خاطفي هو منقذي{الجزءالثاني}

البارت الرابع و عشرون🦋

هلو قلبوشاتي🦋
خاطفي_هو_منقذي

بخيبة تاليا:

يُمَة رِدتْج عُونَة اليَة بِوَكْت عَازَة
كِزازَةَ انتْي و أَضْمجّ بيْن العِيوُن
وَيا عَيْن التِغَمضّ عَلى كِزازَةَ...
♡♡♡♡♡♡♡♡♡♡♡♡♡

يامان: دخلت للغرفة شفت تاليا وكعت بل كاع ركضت عليها
-تالياااا بويةةة تالووو افتحي عينج.
شفتها ما تكدر تتنفس تفتح عين و تسدهن بثكل رحت فتحت جرارة الميز طلعت البخاخ منها رجعت خليت راسها بحضني.
-اتنفسي بوية فدوة جري نفس تالو حبيبي بس مرة.
تاليا: كوة اخذت نفس و رجعت شوي احسن بس رجفة الي بجسمي ما راحت شفت يامان من خوفة لمني بحضنة حاضني كل قوتة.
يامان: شنو الي صار ليش اجتج نوبة بوية ردي علية لا تسكتين و تخوفيني.
تاليا: رفعت ايدي أشرت على موبايل و نزلت دمعتي.
يامان: شنو بوية شبي تلفون رحت جبت تلفون شفتها حطت ايديها على اذانها و تردد.
تاليا: ماريد ماريد ماريدهااا.
يامان: ما شفت تلفون رحت كومتها خليتها تكعد على جرباية الي موتني رجفتها ترجف رجف ضليت امسد على راسها و ضهرها هي بحضني فوك نص ساعة احنا ساكتين من حسيتها غفت على كتفي رجعت راسها على مخدة و غطيتها كمت بهدوء من يمها طفيت ضوة و طلعت من غرفة تلفونها بيدي نزلت للصالة فتحت تلفونها شفت رقم متصل اكثر من ٣ مرات رجعت اتصلت على رقم رد علية بسرعة كأن جان ينتظر اتصال.
-الوو تاليا.
يامان: عفواً منو حضرتك.
ايهم: ممكن احجي وية تاليا.
يامان: احجييي منو انت شتريد داك على مرتي.
ايهم: اني ايهم اخو تاليا.
يامان: اخوها بابا انت شارب شي.
ايهم: احترم حتى احترمك.
يامان: هو منو الي مو محترم داك على مرتي ساعة ب ١٢ بليل تكول اني اخوها.
ايهم: ماما هاج انتي احجي ويا لأن راح افقد اعصابي.
مارلين: الو تاليا بنيتي.
يامان: من سمعت صوتها انصدمت و عرفت السبب الي وصل تاليا لهل مرحلة.
مارلين: تاليا تسمعيني ماما فدوة بس جاوبيني.
يامان: لا تتصلين بعد اترجاج تاليا ماتريد على شنو راجعة بعد هل سنين كلها لو شفتي بنتج مرتاحة و تريدين تخربين حياتها اذا عندج ذرة امومة ابتعدي عنها و لا تحاولين تتواصلين وياها والا تشوفين وجهي ثاني.
مارلين: بس مرة اشوفها الله يخليك بس مرة.
يامان: سديت اتصال و حظرت الرقم ضليت حاير شسوي ليش بعد هل فترة رجعت ليش تاليا كوة تخطت الماضي هسة رجعت لنقطة صفر عفت تلفون و صعدت فوك شفتها على نومتها سديت باب رحت شلت لحاف نمت بصفها جريتها لحضني فزت.
- اسم الله بوية نامي ياروحي نامي.
شفتها حضنتني و رجعت نامت غطيتها ماكدرت انام ابد ضليت للفجر كاعد افكر سمعت صوت اذان فجر كمت توضيت و صليت رجعت اكعدها علمود تصلي كعدت و كأن تذكرت بارحة كامت للحمام تمشي بلا روح شفتها توضت و اجت تصلي من كملت صلاتها شفتها رافعة ايدها و دموعها تنزل اتأكدت خلص رجعت لنقطة صفر و ماراح يتركها لعنة الماضي شالت سجادة و كلتلها.
-تعاي بوية رجعي نامي بحضني.
تاليا: ليش مانروح لسليمانية.
يامان: لا حبيبي انتي تعبانة لهذا اعتذرت من كل كلتلهم ما نجي.
تاليا: بس اني اريد اطلع.
يامان: كمت رحت وكفت كدامها رفعت راسها تباوعلي.
- حبيبي اني وياج يا لجمة گلبي ماريدج تنقهرين.
تاليا: على شنو انقهر مافهمت.
يامان: عرفتها تبين نفسها قوية و ما يهمها بس الي اشوفة بعيونها مو هيج.
-يعني تريدين نروح وياهم لسليمانية.
تاليا: اي نروح هسة راح اكمل تحضير جنطة.
يامان: شفتها تطلع ملابسي و ملابسها تصفطهن عفتها رحت للحمام سبحت و طلعت انشف شعري بل منشفة شفتها مبدلة و كاعد تعدل حجابها التفتت لكيت مطلعتلي ملابسي.
تاليا: نعيماً حبيبي انت بدل اني اروح ابدل لتايا علمود نطلع لأن راح نتأخر ب ٥ لازم نطلع.
يامان: ماشي بوية.
تاليا: رحت لغرفة تايا كوة كعدتها غسلت وجهة طلعتلها فستان جوا بلوز و لبيتها ستريج مشطت شعرها و لبستها لفاف من كملنا طلعنا من غرفة رجعت لغرفتي شفت يامان كاعد يلبس قمصلتة.
يامان: ها بوية كملتو.
تاليا: اي كملنا احضر ريوك لو نتريك وياهم بل طريق.
يامان: لا نتريك بشقلاوة.
تاليا: ماشي نمشي.
يامان: اي يلا.
تاليا: شفتة شال تايا و مشة كدامي و اني وراهم نزلنا اخذ سويج و تلفونة واني طفيت كهربائيات و قفلت بيبان و طلعنا صعدنا سيارة و مشينا.
يامان: شفتها مخلية راسها على جامة و صافنة ياربي شوكت ترتاح هل بنية مشينا لحد ما وصلنا على بيت أهلها شفنا هود و جواد و عمر واصلين قبلنا نزلنا سلمنا عليهم و انتظرنا سيف يجي ضلينا ربع ساعة منتظرينا اجو و وياهم تميم.
جواد: مادام الكل مجتمع خلي نكول بسم الله و نتوكل نمشي.
عمار: على بركة الله على كيفكم بل طريق ولدي وياكم عوائل و جهال.
يامان: ان شاء الله عمي.
جواد: تميم حبيبي انت تعال وياي.
تميم: شي اكيد راح نذب سمر ليورة واني وياك نكعد ايد بأيد كدام.
سمر: بطلت ماروح اني.
تميم: هههه اشاقة يمعودين.
سمر: هههه ادري ولو اخوية جبير انت.
سارة: هود شبيها تاليا احسها مو على بعضها.
هود: يمكن لأن كاعدة من وكت.
سارة: اممم ما اعتقد بس عادي بعدين نعرف.
هود: امشي حبيبي راح نتأخر.
سارة: اي يلا حسون تعال ماما راح نروح.
عمر: فاطمة نمشي حبيبي.
فاطمة: اي بس تايا تريد حنين يمها.
تاليا: اذا عادي عندج خلي تجي ويانة اني ادير بالي عليهن.
فاطمة: اخاف تتعبج.
تاليا: لا حبيبتي ماكو تعب تعاي حنونة.
فاطمة: يلا غسان امشي حبيبي.
عمر: واني.
فاطمة: شنو.
عمر: اني مو حبيبج.
فاطمة: ها اي عمر نمشي.
عمر: اي كولي حبيبي.
فاطمة: نمشي حبيبي.
عمر: اي يا روح حبيبج.
سمر: مشينا بسم الله سيارة ورة سيارة الي تكول رايحين لزفة عرس بهل صباحيات الله لحد ما طلعت شمس و صارت دنيا نهار جنا بس بل طريق ورة تعب و طريق طويل وصلنا لشقلاوة الكل صفت سياراتها و نزلو كدام مطعم نزلنا اجنا هم دخلنا للمطعم طلبنا يطبكولنا اربع ميوزة علمود نكعد كلنا سوة والشباب طلبو الريوك من اجة ريوك اكلنا كلنا نضحك و نسولف رفعت راسي اشوف تاليا لا تأكل و لا هي ويانة مشاركة بل حديث مبين عليها الحزن دغيت بشرة.
-بشيرة ما تعرفين تاليا شبيها اشو هادئة حتى اكل ما اكلت.
بشرة: هو كاعد نحجي اني و سارة بهذا موضوع.
سمر: اخاف متعاركة وية يامان.
بشرة: ما اعرف بعدين أسألة.
سمر: ضلينا ناكل و مندمجين كامت تاليا.
يامان: وين بوية ما اكلتي.
تاليا: ماشتهي أكدر احس نفسي ضايق بين ما تكملون انتظركم برة.
يامان: اجي وياج حبيبتي.
تاليا: لا ما يحتاج.
سمر: شفناهه طلعت و بيدها بخاخ كلنا انظارنا توجهت عليها و على يامان لحد ما عمو عمار سأل.
عمار: ابني متزاعلين شي لو شنو اشو من طلعنا لحد الان تاليا مو على بعضها.
يامان: صراحة عمي ماضم عليك بس بارحة اتصل عليها رقم اني جنت بغرفة تايا من رجعت لغرفتنا شفتها تريد تغيب عن وعيها ما تتنفس لو ما ملحك جانت تختنك ماعرفت شبيها بس أشرت على تلفون بعد محاولات هواي قنعتها تنام و رجعت اتصلت بل رقم.
هود: منو بس لا اسد حقير.
يامان: لا لا.
عمار: لعد منو؟
يامان: امها مارلين.
سمر: كلنا انصدمنا و شهكنا شرجعها ياربي واني اكول ليش هاي حالتها.
هود: شنووو رايدةةة منهااا بعد كل هل سنين.
يامان: الي فهمت من كلامها تريد تلتقي بتاليا.
عمار: ممنوع اذا رجعت بنتي تدمر على اخير.
يامان: عمي هو من بارحة تاليا مدمرة بس ان شاء الله مادام اني وياهه ما خليها تضل هيج شلون بأول مرة خليتها تتخطى راح اكون وياها هسة هم.
سمر: حسبي الله ونعم الوكيل.
بشرة: هاي بنية ابد ما ارتاحت بحياتها ياربي سهلها عليها.
يامان: من رخصتكم رايح اشوفها.
الكل: اخذ راحتك.
يامان: طلعت شفتها واكفة تباوع على منظر أشجار و بيوت رحت حضنتها من ورة.
تاليا: يامان هذا انت.
يامان: اي ياروحة ليامانج شلون صرتي.
تاليا: بخير هنا هوا نضيف.
يامان: تالو.
تاليا: ها حبيبي.
يامان: اعرف بشنو كاعد تفكرين واعرفج مقهورة بس ياروحي انتي احنا كلنا وياج انتي عديتي مراحل بحياتج و جنتي قوية بيهن لا تضعفين هسة مو انتي الي كل مرة تعلميني اكون قوي شلون هسة انتي تضعفين.
تاليا: ليش يامان ليش بس اني الي ما تكدر تعيش حياتها براحتها كل ما اكول خلصت من مشكلة اوكع بشي اكبر تعبت والله تعبت يمتى ارتاح يمتى ينتهي هذا امتحان.
يامان: نزلت دموعها و صارت تبجي حضنتها و ضليت امسد على شعرها و ضهرها واحجي وياها.
-انتي كلتيها بوية هذا امتحان من ربج يختبر صبرج لازم تكونين مؤمنة و تصبرين بعد كل هل تعب اكو راحة بعد كل حزن اكو فرح واني وياج بكلهن لا تضنين بيوم اعوفج لا وداعت عيونج الي خلتني اضيع دربي وياج لأخر نفس بية.
تاليا: احبك اني احبك.
يامان: هايم بيج بوية.