خاطفي هو منقذي{الجزءالثاني}

البارت ثامن و ثلاثون🦋

هلو قلبوشاتي🦋
خاطفي_هو_منقذي

حلات الباب كون العزاز دكة....
♡♡♡♡♡♡♡♡♡♡♡♡♡♡♡♡

تميم: شسون هنا؟
رقية: اا اجيت اجيب كلاص مي لزينب خطية ماكدرت تكوم لأن بنتها نايمة بحضنها بس شفت خيال شخص يمشي برة رجعت اصيح احد ما لكيت غير بسام جاي نطلع و هسة انت طلعت بوجهنا.
بسام: يمكن الخيال انت و خافت منك.
تميم: لا تخافين حبيبتي تعاي ندخل جوة شحدة الي يطب للبيت.
رقية: اجة حضني من كتوفي يطببني جوة باوعت على بسام عيونه مبين بيهن خذلان من كلامي اني هم درت وجهي و مشيت وية تميم كلت بكلبي، لو يحبني جان افتهم كلامي.
تاليا: شفت رقية اجتي من مطبخ وية تميم بس ما كعدت ويانة بسرعة راحت لفراشها و دارت وجها نامت هنا احنا عرفنا صار شي بينها و بين بسام.
سارة: ليش رجعت زعلانة بس لا من بسام.
سمر: هسة اروح اشوف بسام شنو صار ثواني.
تاليا: سمر عافتنا و كامت و احنا ضلينا نباوع لرقية الي دايرة وجها عنة.
زينب: شكد خطية جانت متحمسة للفلم رجعت زعلانة.
بشرة: الله يهديهم اني ادري بسام شكد يحبها عيونة فاضحتة.

سمر: طلعت للحوش شفت بسام كاعد بمرجوحة الي بالحديقة و يدخن رحت كعدت مسافة عنة و كلت.
-بسام شنو صار بينك و بين رقية؟
بسام: شنو صار ليش هي حجت شي؟
سمر: لا بس جنا مقررين نباوع فلم سوية من حجت وياك رجعت لفراشها دارت وجها عنا شنو صار فهمني شحجيتو.
بسام: سمر هي عبالها اني احبها مثل وسيلة حتى انسة زواجي اول و مرتي اولة عبالها اني استغلها و ماحبها بالله هذا تفكير.
سمر: وانت بدون ما تتفاهم وياها اكيد جرحتها بل كلام.
بسام: والله ماحجيت شي بس كلت اذا هذا تفكيرج بية براحتج اني بعد ما اضوجج.
سمر: عفية كفو منك خوية هاي ماحاجي شي و هيج جارح بنية لعد اذا تحجي شسوي.
بسام: هسة شحجيت يا ربي.
سمر: كلامك مثل واحد يكول شوفي حياتج مافيدج اني بس يا بسام انت خسران لأن ما حاولت تتفهمها.
بسام: هو اني بكل شي خسران.
سمر: راح اعوفك براحتك تفكر بس تأكد إذا رقية شالتك من بالها من سابع مستحيلات ترجع تحبك لأن اني معاشرتها و اعرف اسلوبها و تصرفاتها.
بسام: اوووف اوووف.
سمر: فكر فكرررر لا تتأفأف هو هذا حب صعب عيني صعب، عفتة و اني اضحك هو شايط من عصبية طبيت جوة سديت باب مطبخ رجعت يم بنات شفتهن كاعدات رحت كعدت يمهن.
زينب: ها ولج شكو.
سارة: غردي بسرعة الف فكرة اجت براسنا.
سمر: مشكلة بسيطة بينهم رقية كايلتلة اخاف انت تحاول تتزوجني مثل وسيلة علمود تنسة زواجك الأول و بسام ما مفتهمها ولا منطيها مجال لهذا صايرة زعلة بينهم بس ادعو يحلوها قبل لا يروحون بيت تميم باجر.
البنات: ان شاء الله الله يصلح بينهم.
بشرة: يلا لعد نامو مادام ماكو فلم تأخر وقت باجر شيكعدنا.
سمر: يلا نامن تصبحن على خير.
البنات: وانتي من اهل خير.
تاليا: نامن البنات اني ضليت كاعدة ما يجيني نوم دخلت للإنستا اباوع ريلزات عجبني وحدة من ريلزات دزيتة ليامان ما عبالي كاعد كل ضني نايم بسرعة رد علية.
يامان: ليش ما نايمة؟
تاليا: ما يجيني نوم مكاني متغير.
يامان: تعبانة شي اجيبلج شي؟
تاليا: لا حبيبي ما محتاجة شي.
يامان: تحبين نطلع شوية للحديقة.
تاليا: لا بسام هناك.
يامان: لا قبل شوية طب جوة.
تاليا: ماشي اجيب شالي و اجي من باب مطبخ.
يامان: منتظرج حبيبي.
تاليا: عفت موبايل و كمت جريت شال خليتة على راسي اخذت جرجف ملفلفة نفسي بي لأن احنا بالربيع شهر اول بس الدنيا مرة باردة و مرة حارة شلت موبايلي بيدي و طلعت من باب مطبخ على كيفي سديت باب وراية التفتت شفت يامان واكف بل حديقة ينتظرني ماعرف شلون و ليش بس مشيت سريع حضنتة.
يامان: انتي بخير حبيبتي صاير شي مضوجج شي.
تاليا: تؤ بس عاجبني احضنك.
يامان: هههه ماشي بوية اخذي راحتج.
تاليا: ماعرف شكد مر وقت ضليت هيجي بس حاضنتة و هو يمسد على راسي وخرت شوي من حضنة رفعت راسي اباوعلة هو هم صافن.
-ياماني.
يامان: لجمة گلبة ليامانج ها بوية.
تاليا: هيج عاجبني شي حامض مثل تمر هندي اخلي شوية ملح فوكة او ليمون و ارش عليه ملح و سماق.
يامان: هههه بهل ليل بوية ساعة ب ٣ و نص.
تاليا: اروح اشوف اكو ليمون بل ثلاجة.
يامان: ولج تعاي تاليا ههههه راحت تمشي سريع و عافتني كعدت بل مرجوحة انتظرها ورة شوية اجتي تسحل الجرجف وراها و بيدها ماعون ضليت اضحك هههههه.
تاليا: ها شبيك.
يامان: جنج الأقزام سبعة.
تاليا: يامااان هاي علية.
يامان: هههه ولج اشش هسة تكعدين جواد و ياويلج من لسانة.
تاليا: شو سويلي مكان يلا.
يامان: تعاي ياروحة ليامان كعدي بكلبي مو بصفي.
تاليا: اووي فدوة بس خلي اكل اتغزل بيك.
يامان: هههه عوافي.
تاليا: كعدت بصفة عدلت جرجف و خليت ماعون بحضني جنت مقطعة ليمون و مغطيتة بملح و سماق و لامندوزي اخذت اول قطعة اكلتها جانت فد مرة حامضة باوعت ليامان كاش وجها كأن هو ماكلة.
يامان: شلون تاكلينة يا بوية.
تاليا: طيب طيب.
يامان: شفتها تمطت بلسانها و تكول طيب ضليت صافن عليها هي تاكل.
تاليا: ادري بيك حبيبي ادري هسة صافن و جاي تفكر شورطني بهيج مخبلة.
يامان: ههههه لا والله.
تاليا: يعني تحبني.
يامان: هايم بيج بوية.
تاليا: فديتك مح.
يامان: كون بوسة بمكانها صح مو بل هوا.
تاليا: زوجي المنحرف.
يامان: ههههه ولج منين تجيبين هل افكار و الكلام.
تاليا: عفت ماعون بل كاع و تقربت كعدت مقابيلة.
-اذا تحبني من صدك هسة تكوم تاخذني فرة اريد اشوف شمس تشرق.
يامان: لا تخيريني ابد بس اطلبي واني انفذ كومي بدلي بين ما اجيب سويج و اشغل سيارة.
تاليا: كول والله نروح.
يامان: والله طلباتج أوامر بوية.
تاليا: نروح لنهر دجلة على جسر اريد اشوف نوارس.
يامان: تدللين.
تاليا: بستة من خدة كمت بسرعة شلت ماعون ركضت جوة سمعتة وراية يكول على كيفج طبيت جوة ذبيت ماعون على سنك و رحت طلعت ملابسي صعدت فوك بدلت و ضبيت الحجاب خليت مرطب و كلوس و نزلت على كيفي موبايلي بيدي رحت من باب مطبخ سديت باب وراية كعدت بل حوش البس الحذاء رياضي بس بسبب بطني ماكدر أربطة شفت يامان واكف على راسي انحنة و كام يربطلي الحذاء من كمل باس راسي و لزم ايدي.
يامان: يلا سنفورتي.
تاليا: يااامان.
يامان: ههههه يلا اسف اسف امشي ترة ماراح تلحكين لشروق شمس.
تاليا: صرت امشي و اجرجر بي يستعجل هو بس يضحك طلعنا من بيت و سدينا الباب و صعدنا سيارة و يامان مشة طلعت موبايلي شكلتة وية مسجل سيارة و شغلت اغنية و صرت اردد وراها و أأشر على يامان.