خاطفي هو منقذي{الجزءالثاني}

البارت ثالث و عشرون🦋

هلو قلبوشاتي🦋
خاطفي_هو_منقذي

التَعَبْ ما لكَة غيْر عيُونّي دِيرَةَ.
♡♡♡♡♡♡♡♡♡♡♡♡♡

تاليا: رجعنا للبيت بعد كل هاي صدمات الي شفتها اليوم دخلت للبيت امشي مثل جثة يامان شايل تايا نايمة بحضنة كوة كدر يسكتها شغلت اضوية رحت للمطبخ فتحت ثلاجة طلعت بطل مي شربت منة شوية ضليت صافنة و اتذكر شنو الي صار ويانة يمتة نرتاح يمتة نعيش حياتنا بهدوء نزلت دمعتي من تذكرت بنتي تشهك من خوف شفت يامان اجة كعد كدامي على ركبة صار يمسح دموعي.
يامان: اسف على هل خوف الي كاعد اعيشكم بي انتي و تايا هذا كلة بسببي لهذا كلت لازم تروحون لسليمانية.
تاليا: وانت يامان وانت اذا يصيرلك شي شسوي شنو اجاوب بنتنا شكوللها فهمني كولي منو هذولة شيريدون منك فدوة تعبت والله تعبت مابية بعد اعيش هذا شي.
يامان: الرجال الي حجيتلج عنة تاجر مخدرات حجي عبدالقادر.
تاليا: اي.
يامان: طلع عمي و اسد ابن عمي.
تاليا: شنووو!؟؟
يامان: اي عرفت هذا شي من اول ما هجمو و كسرو سيارة شكيت بأسم جدي و جد اسد بعدها شفت ملف عبدالقادر اسم ابو نفس اسم جدي جذبت عيوني بس من حققت و شفت بيان ولادة و الجناسي عرفت اسد و نمر أبناء عمي و عبدالقادر و سليمان عمي.
تاليا: زين يامان اذا عمك و ابن عمك ليش يعادوك ليش يأذوك.
يامان: حبيبي همة يريدوني اشتغل لصالحهم يعني اكون بل حكومة اخون شغلي و امشي شغلهم بسكتة.
تاليا: ضليت مصدومة بكل كلمة ينطقها، يامان شنو راح تسوي.
يامان: راح استمر بشغلي و بأول فرصة تجيني القي قبض عليهم واذا يمسوكم ولو بشعرة انتي و تايا يشوفون شيطان الي بداخلي.
تاليا: يامان خايفة عليك خايفة يأذوك فدوة هذولة ما يخافون الله.
يامان: حبيبتي مادام الله وياي و اني ما خاين وطني اكيد راح اتوفق بس تاليا فدوة بوية افهميني انتي و تايا لازم تبعدون عن عيونهم.
تاليا: يامان اطلب روحي ماكول لا بس لا تطلب اروح و اعوفك وحدك.
يامان: اوف من عنادج اوففف.
تاليا: لزمت وجهه بثنين ايدية باوع بعيوني كلتلة.
-سوية حبيبي سوية نتخطى هذا شي وعد ما اطلع ولا اسوي شي بدون اذنك و من تطلع باب ينقفل، خليت جبيني على جبينا غمضت عيوني و تقربت بست طرف شفتة و ابتعدت.
يامان: احبج لجمة گلبي.
تاليا: احبك ياماني.
فزينا من مكانا على صوت بجي و صريخ تايا ركضنا صعدنا لغرفتها فتحت باب من شافتني فتحت ايدها.
تايا: مامي اهئ اهئ.
تاليا: ياروح امج ياروحها كافي حبيبتي ليش تبجين.
تايا: ثوت تا تا(صوت طا طا المسدس).
تاليا: راح مامي راح.
يامان: باباتي جنا نلعب و بابا فاز اشو ما كلتي مبروك شلون تبجين لازم تضحكين.
تايا: لئبة(لعبة).
يامان: اي لعبة اجة شرير راد ياخذ امج و اني استخطيتها و رحت دش و دش ضربتهم كلهم صارو يبجون يكولون اسفين مثل الفلم الي شفنا.
تاليا: شفتها سكتت و اندمجت وية كلام يامان و شوية شوية يامان صار يضحكها و يطمنها بليلتها ماكدرت تنام وحدها كل ما تنام تفز اخذتها يمنا بل غرفة بدلت و نيمتها يامان بس يباوعلنا شفت بعيونة ندم و حزن كل ما يشوف تايا تفز ردت اغير تفكيرة و ما يحمل نفسة ذنب الي صار ويانة كلتلة.
-يلا ابني يلا اضل انيم بيكم شكو كاعد تأخر وقت.
يامان: قصدج علية ابنج.
تاليا: اي ابني.
يامان: هههه لعد نيميني مثل ما تنيمين بنتج.
تاليا: لا اليوم تايا بحضني.
يامان: ما تمشي هل سوالف عندي شوي سويلي مجال يلا.
تاليا: شفتة اجة على جهتي جر لحاف سويتلة مكان حضني و خلة راسة على صدري.
يامان: خوش أم حلوة والله عادي ابوسج ماما.
تاليا: لا نام يلا.
يامان: مح صار.
تاليا: ابني مسربت سربوتي صاير.
يامان: مابية اكوم بوية والا اعاقبج على هل اغلاط.
تاليا: يامان ليش حبيتني؟
يامان: شعرفني والله جنت مخبل.
تاليا: شنو قصدك يعني ندمان.
يامان: هههه نامي بوية نامي.
تاليا: جاوبني.
يامان: اتندم على كلشي سويتة بحياتي بس ما اتندم لأن حبيتج.
تاليا: عبالي والله جان دفعتك من جرباية و اخليك تتكسر.
يامان: هههه اشو دتعاي.
تاليا: صار يبوسني و يدغدغني.
-يامان راح تكعد تاياا ولك كافي توبة والله توبة ههههه.
يامان: عفية يلا نامي باجر عندي شغل و اجتماع جاية ظابطة جديدة ويانة لازم نستقبلها.
تاليا: يعني بنية؟
يامان: امم.
تاليا: حلوة؟
يامان: باجر اشوفها و اكولج.
تاليا: ياااماننن.
يامان: هههه شتريدين اغمض عيوني.
تاليا: وخر والله زعلت.
يامان: ههههه ولج كافي خل ننام والله باجر ما اكعد.
تاليا: نام نام اني اعرف اتصرف حسيتة يضحك وراهة ثكلت انفاسة عرفت نام واني ضليت افكر هاي الي تجيهم حلوة لو لا من تعبت من تفكير حضنتة و نمت.
.........
عمر: رجعنا للبيت الجهال تعبانين شفت فاطمة اخذتهم للحمام و هي راحت للغرفة حتى تبدل اني فتحت لابتوب ضليت اشتغل على معلومات الي سارة طلبتهن مني حتى ما بدلت ماعرف شكد بقيت اشتغل و ليا وقت بس شفت ايد انمدت كدامي بيها فنجان كهوة رفعت راسي شفتها فاطمة واكفة كدامي.
-حبيبي ليش تعبتي نفسج.
فاطمة: شفتك هواي مشغول و صارلك فترة على نفس كعدة كلت خلي اسويلك كهوة تصحصح بيها.
عمر: ابوس ايدج اني تعاي كعدي بصفي يا عيون عمر.
فاطمة: ما تبدل ملابسك.
عمر: بس اكمل هذا شغل لأن مهم الجهال نامو.
فاطمة: من زمان سبحتهم و نامو.
عمر: ليش بيش ساعة.
فاطمة: ١ و نص.
عمر: اووو لعد شكد صارلي اشتغل مادري بروحي.
فاطمة: اي.
عمر: هسة بس اكمل ابدل و ننام.
فاطمة: تمام.
عمر: رجعت اشتغل و هي بصفي تباوع كلشي ما مفتهمة ورة ساعة شفتها غافية على رجلي و ماخذة وضعية الجنين كمت سديت لابتوب وخرت راسها بهدوء بس فزت.
-اسم الله حبيبي اسم الله.
فاطمة: اسفة غفيت احضرلك حمام و ملابس.
عمر: لا ياروحي كومي نامي بل فراش هسة اغسل و اجي انام.
فاطمة: تمام تصبح على خير.
عمر: شفتها راحت نامت بل كاع نفس مكانة و اني رحت للحمام غسلت و طلعت تراك شتوي لبستة و اخذت بطانية زايدة وياي رحت غطيتها و نمت بصفها حست من قربتها مني بست راسها و كلت.
-تعبانة يا عيون عمر.
-اممم.
-نامي و ارتاحي يا راحتي انتي.
-عمر.
-عيونة لعمر.
-ولو راح اتعبك و انت مشغول بس عادي اطلب طلب.
-أأمريني حبيبي.
-اريد باجر نروح لمدرستي راحت علية هواي دروس و يمكن يفصلوني لأن غايبة اكثر من شهر.
عمر: صار من عيوني بس اروح اسلم ملفات لعلي و سارة اخذ اذن و اطلع من شغل جهزي نفسج نروح.
فاطمة: شكرا حبيبي.
عمر: شنوو؟؟
فاطمة: ها لا هيج.
عمر: عيديها بداعتي.
فاطمة: عمر.
عمر: عيونة لعمر بس مرة.
فاطمة: احم حبيبي.
عمر: اروحلج فدوة ياروح حبيبج بستها بخدها شفتها خجلت تقربت اكثر بست طرف شفتها حسيت شفتها رجفت و غمضت عيونها لزمت بلوز تراكي عرفتها ما مستعدة لهل خطوة حضنتها و صرت امسد على شعرها لحد ما ثكلت أنفاسها عرفتها نامت غطيتها حتى لا تبرد و نمت على ريحة عطرها الي مثل أطفال.
.......