خاطفي هو منقذي{الجزءالثاني}

البارت الحادي عشر🦋

هلو قلبوشاتي🦋
خاطفي_هو_منقذي.

أَنا شَارعْ طُويْل بِي هُوايّ عَثرَاتْ🍂
♡♡♡♡♡♡♡♡♡♡♡♡♡
تاليا: ضليت كاعدة ورة الباب ابجي سمعت صوت سمر تدك باب ما جاوبتهه ولا فتحت باب.
هود: يااامااان شلون تصيحح عليهه.
يامان: اعذروني ماجنت بوعيي جنت افكر بسالفة هذا حقير هسه اروح اراضيهه.
هود: عوفهه اني اروح.
يامان: مرتي اني اراضيهه نزلت جوة شفت سمر و سارة و بشرة يدكن باب كلتلهن وخرن
-تاليا بوية اسف والله فتحي باب ماجان قصدي تالو حبيبي تسمعيني.
تاليا: عفتهم يدكون باب و رحت تمددت ماريد اشوفة كل ما يسوي شي اسامحة بكلمة اسف هل مرة مصخها الا اضل زعلانة.
سمر: خوية عوفهه بين ما تهدون شوية احنا نضل يمهه.
يامان: لا ماعوفهه افتحي باب تاليا افتحيي ترة والله اكسرة.
سمر: ماكدر اسوي شي صحت على جواد.
جواد: يامان شبيك تخبلت امشي نطلع امشي عوفهه خلي ترتاح يلا كدامي.
يامان: تاليا والله اسف عادي ارتاحي بس لا تبجين بوية ماكدر اشوف دموعج يا دمع عيني تسمعيني تاليا بس فتحي باب.
تاليا: اسمعة من يحجي ماريد أضعف كدامة لزمت اذني و غمضت حيل اريد بس انام و مافكر بشي.
سمر: جواد و سيف بل كوة قنعو يامان يطلع و احنا خفنا لا عمو عمار سمع شي تكوم قيامة اما هود ضل يحاول وية تاليا ماكو اي جواب عفناهه براحتها اني و بشرة فرشنا للكل فوك سطح و عمو عمار و مرتة نامو بل استقبال و تاليا ضلت بل غرفة جهال نيمتهم يمي جنا كاعدين فوك سطح زعلانين على الي صار و صعدو جواد و سيف.
بشرة: وين يامان؟
سيف: رجعنا و كال اضل احاول وية تاليا عوفو براحتة.
بشرة: منين طلع هل حقير اسد خرب حياتهم من هسه.
هود: يامان ما يعرف يتصرف كلنا خايفين على تاليا بس مو هيج نصيح عليهه.
سارة: اعذرو هو هم من حبة الها و خوفة هيج اتصرف.
جواد: الله يصلح بينهم.
الكل: امين.
يامان: تاليا حبيبتي احنا مو وعدنا بعض إذا زعلنا نكعد نتفاهم فتحي باب يا روحي.
تاليا: اسمع كلامة و دموعي تنزل.
يامان: زين تعاي نروح لبيتنا انتي مو مشتاقتلة تعاي نروح و هناك نحجي اكولج ليش هيج سويت.
تاليا: كمت من مكاني مشت بهدوء فتحت باب شفتة كاعد بل كاع يم الباب من شافني كام بسرعة حضني و يبوس بية ما اسمع غير كلمة اسف دموعي ضلت تنزل يمسحهن و ينزلن.
يامان: اشش يا لجمة گلبي لا تلبسين شي تعاي نروح ماكو احد بليل.
تاليا: جنت لابسة بجامة و تيشيرت و شعري مفتوح لزم ايدي و مشينا طلع دراجة و لزمني من خصري صعدني من شغلها شفت هود و سيف و جواد سمر و سارة و بشرة كلهم يباوعولنة من فوك خجلت ما باوعت.
جواد: هاا خوة وين.
يامان: رايح اصالحهه و راجع.
هود: رجع اختي لك ما تتصالح وياك تاليا نزلي.
تاليا: رفعت عيوني شفت هود و نزلت.
يامان: هووووددد انجببب ترة اصعد اكسرك و حق عباس امشي منا يلا.
بشرة: ولكم دنيا ليل شنو هل صياح.
يامان: تالو بوية ليش نزلتي.
تاليا: مو هود..
يامان: ياكل نعل هود تعاي بوية تعاي شلتهه من خصرها و خليتها على دراجة سديت باب بيت و صعدت دراجة مشيت حسيتها زعلانة لأن ما حضنتني مثل كل مرة بس لازمة تيشيرت بقصد سرعت و شفتها خافت حضنتني من بطني ضحكت.
-ناس ما تجي الا بالعين حمرة.
تاليا: اوكف اريد ارجع.
يامان: اشش حضنيني يلا.
تاليا: ماريد ضليت لازمة تيشيرت و هو يمشي من وصلنا لبيتنا نزل يامان قبلي و نزلني لزم ايدي و مشينا للبيت صعدنا طلع مفتاح من جيبة فتح باب و طبينا جوة جانت ضلمة شغل فلاش موبايل اني ضليت مكاني و هو راح للمطبخ يمكن يدور شي يشغل فانوس ورة شوية رجع بيدة جداحة شغل فانوس و اجت عينة بعيني نزلت عيوني زعلانة تقرب سد باب و حضني من ورة ردت اوخر شد على حضني.
يامان: اسف يا نور عيوني صح ماجان لازم اصيح بس حسي بية تعبان من كثرة تفكيري تعبت و ماعرف شلون طلعت مني و صيحت.
تاليا: تعبان شاركني تعبك عندك مشكلة كلي علمود اساعدك بس لا تعاملني هل شكل ما متعودة عليك هيج وين يامان الي يحبني و يموت بية يخاف علية من هوا اشو صاير ما تحبني و بس تصيح.
يامان: حقج علية تعاي نكعد و احجيلج بس توعديني ما تقاطعيني ابد.
تاليا: هزيت راسي اي اخذ فانوس و دخلنا للغرفة كعدت على جرباية و هو اجة كعد مقابيلي لزم ايدي و يحجي.
يامان: بوية تاليا هذا شخص الي جابلج ورد و هدية بحفلة تخرجج تعرفين منو؟
تاليا: منو؟
يامان: اسد.
تاليا: هو كال اسمة اني قبضت على ايدة بخوف تذكرت شنو سوة بية نزلت دموعي.
يامان: اششش لا تخافين حبيبي اني يمج.
تاليا: شلون طلع؟
يامان: حجيتلهه كل شي بل تفصيل و كلتلهه بعدنا نحقق و ندور علي.
تاليا: يامان اذا اخذني و رجع سوة بية نفس شي يامان خايفة.
يامان: جريتهه و حضنتها اششش لا تكولين هيج لا تكولين اتخبل بس بل حجي مو اتخيل اني يمج مستحيل اخلي واحد يوصلج.
تاليا: اتذكرت ورقة الي بل باب و سألتة
-يامان الورقة الي شفتها بل باب.
يامان: اي جانت من اسد لهذا عصبت جنت افكر و ماعرف شلون صيحت عليج اسف.
تاليا: ضليت حاضنتة و خايفة اسد مو هين اسد خطير اكيد هل مرة راجع يسوي شي أكبر ما خفت على نفسي خايفة على تايا و يامان ليش رجع على شنو ناوي كل هاي أسألة تدور ببالي.
يامان: جنا كاعدين و اتصل جواد
-ها ابو جوج.
جواد: تم صلح لو لا؟
يامان: اخوك اني.
جواد: كفو اعرفك يلا لعد ولو نريد ننام من وراكم ما نمنا.
يامان: نام منو لازمك اني مرتي تكفيني.
جواد: انعل ابو صحبة و صداقة هسة راح اركعك بلوك معدل يلوك لهل وجه.
يامان: ضلت اضحك و سد تلفون بوجهي ذبيت تلفون شفتها صافنة بية.
تاليا: هو يحجي و يضحك و تفاحة آدم تصعد و تنزل من كمل اتصال باوعلي.
يامان: سامحتيني.
تاليا: صحيت على نفسي و كلت لا.
يامان: امم لعد تعاي اني اعرف شلون اصالحج.
تاليا: دفعني على جرباية صار يدغدغني و اني متت من ضحك
-ياماننن كافي ههههههه ولك ياماننن ههههههه راح اموتت هههه.
يامان: يومي قبل يومج.
تاليا: تمدد بصفي مبين علي تعب غمض عيونة و منيمني على ايدة
-يامان لا تنام.
يامان: تعبان بوية تعبان باجر هم طالعين خليني انام.
تاليا: مااااا رفعت تيشيرت مالة و طببت راسي و طلعتة من راس تيشيرت صار وجهي مقابيل وجهه شفت فاتح عيونة مصدوم من شافني صار يضحك.
يامان: ههههه والله عليج سوالف.
تاليا: شبيهن.
يامان: ههههه يخبلن بوية يخبلن.
تاليا: ضليت العب برموشة هو مغمض اتقربت بست طرف شفايفة بوسة خفيفة حسيت نبضات كلبة تغيرت ردت اتأكد اكثر رجعت بست شفايفة و بسرعة وخرت حطيت راسي على كلبة اسمع يدك قوي كمت اضحك و اعيد حركة لحد ما فتح عيونة و كلبني و صار فوكي و اني معلكة بل تيشيرت.
يامان: يعني رجال فقير يريد ينام شنو هل تحرشات هاا.
تاليا: ياماني اسمع من ابوسك كلبك يضل يدك بسرعة.
يامان: لأن أضعف كدامج.
تاليا: احبك.
يامان: هايم بيج بوية.
تاليا: يلا ننام.
يامان: طلعي من تيشيرت هههه.
تاليا: طلعت راسي من تيشيرت و هوة ضل يضحك.
يامان: وخري دوري هل مرة.
تاليا: شنو؟ ماحسيت غير جرني فتح دكم تيشيرت لابستة من يم صدري دفن راسة حضني من خصري و كلي.
يامان: العبي بشعري اريد انام.
تاليا: ضليت العب بشعرة و حسيت بي من انفاسة حارة الي جانت تضرب صدري استقرت و اني هم غفيت ونمت.
..........
فاطمة: ايام تجي و تروح عمر ضل كل ليلة يراسلني و يطمن علينا ايام جمعة يجي ينطيني مصرف اني هم فتحت دفتر كتبت كل مصرف عمر ينطينيا علمود من اتخرج ارجعلة الفلوس اليوم جنت راجعة من شغل ساعة ١٠ بليل طبيت للحمام سبحت و طلعت انشف شعري شفت حنين و غسان نايمين طلعت ترست مبردة الي اشترالنياهه عمر و رجعت طبيت جوة شفت مكالمة فائتة واتساب من عمر دخلت للواتس راسلتة
-جنت اترس مبردة برة ما سمعت اتصال.
رد علية بنفس لحظة.
عمر: عادي ماصار شي اكدر اتصل؟
فاطمة: هاا اي.
اتصل علية و جاوبتة.
-الو
عمر: اويلي شكد مشتاق لهل صوت.
فاطمة: احم شلونك.
عمر: بخير اذا انتي بخير.
فاطمة: دومك، ضليت ساكتة و هو ساكت بس اسمع صوت حسراتة.
عمر: فاطمة.
فاطمة: ها.
عمر: يمتى اسمعها.
فاطمة: شنو.
عمر: انسي.
فاطمة: تمام، اذا ما محتاج شي اريد انام.
عمر: نامي و خلي خط مفتوح.
فاطمة: بس شلون.
عمر: لا ترفضين ترة تعبان.
فاطمة: تمام، عفت تلفون و اتصال مفتوح غمضت عيوني و نمت من كثر تعب اليوم لحد ثاني يوم صبح كعدت من حر لكيت نفسي مي من كثر عرك و كهرباء مطفية لميت شعري ردت اشيل فراش شفت موبايل فتحتة لكيت اتصال بعدة مفتوح من ساعة ١٠ بليل لحد هسه ساعة ٩ صبح مدة مكالمة ١١ ساعة ضليت صافنة خليت تلفون على اذني سمعت صوتة بعيد يحجي.
عمر: اي علي اي كملت شغلي روح انت ولا يهمك اني مكانك يلا مع سلامة ضلعي.
فاطمة: سمعت خطواتة تقربت من تلفون ضل يذب حسرات و يحجي.
عمر: بعدج نايمة يهنيال مخدة يمتة تكعدين اسمع صوتج يل فاهية.
فاطمة: ترة مو فاهية جاوبت و خليت ايدي على حلكي هو عبالة نايمة شكو جفصت.
عمر: هههه ها ولج كاعدة و متحجين.
فاطمة: هاا لا لا نايمة.
عمر: اول مرة اسمع واحد نايم و يحجي.
فاطمة: ليش ما سديت اتصال.
عمر: جنت تعبان.
فاطمة: و ترتاح هيجي.
عمر: اي والله صوتج علاج.
فاطمة: احم باي عندي شغل.
عمر: ههههه اشتغلي و انتي فاتحة اتصال مثلي اني بل شغل و احجي.
فاطمة: ها لا لا ماكدر باي سديت اتصال و خليت جهاز على شحن و رحت جهزت ريوك و كعدت اخواني خليتهم ياكلون شلت فرشات و غسلت البيت لحد ضهر كملت شغل بيت حضرت غداء اكلت شوية بدلت و طلعت للشغل وصيت غسان يدير بالة على حنين بين ما ارجع.
............
زينب: كعد صبح على صوت موبايل يدك يم راسي كعدت ضايجة و جاوبت بدون ما أعرف منو
-ها يمة.
علي: يمة ممكن تنزلين منتظرج.
زينب: فتحت عيوني و شفت اتصال هذا علي مو امي ضربت راسي، زينب غبية غبية انتي.
علي: هههه ولج لا تحجين على حبيبتي.
زينب: سديت اتصال بوجهه و كمت على حيلي جانت ساعة ٥ و نص غسلت وجهي بسرعة بدلت و خليت مكياج بسيط و جنت لامة جنطي طلعتها و شلت شاحنتي و لابتوب و اخذت كل شغلاتي طلعت قفلت باب نزلت شفت علي واكف ينتظرني من شافني اجة اخذ مني جنط و اني صعدت بل سيارة و هو هم صعد.
علي: صباح الخير يا حلو.
زينب: ما جاوبت لهيت نفسي بل تلفون.
علي: عفتها براحتها ماحجيت شي بعد طول طريق ساكتين هي لو تصور لو ملتهية بل تلفون لو تباوع للطريق جان اكو اسواق كلت ناخذ استراحة ننزل نشتري شي ناكل شي وكفت سيارة.
-طريق طويل نزلي نشتري شي ناكلة.
زينب: نزلت بدون ما احجي طبينا للسوبرماركيت اشتريت عصير و كيك و نساتل و جبس كلت اكلهن اذا جعت ردت أحاسب الولد كلي خليها علينا يا حلوة انداريت على صوت علي وراية.
علي: حبيبتي اني ادفع انتي صعدي بل سيارة.
زينب: شفت علي عيونة صايرة بكصتة و هذا ولد بدة يعرك من فشلة اني فاتحة حلكي شلون يكول حبيبتي.
علي: امشييي صعديي.
زينب: طلعت من سوبرماركت و صعدت سيارة مطنكرة هو كال انزلي اني شعلية يصيح شفتة حاسب ولد و اجة بيدة علاكة درت وجهي منا صعد سيارة حط علاكة بحضني شلتهه و ذبيتهه ورة.
علي: ليش مو جوعانة.
زينب: انسدت نفسيتي.
علي: زينب لازم اني ازعل مو انتي.
زينب: لا والله على شنو تزعل ليش شمسويتلك.
علي: لعد عاجبج هذا يتغزل بيج.
زينب: ترة ما كلتلة تعال تغزل بية.
علي: بس جمالج خلا يتغزل.
زينب: علي لا تجاوز حدودك.
علي: تمام اسف هاج اكلي.
زينب: شفتة سكت و ابتسامتة اختفت اخذت علاكة فتحت كيك و عصير اكل انطيتة هز راسة لا ضل طول طريق بس يدخن ابد ولا رجع حجة وياي بعد طريق متعب وصلنا للبصرة اني ادلي على بيتنا و هو يسوق ساكت وصلنا للبيت نزلت و هو نزل فتح صندوق سيارة نزل جنطي و طلعو اهلي علي سلم على ابوية بعد محاولات كلش هواية من ابوية عود علي قبل يبقى للغدا اني طبيت جوة شفت نسوان اخواني تسات عبرتهن بدون سلام طببت غراضي لبست دشداشة و لفيت حجابي رحت للمطبخ اساعد امي الي مشتاقتلهه بكد رحمة الله و علي و بابا و اخواني كعدو بل ديوان.
ام زينب: شلونج يمة.
زينب: بخير يمة ابشرج راح يختارون بحثنا الي قدمنا.
ام زينب: الف مبروك رافعة راسنا يا روحي ربي يوفقج.
زينب: ادعيلي يمة ادعيلي.
ام زينب: غير تدللين يمة والله ما ناسيتج بدعائي.
زينب: ياعمري يمة؛ جنا نحجي اني و ماما على كلية و شلون مكضيتهه اجة اخوية زغير صاحلي.
اكرم: زينب عمي ابو محمد اجة يريد يباركلج كاعد يصيحوج.
زينب: اي هسه اجيت، اخذت صينية مي وياي و دخلت للديوان شفت اخواني و بابا و عمي و محمد و ثنين من ولد عمي كاعدين طبيت و سلمت.
-سلام عليكم.
الكل: وعليكم سلام والرحمة.
زينب: انطيت صينية لأخوي أكرم و رحت بست ايد عمي و سلمت علي.
-شلونك عمو شخبارك.
ابو محمد: هلا بنيتي بخير الحمد لله سمعت طالعة ثانية على دفعتج الف مبروك رفعتي راسنا و هاي هديتج تصرفيهن بل هناء.
زينب: مشكورة عمو ما جان يحتاج ليش كلفت نفسك.
ابو محمد: تستاهلين أكثر.
زينب: بست راسة و كمت ردت اطلع و ابوية وكفني.
ابو زينب: بنتي سلمي على ولد عمج.
زينب: باوعت على علي جان مبين علي معصب بس بنفس وقت مقهور انداريت سلمت على ولد عمي و طلعت.