خاطفي هو منقذي{الجزءالثاني}

البارت واحد و عشرون🦋

هلو قلبوشاتي🦋
خاطفي_هو_منقذي

الجَرحْ لّو طَابْ هَم يَترْكّ نِيشَانْ..
♡♡♡♡♡♡♡♡♡♡♡♡♡

هود: يامان!!؟
يامان: منو الي بل باب صارلك ساعة.
هود: ضميت ورقة و الصورة بل علبة ، لا ماكو شي هاي طلبية سارة موصية عليها.
يامان: ها تمام لعد وخر من طريق اريد اطلع صاحبي اجة يريدني بل باب.
هود: اي اي تفضل، شفتة طلع سلم على ولد ضلو يحجون و اني طبيت جوة متوتر ردت احجي شفت بشرة و تاليا كاعدات سكتت.
جواد: ها ولك اشو طولت.
هود: لا هاي طلبية لسارة بارحة طلبتة.
سارة: الي؟
هود: اي حبيبي بارحة بليل من عجبج شي و كلتي اريد اطلبة و راسلتي البيج شنو نسيتي.
سارة: شفتة متوتر افتهمت اكو شي بسرعة غيرت موضوع، اي اي اني طلبت اشو وصل بسرعة ما شاء الله.
بشرة: بارحة طلبتي و اليوم وصل هذا يا بيج.
سارة: احم ها بعدين ادزلجنيا.
هود: كعدت بصف سارة طلعت تلفوني و كتبتلها عن علبة.
سارة: من قريت رسالة رفعت راسي اباوع لهود هز راسة يعني هذا الي صار كملنا الغدا اخذت مفتاح سيارة فتحتها و ضميت العلبة بل سيارة و رجعت شفتهم كاعدين بل صالة.
هود: تاليا حبيبتي احنا بعد شوية رايحين ليش ما تجون ويانة.
يامان: لا خوية قبل شوية حجيت وية صاحبي علمود شبابيك البيت و كال راح يبلش تصليح من باجر لا تكلفون على نفسكم اصلاً راجعين لسليمانية هل كم يوم.
تاليا: يامان اذا ناوي ترجعني لسليمانية و انت ترجع هنا والله ماروح من هسة.
يامان: بوية ماكدر اخلي حياتج و حياة بنتنا بخطر افهميني.
تاليا: ياماننن ماروحح سمعت ماجي وياك.
يامان: تاليا بلا عناد.
هود: صلو على نبي شبيكم.
يامان: اللهم صلي على محمد وآل محمد، بس يا اخي افهموني ماكدر اخليها تبقى هنا.
تاليا: اروح بشرط لو نروح سوية لو نبقى سوة مال توديني يم ماما أمنة و انت ترجع انساها ما امشي خطوة وياك.
جواد: احم يامان روحو سوة.
سمر: شفت جواد غمز ليامان والله وراهم خطة.
يامان: ماشي نروح سوة باجر نطلع من صبح.
هود: توصلون بسلامة.
يامان زغير: تايا تلوح(تايا تروح).
جواد: اي راح تروح محبوبتك عود دك و الطم ما أوصيك.
سمر: يااا جواد شبيك وية ولد هسة يبجي.
يامان زغير: نووو تايا ماتلوح.
تايا: نو نو مالوح (ماروح).
جواد: حتى ابني ضاعت تربيتي بي صار بزر اكسباير.
سيف: ههههه.
فاطمة: ضليت بس صافنة على علاقة هل مجموعة رغم همة بس أصدقاء مو أقرباء بس تصرفاتهم كأن عائلة وحدة فزيت من يامان حجة وية عمر.
يامان: عمر يمتى تعقد عقد محكمة.
عمر: على اساس اليوم بس كعدنا متأخرين ان شاء الله باجر نروح نعقد عقد محكمة.
يامان: كعدتو متأخرين شنو ليش فاطمة وين جانت.
جواد: بارحة هو راح و اخذ فاطمة ويا.
فاطمة: فد خجلت مارفعت راسي ابد.
يامان: ابن** اخذت اذن اخوانها.
عمر: شبيكم ترة مرتي شرعاً وان شاء الله باجر قانونياً.
يامان: تعقد محكمة و تسوي خطوبة و عرس بعدها تاخذها افتهمت.
عمر: احم خوية يامان أخذها.
جواد: متلوع الرجال.
يامان: ماعدنا هل حجي افتهمت.
عمر: اعذرني بس أخذها.
جواد: هااا وانتي ساكتة عاجبج الوضع.
فاطمة: رفعت راسي أشرت على نفسي كلت اني.
جواد: لا ابوي.
يامان: فاطمة انتي تجين ويانة لسليمانية لو تريدين تبقين يم عمر؟
عمر: تبقة يمي كوليلهم فاطمة.
فاطمة: حطوني بموقف كلش محرج باوعت لعمر يتوسل بعيونة باوعت ليامان بدون ما احجي فهمنا نريد نبقى سوة.
يامان: احم تبقى يمك بس حدودك تعرفها.
عمر: اي.
جواد: اممم والله ولا يعرف.
سيف: هسة انت ليش حاروكة.
جواد: شمسوي يمعودين ماكو افقر مني بس كلكم غادريني.
يامان: صح صح.
جواد: علي تزوج ولا سأل علينا.
تاليا: بس هل اسبوع هنا وراها يسافرون لتركيا شهر عسل.
جواد: جا واني ماحصلت حتى شهر بصل.
سمر: زلم اخر وكت ما يترس عينهم غير تراب مع احترامي لأخواني كاعدين.
جواد: جا من اخير كولي اقصدك هل لف و دوران على شنو يا عيني.
سارة: سمر لو منج باجر اروح وية تاليا و يامان لبيت اهلي و هناك تشوفين ابن عمج قاسم و تسلمين عليه و يسلم عليج.
سمر: والله صح كلامج.
جواد: انعللللل عشيرررة قاسمممم.
سمر: انعل قاسم العشيرة شعليها.
سيف: ههههه ولجن لا تعصبو هسة يفقد و يروح يهد على رجال.
سمر: اهدو توئبرني اهدة.
الكل: ههههههههه.
تاليا: كعدنا نسولف و نحجي واني لافة نفسي بل بطانية كل خمس دقايق يامان يتفحص حرارتي اذا نازلة لو لا واني ابتسملة.
يامان: شلون صرتي تحسين بعدج تعبانة اخذج للمستشفى.
تاليا: لا ياروحي اني زينة.
يامان: ماشي.
تاليا: صار العصر هود و سارة راحو بعدها سيف و بشرة ضلينا بس احنا جنا كاعدين و عمر كال.
عمر: يابة مشكورين على عزيمة بيت عامر ان شاء الله صار لازم نترخص.
جواد: وين بعد وكت ابقو هنا.
عمر: لا والله متكوم الشغل علية و لازم انام من وكت باجر وراية محكمة و شغل تسلم بعد اخوك، يلا فاطمة نمشي.
فاطمة: هزيت راسي اي كمت سلمت على سمر و ردت اسلم على تاليا و احضنها بس ماكدرت لأن مريضة.
تاليا: النا لقاء قريب ان شاء الله بس ارجع من سليمانية نروح نشتري لخطوبتج.
فاطمة: شكرا الكم ما قصرتوا وياية صرتو الية اهل ربي يحفظكم.
يامان: اي شي تحتاجي بس اتصلي و اخوانج ما يقصرون.
فاطمة: تسلم خوية.
عمر: مع سلامة.
الكل الله وياكم.
.....
فاطمة: طلعنا من بيتهم جانت دنيا تمطر مطر خفيف صعدنا بل سيارة رجعنا لبيتنا نزلت و عمر اجة فتح الباب طبينا حنين و غسان ذبو احذيتهم و ركضو للغرفة شلت الأحذية طببتهن جوة حطيتهن بمكانة و طبيت للبيت شغلت اضوية رحت للغرفة لكيتهم ذابين نفسهم على فراش من كثر تعب و اللعب ضليت بل باب واكفة اباوعلهم.
عمر: احبهم بكثر محبتي الج.
فاطمة: فزيت على صوتة التفتت شفتة واكف يباوعلهم بكل حب و حنية هنا تأكدت عمر راح يعوض اخواني عن محبة الأب.
عمر: خل اغطيهم لا يبردون.
فاطمة: شفتة شلون راح جر اللحاف و غطاهم طلع سد باب واني بعدني صافنة عليه.
عمر: على شنو صافنة.
فاطمة: شكرا لوجودك بحياتي.
عمر: ياعيوني انتي اني الي لازم اشكرج لأن دخلتي لحياتي و انطيتيها اسم علمود تتسمى حياة.
فاطمة: اطلعلك ملابس تبدل.
عمر: ياريت لأن تعبان.
فاطمة: فتحت باب غرفة رحت طلعتلة تراك بيت طلعت من غرفة انطيتة اني رحت للمطبخ عفتة يبدل براحتة فتحت ثلاجة شفت علاكة فتحتها شفت نساتل و اجباس كومة طلعت نستلة فتحتها صرت اكل بيها و فتحت حجاب.
عمر: بس انتي تاكلين لعد اني.
فاطمة: احم هو باقي اطلعلك.
عمر: لا اريد الا هاي الي بيدج.
فاطمة: مديت ايدي انطي باس ايدي صار يبتسم.
عمر: عوافي يا عيون عمر اشاقة روحي بدلي اني راح احضر حبشكلات علمود نباوع فلم.
فاطمة: هزيت راسي و رحت للغرفة ابدل.
عمر: طلعت جبس و نساتل و كيك الي جايبهن رتبتهن بماعون و طلعت كوابة ثنين سويت كبتشينو شلت صينية وديتها للصالة خليتها على الميز ردت افتح موبايلي ادور على فلم شفتها طلعت من غرفة لابسة تراك و شعرها مفتوح لنص ضهرها ضليت صافن عليها.
فاطمة: احم عمر.
عمر: عيونة.
فاطمة: اذا بردان اشغل صوبة.
عمر: لا لا تعاي كعدي.
فاطمة: رحت كعدت بصفة كام جاب لحاف خفيف خلا على كتوفة و فتح ايدة.
عمر: تعاي حبيبي.
فاطمة: رحت كعدت بصفة حضني و عدل اللحاف على كتوفي.
عمر: شنو تحبين نشاهد.
فاطمة: اي شي.
عمر: شنو رأيج بهذا فلم حلو.
فاطمة: ماشي.
عمر: فتحت الفلم و ركبت موبايل على ستاند و حضنتها ضلت مركزة بل فلم لأن مترجم واني شوي اباوع على فلم و شوي عليها جريت صينية ناكل و نباوع فلم.
فاطمة: عمر هذا رعب صح.
عمر: يعني مو كلش رعب.
فاطمة: عزااا هذولة ما يخافون من ظلام شوف بيتهم.
عمر: هههه حبيبي فلم ترة.
فاطمة: شكد خطية هاي بنية.
عمر: امم.
فاطمة: عمر لا تنام.
عمر: وياج عيوني وياج ضليت افتح و اغمض ماعرف نمت لو لا بس كعدت بوقت ماعرف ساعة بشكد شفت الموبايل على نفس قصيدة الي فاطمة تحبها و هي لافة نفسها بل لحاف و حاضنتني نايمة وخرت صينية و نزلت كوشات من فوك قنفة للكاع شلتها نيمتها و عدلت راسها على كوشات لزمت ايدي تهمس.
فاطمة: عمر لا تروح.
عمر: يمج ياعيون عمر هسة اجي، كمت شلت صينية و رحت لغرفة جهال شفتهم ذابين غطة مشيت غطيتهم و طلعت جبت فراش وياي فرشتة بل كاع شلتها نيمتها بل فراش و غطيتها لزمت موبايل خليت القصيدة كل ما تخلص هي تنعاد و مشيت شلت غطة نمت بصفها جريتها نيمتها على ايدي و اسمع القصيدة..
ما مرني يوم و ماذكرتك.. 
بكل حلم موجود شفتك..
تاركني انت و ما تركتك...
بوية هسة شلون بية...