خاطفي هو منقذي{الجزءالثاني}

البارت ثاني و ثلاثون🦋

هلو قلبوشاتي🦋
خاطفي_هو_منقذي

المايريدك غيم لا تمطر عليه..
♡♡♡♡♡♡♡♡♡♡♡♡♡

بسام: جنت طالع برة علمود اجيب باكيت جكاير و جداحتي من سيارة عجبني اكعد و ادخن بل سيارة شوية و حسيت نفس بنية طلعت بيدها صوندة و ترش باب و رافعة دشداشتها اجة ولد من يم بابهم ماعرف شنو حجة و هي رشتة مي و كامت تغلط عليه.
رقية: ادبسز ما تستحي ماعندك خوات.
-ولج خرب انعل ابو الي يتغزل بيج.
بسام: نزلت من سيارة رحت رزلت الولد راح و رجعت انظاري على هاي.
-ليش طالعة بهل ضهرية.
رقية: عفواً ترة بيتي و اطلع شوكت ما اريد بعدين عندك عيون جاي تشوف اغسل باب حوش.
بسام: الي تغسل ما ترفع دشداشتها و تخلي الي رايح و الجاي يصجموها
رقية: دنيا باردة كلت لا اتنكع رفعت دشداشتي مو بقصد ثاني و انت عدل ألفاظك احسلك.
بسام: امشي طبي جوة لا اعلمج تعديل ألفاظ على اصول.
رقية: والله على عنادك ما اطب لا نوب يهدد عبالة اخاف.
بسام: اخر مرة اعيد امشي دخلي جوة ساكت لخاطر تميم.
رقية: واني محترمتك و ما ماسحة بيك كاع لأن خطار و الا جنت اعرف شلون اتعامل وية امثالك واحد مغرور.
بسام: اشو انتي طولتي لسان شو انطيني هاي صوندة، جريت منها الصوندة و بدون قصد اتنكعت.
رقية: عزاا عزااا عزااا شاا باردة ولك شسويييتتت.
بسام: صوتج لا اخلي صوندة على راسج.
رقية: اشووو دجيب انت يمكن مادريت وية منو اندكيت.
بسام: ما حسيت غير جرت الصوندة من ايدي كل قوتها و كامت ترش علية و اني منا موبايلي منا محفظتي.
-ولججج كافييي بل قرآن لو الزمج الا اكسرج.
رقية: تكسر منو هاا ما مؤدب لا نوب يهدد.
سمر: طلعنا برة شفناهم يتعاركون باب حوش و رقية ترش بل صوندة على بسام.
سارة: يااا ليش نسيت تلفوني جوة جان صورتهم.
سمر: مو وقتها ولج اسكتي.
تميم: رقيةةةة.
سمر: شفنة رقية على صوت تميم اندارت و نزلت صوندة.
تميم: امشي كداميييي جوووةة حسابج بعدين.
رقية: ما دامك تحاسبني عوفني خلي ابرد كلبي.
سمر: رجعت ترش على بسام و هذاك بس يصيح.
بسام: وحق من داحي باب اذا ماربيج من جديد ما يكون اسمي بسام.
رقية: عذة عوووع عوووعع حتى اسمك موحلو.
تميم: ولججج كافييي ويامن احجييي رقيةةة.
رقية: اشووو بس تصيح علية جااا ما تصيح على هذا.
تميم: كداميي امشي.
سمر: ما طبت جوة ابد الا من تميم راح عليها جر صوندة ذبها بل كاع و شالها على كتفة و هي بعدها تهدد ببسام بيدها.
رقية: نزلنييي تميم نزلنييي يكول علية ما مرباية ولك اليوم موتك على ايدي.
جواد: ولك بسام شمصخم يول.
بسام: ساعة سودة الي اجيت وياكم.
ام تميم: تعال طب ابني امسحها بوجهي فدوة.
سمر: كوة قنعتة خالة ام تميم حتى فات للبيت و ملابسة و اغراضة كلها مي مادري اضحك مادري انصدم ولا توقعت رقية هيج شرسة و عصبية.
جواد: نكول نعيماً اخوي شلون جان الحمام.
بسام: جواد اسكت عني احسلك.
سمر: الكل لازم ضحكتة كوة نخاف نضحك و منا هاي سارة تضحكنا.
سارة: خوش موعد رومانسي.
تاليا: ولج انلصمي يمعودة لخاطر محمد اخاف اضحك و انلكف.
بشرة: ياا شمسوية بل ولد خطية.
ام تميم: هاك يمة هاي ملابس تميم روح بدل بل غرفة لا تتمرض اعذرنا يا ابني بس رقيتنا شوية عصبية.
جواد: اي صح شوية.
بسام: لا تعتذرين خالة مو انتي لازم تعتذرين.
سمر: راح بسام يبدل ملابسة ورة شوية دخل تميم و يجر رقية ورا.
تميم: تعاي لا والله اشوفج وجهي ثاني.
رقية: ما اجي طول ما هذا مغرور هنا.
سمر: تعاي حبيبتي ما موجود تعاي.
تميم: امشي ادخلي فضحتينا.
سمر: دخلت رقية ولا كأن مسوية شي.
رقية: يا اهلا وسهلا بيكم والله منورينا اليوم.
جواد: نور نورج يابة.
سمر: ضلت كاعدة بس تبتسم و راحت ابتسامة من دخل بسام رادت تكوم تطلع.
تميم: ما تطلعين اذا ما اعتذرتي.
رقية: قصدك هو يعتذر.
تميم: رقيةةةة.
رقية: والله يا خوية اني ما متعلمة اسكت عن حقي اعذرني.
جواد: تعالي خوية احجيلنا شنو صار.
بسام: عوفها خلي تولي.
رقية: تميم.
تميم: خوية ماقبل عليها اكعدو خل نفهم شكو على شنو هل صياح الي صار.
بسام: والله خوية ماكو شي هي كبرتها جنت كاعد بل سيارة ادخن شفتها تغسل باب حوش اجة ولد صجمها و اني كلتلها طبي جوة اشو هاي تخبلت.
رقية: يااا يااا يااا شوفو شلون يجذب.
بسام: احترمي نفسج منو يجذب.
رقية: والله ياخوية مو هيجي صار جنت اغسل باب حوش اجة حيوان ذب حجي و ركعتة على حلكة نوب هذا الي كدامك نزل اجة كلي طبي جوة شسوين كلت بيتي و جاي انظف تدري شنو كلي كلي الي تنظف ما ترفع دشداشتها الي جاي يصجمها والله يا خوية جنت لابسة جواريب بس شفافات بعدين كلتلة انتبه لأفاضك كام يهدد يكول طبي جوة لا اعلمج تعديل ألفاظ جر صوندة و اتنكعت و بعدها اني جريت صوندة منة رديتلياها انت مو علمتني الي غلطت بحقج رديليا اني هم رديتة.
جواد: تميم انت متأكد هاي اختك صاحية.
رقية: شوف ترة اني من اول ما اجيتنا حبيتك مثل اخوية تميم لا تخلينا نتخارب هاا.
يامان: ههه لا اعصابج خوية.
تميم: ترة من كلج طبي لمصلحتج مو قصدة يتأمر حسبج مثل عرضة و كلج هيج.
بسام: الله وكيلكم ماجان عندي غير قصد.
تميم: اعرف حبيبي و حق علية هسة تعتذر منك.
رقية: هلو هلو منو يعتذر والله هو الي لازم يعتذر.
سارة: بنت قوية و شرسة و شخصيتها تخبل حبيتها مال نسوي بشار و نكعد نتابعهم.
تاليا: انجبي.
تميم: رقية شكلت اني.
رقية: اني اسفة و اعتذر.
سمر: شفناها نزلت راسها و اعتذرت و من كملت كلام بسرعة طلعت من استقبال عرفناها ضل بخاطرها لأن تميم عصب عليها كدامنا.
سيف: خوية تميم ليش صيحت عليها ترة سالفة ما تسوة.
تميم: من تغلط لازم اوعيها ولا يهمكم مهم اني اعتذر منكم على الي صار.
بسام: لا يابة شسالفة طفلة بعدها عقلها زغير.
جواد: تميم انت من يمتى صاير هيج رسمي و تعتذر.
تميم: ههههه يا عار اعتذر من كل الا منك.
سمر: ضلينا للعصر كاعدين الشباب يلعبون و احنا بنات نسولف وية ام تميم سوالفها تخبل و رقية من طلعت بعد ما اجت تكعد ويانة ابد ام تميم و تميم شكد حاولو نبات يمهم بس احنا ما قبلنا ورة صلاة العصر لملمنا اغراضنا و قررنا نرجع لبغداد.
تميم: خوية والله هذا ما تنحسب جية.
جواد: ان شاء الله غير مرة حبيبي والله تعرف كلنا مشغولين و باجر ورانة شغل.
يامان: بيت العامر ان شاء الله.
تميم: كلل هلا بيكم.
سمر: هواي حبينا احنا بنات قبل ما نطلع نسلم على رقية بس ما طلعت احنا سلمنا على ام تميم و طلعنا.
تاليا: مع سلامة خالة اعذرينا تعبناج اليوم.
ام تميم: لا يمة شنو هل حجي البيت بيتكم انتو اعذرونا من القصور.
بشرة: ما قصرتي يا غالية دير بالج على نفسج و سلميلنا على رقية كوليلها لا تزعل.
ام تميم: لا ما تزعل ياروحي ربي يحفظكم و توصلون بل سلامة.
البنات و الشباب: مع سلامة.
تميم و ام تميم: الله وياكم ديربالكم من طريق.
تاليا: طلعنا من بيت ام تميم راجعين لبغداد بس قبل ما نرجع قررنا نروح لكورنيش هواي جنت سامعة بي أخذنا سيف من وصلنا صارت دنيا مغرب نزلنا كل واحد بينا يتصور وية بعض واني وكفت يم يامان و شلت تايا اخذت كم صورة المنظر جان يجنن كل ما جنت اباوع للمنظر و للناس اكول ياريت لو الشعب يعيش براحة جان هسة العراق أجمل اكثر و اكثر غمضت عيوني اتأمل المنظر و اشتم ريحة المطر حسيت بإيد حاوطتني من كتفي فتحت عيوني انداريت شفتة يامان.
يامان: لا تبردين بوية.
تاليا: الجو حلو عجبتني بصرة.
يامان: خل اصير زين اجيبج مرة ثانية.
تاليا: ياماني.
يامان: يا لجمة گلبة ليامانج.
تاليا: بردت ههه احضني.
يامان: هههه اكلج تبردين تكولين لا جو حلو تعاي ياروحي تعاي لا تتمرضين نوب تعال يا يامان حير بيها.
تاليا: ليش تحسسني ثكيلة عليك.
يامان: مو ثكيلة علية بس انتي من تتمرضين تاخذين وقت لحتى تتحسنين مناعتج ضعيفة.
تاليا: اممم.
يامان: يلا كافي امشي نصعد سيارة ة اصيح لهل هتلية علمود نرجع تأخر وقت.
تاليا: تمام.
يامان: سيففف جواددد الباقيين يلا يابة كافيي تأخرنا امشو.
تاليا: شوية و اتجمعو الكل صعدو سيف و بشرة و الباقين رجعو لسياراتهم و توجهنا نرجع لبغداد من كثر تعب نمت طول طريق و ماحسيت على نفسي لحد ما بشرة كعدتني.
بشرة: تالو حبيبتي كومي وصلنا للبيت.
تاليا: فتحت تك عين باوعت لبيتنا و فركت عيوني و من صحصحت نزلت من سيارة شفت سيف ساند يامان يريد يدخلة جوة و يامان يكول أكدر امشي.
سيف: خوية تاليا احنا راجعين لبيتنا بس اي شي تحتاجونة اتصال و اني يمكم.
تاليا: مشكور خوية ما تقصر شي اكيد اذا احتاجيت شي اكللكم ان شاء الله.
بشرة: ديربالك على نفسك خوية ماريد اشوفك مقهور حبيبي ان شاء الله تهون و اني وياك الله يصبرنا و نتخطى هذا شي.
يامان: ان شاء الله ما يهمني غير راحتج و سعادتج ماريد اشوف دموعج ترة ازعل عليج.
بشرة: لا ابد.
يامان: وعد.
بشرة: وعد.
تاليا: شفت يامان حضن بشرة و باس راسها سلمو علينا و طلعو سديت باب حوش و طبينا جوة.
-حبيبي وين تايا؟
يامان: جانت نايمة سيف فوتها و صعدها لغرفتها.
تاليا: ها تمام لعد اني رايحة ابدل و نازلة اسويلك عشة.
يامان: مو جوعان حبيبي.
تاليا: مو بكيفك عندك علاج لازم تاخذة هسة راجعة ما اتأخر.
يامان: ههههه تمام.
تاليا: شمرتلة بوسة بل هوا و صعدت فوك غيرت ملابسي لتراك بيت و شلت شعري كباية و رفعتة غسلت وجهي و نزلت رحت للمطبخ طلعت لحم مثروم وية معكرونة طبختهن طلعت من مطبخ اصيح يامان شفتة نايم على قنفة رحت كعدت بل كاع يمة لزمت خدة.
-ياماني .. يامان.. حبيبي كوم اكل شي وراك علاج.
يامان: بعدين نعسان.
تاليا: ما يصير ياروحي يلا كوم راح اجيب الأكل هنا.
يامان: تمام.
تاليا: اروح اجيب اكل و ارجع اذا شفتك ما كاعد ازعل.
يامان: شكد تحبين تتزعلين.
تاليا: ههههه كوم يلا، شفتة هو كام و اني رحت جبت صينية الأكل و خليتها كدامة.
-يلا ابني يلا مو تعبتني.
يامان: ها هيج صارت.
تاليا: ههه اي شلون ولد شالع كلبي.
يامان: يلا لعد وكليني.
تاليا: صاير هواي تدلل حب قلبي.
يامان: مو تدرين اني مريض.
تاليا: اووي فدوة مريض اخ من سوالفك يلا تعال اوكلك.
يامان: اي يلا ماما هههههه.
تاليا: صرت اوكل بي و هو كأن يستلذ من ياكل.
-ها طيب.
يامان: يخبل عاشت ايدج بوية.
تاليا: عوافي حبيبي هاي وصفة تعلمتها جديد من سمر.
يامان: اي عيني صايرة ام بيت و وصفات و كذا.
تاليا: لا تفرح هواي بس تصير زين انت ترجع تطبخ.
يامان: ههههه تذكريني بأيام خطفج من اطبخ.
تاليا: عاجبني ترجع تخطفني.
يامان: خل اصير زين اذا ما خطفتج لا تسميني يامان.
تاليا: هههههه متفقين.
يامان: فدوة لضحكتج يا لجمتي.
تاليا: طول ما جنت اوكلة صافن علية لو يتغزل من كمل اكلة شلت صينية و جبتلة علاجة شربة و باس ايدي.
يامان: هل ايام متعبج وياي.
تاليا: تعبك راحة حبيبي يلا كوم نصعد ننام تأخر وقت.
يامان: تمام حبيبي تعاي عوفي مواعين باجر غسليهن.
تاليا: ردت احجي ما خلاني جر ايدي يمشي قبلي صعدنا لغرفتنا سد باب شفتة راح للجرباية تمدد و فتح ايدة.
يامان: تعاي ياروحي.
تاليا: رحت نمت بحضنة بس انتبهت لا أأذي ايدة خليت راسي يم ركبتة و حضني.
يامان: اي تحرش تدفعين ثمنة.
تاليا: هههه لا لا انام تعبانة.
يامان: هههه نامي ياروحي انتي.
تاليا: غمضت عيوني و غفيت على ريحت عطرة.
.........
عمر: جنا بعدنا بل طريق ما واصلين لبغداد شفت جهال و حتى فاطمة نايمين من كثر تعب طريق ما ضوجتهم من وصلنا لبغداد همة على نومتهم ورة مسافة طريق وصلت للبيت سفيط السيارة و نزلت على كيفي فتحت باب البيت فتحت باب الورة شلت حنين نزلتها و بعدها رجعت شلت غسان وصلتهم للغرفة و رجعت للسيارة فتحت باب من يم فاطمة و خليت ايدي جوة خصرها و ايدي ثانية جوة رجليها شلتها و نزلتها من سيارة سديت باب سيارة برجلي و مشيت اطب جوة من سديت باب حوش برجلي فتحت عيونها.
فاطمة: عمر بنعاس.
عمر: عيون عمر حبيبي عيونة، فوتتها للإستقبال خليتها على قنفة و رحت للغرفة طلعت فراش و طلعت سديت باب وراية بهدوء لأن جهال نايمين رحت للإستقبال فرشت بل كاع و هي بعدها تفرك عيونها.
فاطمة: ليش ما كعدتني.
عمر: عرفتج تعبانة ما حبيت اكعدج حبيبي.
فاطمة: خل اكوم اسويلك عشة.
عمر: لا لا رجعي نامي بس ابدل اجي انام تعبان مالي خلك اكل.
فاطمة: تمام.
عمر: طلعت من استقبال رحت للغرفة طلعت ملابس بدلت و رحت للحمام غسلت وجهي و شعري اخذت منشفة انشف شعري كل ضني فاطمة رايحة تبدل بس من رجعت للأستقبال شفتها نايمة هي و ملابسها و حجابها سديت باب استقبال و رحت عليها تقربت عليها فتحت دنبوس و نزعتها الحجاب جانت لابسة جبة فتحت سحاب جبة و نزعتها هي تحركت.
فاطمة: عمر اريد انام.
عمر: اي حبيبي بس نزعي جبتج شو شوية اها اه يلا رجعي نامي ياروحي سودة علية هلكد تعبانة، فتحت شعرها و شلتها نيمتها على صدري صار راسها يم ركبتي و تتنفس و أنفاسها حارة تضرب بركبتي بست راسها و امسد على ضهرها لحد ما غفيت وياها و ما كعدت لحد ثاني يوم هي مو بحضني كمت بسرعة طلعت من استقبال للمطبخ شفتها جاي تسوي ريوك.
فاطمة: صباح الخير حبيبي.
عمر: استغربت، صباح نور ياروحي.
فاطمة: روح غسل و تعال الريوك جاهز هسة اروح اصيح جهال هم.
عمر: تمام حبيبتي، رحت غسلت وجهي و زينت لحيتي شفت حنين تباوعلي.
حنين: بابا ئلو(بابا حلو).
عمر: مسحت وجهي و شلتها، يا روح ابوج الجمال يمج و نكطع شو انطيني بوستي الصباحية
مممح يا بعد بيتي.
حنين: لوب يو(لوف يو).
عمر: لا هنا نريد امج علمود تترجملنا هههه امشي نروح نتريك، رحت للمطبخ شفت غسان و فاطمة كاعدين ينتظروني.
غسان: صباح الخير بابا.
عمر: صباح نور حبيبي، يلا بلشو اكل لا تتأخرون للمدرسة، شفتهم اتريكو و كامت فاطمة كلتلها
-وين حبيبي.
فاطمة: اروح ابدل للمدرسة.
عمر: لا حبيبتي اليوم نروح نختار أغراض للبيت لازم نكمل من وقت ماضل شي لعرسنا.
فاطمة: عمر وين نلحك بأسبوعين.
عمر: نلحك حبيبي بس روحي بدلي علمود نطلع.
فاطمة: تمام.
عمر: راحت تبدل و اني اتصلت على علي.
-الو صباح خير خوية.
علي: هلا عمروشي صباح نور شلونك.
عمر: الحمدالله بخير شلونها اختي زينب.
علي: بخير بس شالعة كلبي ههههه.
زينب: هاي علية اني اعلمك علي.
عمر: هههه زينب خوية لا ترحمي.
علي: ها ولك صرت انت و مرت اخوك علية مو اني اعلمك.
عمر: هههه اشاقة يمعود.
علي: حبيبي عمر.
عمر: خوية ولو اضوجك بس اليوم ناوي اني و فاطمة نطلع للسوك نشتري أغراض لبيتنا جديد لازم نأسسة غسان بل مدرسة بس حنين اذا ماكو زحمة اجيبها يم اختي زينب.
علي: عادي حبيبي اصلاً بدون ما تتصل جان جبتها زينب تتونس وياها.
عمر: اذا زحمة ما اجيبها.
علي: اكول انجب و كوم جيبها.
عمر: هههه ان شاء الله مسافة طريق و يمكم.
علي: كلل هلا بيك.
عمر: سديت اتصال من علي و شفت فاطمة مبدلة كلتلها
-يلا حبيبي نطلع.
فاطمة: اي احنا حاضرين.
عمر: تمام طلعو اني اقفل باب لا يتأخر غسان للمدرسة لأن اني اوصلة بطريقي.
فاطمة: ماشي يلا حنين يلا غسان شيل جنطك نطلع.
عمر: شفتهم طلعو و اني شلت مفتاح و قفلت بيبان و طلعت صعدت سيارة اول شي وصلت غسان للمدرسة بعدها وصلت حنين لبيت علي و اني و فاطمة رحنا للسوق اول شي بدينا بي الموبيليات للغرفة خطار و الصالة و من زوالي و كاونتر و طباخ و ثلاجة كلهن اختارهن على ذوقها حسيتها تحب الوان فاتحة بعد هلاك يوم كامل حجزت الأغراض الي كال يوم والي كال يومين يجون يوصلوهن شفت ساعة ب ٢ و نص الضهر اخذتها للمطعم طلبنا غدا كعدنا نتغدا و اخذ رأيها بترتيب البيت و هي تنطيني رأيها و هيج مرت أيامنا بين تحضير بيت جديد و تحضير لعرسنة.
......
تاليا: هاي فترة كلنا انشغلنا عن بعض يامان ضل بين شغل و البيت و كل مرة يرجع مقهور على اخو و سمعت أصدر حكم إعدام لعمة ماكدرت بهاي فترة اسوي شي غير اواسي و اجبر خاطرة و اهدي بين ما احنا حايرين بحياتنا جان اكو تجهيزات عرس لأخر كبل بيناتنا هواي فرحانتلهم و اخيراً راح يجتمعون ، جنت كاعدة اتصفح بل انستا و يامان بصفي يباوع وياي اتصل عمر استغربت هو كلش خجول و ما يحجي شلون اتصل باوعت ليامان و جاوبتة.
-الو.
عمر: الو شلونج اختي تاليا.
تاليا: هلا اخوية بخير الحمد لله انت شلونك فاطمة شلونها.
عمر: الحمدالله كلنا بخير تسلمين احم اختي اسف اتصلت عليج و ضوجتج بهذا وقت بس محتاجج بموضوع.
تاليا: لا خوية شنو هل كلام تدلل تفضل اسمعك.
عمر: خوية بعد اسبوع حنة فاطمة و لحد الأن ما محضرة شي جانت ملتهية بترتيب البيت و ماكو احد يروح وياها اذا ماكو زحمة انتي تكونين وياها بهذا شي اكون ممنون الج لأن زينب حامل و ماكدر اطلب هذا شي من علي.
تاليا: اكيد اخوية بدون ما تكلي اني جنت منتظرة تكملون ترتيب بيتكم و بنفسي اتصل على فاطمة علمود نطلع سوية للسوك ولا يهمك باجر اني و سمر و بشرة و سارة نطلع وياها هم نجهزلها للعرس هم للحنة.
عمر: مشكور خوية ما تقصرن سلميلي على يامان مع سلامة.
تاليا: يوصل ان شاء الله الله وياك خوية.
سديت اتصال من عمر و باوعت ليامان.
يامان: ها تريدين تقطيني.
تاليا: تعرف عرس و حنة يعني حضر كل فلساتك ههههه.
يامان: هههه فدوة الج تلكيهن بل كنتور نفس مكانهن شكد ما ردتي اخذي.
تاليا: فدفد لزوجي اني فدفد.
يامان: فدوة الج حبيبي شنو ماكو بوسة.
تاليا: مممح احبك.
يامان: اويلي هايم بيج بوية.
تاليا: زمان على هاي كلمة.
يامان: تحبيها.
تاليا: اي.
يامان: كل يوم تسمعيها لعد.
تاليا: فديتك يلا خل اكوم اتصل على بنات و على فاطمة علمود باجر لا نتأخر.
يامان: ماشي بوية لعد اني راح اطلع وية شباب متجمعين.
تاليا: تمام بس يامان بدون تدخين.
يامان: صار.
تاليا: يامان راح و سديت باب ورا رجعت شلت تلفوني و اتصلت على كروب بنات و حجيت وياهن علمود باجر يتحضرن حتى لا نتأخر كلنا اتفقنا و صدك لثاني يوم عفنا جهال يم بيت اهلي خالة افتخار كالت جيبوهم يمي و أخذنا جواد للسوك و طول طريق بس يصنف علينا.
جواد: لو تشترن السوك كلة تضلن نفس شي جلد تس لايكلجن شكو تشترن ملابس.
سارة: لعد شلون نخلص فليساتكم انتو رياجيل.
جواد: غضب الله انتي بذات اكبر تسس.
سمر: جواد الكلام موجه الي هم لو..
جواد: استغفرالله مرتي شنو هل كلام حشاج اكيد.
تاليا: هههه وصلنا بألف يا علي للسوك و كال ارجع عليجن ورة دوام احنا نزلنا و بلشنا اول شي بملابس و الأحذية بعدها ملابس نوم و مكياج و شغلات عناية لحد ما فتح محل فساتين رحنا عليه دخلنا نختار فساتين للزواج و للحنة كل وحدة اختارت ثنين و فاطمة اختارت قفطان احمر مفتوح من يم صدر للحنة و فستان عرس كالت عمر طالبة يمكن بعد يومين يوصل.
فاطمة: بنات هل قفطان حلو لو اختار فستان.
سمر: اني اكول هذا قفطان نازك و طالع يجنن عليج.
بشرة: حتى اني اشوف هيج.
سارة: ولج اخذي القفطان علمود نغنيلج طلع صدرج يبنية طالع نصة.
الكل: ههههه.
فاطمة: استحي.
تاليا: ابد لا تخجلين بعد راح تكونون روح وحدة و فكري عمر شكد يحبج.
فاطمة: لعد اخذة.
تاليا: يلا لعد نحاسب ابو محل هسة يجينا جواد يرعد.
سمر: لا تحجين على ريلي.
سارة: انجبي مالت عليج انتي و ريلج.
الكل: هههههه.
تاليا: طلعنا من محل و كل وحدة بينا شايلة علاكة بطولها سمر اتصلت على جواد كال هسة راح اوصل و احنا ضلينا ننتظرة كلها دقايق و اجة بس شنو وجها مصدوم خطية تقربنا للسيارة و صعدنا وحدة بطن ثانية و هو التفت. علينا يحجي.
جواد: فلك طرجن طر ولجن دهر دهرجن شني انتن نسوان لو بلوة الله شنو كل هذا ولججج سميرررةةة.
سمر: ريلاكس بيبي ريلاكس.
البنات: ههههه.
جواد: خلصتن الفلوس مو ارتاحيتن هسة ماتت الدودة.
سارة: ليش محسسني انت صارف علينا.
جواد: جااا و مرتييي من منو تتعلم اذا مو منجن.
بشرة: جواد امشي بلا لغوة والله تعبانين.
جواد: اكيد تتعبن اذا من صبح فريتن سوك فر والله الله يساعد رجليجن.
تاليا: لو كايلين ليامان لو هود يجيبنا مو احسن من هل رزالة.
سارة: لا اني احس خوش سايق.
جواد: اتركيني سمر اتركيني خل اكفخها على حلكها.
الكل: هههههههه.
تاليا: طول طريق و حلك جواد ما سكت ندمنا لأن اشترينا لحد ما وصلنا لبيت اهلي نزلنا و كدرت اخذ نفس.
-اوفف جواد اوفف ادري ما عطشت لوك لوك لوك.
سمر: سودة علية عطشان ادخل هسة اجيبلك مي.
سارة: شو امشي كدامي لا اهفج بهذا نعال بنت اوادم رجلج اكل راسنا اكل تريدين تجيبيلة مي يخلص كلامة.
جواد: ولن من وجهي تس اي تس انعل ابو الي يطلعجن.
تاليا: طبينا للإستقبال و جواد بعدة يتناكر.
-سلام عليكم.
الكل: وعليكم سلام.
جواد: طاح حضجن اي والله.
يامان: ها ها يمعود أعصابك.
جواد: اسكت لا اطيح حضك انت هم.
هود: جنة الأخ معصب.
جواد: ولكم مو لسان تكول رشاش رشاش.
هود: منو.
جواد: منو اكو غير مرتك التس أصلية.
سارة: والله ماكو غيرك تس.
عمر: خوية تاليا وينها فاطمة.
جواد:  ذبيتها بل طريق.
سمر: يااا نسيناها بل سوك.
عمر: لا صدك تحجون.
تاليا: هههه يشاقون خوية راحت تغسل وجها خطية تعبت اليوم.
عمر: ما قصرتوا وياها تعبناكم ويانة.
البنات: ترة ماكو تعب فاطمة اختنا.
جواد: فطيمةةة ولججج فطيمةةة.
تاليا: ما نشوف غير فاطمة اجت سريع تركض.
فاطمة: والله عمر مو يمي.
الكل: ههههههه.
جواد: ادري مو يمج بس اكول تعاي كعدي هنا.
فاطمة: ها تمام سلام عليكم.
الكل: وعليكم سلام.
عمر: تعاي حبيبتي كعدي يمي.
فاطمة: ها لا لا هنا مابي عيب.
جواد: عفية فطيمةةة عفية.
عمر: خوية ما تنجب انت صايرة تخاف تحجي وياي بسببك.
جواد: لعد اسمع عدل لحد ما تخلص حنة و تجي تزفها تبقة يمي ببيتي هي و اخوانها.
عمر: يامان خوية احجي شي فدوة لطولك.
يامان: ههه شحجي ياخوية اذا هو من بارحة متحلفلك.
عمر: زوجتي ما انطيها و لا ابقيها يم احد.
جواد: فطيمةةة.
فاطمة: ها خوية.
جواد: تجين وياي لو تبقين يم هذا ادبسز.
فاطمة: يم ادبسز.
الكل: هههههههه.
عمر: انصدمت بكلامها هاي ابد مو طبعها.
سارة: حتى بنية من خوفها كامت ما تعرف تحجي ههههه.
جواد: عاجبج ادبسز مو فطيمةةةة تربيتييي ويننن راحت فطيمةةة.
فاطمة: ها بكيفكم اني معلية.
عمر: تعاي حبيبي تعاي خلي يولي جواد شكو خايفة منة.
تاليا: خلصنا الكعدة كلها ضحك بضحك و فرحانين صار العصر و الكل رجع لبيتة و جواد كوة قبل فاطمة ترجع وية عمر بس عمر كال ما متعودة تبقة يم احد و أخذها، مشت ايام بسرعة بين تحضيرات و الملابس و ترتيبات و الصالون اجة يوم الحنة قررنا يصير ببيت بشرة لأن بيتهم جبير و حوش جبير احنا البنات من صبح كعدنا نرتب البيت و ننضفة لأن الضهر عمر جان عازم اهلة و بيت تميم و كم واحد من اصدقائة سوينا الأكل على عدد الأشخاص للغدا و احنا حايرات بل زينة مال بيت بس اهم شي سمر اخذت فاطمة تسويلها تنضيف و عناية و اني و سارة استلمنا زينة البيت و الترتيبات و الغدا خالة ام سارة و بشرة و ماما أمنة استلمو ضلينا نشتغل لحد ما صار وقت الغدا طبو جواد و هود.
جواد: يا تسات الغدا جاهز ترة الوادم وصلت.
تاليا: اي كلشي خلص منتظرينكم تجون تكولون صبو علمود نصب.
هود: لعد يلا خفو ايدكم عيب من زلم.
تاليا: ماشي، والله بلشنا نصب الأكل وحدة تمن وحدة مرك والي تصيح علمود خبز صارت هوسة اكو ناس تضوج من هيج هوسة بس اني افرح احس بسعادة و حب ضليت اصورهم بدال ما اشتغل شوية و اجة بسام كلي.
بسام: ام تميم و خواتة هنا وحدة بيجن تجي ترحب بيها.
تاليا: اي اي اني اجيت، خليت شال على راسي و طلعت شفتهن واكفات يسلمون على جواد و يامان و الباقين تقدمت بوستهن و سلمت عليهن.
-هلا بيج خالة نورتي بغداد ليش واكفة تفضلي تفضلي.
ام تميم: هلا بيج بنيتي شنو هل جمال يا ما شاء الله.
تاليا: دليتهن على صالة كعدن رحت جبتلهن مي و البنات كامن يريدن يساعدنة ما قبلت.
رقية: على أقل اني اجي يمعودة هو شنو شغل هسة اكفلج مطبخ بدقيقة.
تاليا: ههه لعد كومي ام لسان.
رقية: اي يلا امشي.
تاليا: كامت وياية اجت للمطبخ سلمت على الكل و صارت تصب اكل وية سمر و الشباب يجون ينكلون.
بسام: جنت واكف وية هود بل باب أرحب بل زلم الي يجون عمام  عمر و ولد عمامة شفت سيارة تميم صفت كدام الباب نزل هو و أمة بعدها نزلت غضب الله مو بنية لابسة بشت لونة جوزي و حجاب ابيض و تتمايل و تطك بكعبها بنت اللذين بسرعة وخرت انظاري عليها سلمت على تميم و على أمة و على اختة جبيرة و طبيت جوة اصيح وحدة من البنات يجن يسلمن عليها شفتها واكفة تسلم و تضحك وية جواد و يامان و الشباب بعدها طبت جوة ورة ما طبو بشوية هود صاحلي علمود ننكل الأكل للزلم و اني رحت ويا للمطبخ جان ناقص خواشيك اجيت مستعجل.
-سمر خواشيكك ناقصة.
رفعت راسي شفتها كاعدة بصف سمر و تنطيها مواعين و تصب تمن ماردت تنتبه جاي اباوعلها بسرعة وخرت انظاري عنها.
سمر: اي هسة انطيك رقيوة ولو اتعبج بس فتحي هاي باب مال كاونتر تلكين علاكة سودة بيها خواشيك انطي لبسام ايدي وصخة.
رقية: تمام كمت فتحت باب كاونتر و طلعت خواشيك بس انطيتة لواحد من شباب بدون ما اباوع بوجه هذا غثيث.
بسام: بدال ما تنطيني الخواشيك انطتة لهود عصبت بس كوة لزمت نفسي نوب ما تباوع بوجهي كلت بكلبي خلي تولي شايفة نفسها شوفة طلعت من مطبخ.
تاليا: من نظرات بسام عرفت راح يكون اكو حب جديد بس سكتت مو وقتها كملنا صب الأكل و صبينا لنفسنا كعدنا كلنا بل صالة ناكل و احلى شي ام تميم و خالة دعاء و ماما أمنة صارن صديقات من كملنا اكل كالو جيبو جاي كمت اني و رقية جنا مخدرين جاي صبينا و انطيناهم اخذو شوي شوي كامو يرجعون المواعين همزين اشترينا سفريات نفرغ الأكل و نذبهن ضل اكل هواي كلة نضيف قررت اخليهن بجدورة و ياخذوهن يامان و جواد يوزعوهن على جوارين صدك رتبت الأكل و قبقت الجدر و الشباب وزعوهن على جوارين غسلنا الجدورة و الإستكانات ضلينا للساعة ب ٣ على فد وكفة هلكنا هلك لحد ما كملنا طلعنا من مطبخ تلكتني سمر.
سمر: تالو يلا حب تأخرنا على صالون كلت لبسام راح يوصلنا.
تاليا: هسة بس أأمن تايا يم ماما أمنة و البس جبتي و اجي.
سمر: ماشي احنا راح نطلع قبلج لا تتأخرين.
تاليا: اي ماشي ماشي، رحت على ماما أمنة امنتها على تايا و الجهال رحت للغرفة طلعت جبة من جنطي لبستها و لفيت شال و طلعت بسرعة بل حوش شفت يامان واكف وية عمر من شافني اجة علية.
يامان: ها حبيبي وين رايحة.
تاليا: رايحين للصالون بسام يوصلنا فدوة يامان عينك على تايا أمنتها يم ماما أمنة بس انت هم ديربالك عليها.
يامان: روحي حياتي ولا تهتمين اني يمهه بس ديري بالج على نفسج محتاجة فلوس شي.
تاليا: لا اخذت وياي مممح باي حبيبي تأخرت.
يامان: الحجاب بوسة الحجاب.
تاليا: عدلت حجاب و طلعت شفت بسام و البنات منتظراتني ركضت بسرعة صعدت ليورة وية بنات.
-اسفة تأخرت يلا نمشي.
سمر: بسومة انطينا تلفونك خلي نفتح اغاني ترة ما رايحين عزة.
بسام: والله جنة عزة عند بعض ناس.
سمر: عرفتة قصدة على رقية بس هي غلست اني هم ماردت مشاكل بسرعة طلعت اغاني و صرنا نغني لفاطمة و هي خجلانة كضيناها ركص و اغاني لحد ما وصلنا للصالون نزلنا و بسام راح طبينا للصالون تعرفنا من كثر ما رايحين عليها رحبت بينا و كعدنا احنا بنات كل وحدة طلبت مكياج الي يناسب فستانها و صدك تمكيجنا و كل وحدة اختارت تسريحة من كملنا خلينا الشال على راسنا و اتصلت على بسام كال هسة اجي ضلينا نتصور بين ما اجة بسام و صراحة البنات طالعات وحدة احلى من لخ بس الي قهرتني زينب كل دقيقة تلعب نفسها و تستفرغ خطية.
تاليا: زينب اشتمي هذا عطر هسة تصيرين زينة.
زينب: ولجن ماكدر اشتم غير عطر علي بس وصلوني يمة اريد اشتم.
سارة: ههههه النية.
بشرة: طايرة من زمان هههه.
زينب: سارة والله بس خلي اصحصح الا ارجعلج نيتج اصبريلي.
البنات: ههههههه.
سمر: جنا نضحك و نسولف دك بسام علية.
بسام: وصلت اني كدام صالون.
سمر: اي اي طلعنا سديت من بسام و كمت على حيلي
-يلا بنات كل وحدة جبتها و حجابها بسام جاي ينتظرنا بل باب.
تاليا: كل وحدة بينا لبست جبتها و حجابها طلعنا صعدنا سيارة بسام انتبهت ما بعد انظارة عن رقية و ضل طول طريق يراقبها بل مراية راسلت سمر و كتبتلها
-شوفي نظرات بسام لرقية.
سمر: اي ولج منتبهه يارب كون الي ببالي صح و يصير.
تاليا: امين.
ورة ما وصلنا للبيت نزلنا من سيارة و طبينا بسرعة للبيت ركض نركض نخاف لا يطلع واحد من زلم طبينا للصالة و ماما أمنة و ام تميم و خالة دعاء و خالة ام سارة ضلن يصلن على نبي و يتغزلن بينا.
سارة: باقي باقي بعد شنو شايفات خلي نبدل لازم تقرن علينا معوذات.
ام سارة: ربي يحفظجن يلا لعد روحن بدلن تأخر وقت.
تاليا: صعدنا فوك نبدل بس زينب ضلت جوة بل مطبخ تتصل على علي.