خاطفي هو منقذي{الجزءالثاني}

البارت الخامس عشر🦋

هلو قلبوشاتي🦋
خاطفي_هو_منقذي.

عِشْت مثْل النِذرْ أَنْذكِر بَس بَالضِيّجْ..
♡♡♡♡♡♡♡♡♡♡♡♡♡
هود: وصلت بنات للبيت و رجعت على يامان شفتة كاعد باب غرفة منهد حيلة رحت عليه احجي ويا
-يامان كوم خوية ارجع للبيت ارتاح اني اضل يمها لا تخاف.
يامان: مستحيل اعوفها وحدها اني الي صيحت عليهه انقهرت مني كل شي بسببي اني صرت مهمل بأخر فترة على عائلتي.
هود: اشهد بالله ما الك اي قصور بس هذا شي كاتبة ربك والي كاتبة ربك لازم تشوفة العين كوم خوية شد حيلك ترة محد يكدر يكوللهه على طفل و يواسيهه غيرك انت تعرفها احسن من عدنا و ان شاء الله الله يعوضكم بلأحسن.
يامان: كمت على حيلي و ماعرف شلون ادخل اشوفها و اكوللها مات الطفل الي بطنج بعدنا ما فرحانين بي مسحت وجهي و عيوني فتحت باب.
هود: اني اروح اشتري كم شغلة حتى تاكل.
يامان: هزيت راسي و دخلت شفتها فاتحة عيونها و صافنة على سكف اتقربت منها بست راسهه.
-الحمدالله على سلامتج بوية.
تاليا: ضليت ساكتة مابية حيل احجي احس تعبانة اريد ارتاح اريد ابقة وحدي بصوت تعبان كلت
-ابني بعدة عايش؟
يامان: بوية جوعانة اجيبلج شي تاكلين.
تاليا: ابني عايش لو لا؟
يامان: الدكتورة كالت دمها قليل لازم تتغذين حبيبتي.
تاليا: ابنييي عايششش لو لاااا ياماننن؟
يامان: بصعوبة كدرت اخلي عيوني بعيونهه هواي حاولت اصير قوي و ما ابجي لازم هي تقوة بية بس دموعي غدرتني.
-الله يعوضنا حبيبي{الذين إذا أصابتهم مصيبة قالوا إنا لله وإنا إليه راجعون }.
تاليا: ماتتت قبل مااا افرح بي ماتتت يامان ابنا ماتت.
يامان: رادت تضرب نفسها لزمتها و حضنتها لصدري كل قوتي وهي ترجف رجف
-كافي يا لجمة گلبي كافي بوية انتي ربج كريم اكيد راح يعوضنا بس ماريد اشوفج هيج والله متدمر حسي بية ترة الحمل الي علية مو قليل اني هم انخطفت بنتي اني هم زوجتي حياتها بخطر اني هم قبل نص ساعة فقد ابنا تعبان و بس يمج راحتي لا تعذبيني اكثر بوية خلينا سوة نتشارك الحزن و نعدي هل مرحلة بأذن الله مو انتي مؤمنة بقضاء و قدر ربج هذا هو كاتبة ربج خليج قوية.
تاليا: تعبانة يامان اريد ارتاح اريد ابتعد عن كل هل ضجة الي صارت بحياتي.
يامان: تريدين نروح لبيتنا نروح للجبل انتي مو تحبيهن.
تاليا: شغلك؟
يامان: أروح اذا عندي شغل و ارجعلج.
تاليا: راح تتعب لا ماريد.
يامان: عاينيلي بوية والله اذا ترتاحين هناك هسه نروح.
تاليا: لا ماريد اروح بس انت ضل يمي لا تعوفني.
يامان: يمج ياروحة ليامانج ماعوفج للموت.
هود: رجعت بيدي كيك و عصائر جان ساعة ٢ بليل دكيت باب على كيفي.
-أكدر ادخل.
يامان: اي حبيبي تفضل.
تاليا: وخرت من حضن يامان و مسحت دموعي عدلت نفسي و دخل هود.
هود: هلا هلا هاي منو كاعدة شلونج حبيبتي.
تاليا: الحمدالله.
هود: الله يعوضكم بالأحسن ياروحي.
تاليا: تسلم حبيبي.
هود: جبتلج عصير و كيك تاكلين شوية و تسندين نفسج.
تاليا: ليش تعبت نفسك حبيبي ما اشتهي.
هود: مو بكيفج راح تاكلين لأن اني راح اوكلج يلا شو كعدي.
تاليا: هود والله... بعدني ما مكملة حجي فتح كيكة و خلى نصهه بحلكي علمود ماحجي باوعت على يامان ينقذني.
يامان:اني معلية.
هود: يلا ولج تريدين يساعدج ماكو اليوم اني ازيد دمج.
تاليا: هود بس على كيفك.
هود: اي اكلي يلا.
يامان: شفتها شوي ضحكت وية هود ارتاح كلبي ياربي هاي بنية شكد تعبت بحياتها يمتة ترتاح لازم اسوي شي ما يصير ابقة ساكت لهل حقير.
تاليا: ورة ما كملت اكل طلع هود و يامان رجعت اتمدد ردت اغمض عيوني دخل يامان
-ها حبيبي وين هود.
يامان: كلتلة يرجع للبيت خطية اليوم تعب.
تاليا: انت هم تعبان تعال نام و ارتاح.
يامان: لا ياروحي نامي انتي اني ما نعسان.
تاليا: يامانيي.
يامان: يا نور جنتي.
تاليا: نام.
يامان: صار بوية جريت كرسي كعدت عليه
-يلا نامي.
تاليا: نام يمي اريد احضنك.
يامان: بوية انتي مريضة اخاف تضوجين.
تاليا: شوف هذا سويتلك مكان، شفتة اجة بصفي نام و خلة راسي على ايدة وخر حجاب صار يمسد على راسي و يلعب بشعري ماعرف شلون خطر ببالي هذا سوأل و سألتة.
-ياماني.
-لجمة گلبة ليامانج.
-انت زعلان مني لأن طلعت من بيت و الطفل مات بسببي.
-اول شي طفل ما مات بسببج هذا شي ربج كاتبة النا لازم نكول الحمدالله ثاني شي جنت زعلان بس هسه لا اذا انعادت مرة ثانية يمكن ما تشوفيني مرة ثانية.
-تعوفني؟
-اي.
-صدك تعوفنييي؟
-ولج صوتج بنت اللذين.
-كوم روح منا زعلت وياك.
-تعاي تعاي شكد بربوقة اشاقة وياج.
-والله اذا تعوفني ازوج اسد.
-علمود اموتج و اموت نفسي وراج.
-حبني يلا حبني اني مو بنتك.
-يمة بنيتي يمة تعاي اغطيج لا تبردين.
تاليا: غطاني و لمني بحضنة نمت على بوساتة حنونة على راسي و خدي.
..........
سمر: بقينا بيت سارة و هود بليل فرشنا احنا بنات و شباب وحد ضلينا اني و بشرة كاعدات نحجي على الي صار هاي فترة و شلون كلنا مو مرتاحين سارة ابد ما شاركتنا كضتها لازمة لابتوب للصبح و هل سماعت بإذنها ماعرف على شنو تدور جنا نحجي اني و بشرة شفت اجتني رسالة من جواد كاتبلي
-نزلي اني بل مطبخ.
سمر: كمت من مكاني متوترة اخاف صاير لإيدة شي نزلت بسرعة رحت للمطبخ اريد اشغل ضوة حسيت ايد جرتني اريد اصيح لزم حلكي.
جواد: اشش اني هذا يمعودة لا تفضحينا.
سمر:ماشوفة زين بس ضوة حوش يضرب على مطبخ شوية اشوف عيونة أشرت يوخر ايدة.
جواد: راح اوخر ايدي مو ترعدين اوووي جواد ليش خوفتني هو هيجي الي يصيح بشر.
سمر: وخر ايدة و بديت احجي، جواد وكعت كلبي هو هيجي الب يصيح بشر.
جواد: مشتاقلج.
سمر: صدك تحجي حبيبي انت ما مصخن هسه وقتها ساعة ٢و نص بليل.
جواد: بروح ابوج الي اتزوج امي خليني انام يمج هو اني نعسان و مطفي بس ماكدر انام وانتي مو يمي.
سمر: جوادد عيب يمعود وين ننام.
جواد: نروح لغرفة ضيوف.
سمر: عيب ولك.
جواد: اروح على تميم لعد هو ينيمني بفراشة.
سمر: تعااال امشييي اصعد قبليي يلااا.
جواد: مو اخاف عيب.
سمر: لا مو عيب اكول ايدة جانت توجعة خفت عليه ضليت يمة.
جواد: ها هيج لعد مو اكول ناس ما تجي الا بل عين حمرة.
سمر: جوااااد.
جواد: اي شبيج على كيفج ترة اني مريض.
سمر: صعدت قبلة و هو يمشي وراية يضحك فتحت باب غرفة طبينا جوة و هو قفل باب باوعت علي يعني ليش كلي.
جواد: ناخذ راحتنا حبيبتي.
سمر: لا تلعب بذيلك امشي نايم يلا.
جواد: اشو دتعاي هي بكيفج.
سمر: جرنتي على جرباية صار فوكي فتح سحاب الي يم صدر دشداشة صار يوزع بوساتة متفرقة بصوت هادء و ذايب كلتلة
-جواد ايدك حبيبي.
جواد: طابت ايدي صارت زينة هاي دكتور وصفلي هل علاج كال كل ما توجعك اخذ بوسة بوستين.
سمر: قبل اكل لو بعدة يا ادبسز.
جواد: هو ما حدد قبل او بعد بس كال مهم ما تضل ايدك توجعك.
سمر: نام حبيبي نام كلاواتك زادن على لزوم.
جواد: بوسيني و انام وعد.
بشرة: كلت وعد هاا.
جواد: وعد بس بوسة كون ترضيني.
سمر: تقربت منا لزمت وجهه و قربت شفتي لشفتة و طبعت بوسة هادئة حسيت انفاسة صارت هادئة حسيت من خلة ايدة ورة ركبتي يقرب براسي لناحيتة اخذ شفايفي بين شفايفة حضني بتملك يهمس بإذني.
جواد: صار شكد انتي مرتي كل مرة ابوسج احس اول مرة و ارجف.
سمر: احبك جواد.
جواد: اعشقج سمار جواد انتي.
سمر: خليت راسة بحضني و ضليت العب بشعرة و هو نام اني هم غفيت و نمت.
.............
تاليا: مر اسبوع على طلعتي من مستشفى جنت كاعدة اني و تايا نلعب و يامان يشتغل على لابتوب جان دنيا مطر و برد سمعت صوت موبايلي يدك كمت جبتة جان على شحن شفت زينب تتصل جاوبتهه.
-الو شلونج زنوب.
زينب: هلا بيج من لكة احبابة نسة اصحابة.
تاليا: ههههه والله ما ناسيتج بس ضروفي هل فترة و نفسيتي مو هلكد.
زينب: عاذرتج حبيبتي اشاقة مهم شلونج شخبارج زوجج و بنتج شلونهم.
تاليا: كلنا بخير يروحي يامان يسلم عليج اني شخبارج.
زينب: الله يسلمة اني الحمد لله بخير.
تاليا: دومج يروحي.
زينب: اتصلت حتى اعزمج انتي و يامان على خطوبتي باجر.
تاليا: يااااا حقيرةةةة هسه تتصلين و تكوليلي باجر خطوبتي.
زينب: لو تردين على اتصالاتي و رسايلي جان عرفتي من زمان وجه طاوة لازم اني اعتب مو انتي.
تاليا: لا هنا حقج بس يولي وين الحك اجهز.
زينب: مشكلتج و هااا باجر اريدج من وكت تجين لأن ماعندي خوات انتي تكونين وياي.
تاليا: صار بس هسه خل احجي وية يامان و تدللين.
زينب: يلا امشي ولي باجر اني اعلمج.
تاليا: ههههه ان شاء الله مع السلامة.
زينب: الله وياج حبيبتي.
تاليا: سديت اتصال منها و رحت على يامان بعدة يشتغل.
-ياماني
يامان: ها
تاليا: باجر خطوبة صديقتي زينب.
يامان: اممم كملي.
تاليا: اريد اروح.
يامان: لا حبيبي الغيها باجر عدنا طلعة سوية.
تاليا: بس هاي صديقتي مقربة ماعدها خوات.
يامان: كلتلج ماكو باجر خطوبة واحد من شباب الي ويانة لازم اروح عيب.
تاليا: يااااماااانيي من تحجي وياي سد لابتوب.
يامان: هاي سديتة يلا اسمعج.
تاليا: اريد اروح للبصرة.
يامان: ماكدر حبيبي باجر لازم اطلع من وكت مو كلتلج خطوبة واحد من شباب انتي هم تجين وياي لأن عازمنا عائلياً.
تاليا: ماااااجي وياك ماادام ما خليتني اروح لخطوبة صديقتي ردت امشي جر ايدية و كعدني بحضنة على كرسي.
-عوفني يامانن عوفني والله زعلت.
يامان: ههههه يمة فدوة للزعلان اروح اني ولج نروح لخطوبة علي الي راح يخطب زينب صديقتج.
تاليا: لعد صارلك ساعة ليش ما تحجي هيج.
يامان: انتي كلتي ماجي خلص لعد مانروح.
تاليا: ياماااان.
يامان: ههههه عصبت بزونة نروح يروحي نروح جهزي نفسج باجر نطلع من صبح.
تاليا: اي هيج صير حباب.
يامان: اني حباب من زمان.
تاليا: صح صح.
يامان: قربتهه من خصرها و اهمس، عندج شك.
تاليا: لا يامان تايا هنا.
يامان: لو تعرفين شكد احبج اخخ لو بس تعرفين.
تاليا: اني هم احبك.
يامان: الف الحمدالله لأن ربي جمعني بيج.
تاليا: بستة بخدة و كمت من حضنة رحت اتصلت على زينب و كلتلها باجر جايين صعدت فوك لغرفتي احضر شي البسة باجر.
.............
فاطمة: الايام الي عشناها وية عمر بعمري ما انساها اني و اخواني عوضنا عن الأهل و صار سند النا جان امنيتي يكون ابوية حنون و يلزملي خط علمود اجي و اروح للمدرسة براحتي مو ارجع مكسرة بس عمر صار عوض الية كل يوم يجيبني و يوديني للمدرسة و من ارجع للبيت الكي ثلاجة مليانة اطبخ براحتي من يجي العصر علينة يكعد يدرس غسان و يساعدة بل إملاء حتى اني مرات اذا ماعرف شي يجي يفهمني جنت كاعدة انضف خضراوات للغدا اتذكرت بارحة شلون من ماجنت فاهمة موضوع رياضيات اخذت صورة للمعادلة و دزيتلة علمود يفهمني.
-عمر ماكاعد افهم هاي تكدر تشرحلي.
بنفس لحظة فتح رسالة و شافهه.
عمر: اي هسه افهمج خل اطلع من هوسة هذولة.
فاطمة: اذا بشغل عادي بعدين فهمني.
عمر: لا ماعندي شغل وردتي اتصلي كام و لبسي حجاب خلي اشرحلج.
فاطمة: كمت بسرعة جبت حجابي و فتحت دفتر و قلمي بيدي اتصلت عليه فتح كامرة اني هم وجهت كامرة على دفتر.
عمر: شوفي وردتي هاي معادلة لازم تقسمين صاد و سين بعدها تنقسين منهم ٣ لأن هنا مكتبة ناقص ٣.
فاطمة: ضل يشرحلي و اني اكتب وية شرحة.
عمر: افتهمتي وردتي.
فاطمة: هاا اي افتهمت بس اكو سوأل ثاني عادي تفهمنيا.
عمر: اي دزيليا خل اشوف.
فاطمة: دزيتلة السوأل كتبة عندة و ضل يفهم نفسة اول بعدها رجع يفهمني جاي اكتب وية شرحة ما اسمع غير صوت شباب دخلو يمة يحجون ويا.
علي: هاااا اني ادور على عمر اكول وين راح طلع خاتل هنا يدرس الحب.
تميم: سودة علية بس اني ضليت بدون حب جني مكطوع من شجرة.
جواد: وينها هاي فصمة وينها لاعبة لعب بكلب هل فطير الفقير.
عمر: وردتي بعدين اشرحلج الباقي هسه اروح اربي هل حقراء.
فاطمة: ماشي مع سلامة.
عمر: الله وياج بالج على نفسج شوية و اجي.
فاطمة: سديت اتصال منا و راجعت الي شرحليا لحد الضهر اجة على غدا اتغدا و ورة غداء شرحلي باقي أسألة و راح.