خاطفي هو منقذي{الجزءالثاني}

البارت السابع🦋

هلو قلبوشاتي🦋
خاطفي_هو_منقذي.

حُوبَت الأَبيَضّ گَلبْ تَحرِگ خَضْار أَيامْكُم🍂🥀
♡♡♡♡♡♡♡♡♡♡♡

عمر:ليل كله ماكدرت انام ضليت افكر بيهه ما تطلع من بالي ابد ردت اراسلها بس كلت نايمة و عيب هسه شتكول علية عفت جهاز من ايدي كمت جبت لابتوب رجعت لمكاني ضليت للفجر اشتغل من سمعت صوت اذان صبح سديت لابتوب و عفت كل شي من ايدي كمت للحمام توضيت و فرشت سجادة بلشت اصلي من كملت صلاة دعيت من ربي يوفقنا بهل مهمه نزلت ايدي من دعاء و ماعرف شلون اجت فاطمة على بالي رفعت ايدية مرة ثانية دعيت ربي يريح كلبهه و بالهه شلت سجادة طلعت ملابسي رحت للحمام سبحت كاعد الف منشفة علية سمعت صوت موبايلي رحت شفت ابوية كاعد يتصل.
-الو ها يابة شلونك.
-هلا بخير.
-دوم حبيبي شخبار عائلة.
-عوف عائلة شكد بعد تستلم راتب.
-والله يابة على اسبوع جاي استلم.
-اي عود اذا استلمت انطيني نصهن اذا ما جبت راتب لا ترجع للبيت.
-بس يابة.. ماخلاني اكل كلامي و سدة بوجهي، جريت حسرات ذبيت تلفون و طلعت مكوة كويت الملابس و بدلت لميت اغراضي و لابتوب بجنطة اخذت سويج و طلعت للشغل بدون ريوك ضليت افكر بوضعي لمتى اضل هيج بعد تفكير طويل وصلت للشغل صفيت سيارة و نزلت اول شي اتصلت على علي علمود اجتماع..
عمر: الو ها علاوي وين انت؟ اي اي اني وصلت، ماشي راح انتظرك بغرفة اجتماعات ،مع سلامة حبيبي، مشيت للغرفة اجتماعات شفت جواد و تميم و سيف هناك سلمت عليهم.
-سلام عليكم.
الكل: وعليكم سلام.
جواد: شخبارك عميرةةة اشو ماكاعد اشوفك هواي.
عمر: والله سيدي شوية مشغول و ضروف.
جواد: الله يسهلها.
عمر: اجة علي و ورا سيدي يامان كعدنا بخصوص خطة الي راسميها.
يامان: شباب شنو جديد عدكم.
علي: سيدي حسب معلومات الي جمعناهه اني و الظابط سارة كدرنا نوصل لأشخاص معينين مشكوك بيهم همه ورة هذا شي بس سيادة ظابط سارة بعدها على جاري بحث ورة جنسات المشكوكين بيهم.
يامان: هذا شي ممتاز وانت عمر شنو صار بمعلومات حالات اغتصاب.
عمر: سيدي للأسف الحالة كاعد تزداد بس المؤسف اكثر البنات ما يكدرن يحجن او يشتكن.
يامان: شي اكيد بسبب مجتمع و كلام ناس.
سيف: اكو بعض حالات تصدمنا صراحة وأكثر حالات يكون اغتصاب من داخل بيت يعني الأهل و ليس غرباء.
يامان: شي اكيد.
جواد: الحل شنو يمتة نبلش بل خطة.
يامان: من يكمل معلومات عدنا منتظرين خبر من سارة و بعدها نبلش.
سيف: ان شاء الله.
يامان: شكرا لمجهودكم خلص اجتماع اريد كل تقارير ابحاث اليوم بمكتبي تكدرون تاخذون راحتكم و ترجعون لشغلكم.
عمر: سيدي من رخصتك أكدر اخذ من وقتك دقايق.
يامان: تفضل لمكتبي.
عمر: مشيت ويا وصلنا للمكتب.
يامان: تفضل استريح.
عمر: لا تسلم سيدي بس عندي طلب زغير.
يامان: اسمعك حبيبي.
عمر: هو اريد اذن منك اطلع هسة لأن عندي شغلة.
يامان: عمر خوما صاير شي؟
عمر: لا لا سيدي انت اسمحلي اطلع هسة و ان شاء الله اسولفلك سالفة.
يامان: ماشي حبيبي بس ترجع بسرعة.
عمر: مشكور سيدي فضلك هذا ما انسا.
يامان: تدلل.
عمر: طلعت من مكتب امشي بل ممر سريع سمعت علي يصيحلي التفتت و جاوبتة.
-ها علاوي.
علي: ولك تعبت اركض وراك شبيك مستعجل.
عمر: عندي شغلة برة اكملهه و ارجع.
علي: عمر صاير شي احس وضعك مو تمام حتى بل اجتماع لاحظت.
عمر: نزلت راسي ادري ماكدر اجذب لأن هذا صاحب روحي يعرف كل شي عني باوعتلة و كلت امشي خل نطلع بل حديقة احجيلك.
علي: بس لا ابوك.
عمر: هزيت راسي بإي و طلعنا للحديقة تمشينا شوية و حجة.
علي: شيريد منك بعد مو طردك.
عمر: علاوي حتى لو يطردني هو يضل ابوية لازم اخلي يرضى علية مثل ما امي رضت عني.
علي: يا عمر لا تزعل من كلامي بس هيج اباء مو ضروري تهتم لإرضاءَ لأن ما يستاهل حبك و احترامك فكر بيهه انت بتعبك بنيت كل هذا صار عندك سيارة و بيت كلة بتعبك محد وكف وياك لا أب ولا أخ و لا عم و حرام انت تتعب شهر كامل تروح تنطي نص تعبك يصرفة على مرتة و اخوانك باقين.
عمر: شنو اسوي يعني اذا مادز فلوس راح اخسر رضاتة و اذا ادز اعرف نفسي راح انخذل و انكسر للمرة مليون.
علي: اذا تسمع مني عوفهم الي يريدك و يحبك يسأل عنك مو عن فلوسك عيش حياتك اصرف على نفسك ترة محد يفيدك غير نفسك.
عمر: جنا نحجي و اجاني اتصال من رقم فاطمة جنت كاتب على رقمها "يحفظك العباس" لأن هواي تكرر هل كلمتين باوعت على علي كام يضحك أشرت براسي شكو؟
علي: فديت سني و عاشك العباس منو هذا الي يتصل.
عمر: معليك امشي منا يلا.
علي: والله الا اعرف ولك تضم علية و اني صاحبك.
عمر: امشي ولي علاوي ابتعدت منا شوية ضل يضحك و بعدها راح اني هم جاوبت على اتصال.
-الوو..
غسان: عمر الوو عمر..
عمر: شبيك غسان ليش تلهث صاير شي.
غسان: اختي عمر اختي فاطمة.
عمر: من سمعت بأسمها قبل ما يكولي شصاير صعدت سيارة و اجاوب
-شبيها فاطمة احجي.
غسان: من صبح نكعدها ما تكعد مصخنة و حرارتها مرتفعة.
عمر: هسه ثواني و يمكم حبيبي لا تبجي صير رجال قوي.
غسان: منتظرينك فدوة لا تتأخر ماعدنا غير فاطمة.
عمر: هسه حبيبي هسه جايكم ما اتأخر.
غسان: ماشي مع سلامة.
عمر: مع سلامة، سديت اتصال و شخطت سيارة كل سرعتي بس اريد اوصل ماعرف احس صدري يوجعني من كثر سرعتي ردت اندعم مرتين بعد كل هاي سرعة وصلت لباب بيتهم عفت سيارة مشتغلة نزلت دكيت باب بسرعة فتحليا غسان شفتة يبجي طبيت جوة اركض جانت حنين يمها تكعدهه ما تكعد اتقربت منها جانت ما لابسه حجاب خليت ايدي على راسهه انصدمت مو حرارة طبيعية هاي كلت لغسان
-حبيبي عدكم جادر صلاة جيبليا خل البسهه.
غسان: اي هسه اجيبة. 
عمر: جانت لابسه تراك مو مال شال بسيط لبستهه جادر صلاة و شلتهه قبل ما اطلع وصيت غسان.
-غسان حبيبي اقفل باب ولا تفتحة لأي بشر بس اروح للمستشفى و ارجع.
غسان: ماشي بس ارجعو بسرعة فدوة.
عمر: ان شاء الله حبيبي  يلا طبو جوة و سدو باب، شفتهم همة طبو واني صعدتهه ورة ما تتحرك بس تون صعدت سيارة و مشيت كل سرعتي لأقرب مستشفى بين شوي و شوي اندار اشوفهه تون خلصت طريق هيجي لحد ما وصلت للمستشفى نزلت فتحت باب من يمهه شلتهه بيت ايدي احس شايل جمر مو فاطمة سديت باب بسرعة ركضت لقسم طوارئ اصيح على دكتور.
-وينكم ماكو احد هنا دكتور.
-تعال خوية خليها هنا و هسه اصيحلك دكتور.
-فدوة بسرعة لأن مصخنة.
-ماشي حبيبي راح اروح اصيح دكتور و الممرضات يشوفن شغلهن.
عمر: ضليت واكف على راسهه و اجة دكتور.
دكتور: شبيها المريضة.
عمر: والله يا دكتور مصخنة نكعدها ما تكعد.
دكتور: اسحبو منها دم و سولها فحوصات الي اكتبها الكم.
ممرضة: صار دكتور.
عمر: سحبو منها دم و شكلولهه مغذي طلبو مني اخذ دم و اروح اسوي الفحوصات اخذت دم و كالولي ربع ساعة و يطلع نتائج انتظرت ربع ساعة اتصلت على يامان.
-الو سيدي اعذرني ما رجعت بس والله حالة طارئة اذا تكدر تنطيني اجازة.
يامان: كمل شغلك حبيبي علي حجة وياي كال اني اكمل شغل عمر هو بدالك.
عمر: مشكور سيدي ما انسالكم هذا فضل.
يامان: اخونا انت حبيبي.
عمر: سديتة من يامان و طلعت نتائج فحوصات رجعت يم دكتور انطيتة فحوصات شافهن و كال.
دكتور: جنت متوقع.
عمر: شنو دكتور؟
دكتور: عدها تيفو بل دم و حرارتها جانت مخيفة بس هسه احسن راح اكتبلهه على مغذي و أُبر تشتريهن من صيدلية و على هذا علاج تتحسن بس خليها تبتعد عن شمس و حرارة و خليها تسبح مي بارد اما عن الأكل خليها بعيدة عن لحم احمر و مشتقات حليب كاملاً.
عمر: صار دكتور اذا خلص مغذي أكدر اطلعهه.
دكتور: اي تكدر نزلت حرارتها يمكن ترتفع مرات او تعرك و ترجف هذا شي طبيعي.
عمر: شكرا دكتور تعبتك.
دكتور: تدلل هذا واجبي.
عمر: راح دكتور و اني رجعت كعدت يمهه اباوع بوجهه طفولي
-شكد شايلة هم انتي بهذا عمرج بس فهميني شنو سبب حزن الي اشوفة بعيونج، بدون ماحس على نفسي لزمت ايدها صرت اتلمسة شفت اثار حرق على ايدهه مديت ايدي على جبيينها اشوف حرارتها الحمدلله خفت عدها ضليت كاعد يمها لحد ما فتحت عيونهه و تصيح بإسم اخوانها.
فاطمة: غسس..ااا..ن ، حني...ن.
عمر: اني يمج لا تخافين همة بخير.
فاطمة: اني وين؟
عمر: انتي بل مستشفى جنتي مصخنة و هسه نزلت حرارتج الحمدلله.
فاطمة: اخواني وينهم؟
عمر: بل بيت كتلهم يقفلون باب شوية و نجي.
فاطمة: اريد اطلع.
عمر: بعد مغذي باقي يخلص.
فاطمة: ماريد شي بس اطلع فدوة.
عمر: ماعرف شسوي مهم شلت مغذي بيدي و هي كوة كعدت على حيلهه ما جانت لابسة شي برجلها لأن جبتها مستعجل باوعتلي يعني شلون اطلع
-فاطمة لزمي المغذي.
فاطمة: لزمت مغذي ماحس غير شالني بين ايدة باوعت علي بصدمة و كلت
-نزلني عيب حباب.
عمر: شش مو عيب.
فاطمة: ناس ضلت تباوع علينا و هو ما يهمة يمشي عادي اني من خجلي غطيت وجهي سمعت صوت ضحكة وخرت شوية من حجاب اباوع علي يضحك
-ليش تضحك على شنو تضحك انفضحنا والعباس.
عمر: ههههه والله مالي خلك اضحك و ضحكتيني.
فاطمة: ردت احجي و سكتني.
-غطي وجهج غطي مو تستحين هذولة دكاترة هسه يشوفوج.
فاطمة: نزلني العباس عليك.
عمر: وحق عمر ابو خطاب ما نزلج.
فاطمة: فتحت عيوني و باوعتلة حجيت بكل فهاوة
-انت سني؟
عمر: مو مهم الي مهم اني مسلم.
فاطمة: وصلنا للسيارة صدمني من خلاني اصعد بل صدر يمة و هو اندار و صعد حرك سيارة و سألني.
عمر: متريكة؟
فاطمة: هاا اي اي متريكة.
عمر: يسطرج عباس ان شاء الله عيني عينك تجذب ولج غير اجيت اخذتج صبح شفتج جنج ذبانة واكعة بل كاع.
فاطمة: انداريت علي و فاتحة عيوني على وسعها، هاي عليمن ذبانة علية علية انييي.
عمر: ليش اكو غيرج هنا.
فاطمة: ماشييي انيييي اعرف شسوييي وصلني للبيت.
عمر: اتعصب يمة يمة.
فاطمة: اصلاً انت شلون عرفت اني مريضة.
عمر: استخباراتي قوية.
فاطمة: غسانو موو خل ارجع للبيت.
عمر: تهدد ذبانة.
فاطمة: لااا تكلي ذبااانة.
عمر: قصدج ذبانة.
فاطمة: اتعصبت منة درت وجهي ماريد احجي ويا هو كمل طريقة قبل ما نوصل للبيت صف يم مطعم ماعرف شنو جاب و رجعنا للبيت جاي انزل اجة رفعني من كاع.
عمر: لا تحترك رجلج بهل حر.
فاطمة: دك باب و فتح غسان هو دخلني جوة و راح للسيارة نزل اكل و علاج و رجع.
عمر: يلا يا حلوين اذا فاطمة مريضة لازم احنا نشتغل يلا نحضر سفرة نتغدة.
فاطمة: شفتة شلون يضحك وية غسان و حنين و يفرشون سفرة و يجيبون مواعين من كملو كلهم كعدو و اني رحت كعدت يمهم طلع الأكل من أكياس جان جايب مندي و مشويات قبل ما يبلش ياكل صب ماعون لغسان و ماعون لحنين و قدملي مشويات عود صب لنفسة.
عمر: نكول بسم الله عود ناكل ماشي.
حنين: اييي بثم الله(بسم الله).
فاطمة: بلشنا اكل وهو ضل يضحك و يسولف وية اخواني صح فرحانة بس احس بغصة بنص كلبي لأن الي كاعد يساعدنا و حنين علينا الغريب مو القريب ضليت صافنة و فزيت على صوتة.
عمر: ليش ما تاكلين.
فاطمة: هاا كاعد اكل.
عمر: ماشوف لازم هذا كلة تخلصينا.
فاطمة: شدعوة.
عمر: هذا كلام دكتور مو اني واذا ما كملتي كلنا نزعل منج مو صح يا حلوين.
غسان و حنين: صح.
فاطمة: انت بكت اخواني مني صايرين يسمعون كلامك مو كلامي.
عمر: شغلتي هاي.
فاطمة: رجعت اكل و همه يضحكون من كملنا ردت اشيل سفرة ماقبل هو الي شال سفرة و غسل مواعين بين ما كمل هو اني غفيت.
..............
تاليا: جنت بل دوام بهل حر انتظر زينب تجي ترجعلي لابتوب علمود ارجع للبيت اتصلت علية.
-ولج تالو تعالي للأسواق مقابيل جامعة كاعد اشتري كم غرض.
تاليا: ولج لا تفترين هواي ماكدر امشي.
زينب: خلص والله ماغير مكاني تعاي يلا.
تاليا: طلعت امشي على رصيف متوجهه للأسواق حسيت احد يمشي وراي خفت وكفت شوية وكفت خطوات مشي وراية مشيت بعد شوية رجع صوت خطوات يمشي وية خطواتي صدك خفت جان تلفون بيدي اتصلت على يامان و ضليت امشي عادي امثل بأن ماحسيت بشي.
يامان: الو ها حبيبي كملتي؟
تاليا: اي اي حبيبي كملت بس لابتوبي جان يم زينب و هي بل أسواق الي يم جامعة رايحة ارجعة.
يامان: ليش طلعتي وحدج جان انتظرتيني.
تاليا: بين ما جاي احجي اتصال دزيتلة رسالة و حجيتلة على شي الي كاعد يصير و رجعت للأتصال
اي حبيبي راسلتك صبح بس يمكن جنت مشغول مارديت، جنت قاصدة ارفع صوتي علمود يسمع الي يمشي وراية.
يامان: يا رسالة حبيبي ماوصلتني شي!
تاليا: قبل ما ادخل محاضرة راسلتك علمود شغلة الي حجينا بيهه بارحة روح شوفهه اعتقد ما منتبه.
يامان:فتحت رسالة و بهدوء حجيت
-خليج هادئة حبيبتي امشي مثل ما تمشين بل عادة لا تخلي يشك تمام الأتصال لا تسدي ضلي سولفي وياي اي شي سولفي شنو سويتي اليوم احجيلي اني مسافة طريق و يمج.
تاليا: اي ياروحي اي مو كلتلك على البحث شكد تعبانين بي بس ان شاء الله راح يعجب الدكتور لو تشوف شصار اليوم هذا عبدالله.
يامان: شبييي صخمااااان.
تاليا: جاب درجة اكثر مني بل كويز اني جبت ٩ من ١٠ و هو جاب ١٠من ١٠.
يامان: اكيد انتي مغششتة و الا هو مو شاطر.
تاليا: هههه والله صح شلون عرفت شفت اني مغششتة و هو جاب درجة أعلى مني.
يامان: تتحاسبين على هذا شي بس خل اوصلج.
تاليا: اي هو اني وصلت للأسواق هسه راح افوت ماشي حبيبي.
يامان: خليج وية زينب لا تعوفيهه مابقة شي اني هم اوصل تلفونج لا تسدي.
تاليا: بصوت ناصي كلت، ياماني خايفة.
يامان: من سمعت صوتها و هي تكول خايفة انعصر كلبي سقت كل سرعتي بس اريد اوصل، حبيبي يا لجمة گلب يامانج اهدي ماخلي يصيرلج شي وصلت للجامعة انتي بيا أسواق.
تاليا: أسواق *** كل مرة نشتري منا.
يامان: وصلت حبيبي سوي نفسج تشترين وية زينب.
تاليا: وصلت يم زينب سلمت عليهه رجعتلي لابتوب و سويت نفسي اضحك و اسولف زينب استغربت.
زينب: تالو مصخنة حبي.
تاليا: بهمس كلتلهه، مثلي على اساس كاعد نشتري حبابة بين ما يجي يامان و افهمج.
زينب: تمام تمام ، اي تاليا هذاك يوم اشتريت هذا نوع من جبس فد عجبني انصحج تجربينا.
تاليا: اي والله يفيدني للسهرات اني و يامان من نباوع فلم، انداريت على كامرا شفتة ورانة كاعد يلهي نفسة بل اشياء واحد لابس اسود بأسود و وجهه مامبين لأن البجامة بيهه كاب لابسهه على راسة مغطي وجهه هم من شافني مركزة بي بل كامرا اجة بتجاهي بسرعة بلحظة كلش سريعة جرح زندي و شمر ولزك ورقة زغيرة على مكان جرحني بي صرت اصرخ و وية صراخنا اني و زينب دخل يامان شاف هذا يركض يريد يخلص نفسة ركض ورا و اني كعدت بل كاع ابجي خايفة كل جسمي يرجف.
يامان: لحكتة و اركض ورا للحظات وكف و اندار علية رش فلفل اعتقد بعيوني و ماكدرت بعد اشوف وين راح ضليت افرك عيوني و ناس اجو ساعدوني جان رجال موكف سيارتة قريب من أسواق طلع بطل مي غسلت عيوني و تذكرت تاليا ضلت وحدها ركضت رجعت للأسواق شفت زينب يمها تشربها مي و هي تبجي.
-بوية تاليا انتي بخير.
تاليا: ناس كلهه ملتمة تباوعلنا من خوف و رجفة بية سمعت صوت يامان بسرعة حضنتة.
-يامااان.
-اهدي ياروح يامان يا لجمة گلبة اني هنا يمج.
زينب: خوية ايدها مجروحة.
يامان: وييين شو شوفيني تالياا ويننن ايدج.
تاليا: تخبل يصيح وين ايدج شوفتة زندي أعصاب ماضل عندة كام يدك ايدة بل كاع.
يامان: حجة وياج شي كال شي؟
تاليا: يامان يريدك انت يااامان اقرة هاي انطيتة الورقة الي جان مكتوبة عليهه
"ثاري ما خلص راح اخذة من بين عيونك الي اليوم شفتة بسيط القادم اعيشك انت و عائلتك رعب"
يامان: ابن كلب منو هذا الي يتجرء يسوي هيج.
زينب: خوية رجعو للبيت احسن حالة تاليا موزينة شوف بعدها ترجف.
يامان: حبيبي تالو عاينيلي ماكو شي تمام يلا نرجع للبيت.
تاليا: ردت اكوم على رجلية ماكو ما يشتغلن اصلن ماحس بيهن باوعتلة عيوني مدمعة
-يامان رجلي يامان...
يامان: شبيهن بوية احجي.
تاليا: ماحس بيهن رجلية ماحس كمت ابجي بل زايد.
يامان: ششش ياروحي ماكو شي من خوف هسه راح يصيرن زينات تعاي بنيتي تعاي اشيلج.
تاليا: باوعت للناس و لزينب يضحكون اتقربت منا همست
-عيب منا ناس تشيلني.
-معليج اشو دتعاي.
تاليا: شالني بين ايدة و زينب تمشي ورانة بيدهه جنطي و اغراضي ولابتوب تغمزلي و تضحك سويتلهه حركة اني اعلمج باوعت على يامان عيونة صايرات حمر
-يامان عيونك.
-ما بيهن شي بوية هسه يصيرن زينات.
تاليا: مبين علي معصب بس مايريد اني اخاف وصلنا للسيارة زينب فتحت باب كعدني بل صدر و تقرب شد حزام أمام و باسني من خدي ادري وقتهه و هاي زينب ادبسز مكيفة عبالك تشاهد فلم.
يامان: زينب خوية صعدي اني اوصلج.
زينب: ها لا شكرا مايحتاج اخذ تكسي.
يامان: عيب ترديني اصعدي اني اوصلج.
زينب: مشكورة راح اتعبك.
يامان: ولو اختي زغيرة انتي.
تاليا: من صعدو سيارة يامان مشة و طريق كلة كضاهه اتصالات.
يامان: اي علاوي اريد كامرات كلهن سجلها على فلاش و بعد ساعة يمك تمام حبيبي مشكور تعبتك هلا بيك مع سلامة.
تاليا: وصلنا زينب للأقسام و يامان مشة شوية لشارع مابي احد وكف سيارة فتح حزام امان تقرب حضني كل قوتة.
يامان: لو صاير بيج شي اموت اني ليش تطلعين وحدج كم مرة منبهج لا تطلعين تريدين شي اتصلي.
تاليا: والله ماعرفت راح يصير هيج يامان خايفة عليك منو هذا الي يريد ثار؟
يامان: لا تفكرين بهذا شي ابد مهم انتي هسه وياي شو شوفيني ايدج.
تاليا: وخرت كلنس من ايدي و شوفتة ياريت ما شوفتة صار يضرب ستيرن سيارة من لزمت اذني حس على نفسة و هدء.
يامان: اسف اسف بوية ششش لا تبجين اني يمج هسه نرجع للبيت نشوف جرحج.
تاليا: هزيت راسي بإي و رجعت كلنس على ايدي هو حرك سيارة و طول طريق يسألني اذا تأذيني او لا اهز راسي ب لا بعد خوف و تعب و قهر اليوم وصلنا للبيت الحمدالله كدرت انزل وحدي رجلية كدرت احس بيهن بس بعدني بصدمة يامان فتح باب بيت طبينا جوة.
يامان: حبيبي اصعدي قبلي اجيب علبة اسعافات و اجي.
تاليا: هزيت راسي بإي و صعدت فوك نزعت شالي و وخرت كلنس ذبيتة نزعت قميص على كيفي رحت كدام مراية اشوف جرح دخل يامان شافني.
يامان: لا تباوعين حبيبي تعاي كعدي هنا تعاي بوية انتي.
تاليا: جنت نازعة قميص باقية ببلوز نص يامان جر ايدي كعدني على جرباية و هو كعد ثنة ركبة بل كاع مقابيلي فتح علبة و طلع منها ديتول ينضف جرح هو خلة الديتول و اني عقجت وجهي نزلت دموعي من وجع.
يامان: سودة علية بوية تحملي بس انضفة اخاف يلتهب.
تاليا: انداريت اريد اباوع للجرح جر راسي على كتوفة حضني.
يامان: لا تباوعين يا لجمة گلبة ليامان.
تاليا: توجعني يامان كاعد تحركني.
يامان: كملت حبيبي ها اها خلص هسه الفة الج.
تاليا: شد ايدي بل شاش باوعت بوجهه شفت دمعة بعيونة يامان من صعب يبجي اخر مرة شفت دموعة من ولدت تايا لزمت وجهه بإيدية رفعت راسة ما يباوع بعيوني كلتلة
-ياماني ليش ما تباوعلي.
-كلة مني تأذيتي بسببي اليوم انجرحتي تاليا اخاف يصيرلج شي بوية ماعيش بدونج انتي و تايا روحي من دنيا انتن بناتي الي ربيتهن بتعب.
تاليا: ششش ما يصير شي مادام انت ويانة احنا بأمان انت تحمينا صح.
يامان: احميجن و اخليجن بوسط ضلوعي.
تاليا: حضنتة و ضليت امسد على ضهرة تمدد شوية على رجلي و بعدين شفت جواد يتصل يامان ضل متمدد اني جاوبت.
-الوو جواد.
جواد: وين هذا مطي زوجج.
تاليا: احنا بل بيت ليش؟
جواد: انطينيا هل حقير اتصل علي ما يجاوب لو مشغول.
تاليا: يامان هاك جواد يريدك.
يامان: ها جواد شكو.
جواد: سممم و قزرقورط حيوان مو جاي اتصل عليك ليش ما ترد.
يامان: تالو بوية انتي بدلي هسه احضر غدا و اجي.
تاليا: هزيت راسي و هو طلع.
جواد: ولك جاوبني مو احجي وياك.
يامان: جواد اليوم تاليا جانت بخطر لو ما ملحك عليهه جان استغفر الله  مهم اذا تكدر تجيب سمر يمها و احنا نكعد نحجي.
جواد: تمام تمام تايا هم يمنا هسه اجيبهم و اجي.
يامان: تمام خوية هسه مع سلامة اروح.
جواد: مع سلامة خياي.
يامان: حضرت معكرونة بل صدر دجاج رتبتة بصينية صعدت فوك فتحت باب غرفة شفتها نايمة خليت صينية على ميز و رحت يمهه امسد على شعرها
-تالي بوية كومي تغدي حبيبي.
تاليا: ياماان بس شوي انام فدوة.
يامان: تغدي و رجعي نامي.
تاليا: ما ماريد.
يامان: مسويلج معكرونة تخبل.
تاليا: كمت كمت تسوي اغراء لطبخك.
يامان: ههههه والله طبخج أطيب من طبخي بس ماعرف ليش تحبينا من ايدي.
تاليا: لأن ماتعب.
يامان: هههه صريحة زيادة بوية.
تاليا: اممم ريحة طيبة ريحة جبن.
يامان: خل اجيبلجيا.
تاليا: شفتة شلون يهتم بل تفاصيل جابلي صينية كدامي مرتبهه و مخلي عصير و مي و خضراوات باوعت علي،
يامان منو ياكل كل هذا؟
يامان: انتي حبيبتي لأن خسرتي دم.
تاليا: محسسني خسرت بطل.
يامان: معلية يلا صيري حبابة و كمليهن.
تاليا: ردت اجاوبة سمعت صوت باب.
يامان: انتي اكلي معليج اكيد هذا جواد اروح افتح باب و ارجع.
تاليا: ماشي، كلها لحظات و اسمع صوت رج بيت رج هذا جواد كل ما يجينا لازم يخرعنا انفتح باب غرفة شفت سمر ركضت علية تبجي.
سمر: تالوني انتي بخير مو شو اشوفج يمة اختي.
تاليا: اني زينة حبيبتي لا تخافين.
سمر: شلون صار هيج احجيلي مو هذا حقير اتجرء يسوي هيج.
تاليا: ماعرف سمر ماعرفة منو طلعت من كلية اروح ارجع لابتوبي من صديقتي و .... حجيتلهه كل شي اي سمر هذا الي صار بس اني بخير الحمد لله.
سمر: كسر بيدة ان شاء الله لا تخافين جواد و يامان راح يدورون على هذا جلب.
..............
-باشا طلبتني.
-اي شنو صار بموضوع بيت الي كلتلك علي.
-جاهز باشا بس نصلح كهرباء و يخلص شغلنا.
-بعيد عليهم لو قريب؟
-شارع بعد شارعهم.
-ممتاز ..ممتاز.
-بس باشا كامرات مصورتك و كاعد يدورون.
-هههههاااااهههه ضحكتني من مستحيل يلكوني لأن اني راح اسويلهم مفاجئة.
-مفاجئاتك تخوف باشا شنو براسك.
-ثاري براسي.
مهم انت امشي من احتاجك اتصل.
-صار باشا بخدمتك.