذين و تصرخين و ما لحكت اساعدج اسف
"يا عيون عمر الي انعمت بفراكج"
علي: كافي ياخوي ليش اجيت حتى تأذي نفسك.
عمر: لعد اذيتها يا علي اذيتها ما سمعت صوتها ما سمعت صريخها و هي تريدني اساعدها ماكدرت اساعدها راحت عيون عمر راحت نظر عيني ولجج ابويةةة شلوونننن اتحملللل فراكج يااا بعددد روحييي كون اني ميت.
علي: كوم كافي كوووم كافي هيج تسوي بنفسك ازعل عليك ولله، شفتة كام و صار يمشي بخطوات ثكيلة و ما متوازنة فتح باب الغرفة و دخل جوة شغل الضوة و هو يباوع لأنحاء الغرفة بعيون كلها كسرة شفتة مشى للميز الي موجود بل غرفة ردت اشوف شنو يسوي شفتة جر جنطة مدرسة جانت بصف الميز و طلعها و كعد بل كاع و خلة الجنطة بحضنة فتحها و كام يطلع بدفاترها و كتبها و اقلامها.
-عمر لا تسوي هيج بنفسك ياخوية كافي تأذي نفسك.
عمر: جان حلمها تكمل دراسة جانت شاطرة بنتي بس ما كملت ليش ياروح عمر ليش مو انتي تحبين تدرسين مو كلتيلي اريد اكمل دراسة و اتعين وين رحتي يا ابوية و امي انتي.
علي: ماكدرت اسوي شي حتى كلام ما يسمع مني ضل كاعد مثل أطفال يفتح بدفاترها و يشوفني.
عمر: شوف خطها شكد حلو دفاترها شكد مرتبة شوف شوف علي بهذا موضوع اني درستها تتذكر من جنت بل دوام و هي بل بيت تتصل علية و اشرحلها بعد المن اشرح يا بنيتي.
علي: كوم عمر خلي نرجع كافي.
عمر: فتحت وحدة من دفاتر الي موجودة قريت اول صفحة جانت كاتبة بي مذكراتها سديتة و اخذتة وياي.
علي: شفتة كام على حيلة و بيدة دفتر فتح كنتور طلع منها شال و شدها على ايدة و شاف تلفونها شالة و كال نروح طلع قبلي و اني امشي ورا خايف عليه لا صار بي شي شفتة صعد سيارة و اني هم صعدت شغلت سيارة و حركتها و اتوجهت للبيت و هو طول طريق يشتم بل شال.
عمر: علي اخذني لكربلاء.
علي: خوية لا تسوي هيج شسوي تروح بهل ليل لكربلاء.
عمر: تاخذني لو اروح وحدي.
علي: ماشي اخذك، ضليت ساكت و غيرت طريقي لكربلاء بل طريق جواد خابرني.
جواد: الو ها علي وين انتو ياخوية تأخرتو.
علي: رايحين للكربلاء.
جواد: ليشش بهل ليل ليش تاخذة يا علي.
علي: والله خوية كال لو تاخذني لو اني اروح وحدي شلون اعوفة وحدة.
جواد: لعد اني جاي وراكم.
علي: لا خوية طريق بعيد و بهل ليل لا تطلع احنا ما ضل شي و نوصل اذا صار اي شي اتصل عليك ولا يهمك.
جواد: تمام حبيبي ديربالكم على نفسكم.
علي: ان شاء الله مع السلامة.
جواد: الله وياك حبيبي.
علي: سديت اتصال و انداريت براسي على عمر شفتة يباوع بل تلفون على صور عفتة براحتة ورة طريق طويل وصلنا للمقبرة صفيت سيارة و نزلنا نمشي قبل ما نوصل يم كبرها اشري لا تجي بس ما سمعت منة اخاف يسوي شي ضليت امشي ورا من وصل لكبرها كعد بل كاعد يمسح على تراب كأن يمسد على شعرها وكفت على صفحة ضليت اراقب تحركاتة و اسمعة شيحجي.
عمر: ها حبيبي بردانة اجيتج اني كلت اكيد تخافين من ضلام ماعوفج وحدج حبيبي نامي اني ابقى يمج بس سوأل عادي اقرة الي كاتبتة بهاي دفتر اخاف ما تحبين ادخل بخصوصياتج خلي اقرا فاطمة اريد اشوف بشنو جنتي تحسين جاوبيني اقرا مو.
علي: عمر الي جاي تسوي حرام ياخوية ليش تعذبها بكبرها خلص راحت و ارتاحت.
عمر: لا لا هسة تجاوبني احجي وياي فاطمة تسمعيني احجيييي ويااااييي ليششش عفتينيييي ليشششش مووو تدريننن يتيمممم مو تدرينننن ما الييي غيرججج.
علي: ماكدرت اتحكم اكثر اذا اسكتلة راح يتخبل شفتة يضرب ايدة بل كاع رحت جريتة رفعتة من كاع و ضربتة راشدي.
-اصحةةةة كافيييي اصحةةة فاطمة ماتتتتتت راااااحتتتت كافيييي تأذي نفسك ياخوي كافي جريتة و حضنتة امسد على شعرة و ضهرة ابجي لأن رفعت ايدي عليه.
عمر: عافتني مكسور ليش عافتني علي والله ماكدر احس بكلبي نار ولك شلون انام و هي مو يمي شلون اكعد صبح و ما شوفها بل مطبخ تحضرلنا ريوك من اطلع منو يهتم بلبسي و تعدل شعري علي اني خلص انتهيت اريد اروح يمها اريد اموت و اروح يمها.
علي: اششش كافي ياروح اخوك وعد مني اخذ حقها من الي سوو هيج بيها و حركولك كلبك الا اخليهم يتندمون بس ياخوية لا تسوي هيج بنفسك لخاطرنا لخاطر فاطمة تعرف هسة شكد زعلانة منك لأن جاي تأذي نفسك خلص ارضة بل كاتبة الله صير قوي لخاطر الجهال الي اعتبروك ابوهم انت عندك مسؤلية عمر فكر بهذا شي الله يصبرك يا روح اخوك اعرف مو سهلة عليك بس هذا يومها و هذا مكتوب الها هسة هي ارتاحت خليها ترتاح انت هم لا تأذيها و تعذبها بتصرفاتك اتقبل موتها اخوي اتقبل لخاطر جهالك لخاطر نفسك لخاطرنا و خاطر فاطمة ترة هي تحس بيك.
عمر: وعدتها اني اكون سند الها و لأخوانها.
علي: لا تخالف الوعد حنين يا عمر حنين زغيرة محتاجتك هواي لأن ماتعرف امها خلص بعد ما ترجع.
عمر: حنين بنتي.
علي: اي بنتك باوع بعيوني و اسمعني كلش زين لازم تسجل جهال بأسمك لأن إذا يبقون على اسم ابوهم راح ياخذهم و يتيهون تسمعني يتيهون و هذا شي الي جانت فاطمة خايفة منة.
عمر: راح اسجلهم بأسمي ماكو مخلوق يكدر ياخذهم مني جهالي هذولة.
علي: اي خوية جهالك بس ماريد يشوفونك ضعيف و بهل حالة اريدك قوي و الله يصبرنا.
عمر: ان شاء الله.
علي: يلا اقرالها فاتحة و ترحملها خلينا نرجع.
عمر: تمام.
علي: شفتة رفع ايدة يقرة فاتحة و عيونة مليانة دموع من كمل حضنتة من كتفة و مشينا للسيارة صعدنا و توجهت لبغداد.
.......
سمر: كلنا ضلينا كاعدين و الحزن مبين بوجوهنا ماكدرنا ننام بليلتها خلصناها صفنات و كل واحد بينا يتذكر نفسة وية فاطمة رفعت راسي شفت ساعة صارت ب ٤ فجر و لحد الأن عمر و علي مارجعو فزيت على صوت حنين تبجي بسرعة كمت من مكاني و جواد ركض قبلي صعدنا فوك للغرفة جواد فتح باب و طب شالها من جرباية جانت تبجي.
جواد: ها حبيبتي ها ليش تبجين.
حنين: بابا اهئ اهئ.
جواد: هسة يجي بابا راح يجيب ريوك بعدين بنات حلوات ما لازم يبجن.
حنين: ماما.
سمر: من كالت ماما جواد حركتة جمدت اندار علية عيونه بيها دموع تقربت و كعدت كدام حنين.
-حبيبتي الأمورة تعرفين تايا و يامان زغير زعلانين منج لأن بارحة ما كعدتي وياهم شنو انتي زعلانة منهم.
حنين: لاء.
سمر: جواد انت مو سمعت تايا تكول حنين زعلانة منا ما تلعب ويانة و ما تنام يمنا.
جواد: اي حتى يامان زغير كال.
حنين: تايا.. يامان.
سمر: اي تحبين اخذج تنامين يمهم لحد ما يرجع بابا.
حنين: اي.
جواد: تعاي ياروحي تعاي فدوة شنو هل جمال شنو هل برائة.
سمر: شالها جواد و نزل و اني غطيت غسان و نزلت ورة جواد شفتها كعدت بحضن جواد و تأشر على حلكها اشش لأن تايا و يامان و حسين و زينة و ايمن نايمين.
جواد: ههه راح اصيح خل يكعدون.
حنين: سس لاء.
جواد: لا الا اصيح.
حنين: لاء ما يتيل(ما يصير).
تاليا: ليش جانت تبجي.
سمر: بهمس كعدت تدور على عمر و فاطمة.
تاليا: نزلت دموعي و اني اباوع على حنين، سودة بوجهي خيتي حنين تسأل عنج.
سمر: خطية بعدها زغيرة.
زينب: لا شبعت من امها ولا من فاطمة.
سارة: حتى ابوهم مابي خير شراح يسوي عمر.
يامان: راح اخلي يسجل الجهال بأسمة.
سيف: مو سهلة اذا ابوهم رفع دعوة لازم جهال يحضرون و همة يختارون وية منو يكونون.
يامان: ههه ولك هذا جلب مال فلوس بس ندفعلة كم فلس يتنازل عن جهالة.
تاليا: حسبي الله ونعم الوكيل.
سمر: جنا نحجي و نتناقش و اندك الباب طلع تميم فتح الباب شوية و دخلو عمر و علي و عمر جان يمشي يريد يروح لغرفتة بس وكف من سمع صوت حنين تصيحلة.
حنين: بابا.
عمر: التفتت شفت حنين بحضن جواد و مبرطمة شفايفها تريد تبجي رحت عليها اخذتها من حضن جواد و حضنتها.
-ها ياروح بابا ليش كعدتي.
سمر: قبل شوية كعدت تبجي تدور عليك نزلتها جوة.
عمر: ليش تبجين حبيبتي اني هنا ماروح.
سمر: شفناها شبكت ركبتة و خلت راسها على ركبتة و هو يبوس بيها و يمسد على شعرها اجة كعد يمنا.
يامان: شلون صرت خوية.
عمر: الحمدالله اسف و اعتذر منكم تعبتكم وياية.
يامان: اول شي عيب عليك هل كلام ثاني شي احنا عائلة وحدة و هذني كلهن خواتك و احنا كلنا اخوانك.
عمار: اني ابوك و عمك ياسر عمك بعمرك و حياتك لا تضن انت وحيد و ما الك عائلة.
أمنة و دعاء و ام سارة: واحنا بمثابة خالاتك بأي شي تحتاجة.
سمر: نزلت دموعة و يامان حضن راسة و باسة.
يامان: دموعك غالية حبيبي ربي يصبرك وعد و أخذها من شوارب اخوانك اذا ما عاقبت كل شخص جان متورط بهل سالفة ازين شاربي بس هسة احنا كعائلتك نريد ننصحك بأن تكون قوي لخاطر هذولة جهال الي صارو جهالك خليك كد مسؤلية.
عمر: ان شاء الله تسلمون و ما تقصرون و على راسي اخليكم انتو اهلي و ناسي و هذا شي فخر الية ما انسة وكفاتكم وياي ابد.
جواد: هذا واجبنا حبيبي.
علي: كوم اكل شي.
عمر: مو هسة ما اشتهي.
يامان: شكلنا.
عمر: والله ياخوي ماكدر.