خاطفي هو منقذي{الجزءالثاني}

البارت سابع و عشرون🦋

هلو قلبوشاتي🦋
خاطفي_هو_منقذي

شلون اوصفك انت دفتر و اني كلمة.....
♡♡♡♡♡♡♡♡♡♡♡♡♡

-انتو منو شسون هنا....
جواد: التفتت شفت موجه سلاح علينا اني و تميم.
-حبيبي انت شنو اسمك.
-باقر.
-بقوري انت ليش هلكد ادبسز مو كاعد تشوف احنا متواعدين متفقين اني و حبيبي نعد نجوم سما سوا.
-انت شكاعد تحجي شسووون هنااا راح اصيح الأمن.
جواد: شفت تميم لزمة من ركبتة.
تميم: هسة ليش تخلينا نطيح حضك خلينا أصدقاء.
جواد: انت شكد ينطوك بل شهر من تشتغل هنا.
-بشهر ٤٠٠الف.
جواد: عزااا قليل والله ضالمينك.
تميم: اي وحق العباس بهل برد كلش قليل ٤٠٠ الف.
-شسوي بعد عيشتي على هل فلوس.
جواد: اشو اني حبيتك تعال نكعد نسولف تعال.
غمزت لتميم يكمل شغلة وهذا ولد ماجان جبير يعني عقلة زغير.
تميم: شفت جواد راح كعد وية هذا ولد شوي بعيد علينا و اني طلعت حبوب دكيتهن بل كاع جانت كمية هواية صعدت فتحت تانكي و فرغت الحبوب و مخدرات كفيت ايدي و نزلتها بل تانكي اخبط جان المي بارد ثلج من كملت سديت تانكي و نزلت شفت جواد و هذا ولد كاعدين يحجون و جواد يكرز حب شمس.
-ضلعي ماخذ راحتك جثير.
جواد: كطع كلبي هل ولد والله.
-بس انتو ما كلتولي شسون هنا؟
جواد و تميم: ههههههه.
-شكو ليش تضحكون.
جواد: تميم بعد اخوك جاوبة اني راح انتظرك بل سيارة.
تميم: هههه صار طلعت ابرة الي بيها مخدر لزمتة ضربتة ابرة بركبتة.
-نام بسلام حبيبي ماردت اسوي هذا شي بس مجبور.
جواد: يلا تموشتي.
تميم: اجيت، نزلنا اني و جواد لكينا شباب ينتظرونا.
علي: ها ليش تأخرتو.
تميم: والله جواد عجبة يكرز وية واحد منهم جان كاعد يسولف واني ما حبيت اكاطعة.
علي: انتو صدك تحجون يمعودين احنا بمهمة مال حب شمس هسة.
جواد: ولكم والله لو ادري كلهم هيج مزعطة ولا امشي بهل خطة جان اشتريت كيلوين حب شمس و افرهم فر.
عمر: هههه هسة لازم ننتظر يزقنبون من مي.
جواد: تؤ ماحب انتظار امشو وياي.
علي: وين يمعود.
تميم: ههههه اكيد عندة مصيبة.
جواد: علي الزم هل جيس حب لا تاخذ منة ولك.
علي: على شنو ناوي ولك بس فهمنا.
جواد: ما دامهم كلهم مزعطة اكيد اعرف نقطة ضعف مراهقين.
تميم: شفنا طلع تلفونة ما عرفنا وية منو حجة بس سمعنا كاللها انتظرج و سد اتصال اخذ جيس حب صار يكرز و احنا مصدومين ادري مهمة لو سفرة ضلينا ننتظر نص ساعة و اجت سيارة وكفت كدامنا كلها ثواني نزلت منة بنية صارت تمشي بكل ثقة و شموخ من وصلت يمنا ألقت تحية.
إيمان: تحياتي سيدي.
جواد: هلا خوية هلا سويتي الي كلتلج عليه.
إيمان: نعم سيدي اني جاهزة للمهمة.
جواد: كفو احنا راح نراقبج من فوك إشارة منج ندخل.
إيمان: تمام.
تميم: اشو هاي جانت لابسة عباية نزعتها فتحت شعرها و راحت.
علي: خوية شنو هذا منو هاي.
جواد: ظابطة جديدة ويانة.
تميم: ادري طركاعة بس ليش جبتها.
جواد: مراهقين شنو يحبون يولووو.
تميم: دلع بنات.
جواد: واني ما كسرت خاطرهم.
عمر: بس شلون وافقت.
جواد: هذا شغل و شي اكيد اذا تمادو وياهه تلكة نسور بظهرها يلا امشو كلنا فوك نراقب اذا صار شي.
تميم: صعدنا ويا فوك كل واحد مجهز سلاحة للضرورة شفنا إيمان دكت باب و فتحولها ثنين شباب حرس يم باب ماعرف شنو كامت تحجي وياهم ضلت تلعب بشعرها و تتماوع و هذولة حقراء يدورون وراها دخلت وياهم للبيت جوة ضلينا ننتظر فوك ربع ساعة و اجة رسالة لجواد.
جواد: كفووو يلا شباب نزلو بسرعة عدكم وقت قليل كلنا نتساعد و نشكل بلاكات.
علي: يلا يلا عمر انت اقسم بلاكات بينك و بين تميم و اني و جواد نتفاهم.
عمر: تم.
جواد: نزلنا جوة طلعنا لثامنا تلثمنا و افترينا لباب بيت شوية و إيمان فتحتلنا باب.
إيمان: المهمة تمت سيدي خليتهم كلهم يشربون مي عددهم شي ١٠ أشخاص.
جواد: كفو منج خلصت مهمتج انتظرينا بل سيارة لا ترجعين وحدج.
إيمان: صار سيدي.
جواد: دخلنا للبيت لكينا هل جلاب كلها فاقدة بل مطبخ اتفرقنا كل واحد بجهه صرنا نفتح بلاكات البيت و نغيرها همزين سارة مختارة نفس تصميم بلاك علمود ما يشكون بعد شغل ساعة و نص كملنا بس جان اكو حركة بل بيت اشرلت للشباب يسكتون و يبقون مكانهم جنت خاتل ورة قنفة شفت اسد دخل للبيت بس مشيتة مو متوازنة عرفتة شربان صار يصيح بأسم تاليا.
اسد: تاليااا وينج حبيبتي اني اجيت تعاي حضنيني مثل ما حضنتي هذاك حقير يامان ليشش ليشش مو اني احبج.
جواد: انتبهت بيدة صورة صار يقربها لحلكة و يبوسها ابن كلب وين يامان عنك والله اذا يسمعك تحجي هيج الا يثرمك ثرم شفتة رفع مشروب شرب الي ما بقة و شمرها اتكسرت بل كاع مشة و هو يطوطح منا و منا دخل لوحدة من غرف أشرت لتميم و علي و عمر حتى نطلع صرنا نمشي على كيفنا و طلعنا من بيت ركضنا لورة بيت شفت سيارة إيمان موجودة يعني بعدها ما رايحة رحت عليها فزت جرت سلاح.
-اهدي هاي احنا.
إيمان: سيدي.
جواد: امشي كدامنا و احنا وراج من توصلين لبيتج احنا نروح.
إيمان: سيدي ما يحتاج عادي ارجع وحدي.
جواد: لا لعد تميم يوصلج بعدها يرجع.
تميم: اني؟
جواد: اي يلا توكلو.
علي: اني راح اوصل عمر.
جواد: كفو منكم شباب باجر عدنا اجتماع اريدكم من وقت.
علي و عمر: حاضر سيدي.
تميم و إيمان: صار سيدي.
جواد: تصبحون على خير يالله مع السلامه.
الكل: الله وياك.
جواد: صعدت سيارتي من شفت همة تحركو و راحو مشيت سيارتي و توجهت للبيت.
........
علي: اي ياخوية شلون صرت.
عمر: الحمدالله فاطمة ما مقصرة وياي شايلتني بعيونها.
علي: شلونها علاقتكم يعني قصدي تحبك.
عمر: تحبني بس مرات احسها خايفة.
علي: اكيد مو عادي الي صار وياهه.
عمر: عندي استعداد انتظرها طول عمري و ما امل.
علي: ربي يحفظكم و يخليكم لبعض.
عمر: امين ربي يسمع منك.
علي: بعد شكد و تكمل امتحاناتها.
عمر: باجر اول يوم امتحان نص سنة بعد وراها اخير سنة يعني شي كم شهر.
علي: ان شاء الله خير.
عمر: ان شاء الله.
علي: يلا امشي انزل روح لمرتك.
عمر: ههههه عجبتني كلمة مرتك.
علي: هههه يلا ولك خل ارجع من وكت لا تهلسني زنيبة.
عمر: حكومة بعد ههههه.
علي: هنيالك فاطمة فقرة و تستحي تتعارك وياك.
عمر: على كولة جواد قبل زواج شي و بعد زواج شي ثاني.
علي: هههه اي وحق العباس.
عمر: مشكور على توصيل خوية بالك على نفسك تصبح على خير.
علي: وانت بخير مع سلامة.
عمر: الله وياك ياخوي.
علي راح و اني طلعت مفتاح بيت فتحت باب و طبيت للحوش شفت فاطمة كاعدة بل حوش لافة نفسها بقمصلة سديت باب و رحت عليها.
-حبيبتي ليش طالعة بهل برد صاير شي يوجع شي غسان و حنين بيهم شي.
فاطمة: لا لا وين جنت ضل بالي يمك الوقت تأخر وانت ماكو.
عمر: ياعيوني ليش طالعة تنتظريني بهل برد تعاي دخلي تعاي.
لزمت ايدها جانت ثلج طبينا جوة شفت فارشة بل استقبال نزعت قمصلتي و جريتها يم صوبة ادفي ايديها.
-ليش تخوفيني عليج.
فاطمة: اني خفت عليك صارت ب ١ وانت ماكو.
عمر: جان عدنا مهمة لهذا تأخرت.
فاطمة: متعشي جوعان اسويلك شي تاكلة.
عمر: جريتها لحضني و حضنتها، لا ياعيون عمر انتي مو جوعان ضلي يمي ماريد شي.
فاطمة: شلون طلعت وانت مريض.
عمر: جان مهمة ضرورية و طلعت صرت احسن لا تهتمين، وخرت من حضني رفعت ايديها صغار لجبيني علموت تشوف حرارتي.
-ها دكتورة شبيها حالتي.
فاطمة: لا صرت زين ماكو حرارة.
عمر: دكتورة هو عندي مرض ثاني ممكن تشوفين شبية.
فاطمة: شنو من مرض اسم الله.
عمر: من اوصل يمج كلبي يدك بسرعة و جسمي يرجف رجف.
فاطمة: يااا حتى اني هيج.
عمر: بدون ما تنتبه حجتها بعدين خلت ايدها على حلكها شديتها اكثر لحضني و وخرت ايدها لزمت وجها بهدوء قربت راسها لناحيتي و تقربت اخذت شفايفها بين شفايفي ما هديتهن الا من رادت نفس ابتعدت و نزلت اشم بركبتها و طبعت بوسات حنونة من عرفت نزلت اكثر لزمت بلوزتي قوي همست بأذنها.
-ماسوي شي بدون رضاتج.
فاطمة: عمر.
عمر: عيون عمر.
فاطمة: اريد انام باجر عندي امتحان من صبح.
عمر: ماشي حبيبي تعاي نامي بنيتي.
فاطمة: ما تغير ملابسك.
عمر: انيمج و اروح ابدل، جريتها نيمتها بحضني امسد على راسها حسيت أنفاسها ثكلت ضلين سهران ماكدرت انام ورة شوية تحركت و خلت راسها بركبتي حضنتني مثل جاهل حاضن أمة ضليت صافن بملامحها اتذكرت شلون تعرفت عليها من اول مرة لحد هسة هي بحضني طلعت تلفوني اخذت صورة هي بحضني  و فتحت قصيدة الي تحبها رجعت حضنتها و غمضت عيني غفيت على ريحت شعرها.
.........
تاليا: ورة مرور مادري شكد من وقت كعدت من نوم بس اكو شي محاوطني من خصري انداريت شفت هذا يامان و اني بعدني بل منشفة ما مبدلة جريت تلفون شفت ساعة ب ٢ رجعت عفت تلفون و حضنت يامان و نمت ما كعدت الا لثاني يوم على لمسات ايد فتحت عيوني شفت يامان صافن بية كلتلة.
-صباح خير حبيبي.
يامان: صباحي وجهج الحلو.
تاليا: بارحة يمتى اجيت ماحسيت عليك.
يامان: اجيت ب ١١ و نص خالة ام سارة فتحتلي باب صعدت لكيتج نايمة.
تاليا: جنت تعبانة.
يامان: اممم بس الحلو بل موضوع ما تعبت نفسي بس بفتح منشفة.
تاليا: شنووو يامان ايا ادبسز.
يامان: هههههه.
تاليا: روح والله زاعلتك.
يامان: هههه تعاي ولج والله ماسويت شي اصلاً جنت تعبان ذبيت نفسي و نمت.
تاليا: حضني و ضل يضحك، يامان متأكد.
يامان: مو كلش.
تاليا: ضربتة على صدرة ضل يضحك ردت اكوم ما يقبل.
يامان: ههههه ولج شبيج انكلبتي بزونة شرسة هي جم بوسة.
تاليا: مو صوجك صوجي اني.
يامان: مرتي مرتي.
تاليا: كوم اريد انزل هسة اهلي شيكولون علينا شكد عيب.
يامان: يكولون جانو يسون***.
تاليا: اشو انت طالعة عينك وين يامان خجول انا لا أراه.
يامان: هههههه بوية بس يمج تحلى وكاحة اويلي.
تاليا: نظراتك مو أمان يامان لا لا.
يامان: هههه تفهمني.
تاليا: كلبني و صار فوكي اشرتلة لا نزل راسة و صار يطبع بوساتة متفرقة بركبتي بإيدة وخر شوية من منشفة صار يبوس كتفي و ينزل لصدري دفعتة خفيف.
-يامان مو هسة.
يامان: بنت مشعول تسوي اغرائات بعدين تفلت.
تاليا: ههههه عود من نرجع لبيتنا الله كريم.
يامان: شيخلصج مني بوقتها.
تاليا: منحرف منو وصلك لهل درجة ابني مو جنت تربيتي.
يامان: ما شايفة شي كومي بدلي لا اجرم بيج.
تاليا: لا عيني لا كايمة ابدل انت روح اسبح.
يامان: ما جايب هدوم راح ارجع للبيت اسبح و اطلع للدوام الي اريدة منج ما تطلعين من بيت واذا صار شي تتصلين علية تمام.
تاليا: تمام وانت دير بالك على نفسك تذكر عندك عائلة اذا يصيرلك شي يتيهون.
يامان: يا كل اهلي ان شاء الله ما يصير غير الي ربج كاتبة.
تاليا: ترجع للغدا.
يامان: لا حبيبي بارحة بشرة اتصلت كالت تعال غداك يمنا.
تاليا: تمام، تقرب باس راسي و خدي و آخر شي ختمها بوسة بشفتي.
يامان: راح اشتاقلج.
تاليا: اني هم.
يامان: ان شاء الله تعدي هل ايام يلا حبيبي صار لازم اروح ديري بالج على نفسج و على تايا بس يصير مجال اجيكم هسة مع سلامة.
تاليا: الله وياك حبيبي.
شفتة طلع من غرفة رحت للشباك فتحت بردة شوية شفتة يصعد سيارة و راح اني هم رحت بدلت و غسلت وجهي نزلت جوة صبحت على ابوية و خالة ام سارة كعدنا نتريك كلنا سوة من كملنا ساعدت خالة افتخار بتنظيف البيت لأن تايا و حسين ابن هود متعبيها هواي نظفت و كملت جانت ضوجة ماعرف شسوي كعدت بل صالة فتحت تلفوني راسلت بل كروب و صبحت عليهم كلهم مشغولين راسلت جوليا اسأل عليها.
-صباحو يا حلو.
جاوبتني بنفس وقت.
جوليا: هلا بهل صباح شلونج حبيبتي.
تاليا: بخير الحمد لله انتي شلونج خوما شغلتج عن محاضرة.
جوليا: لا حبيبتي ماعندي محاضرة لحد ساعة ١٠ هسة بس الكالي مكان اكعد بي اتصل عليج اذا عندج مجال لأن دنيا دتمطر.
تاليا: اي حب عندي مجال روحي لأي مكان بين ما اسوي كوب حليب.
جوليا: تمام بس اوصل اتصل عليج.
تاليا: رحت للمطبخ طلعت حليب و كوب سويت كوب حليب حار جو جان بارد كلش شوية و حسيت صوت تلفون رجعت للصالة شفتها جوليا بسرعة رديت.
-هلا بهل صوت حلو.
جوليا: ههه ماتحمل غزل من صبح شلونج يول مشتاقتلج.
تاليا: والله اني هم مشتاقتلج بس يا خية مشاكل تارسة حياتي.
جوليا: احجيلي شصاير يا ستار.
تاليا: بارحة حضرت نفسي ارجع بيت اهلي بين ما يامان يخلص شغلة بس الي صار........ اي والله هذا كل الي صار لو تشوفيني كمت ارجف خايفة لا يامان يسوي شي.
جوليا: اخخخ لو الزم هل اسد و اكطعة تكطع ما يرتاح كلبي.
تاليا: مو بس انتي حتى اني اتمنى اكطعة بس ماريد أوصخ ايدي بهيج شكولة.
جوليا: ان شاء الله الله ينصركم.
تاليا: عوفينا مني انتي شلون صرتي شلونها ايامج ادري ضروفج أصعب مني بس صدكيني ماجان عندي وقت اسأل عليج.
جوليا: لا ياعمري عاذرتج والله شكلج توتي مكسور ضهري بموت ابوية احس ماضليت نفس البنية قوية و ما تهتم لكلام ناس صرت ضعيفة و اخاف من خيالي صرت اشوفة بكل مكان و اتخيل هو وياي.
تاليا: الله يصبرج ياعمري ادري مو هينة بس شنسوي بعد هذا طريقنا كلنا.
جوليا: طايحين بمشاكل مالها والي بس نكول الحمدالله نوب فوك هذا كلة البنات الي وياي يكولن انتي مغرورة و متكبرة بس تخلص محاضرة تروحين ما نشوفج.
تاليا: زين كوليلهن اني ماصارلي ٣ أشهر من ابوية متوفي شتريدن اضحك و اتونس وياجن والله يا الله.
جوليا: ماريد ابرر و أوضح لأي شخص اكمل محاضراتي و كبل للبيت مالي خلكهن.
تاليا: عوفيهن مهم راحتج اي اليوم يمتة ترجعين للبيت.
جوليا: والله ب ٢ ضهر تخلص محاضرة.
تاليا: يوو هواي الله يساعدج.
جوليا: اي والله شسوي.
تاليا: جنت احجي وياهه سمعت صوت ولد يمها يحجي بل كردي و هي تجاوبة انتظرت شوية لحد ما راح و هي حجت.
جوليا: ها تالو اسفة هذا واحد سأل عن محاضرة و جاوبتة.
تاليا: عادي حبيبي بس جوجي اريد اكلج شي بس مو تزعلين مني.
جوليا: كولي حبيبتي.
تاليا: لا تثقين بولد جامعة لأن كلهم جذابين الله وكيلج.
جوليا: ههههه ولج اول يوم اجيت اسجل بل جامعة جنت انتظر اخوية يجي يساعدني لأن هو وياي نفس جامعة كعدت على كراسي جانت موجودة بل حديقة انتظرة ورة شوية شفت ٤ شباب اجو كعدو بكراس الي وراية سمعتهم يحجون على بنية واحد يكول للثاني بارحة جنت اضحك وياها ضلت وياية للصبح و هذاك يكول لا اني هذاك اسبوع جنت وياهه الله وكيلج توتي حسيت هاي إشارة من ربي الي بأن ما اختلط وية اي شخص احسن شي اكمل دراستي و ارجع بطريقي للبيت والثقة انطيها لأهلي مو للغريب.
تاليا: اني هم هواي شايفة هل نماذج لهذا كلتلج ديربالج.
جوليا: ياروحي لا تخافين منتبهه من هاي ناحية.
تاليا: ربي يوفقج يلا يلا صارت ب ١٠ كومي لا تروح عليج محاضرة.
جوليا: من اسولف وياج ولا اهتم للوقت يولي يلا سلميلي على الكل و بوسيلي بنتج باي ياروحي.
تاليا: يوصل ان شاء الله بايات حبيبتي.
سديت اتصال من جوليا رفعت ايدية ادعيلها ربي يوفقها هل بنية هواي شافت ضيم بعدين كمت جريت تايا و حسين طببتهم للحمام واحد ورة ثاني اسبحهم.
..........
يامان: بعد ما رجعت للبيت سبحت و بدلت طلعت بسرعة صعدت سيارتي توجهت للشغل من وصلت شفت عمر وصل وياية نزلت سلمت عليه.
-صباح الخير شلونك عمر.
عمر: صباح نور سيدي بخير انت شلونك.
يامان: على الله ليش متأخر مثلي.
عمر: اسف سيدي بس وصلت زوجتي للمدرسة.
يامان: عادي امشي ندخل عدنا اجتماع.
عمر: صار سيدي تفضل ادخل بعدك.
يامان: مشيت قبلة و صار يمشي وراية وصلنا لغرفة اجتماعات شفتهم كلهم موجودين و كاعدين.
-سلام عليكم شلونكم شباب.
الكل: وعليكم سلام بخير.
يامان: استريحو، اي شباب شنو تطورات.
سارة: تم تشكيل بلاكات كهربائية بنجاح سيدي.
يامان: كفو علي و عمر.
علي: احم سيدي مو بس احنا مشينا بل خطة.
يامان: ما افتهمت.
تميم: جواد غير خطة.
يامان: شنوو شلون.
جواد: جان من صعب الحراس و رجال حجي عبدالقادر كلهم يشربون مي بنفس وقت و احنا ما بيدنا وقت لازم نغير بلاكات لهذا غيرت من خطة شوي بسيط.
سارة: شلون غيرتة.
علي: بمساعدة ظابط ايمان كدرنا ندخل جوة و بسهولة نبدل كل بلاكات.
جواد: شفت الشباب كلهم مراهقين و عرفت تفكيرهم لهذا اتفقت وية ظابط ايمان تفرهم فر و تقنهم يشربون مي بسهولة و هي ما قصرت من استلمنا إشارة منها دخلنا جوة غيرنا البلاكات.
يامان: حجي عبدالقادر وين جان.
جواد: اكيد رايح يتفق علمود وجبة جديدة الي راح توصل اليوم.
يامان: و هذا حقير اسد.
تميم: بأخر دقيقة طب يطوطح و شربان بس ما انتبه علينا دخل لغرفتة و احنا طلعنا من بيت.
يامان: كفو منكم أبطال لعد خل نتحضر الليلة تسليم الوجبة.
سارة: لا سيدي.
يامان: شنو؟
سارة: مو اليوم توصل وجبة اليوم صبح سمعت وحدة من مايكات صوت اسد و حج عبدالقادر و رجال ثالث بينهم يخططون بعد اسبوع توصل وجبة بس الليلة يريدون يتأكدون اذا احنا حاسين بوصول وجبتهم حتى يلعبوها براحتهم.
يامان: يا حقراء مخططين بتركيز.
جواد: خلي يولون انت بس اشتريلي كيلو حب شمس شوف اذا ما فريتهم فر وحق عيونك الي احبهن.
سيف: بلشنا.
تميم: عبالكم يشاقة لا الله وكيلكم بارحة كاعد يسولف وية حرس و يكرزون سوة.
يامان: مخبل انتتت كم مرة منبهك على هل تصرفات.
جواد: هسة معلية بارحة اشتريت نص كيلو حب شمس حتى اركز بل مهمة منو يعوضني انت لو حكومة.
تميم: الله يعوضك حبيبي.
الكل: هههههه.
يامان: جواد اخر مرة اعيدها لا تاخذ موضوع مهمات بستهزاء و تخلي حياتك بخطر.
جواد: اووووييي طلعت تحبني و تخاف علية فديتك حبيبي.
يامان: جواددد.
جواد: عيونة ابن عمي.
يامان: انجب.
جواد: اخخ لساني.
تميم: ههههه كوم خوية كوم لا تنكتل.
جواد: يامان.
يامان: ها.
جواد: تحبني.
يامان: لا.
جواد: هسة ليش تجذب.
يامان: منا البنات كوم لا امسح بيك كاع كدامهن.
جواد: حبيبي القاسي.
يامان: اشو دتعال انت مو مال عين و اغاتي.
سيف: هههه ولكم كعدو يمعودين راحت هيبة.
سارة: سيدي مهمة جاية اني اجي وياك لو جواد.
جواد: شي اكيد اني والله اذا ما تخلوني وية يامان من هسة انسحب من مهمة اني ما اطلع الا وية خويي.
سيف: سارة خلي جواد وية يامان لأن من يوم يومة هو وية يامان.
سارة: ماعندي مشكلة علي و عمر سوة واني سيف و يامان و جواد بقة بس تميم.
جواد: عيونج وينهن جا ما شفتي ظابط ايمان خليها وية تميم.
سارة: يا فهمان ظابط ايمان وجها اكيد طالع بكامرات بيت حاج عبدالقادر.
ايمان: جنت مغطبة وجهي بل عباية.
سارة: لعد انتي و ظابط تميم راح تكونون سوة بمهمة جاية.
يامان: متفقين بس مو هسة نحدد الأماكن لأن يمكن يغيرون مكان استلام وجبات.
سارة: ردت اكول نفس شي لازم ننتظر ليوم قبل تسليم حتى نحدد الأماكن و ها كل واحد بيكم ينزل عندة هذا برنامج تكدرون من خلالة تسمعون حجيهم الي تسجلة مايكات.
سيف: كفو منج من جد انتي ذكية.
سارة: بل خدمة سيدي.
يامان: كفو من جميع الشغل الي مشتغلينة كلش قوي و حلو ان شاء الله نصر النا.
الكل: ان شاء الله.
يامان: خلص اجتماع تكدرون ترجعون لشغلكم.
علي: طلعنا من قاعة اجتماعات اني و عمر.
-اي خوية شلونك.
عمر: بنص الخير اخوك بس ما نايم.
علي: ها يخوي هاا هههه.
عمر: هههه يا خايس مو الي بالك.
علي: والله بالي نضيف بس كلامك يأكد غير شي.
عمر: ماكدرت انام احس ارجف رجف من تصير بحضني علي ادعيلي اتزوجها.
علي: هواي صبرت ماضل شي ان شاءالله تكمل امتحاناتها و أخذها.
عمر: ان شاء الله اكول بيش ساعة.
علي: صارت ب ١٠ و نص.
عمر: يبووو نسيت اروح عليها هسة تنتظرني.
علي: روح اني اكول ليامان بس مو تتأخر يول.
عمر: فديتك ضلعي مع سلامة.
علي: شفتة يركض و يسحب سويج من خصرة دعيتلة كون ربي يجمعة بفاطمة هواي تعبو بحياتهم هو راح و اتصلت علية زينب رديت عليها.
-هلو حبيبتي كعدتي صباح الخير.
زينب: عليييي انتتتت عازممم هل حيوااانة لبيتناااا.
علي: يا ستار ياربي هو شكو من صباحيات الله.
زينب: امك اتصلت كالت راح اجي عليكم علي عازمنا كلت كلل هلا بيكم من اجتي وياها هاي صخلة دموع انت عازمها مو.
علي: وداعتج مو اني يمعودة والعباس مو اني اصلاً ولا ادري هي تجي.
زينب: بلي بلي هيانها جاية كاعدة هي و امها و امك.
علي: هسة يا حبيبي شبيج حاركة عصابج لا تديريلهم بال خلي يولون.
زينب: شوف علاوي ترجع للبيت بس سلام عليكم و تصعد فوك ما تنزل لحد ما اني اصيحك افتهمت.
علي: حبيبي فرد مرة حضريلي حجاب مو احسن.
زينب: لو بيدي البسك بوشية.
علي: اي كملت ويانة.
زينب: يلا روح من ترجع توصل لباب بيت اتصل واذا ما اتصلت اموت والله.
علي: يارب صبرك واحد من صبح يكعد على غزل احنا على تهديدات.
زينب: يلا ميخالف أحبك.
علي: هههه مسودنة انتي احلف عليج عباس.
زينب: روح يلا اريد انزل اشوف هل صخلة شسوي باي.
علي: ولج زنيبة، ما لحكت احجي سدتة اني اعلمج خل ارجع للبيت صرت امشي بل ممر واضحك على غيرتها هههه مخبلة هل بنية بس اخخ شحبها رحت لمكتب يامان دكيت باب.
يامان: تفضل.
علي: زاد فضلك سيدي عمر طلع شغلة ساعة كلت انبهك.
يامان: خير صاير شي.
علي: لا والله راح يرجع زوجتة من مدرسة.
يامان: تمام ماكو مشكلة.
علي: ردت اطلع وكفت من رجع صاحلي.
يامان: علي.
علي: نعم سيدي.
يامان: ابو عمر بعدة يطلب فلوس من عمر.
علي: والله شكلك سيدي مو بس ابو كاعد يدفع فلوس كل شهر  لأبو زوجتة حتى يسكت عن بنتة و ما يأذيها.
يامان: حسبي الله ونعم الوكيل بس خل تخلص هاي مهمة راح اشوف شغلي وياهم هذولة ثنين.
علي: الله كريم هواي نصحتة ما يدفعلهم بس هو معاند يكول ماريد امي تغضب علية و هذا مكان ابوية رباني ماريد يموت و ماراضي علية.
يامان: حرامات ابو ما يعرف قدر هل ولد.
علي: يجي يوم يعض اصابيعة ندم لأن باقي جهالة ما يحبونة و يحترمونا.
يامان: شي اكيد دنيا دوارة مهم حبيبي ارجع لشغلك ماريد اعطلك اكثر.
علي: حاضر سيدي.
........
عمر: طلعت من شغل امشي بسرعة اكيد متأخر عليها بعد مسافة طريق وصلت لمدرستها لكيتها تنتظر برة هي وية بنية  دنيا دتمطر نزلت بيدي قمصلتي رحت ركض عليها خليت قمصلة على راسها حتى لا تتبلل.
-ليش طلعتي ياعيوني مو تعرفين دنيا مطر.
فاطمة: الحارس ما قبل نبقى جوة كال الي امتحن يطلع.
عمر: امشي حبيبي امشي لا تتمرضين.
فاطمة: عادي نوصل صديقتي هديل للبيت والله على طريقنا.
عمر: اي صيحيلها.
فاطمة: هديل تعاي ويانة.
هديل: ما يحتاج هسة يجي اخوي.
فاطمة: تأخر وقت و دنيا تمطر تعاي ويانة راح نوصلج انتي على طريقنا.
عمر: بعد محاولات هواي منها صعدت ويانة صديقتها سلمت رديت عليها و ضلت تدليني بيتهم وصلتها تشكرت مني و مشينا شفت لازمة ايدها بإيد ثانية جريت ايدها ثلج.
-بردانة حبيبي.
فاطمة: هسة ادفة.
عمر: جريت ايدها صرت انفخ بيها.
-هسة ادفيتي.
فاطمة: اي.
عمر: شفتها تباوعلي و تبتسم حضنتها من كتوفها.
-شلون جاوبتي.
فاطمة: كلش زين الأسئلة جانت سهلة.
عمر: عفية اذا نجحتي الج هدية.
فاطمة: شكرا والله ما يحتاج.
عمر: اشش اني عاجبني اجيبلج هدية.
فاطمة: مو تنسة لازم نروح على غسان هم.
عمر: هههه ادري يروحي، مشينا طريق كلها ساكتة عبالي نامت بس من صاحتلي تأكدت ما نايمة.
فاطمة: عمر.
عمر: عيون عمر.
فاطمة: انت عوضتني عن حنان الأب شكرا.
عمر: اني كل اهلج ابد لا تفكرين انتي وحيدة كل ما حسيتي نفسج محتاجة شخص من عائلتج تعاي علية.
فاطمة: احم اني احبك.
عمر: اووف عيدها مرة ثانية فدوة.
فاطمة: احبك.
عمر: اموت عليج يا عيون عمر.
سكتت عرفتها خجلت بست راسها وصلنا لمدرسة غسان نزلت طبيت للمدرسة شفتة كاعد وية اصدقائة من شافني اجة حضني.
غسان: عمر هههه.
عمر: روحة لعمر ها يا بطل شلون جاوبت.
غسان: كلش زين بس اكو بعض اغلاط.
عمر: عادي فدوة الك يلا نمشي اختك جاي تنتظرنا بل سيارة.
غسان: اي يلا.
عمر: صرنا نمشي سوية اخرب شعرة و هو يضحك رحنا صعدنا بل سيارة توجهنا للبيت من وصلنا نزلنا فتحت باب طبينا جوة شفت حنين بعدها نايمة ما نزعت من رجلي لأن لازم ارجع للشغل.
فاطمة: عمر ليش ما تدخل راح تبرد.
عمر: لا حبيبي لازم ارجع للشغل اخذت اذن علمود اجي اوصلج هسة راجع ديرو بالكم على نفسكم بين ما ارجع.
فاطمة: تمام بس ثواني لا تروح هسة راجعة.
عمر: طبت جوة باوعت للساعة تأخرت.
-يلا فاطمة تأخرت.
فاطمة: اي اي اجيت.
عمر: اجت تركض بيدها لفاف اشرتلي انزل لطولها و لفتة على ركبتي.
فاطمة: لا تتمرض.
عمر: احبج اني شحبج اخخ لو ما شغل.
فاطمة: يلا يلا راح تتأخر.
عمر: هههه يلا من ارجع شمرتلها بوسة بل هوا و طلعت صعدت سيارتي رجعت للشغل و ضليت اتلمس لفاف و اتذكر شلون لفتة الي و ابتسم.
.........
زينب: اول شي سويتة قفلت غرفة نوم اخاف جايبة سحر منا لو منا و نزلت ضليت ابتسم بوجهن شغلت تلفزيون فتحت سورة بقرة و عليتها شوي.
ام علي: ماشاءالله فدوة لجنتي حلوة ما تشتغل اذا ما تفتح قرأن.
زينب: اي اي عمة علمود اطرد شواطين من بيتي.
جانو اخوان علي هم جايين كاعدين بصفي واحد منهم شاورني.
حسن: قصدج تطردين دموع بومة.
زينب: حبيتك لأن ذكي.
حسن: مرت اخوي بعد لازم افتهمج.
زينب: يلا ولكم وياية خلي نطكها بفاتحة لأم البنين و هسة اسوي طشارها مالة والي.
حسن و حسين: الفاتحة.
ام علي: ها ولكم بشنو تتشاورون.
زينب: لا عمة ماكو شي جنت اعلمهم شلون نطرد شواطين.
ام علي: يا عيني اي يمة زين تسوين علميهم.
زينب: تدللين عمة يلا اني من رخصتكم اشوف الأكل.
ام علي و خالتة علي: اخذي راحتج بنتي.
زينب: رحت للمطبخ جنت طابخة قوزي على تمن و جدر زغير دولمة شفت الأكل صاير كمت احضر بل زلاطة و طرشي و خضراوات اجت البومة.
دموع: تريديني اساعدج بشي.
زينب: لا عيني اني احضر كل شي انتي لا تعبين نفسج روحي اكعدي.
دموع: براحتج.
زينب: رادت تطلع و اندك تلفوني انداريت شفتها وكفت باب مطبخ رحت اخذت تلفون جان على كاونتر شفت علي يتصل جاوبتة.
-الو ها حبيبي.
علي: اني اجيت واكف بل باب.
زينب: اجيت حبيبي يمكن من صوت مطر ما سمعت باب يندك تدلل ابو بيتي اجيتك.
علي: زينب هاي انتي لو مبدليج.
زينب: صا حبيبي اجيت، سديت اتصال و خليت شال على راسي طلعت افتح باب حوش جنت اعرف راح تباوعلنا من شباك مطبخ بسرعة حضنت علي.
-اشتاقيتلك.
علي: واني هم حبيبي بس احس اكو شي مو طبيعي.
زينب: هههه تدخل جوة تسلم و بعدها عدل و كبل لغرفتنا ما تنزل لحد ما اني اجيك وهاك هذا مفتاح غرفة.
علي: ههههه عليج سوالف.
زينب: شبيهن.
علي: يخبل بس اعصابج هههه.
زينب: يلا لعد كدامي.
علي: ولججج.
زينب: فديتك حبيبي مح يلا امشي.
علي: اي عبالي.
زينب: هو طب جوة و اني امشي ورا شفتة سلم عليهم و صعد فوك اني هم رتبت الأكل على ميز و صحتلهم يجون يتغدون.
ام علي: ماشاءالله تبارك الرحمن معدلة مرت علاوي.
زينب: افاا عليج عمة غير تدللين انتو تفضلو اكلو اني بس اصيح لعلي و اجي بل عافية عليكم.
خالة علي: اخذي راحتج حبيبتي.
زينب: عفتهم و صعدت فوك شفت علي جاي ينشف بشعرة و بس لابس بجامة.
علي: ها حبيبي.
زينب: الغدا جاهز البس و انزل.
علي: اي نازل حبيبي بس طلعيلي بلوز ابو ركبة لأن حضرتج لاعبة لعب بركبتي.
زينب: صوجك اكول اكعد راحة ما تكعد.
علي: اشو دتعاي لسانج طولان حبيبي.
زينب: علي كلهم جوة ينتظرونا على اكل عيب.
علي: خليهم.
زينب: صار يبوس بركبتي دفعتة، علوشتي مو وقتها يلا حبيبي هاك بلوزتك امشي ننزل.
علي: اخذ حقي مربع تشوفين.
زينب: عسا تاخذة مستطيل مهم خل ننزل و ها اسمع اريدك هيج تشبعني حب كدام هاي بومة.
علي: ههههه امشي مادري متزوج مرة لو طفلة.
زينب: ارجع بيت اهلي.
علي: شحدج امشي يلا
زينب: نزلنا هو لازم ايدي دخلنا للمطبخ كعدنا واحد بصف ثاني ردت اصب اكل ما قبل.
علي: لا حبيبي جيبي اني اصبلج.
زينب: صح خجلت بس عجبني لأن شفت دموع راح تطك بكلي اكول موتي من غيرة موتي.
علي: اممم صراحة بعد اكل امي يربح اكل مرتي.
ام علي: والله اكل مرتك ياخذ الأول ما شاء الله.
زينب: ههه تسلمين عمة بل عافية عليكم.
حسن: زنوب من يوم جاي اني راح اتغدة يمكم.
زينب: كلل هلا بيك تنورنا.
علي: اسمها زينب مو زنوب.
حسن: مرت اخوية و ادلعها.
علي: اكسر راسك اذا تعيدها.
زينب: يا شبيك حبيبي ترة عادي.
حسن: زنوبتنا.
علي: حسنننن.
حسن: ها شكو.
علي: لا تخليني اكوم اعدل حلكك.
زينب: ههه ههه اسفين بس زوجي حبيبي شوي غيور.
حسن: عادي نتقبل لعيونج حلوات.
زينب: ما احس غير علي كام من مكانة و حسن فلت صارو يركضون بل بيت و احنا نضحك عليهم ورة ما كملنا غدا سويتلهم جاي و من طلعت من مطبخ اجة علي اخذة مني وزعة عليهم و اشرلي اكعد يمة كعدت بصفة حضني من كتفي و هو يحجي وية أمة و خالتة باوعت لدموع تباوعلي كأن كاتلة ابوها ما اهتميت بل عكس حضنت علي اكثر و هو كل دقيقة بايس راسي.
خالة علي: اي يمة ان شاء الله يوم نشوف جهالك و نفرح بيكم.
علي: ان شاء الله خالة ادعيلنا.
دموع: اسفة اسأل هل سوأل بس انتو شلون تعرفتو على بعض.
زينب: جنت بل جامعة وياية صديقتي ف فترة زوج صديقتي وكل علي يجيبها و يوديها لأن جان حياتها بخطر و هناك شافني من اول مرة شافني لليوم تخبل علية.
حسين: ههههه حقة.
علي: اي كلت لو هاي بنية لو مازوج.
ام علي: والله اني جنت خايفة تكون مو خوش بنية بس صدك ابني عرفت تختار.
زينب: تسلمين عمة فدوة لكلبج.
دموع: ماما تأخر وقت خلي نرجع.
زينب: يا بعد وكت ليش مستعجلين.
دموع: شكرا بس راسي يوجعني لازم ارجع ارتاح.
خالة علي: اي ماما يلا نكوم مهم حبيبتي زينب عاشت ايدج على عزيمة.
زينب: تدللون خالة كلل هلا بيكم نورتوني يا اهلا وسهلا.
ام علي: عاشت ايدج بنتي مع سلامة.
زينب: الله وياكم عمة كلل هلا بيكم.
حسن: باي زنوب.
علي: حسننن.
زينب: بايات ضلعي.
حسين: يلا اودعناكم.
زينب: الله وياكم.
راحو اهل علي و اني طبيت جوة كفيت ايدي شلت استكانات و رحت للمطبخ بلشت اغسل مواعين و استكانات شوية و دخل علي حضني من ورة.
علي: ما يصير تعوفين بعدين تغسليهن.
زينب: لا لأن يصير ريحة بل مطبخ و اني ما احب هسة شوية و اكملهن.
علي: لعد خلي اساعدج.
زينب: يلا كفو زوجي كفو.
علي: هههه مسودنة جيبي الزاهي من يمج.
زينب: لا شوف اني اغسل و انت اشطف.
علي: موافق هههه.
زينب: صرنا نغسل مواعين سوة و نضحك من كملنا بدون اي مقدمات شالني بين ايدة و يمشي بية للغرفة خلاني على جرباية و رحنا لعالمنا الخاص.
........
سمر: جنت محضرة غدا انتظر جواد اتأخر مثل كل مرة رحت غيرت بجامتي لثانية لأن بيها ريحة طبخ جنت الم شعري سمعت صوت باب صالة ينسد عرفت جواد رجع.
جواد: مرتي وينج مرتي.
سمر: نزلت من شافني صار يضحك يعرف بنفسة متأخر.
جواد: مرتي مشتاقلج.
سمر: مبين ما تشوف رجعت من وقت.
جواد: وداعتج شغل الله يعميني اذا طالع من دوام اتونس.
سمر: الله يساعدك اصعد اسبح محضرلتلك حمام و ملابسك على جرباية.
جواد: فديتج بس وين يامان زغير.
سمر: قبل ما تجي تغدة و حجة شوية وية تايا و نام.
جواد: ابن كلب ما ينام غير على صوتها.
سمر: انت هم جنت تنام على صوتي.
جواد:اويلي ذكريات حلوة، اكول لحضة جنج قصفتيني يعني شنو قصدج اني هم ابن كلب.
سمر: لا لا حشاك امشي اسبح هههه.
جواد: اممم سمر صاير عندج لسان يمكن هذني تسات خربن تربيتج ولج سمر بس لا خربنها يبووووو تربيتي تضيع ولج سميرةةةة لا لا.
سمر: تربيتك ما ضاعت حبيبي بس انزل بسرعة مو متت من جوع.
جواد: يخسة جوع هسة صاعد طلقة و اجيج طلقة.
سمر: يلا ابو طلقات.
جواد: بايو حب.
سمر: شفتة صعد فوك واني جنت محضرة كل شي بس حميت الأكل لأن برد حضرت مواعين على ميز و شوية شفت جواد نزل صبيت الأكل و كعدنا ناكل سوة كضاهه يتغزل.
جواد: سمري اكو موضوع اريد احجي وياج.
سمر: اي حبيبي كول.
جواد: بارحة بسام اتصل علية و كال اريد اشتري بيت الي بصف بيت اهلج الي كل مرة نجتمع بي و طلب اداينة فلوس.
سمر: اي حبيبي عادي شكو بيها.
جواد: اني اعرف مرتة موخوش بس هو يحبها لأن وياها من مراهقة كلي اذا ابعدها عن أهلها و نشتري هذا بيت كل شهرين مرة اخليها تزور بيت أهلها احسن من كل يوم اختها يمنا تسوي مشاكل.
سمر: تفكيرة كلش حلو و صح زين يسوي.
جواد: اني عندي مبلغ اداينة و هو راح يبيع بيتة و يروح بس ما انطيتة حجاية بأن راح انطيك او لا ردت اخذ رأيج لأن انتي هم زوجتي الج حق بهذا فلوس ما لازم اتصرف من كيفي.
سمر: حبيبي زين تسوي و اني موافقة على كل قرار تاخذة و بسام مو غريب ترة اخوية.
جواد: ربي لا يحرمني منج حبيبتي.
سمر: ولا منك يا روحي.
جواد: اخخخ ما غلطتت من اختاريتج و حاربت الكل عليج.
سمر: يا نبض سمر انت، جنا ناكل و نحجي جواد اجا اتصال.
جواد: هذا بسام خل افتح سبيكر و اكولة عن موضوع اكيد راح يفرح هههه.
سمر: اي يلا، جواد جاوب على اتصال و فتح سبيكر ما سمعنا غير صوت مريم مرت بسام تصرخ و تبجي.
مريم: الحكووو خوية بسام راححح يموتتت.
جواد: شبييي بساااام الووو شبي اخوييييي.......

يتبع....