خاطفي هو منقذي{الجزءالثاني}

البارت التاسع عشر🦋

هلو قلبوشاتي🦋
خاطفي_هو_منقذي

صَعباتّ كُلشْ الكَضيِتهّن وِحْديّ..
♡♡♡♡♡♡♡♡♡♡♡♡♡

زينب: فرحانة كلش باجر عرسي حضرت كل شي بس تاليا و البنات خابرني كالن نجي اليوم نبات يمكم كمت وحدي ارتب البيت و انضفة لأن مرت اخواني ما يساعدني بلشت اول شي بغرفة الضيوف نضفتها و نضفت غرفتي و لميت باقي غراضي و طبت امي للغرفة عفت الي بيدي لأن شفت دموعها تنزل
-يمة ليش هل دموع.
ام زينب: واخيراً كبرتي ياروح امج راح اشوفج عروسة.
زينب: لازم تفرحيلي راح ياخذني واحد يحبني و يخاف الله بية ماريدج تبجين و تنقهرين والله كل أسبوع يمج.
ام زينب: ههه دموع فرح يا بنيتي خلي ينزلن ربي يوفقج بحياتج جديدة بعد راح تصيرين ام بيت ما وصيج صيري سنعة و احتوي زوجج لا تطلعين من شورة و رأية.
زينب: حاضر يمة.
ام زينب: يلا يمة كملي لأن راح يوصلون صديقاتج عيب تستقبليهن هيج كومي سبحي.
زينب: صار يمة انتي ارتاحي اني اشتغل ماريد اشوفج تشتغلين هاا خلي يكومن هل حياية المن كاعدات بل بيت.
ام زينب: عوفيهن بنيتي مانريد مشاكل سبحي و نزلي معليج بيهن اني نازلة يم ابوج.
زينب: وصلت امي للباب و سديتة قفلتة طبيت للحمام سبحت و سويت عناية و تقشير للجسم من كملت طلعت رطبت جسمي و بشرتي لبست دشداشة جديدة فتحت شعري نشفتة و سرحتة شلتة بقراصة زغيرة و خليت شال على راسي و نزلت كعدت بنص امي و ابوية بل صالة ابوية حضني و ضل يبوس راسي واخواني كلهم كاعدين ضلينا فترة نسولف و نضحك لحد ما اندك باب كام اخوية فتح باب و اني لفيت حجاب عدل من شفت الولد دخلو اول بعدها تاليا و البنات رحت سلمت عليهن و بوستهن.
تاليا: شلونج ولج يل ما تسألين علينا.
زينب: والله جنت مشغولة بل سوك و مشتريات اعذروني.
سمر: معذورة يا عروستنا شلونج يا روحي.
زينب: هلا بمرت جوادو هلا.
بشرة: شلونج حبيبتي.
زينب: بخير ياروحي تفضلو.
سارة: هلاو زنوب شلونج حبيبتي.
زينب: هلا بعد كلبي بخير انتي شلونج ليش واكفين تفضلو.

شفتهم كلهم كعدو كلتلهم
-الله بل خير جميعاً.
الكل: الله بل نور.
جواد:شلونك عمو.
ابو زينب: بخير بعد عمك انتو شلونكم شخباركم.
جواد: ماشية ضلعي.
سيف: اتقربت من يامان و همست
-الزم حلكة لأن راح ننفضح والحمزة.
يامان: احح احح اي جواد حبيبي تعال اكعد هنا.
جواد: لا عاجبني اكعد يم عمي الغالي.
يامان: تنعمي عمي يا حقير سيف اذا حجة شي زايد كرصة من يمك(بهمس).
سيف: يمي ولا يهمك.
جواد: عمي سوأل.
ابو زينب: جواب ابني.
جواد: انت ما شاء الله عندك خير من الله ليش ما تزوج بعدك شباب.
يامان: سيف كرصة من يمك.
سيف: مو تدلل.
جواد: اخخخ شكو.
سيف: احم ههه اعذرو ماكو شي ههه.
جواد: اي عمي ما جاوبتني.
ابو زينب: ههههه والله يا ابني ماكدر كلبي ما يهوى غير ام زينب.
جواد: هاااا عموو هااا طلعت من جوة لجوة ماخذها عن حب.
سمر: انفضحنا واحد يكومة.
زينب: ههههه والله لو ما خطار امي جانت تهجم عليه.
تاليا: هههه مبين من وجها.
جواد: عمي سوأل ثاني.
يامان: احم جواد حبيبي شباب يلا احنا نمشي علي راسلني كال حجزت فندق.
ابو زينب: لا ابني بعد وقت ابقو للعشى.
جواد: صح يامان.
سيف: كوم غضب الله عليك كوومم.
جواد: ها ها اي صح عمي عود انطيني رقمك نحجي لأن هسه مستعجلين.
تاليا: والله اخذ رقمة و طلعو كوة جر جرو يطلع ضل لازك احنا متنا ضحك بعدين زينب كلتلنا امشن فوك اخذن راحتجن اكيد تعبانات من سفر و احنا رحنا وياهه جانو محضرين النا غرفة أخذنا جنطنا و ذبينا نفسنا على جرباية يبووو شكد تعبانين.
زينب: هههه الله يساعدجن زين وين هل فطيرة فاطمة اشو ما اجت وياجن.
سمر: تجي وية ختيبها عمورة احنا بيش كيلو.
زينب: ههههه والله فرحتلهم هواي من سمعت عقدو.
تاليا: اي والله يستاهلون كل خير كلت لعمر يجيبها علينا علمود نسوي حنة بيناتنا.
بشرة: زين ليش ما سويتي حفلة جبيرة للحنة.
زينب: ولج المن ماعندي غيرجن والباقيات كلهن حياية الله وكيلج اذا يجن بس يخربن حتى علي شكد حاول نسوي حفلة بس ماردت عليمن هل مصرف خوب اضم المصرف لشهر عسل لتركيا.
سارة: اووو لاعبتها صح بنت اوادم.
تاليا: اي شفتن.
زينب: ههههه اكيد عيني اكيد يلا ولجن غسلن بين ما احضر باقي شغلات علمود ورة عشى نبلش حفلتنا.
سارة: اجي اساعدج انتظريني.
زينب: تعاي عيني تعاي.
............
فاطمة: كعدت الصبح على صوت تاليا كالتلي.
تاليا: فطومي احنا رايحين لبصرة و عمر اخذ اذن من يامان علمود تروحين ويا كومي حضري نفسج لأن احنا نطلع قبلكم وهاي مفاتيح البيت من تطلعون طفو كهربائيات و قفلو بيبان مو تنسين فدوة.
فاطمة: حاضر حبيبتي ولا يهمج توصلون بسلامة.
تاليا: راح انزل انتي هم غسلي و نزلي.
فاطمة: هي نزلت سديت باب طبيت للحمام غسلت وجهي و باوعت بل مراية بعد باقي اثار ضرب تلمستهن اباوع عليهن نزلت دمعة من عيوني مسحتها و فزيت على صوت وراية التفتت شفتة غسان.
غسان: يوجعنج؟
فاطمة: لا حبيبي ما يوجعن طابن.
غسان: فاطمة اني احبج.
فاطمة: حضني و اني حضنتة كل قوتي اشتم بريحتة طيبة.
غسان: فاطمة عادي اطلب منج طلب.
فاطمة: عيوني الك حبيبي.
غسان: اذا تزوجتي لا تعوفينا مثل بابا.
فاطمة: لا لا ياروحي ماعوفكم شنو هل حجي منو كال اعوفكم.
غسان: صراحة عمر حباب.
فاطمة: هزيت راسي اي لزم ايدي و كال خل ننزل جريت حجابي خليتة على راسي و نزلت شفتهم يتريكون
-صباح الخير.
تاليا و يامان: صباح نور.
تاليا: كعدي حبيبتي اتريكي.
فاطمة: كعدت اتريك وياهم خجلانة شفت حنين و تايا ياكلن سوة ابتسمت واخيراً حنين صار عدها صديقة كملنا الريوك و ساعدت تاليا بلم مواعين كوة قنعتها اني اغسلهن و قبلت غسلت مواعين كملت شفتهم مبدلين يريدون يطلعون بس تايا كامت تبجي تريد حنين تروح وياهم تاليا تسكتها ماكو.
تاليا: كافي مامي راح يجون ورانة.
تايا: اهئ اهئ نو نو هثة(لا لا هسة).
تاليا: فاطمة اذا عادي اخذ حنين ويانة والله ادير بالي عليها.
فاطمة: باوعت على حنين عيونها تتوسلي علمود اقبل كلت
-تمام بس ابدللها.
تاليا: ياروحي اخذي راحتج.
فاطمة: صعدت فوك طلعت فستان الي تاليا اشترتة لحنين لبيتها و شلت شعرها و اني احجي وياهه لا تسوي وكاحة و تكعد عاقلة كملت شعرها باستني و نزلت وياهه ركضت لزمت ايد تايا و يضحكن.
تايا: ثانكيو.
فاطمة: ياعمري ولو.
تاليا: يلا حبيبتي مع سلامة بالج على نفسج.
يامان: خوية اي شي تحتاجي بس اتصلي ارجع.
فاطمة: تسلم خوية ما تقصرون ان شاء الله توصلون بسلامة يحفظكم العباس.
تايا: باي غثان(باي غسان).
غسان: باي.
فاطمة: همة طلعو ذبيت مي وراهم و طبيت جوة رتبت البيت و نضفتة للضهر اتصل عمر جاوبتة.
-الوو
-شلون الحلو.
-احم بخير انت شلونك.
-اني بخير طول ما اسمع هل صوت.
-وينك؟
-تريديني.
-احم هو تاليا كالت راح تجي تاخذني.
-يعني ماتريديني.
-ماكلت هيج.
-يعني تريديني.
-عمررر.
-عيون عمر انتي.
فاطمة: احضرلك غدا.
عمر: لا حبيبي بس بدلو اني وصلت مو بعيد علمود نطلع من وكت.
فاطمة: تمام دير بالك على نفسك.
عمر: صاررر لعيونج صار.
فاطمة: مع سلامة يحفظك العباس.
عمر: هاي كلمة احبها.
فاطمة: يا كلمة؟
عمر: يحفظك العباس.
فاطمة: احم يحفظك العباس.
عمر: ههه فديت خجلان يلا حبيبي اخذي راحتج مع سلامة.
فاطمة: مع سلامة؛ سديت اتصال و صعدت فوك رتبت الغرفة و لميت كل ملابس الي اخذتهن من تاليا لبست بنطرون و بلوز فوكا قمصلة عدلت حجاب و نزلت شفت غسان نفس ملابسة لازم ارجع للبيت و اجيبلة ملابس انتظرت عشر دقايق و اندك باب تاليا علمتني اشوف كاميرة عود افتح باب رحت باوعت عمر بل باب بسرعة ركضت فتحت باب شافني و دخل جوة باس راسي.
عمر: شلونج عيون عمر.
فاطمة: بخير الحمد لله تفضل.
عمر: لا حبيبي يلا نمشي متأخرين.
فاطمة: ماشي بس اطفي كهربائيات و اقفل بيبان.
عمر: ماشي وينهم حنين و غسان.
فاطمة: حنين راحت وية تاليا و يامان لأن بنتهم كامت تبجي تريدها و اني قبلت تروح غسان هيانة جوة هسة اصيحلة.
عمر: ماشي عيوني.
فاطمة: طبيت كلت لغسان يطلع و اني طفيت كهربائيات و اضوية كلهن طلعت قفلت الباب و ضميت مفاتيح عمر كال يلا مشينا قفلت باب حوش و صعدنا بل سيارة.
-عادي توصلني للبيت بعدين نروح.
عمر: ليش؟
فاطمة: اجيب ملابس الية و لغسان ما اتأخر.
عمر: ماشي.
فاطمة: صدك وصلني للبيت بس ما خلاني انزل وحدي نزل وياية فتحت الباب دخلت جوة فتحت باب صالة شفت المكان الي كتلوني بي بعد دم جامد ضليت واكفة مكاني حسيت من عمر لزم ايدي.
عمر: فاطمتي انتي اطلعي اني اجيب ملابس بس وينهن.
فاطمة: احم لا اني اجيبهن.
عمر: امشي لعد اجي وياج.
فاطمة: رحت جوة درج و هو وراية طلعت ملابس جديدة الي عمر اشترالنة بعدها بلأكياس ما مفتوحات جريتهن و طلعت حجاب و اخذت كعب ابيض الي هو اشترالي ردت اكوم لو ما هو مخلي ايدة جان طخ راسي بل درج باوعتلة كلت
-شكراً.
عمر: طول ما اني وياج ماخليج تحتاجين احد ولا اخلي دموعج تنزل.
فاطمة: نزلت دموعي و حضنتة.
عمر: كافي يا بنيتي انتي صدكيني راح اعوضج عن كل شي.
فاطمة: بس ارجع ديونك بعدهن كاتبتهن بل دفتر.
عمر: هههه لا هسة صرنا بيت واحد.
فاطمة: ماقبل لازم ارجعلك بس خل اتخرج و اتعين.
عمر: اي لذاك وقت الله كريم يلا نمشي.
فاطمة: تمام، لزم ايدي و طلعنا من بيت قفلت باب و صعدنا بل سيارة مشينا طول طريق عمر يشاقة وية غسان و يشغل اغاني على ذوقة لحد ما غسان تعب و نام سألني.
عمر: اي انستي حلوة شنو تحبين اشغلج اطلبي اغنية.
فاطمة: اريد غير شي عادي تشغلة.
عمر: اي حبيبتي اطلبي شنو تحبين تسمعين.
فاطمة: اريد قصيدة {أخر رسالة الوصلتك} احب هاي قصيدة.
عمر: شغلت القصيدة و عليت صوت.