خاطفي هو منقذي{الجزءالثاني}

البارت ثلاثون🦋

هلو قلبوشاتي🦋
خاطفي_هو_منقذي

يا احلى ريحة تتغلغل بأنفاسي...
♡♡♡♡♡♡♡♡♡♡♡♡♡

سمر: شفت يامان كام يمشي على  تك رجل و طلع هو سيف و هود و جواد كلنا ركضنا برة اول ما طلعت شفنا تاليا تضرب اسد و هو واكف مثل صنم ما يتحرك ولا يسوي شي و الناس ملتمة على صوتها.
تاليا: شتريدد بعدددد هااا شتريددد خربتتتت حياتيي خربتهااا ولككك بسببك ماتتت الطفل الي بطني انتتت شنووو من بشررر بعد كل هذااا راجععع تخرب بيتييي بل زايددد شتريدد ياماننن يصيررر قاتل كل ضنك راححح استقبلك بل احضاننن اطلعععع من حياتيييي اطلعععع.
سمر: ركض يامان برجل وحدة لزمها يهديها و جواد و سيف هدو على اسد بوكسيات و هو بس ضل يباوع لتاليا.
يامان: كافي ياروحي كافي ليش تسوين هيج بنفسج.
تاليا: عوفونييييي تعبتتتت من الكلللل كافيييي بعد مااا بيةةة اتحمل.
اسد: والله مارايد شي غير تحبيني اني احبج تاليا والله احبج.
يامان: تحب منووو يااا حقيررر تحببب منوووو.
تاليا: اذا حجيك صدك تعوفني عوفني ارتاح كافي علية حياتي تدمرت كافي صحتي راحت كافي كل هل خوف الي عشتة يا اخيييي ماريدككك.
اسد: شعندي عايش على شنووو عايششش وانتي ما تريديني.
سمر: شفنا طلع سلاحة يريد يضرب نفسة و جواد منعة.
جواد: امشي كدامي يا وصخ حسبالك تموت بهل سهولة.
سمر: جواد و سيف اخذو اسد و شفنا يامان ضل يحاول وية تاليا و هي سكتت هود ساعد يامان يرجع لمكانة.
يامان: يا جماعة الخير اني هسة صرت احسن تكدرون ترجعون لبيتكم اكيد تعبانين.
عمار: مابيك غير عافية ابني ان شاء الله نرجع الصبح نزورك.
يامان: الله يعافيك عمي ما تقصر.
سمر: راحو الكل ضليت بس اني و بشرة و تاليا.
يامان: بشرة تعاي ياروح اخوج.
سمر: شفنا بشرة كامت من يمنا و راحت كعدت بصف يامان و هو حضنها يبوس براسها.
يامان: اني اهلج و ناسج اني ابوج و امج اصيرج كلشي بس ما  اشوف دمعة بعيونج ماتحمل يا أمي ثانية انتي.
بشرة: يامان اني اريد تاخذ حق اهلنا بس بل قانون مو تصير قاتل ماضلي غيرك ماريد اخسرك ياخوية.
يامان: يجرالج الي تطلبي أوامر صار بس اوعديني ماشوف دموعج.
بشرة: ان شاء الله خوية.
سمر: شفت تاليا دموعها تنزل كلت خلي اعوفها هي و يامان اكيد مشتاقتلة.
-بشرة حبيبتي تعاي نطلع غسلي وجهج و اشتميلج شوية هوا.
بشرة: تمام.
سمر: لزمت ايدها و طلعنا سوة سديت باب وراية و عفتهم وحدهم.
......
يامان: هيج زعلانة مني حتى ما تريدين اسمع صوتج.
تاليا: رفعت راسي اباوع بعيونة و اني دموعي فاضحتني شفتة فتح ايدة.
يامان: تعاي بوية.
تاليا: ركضت عندة و حضنتا كل قوتي و اشهك دموعي تنزل.
يامان: كافي يابوية انتي اسف على كل ايام الي عشتيها بقهر و خوف اسف لكل دمعة نزلت من هل عيون اسف ماكدرت انفذ وعدي بأن ماتنزلج دمعة بس وحق كل حرف بل قرآن احبج ماكدر بدونج شسوي كليلي لو انتي مكاني و تعرفين اهلج مقتولين غدر من اقرب ناسج شسوين حسو بية.
تاليا: حاسين بيك و نعرف الي تمر بي مو سهل بس يامان فكر اذا انت تقتل ماراح تفرق عنهم بعدين اذا صرت قاتل شنو تكول لبنتك بابا اني قاتل هي تشوفك البطل وحيد بحياتها واني يا يامان اني منو الي بعدك زين فكر بأختك فكر بصاحب روحك جواد اذا صارلك شي شيصير بينا انت بتصرفاتك صرت اناني و مافكرت بأشخاص الي يحبونك.
يامان: اسف بس من سمعت بأهلي مافكرت بشي ثاني.
تاليا: شفت نزل راسة و عيونة مليانات دموع تقربت اكثر مسحت دموعة و حضنتة مرة ثانية.
يامان: لا تعوفيني ماكدر بدونج تايه اني بدونج.
تاليا: هانت ياروحي هانت خلص كل شي و بَين كل شي راح يتعاقبون واحد واحد بس بل قانون.
يامان: اخوي تاليا اخوي عايش.
تاليا: راح يتعاقب على كلشي سوا خلي هل فترة بسجن لحد ما يرجع لوعية شي اكيد هو مدمن مخدرات لهذا بفترة حكمة بل سجن راح يتنفض جسمة و دماغة من هل قرف وانت اخو اكبر منا قربة عليك و رجعة على طريق صحيح.
يامان: صعبة.
تاليا: مو صعبة كلنا وياك لا تنسة هذا شي.
يامان: ان شاء الله.
تاليا: ردت اوخر من حضنة شدني اكثر ما خلاني ابتعد
-يامان.
يامان: بس شوية ضلي مشتاقلج.
تاليا: هسة يدخل احد عيب.
ما سمع مني ضل حاضني و يشتم بية لو يبوس كتوفي لحد ما انفتح باب وخرت من حضنة مخروعة.
جواد: كملي كملي هاي عود جنتي زعلانة ام عطوب.
يامان: انت يمتى تتعلم تدك باب.
جواد: من انت تعلمني حبيبي.
يامان: شو وخري بوية خلي اكوم اعلمة.
تاليا: ههه كافي يمعود بعدك مريض.
جواد: تاليا امشي احنا جنا زعلانين.
يامان: انجب.
جواد: ترة اني بعدني زعلان.
يامان: شلون ترضة.
جواد: والله ما اطلب شي صعب بس عزيمة.
يامان: تدلل هل اطلع منا.
جواد: اشاقة يا بعد الروح ياخوي انت.
تاليا: اشو هذا جواد دفعني و اجة هو يحضن يامان.
-جوادددد وخررر اشو اخذت مكانييي.
جواد: ولي لجج هذا حبيبي.
تاليا: يامااان.
يامان: روحة تعاي بوية خل يولي هل حقير.
جواد: تف على شيطان يا حقراء.
يامان و تاليا: ههههه.
يامان: انتو نقطة ضعفي و انتو نقطة قوتي بدونكم اني ما اسوة شي.
جواد: واحنا دوم وياك.
تاليا: صح احنا وياك و نسندك.
يامان: ربي لا يحرمني منكم.
تاليا: عفنة يامان ينام و احنا ضلينا للصبح كاعدين ب ٨ صبح شفت انفتح باب دخلو عمر و فاطمة جان يامان يتريك.
عمر و فاطمة: سلام عليكم.
تاليا: وعليكم سلام تفضلو ليش واكفين بل باب.
عمر: شلونك يا خوية اعذرنا ماكدرنا نجي بارحة بس منا جهال نايمين و منا نتائج احتارينا و ما كدرنا نجي.
يامان: عيب عليك تبرر موقفك عادي اعتبر نفسك اجيت.
فاطمة: مابيك غير عافية خوية شلون صرت.
يامان: بخير يا بعد اخوج الله يعافيج.
تاليا: اي يا حلوة استلمتي نتائج ناجحة لو لا.
عمر: ناجحة و درجاتها ب ٩٠ الحمدالله.
يامان: الف مبروك.
تاليا: الف مبروك يا عمري انتي.
فاطمة: تسلمون الله يحفظكم.
جواد: فطيمةة ولججج اخخخ فطيمةةة.
فاطمة: ههه ها خوية ها.
جواد: صايرة ما تسألين.
فاطمة: خوية وداعتك حتى بل حلم تجيني فطيمةة ولجج فطيمةة.
الكل: هههههه.
عمر: مخوف البنية كل يوم تفز من نوم يمعودة شبيج تكول وخر اخوي جواد ما يقبل.
جواد: اي عفية فطيمةة عفية.
الكل: هههههه.
يامان: كملت بيتك حبيبي.
عمر: هو اجيت اطمن عليك و فاطمة مسويتلكم ريوك علمود هسة نروح اول شي نبدي بل صبغ.
تاليا: ليش ما كلتو للعمال يصبغون.
عمر: والله خيتي عجبنا احنا نصبغة.
يامان: فكرة حلوة ربي يوفقكم.
عمر: احم خوية و بعد اسبوعين حفلة حنة.
جواد: ياااا هلاااا واخيراً راح اردح.
الكل: هههههه.
يامان: عل خير حبيبي ربي يوفقكم.
تاليا: الف مبروك مقدماً.
عمر و فاطمة: الله يبارك بيكم.
تاليا: تعالو كعدو شوية.
عمر: لا والله خوية متأخرين.
فاطمة: هذا ريوك بل عافية عليكم.
تاليا: عاشت ايدج حبيبتي.
عمر: يلا فاطمة نمشي حبيبي.
فاطمة: تمام.
عمر: خوية يامان اي شي تحتاجة بس اتصال و اكون يمك.
يامان: ما تقصر حبيبي.
عمر و فاطمة: مع سلامة.
الكل: الله وياكم.
........
عمر: طلعنا من مستشفى و اني لازم ايدها تبتسم فرحانة صعدنا بل سيارة و توجهنا لبيتنا جديد من وصلنا نزلت و فتحت باب لفاطمة.
- انطيني ايدج حبيبتي.
لزمت ايدي بإيدها زغيرة و نزلت ضلت تباوع للبيت.
فاطمة: هذا بيتك.
عمر: لا هذا بيتنا حبيبي، يلا ندخل ياروحي.
فاطمة: تمام.
عمر: وكفنا كدام بيت طلعت مفاتيح فتحت باب و سمينا بسم الله و دخلنا برجلنا اليمنة شفت واصل الصبغ باوعت لفاطمة.
-جاهزة يا حلوة.
فاطمة: ههه اي يلا.
عمر: فدوة للضحكة، فتحت السطل اول صبغ ابيض طببنا للإستقبال و جبت الفرجة رفعت ردان البلوز و بلشت اصبغ.
فاطمة: هاي شنو عمر اشو بس انت تصبغ لعد اني.
عمر: هههه مو انتي قصيرة حبيبي تعاي اخذي هاي فرجة زغيرة صبغي اطراف البلاكات.
فاطمة: اي عادي.
عمر: ههه يلا يلا.
شفتها تصبغ بس عبايتها كل ساع تنزل و هي ما تريدها تتوصخ نزلت رحت سديت باب حوش و رجعت عليها.
-حبيبي نزعي عباتج لا تتوصخ سديت باب محد يجي حتى حجابج نزعي اخذي راحتج.
فاطمة: مو لابسة بنطرون و بلوز اخاف يشوفونا من فوك احد شوف شباك مفتوح.
عمر: لا ماكو احد اخذي راحتج.
فاطمة: ماشي.
عمر: نزعت عباية و الحجاب شفتها رفعت شعرها كباية رفعت ايديها و شوية بنطرون رجعت تصبغ و اني رجعت اكمل.
فاطمة: حبيبي كملت.
عمر: يا عيون حبيبج ارتاحي شوية اني هم ما بقالي هواي.
فاطمة: لا والله عجبتني الشغلة وين اصبغ بعد.
عمر: هههه هسة نروح سوية للمطبخ.
فاطمة: اي ماشي انتظرك بس تذكر اني اسرع منك بل صبغ.
عمر: هههه ولج انتي شغلج سهل مو مثلي.
فاطمة: لا والله صعب شوف ٤ بلاكات اني صبغت اطرافة.
عمر: اي صح صح كلش صعب.
فاطمة: يلا كمل.
عمر: مو تدللين.
كعدت تباوع علية شلون اصبغ شوية و حسيت شغلت نفس قصيدة و علت صوت هي راحت للمطبخ و اني كملت هذا حايط و رحت وراها للمطبخ شفت تارسة ايدها صبغ تطبعة على حايط.
-فاطمة.
شفتها جفلت من مكانها.
فاطمة: ها عمر والله خوفتني.
عمر: شكاعد تسوين.
فاطمة: هو عمر هو جنت اريد..
عمر: احجي حبيبي على شنو متوترة.
فاطمة: هذاك يوم شفت فلم و البطل و البطلة خلو ايديهم بل صبغ و طبعوها على حايط و اني عجبني اجرب بس والله هسة امسحة اسفة.
عمر: عندي فكرة.
فاطمة: شنو.
عمر: نكمل مطبخ و البيت من وصلنا لغرفتنا نصبغها و على وحدة من حيطان نطبع ايدينا.
فاطمة: صدك عمر صدك.
عمر: اي يا عيون عمر.
ما حسيت غير ركضت حضنتني.
فاطمة: هههه شكرا شكرا.
عمر: والله لو ادري بيها حضنة جان خليتج تطبعين ايدج على كل حيطان بيت.
فاطمة: احم عمر.
عمر: عيونة.
فاطمة: اسفة.
عمر: على شنو.
فاطمة: والله ماعرفت بس بلوزتك توصخت بل صبغ لأن من حضنتك...
عمر: فدوة الج حبيبي يلا خلي نكمل اذا ابقى صافن بيج البيت ما يخلص.
فاطمة: احم اي يلا نكمل.
عمر: ضلينا نصبغ كل بيت و هي وياية لحد ما وصلنا لغرفتنا بلشت صبغتها ابيض و من كملت جبت صبغ احمر فرغتة بسطل اصغر.
-يلا حبيبي.
فاطمة: تعبت على صبغ اخاف يخرب عليك.
عمر: جيبي ايدج، غطست ايدينا بل صبغ و طلعنا انتظرنا شوية و مشينا للحايط طبعنا ايدينا و بعدنا نشوفة.
فاطمة: عمررر طلع يجنننن.
عمر: هاي ذكرة حلوة.
فاطمة: احبك احبك احبك يجنن.
عمر: هههه واني احبج يا عيون عمر.
كملنا شغل البيت كلة و رجعنا للبيت لأن الجهال وحدهم.
.......
تاليا: ضلينا بل مستشفى لحد الضهر بعدها يامان عاند الا يرجع للبيت و جواد راح كمل معاملة خروجة من مستشفى و اني ساعدتة يكوم رجلة ما مكسورة بس متأذية.
يامان: بوية أكدر امشي.
تاليا: على رجل وحدة بعدين تأذيك.
جواد: وخري يا قزمة اني اساعدة.
تاليا: يااامان.
يامان: جواد احجي عدل وياها لا اركعك على حلكك.
جواد: هي بشو فالحة غير ياامان و يامان.
سمر: والله احسكم تايا و يامان زغير و هيج تتناكرون ولكم عيب شبيكم.
تاليا: صوج زوجج.
جواد: انجبي.
سمر: خية ولا يهمج اني اربي الج.
يامان: هههه استلم تهديد.
جواد: حكومة بعد ماكدر افتح حلكي.
تاليا: جواد سند يامان و طلعة من مستشفى و صعدة بل سيارة و اني و سمر صعدنا بل سيارة و جواد و سمر هواي حاولو نروح لبيتهم بس يامان رفض كال ارجع لبيتي لهذا جواد وصلنا لبيتنا و نزلنا اني رحت فتحت باب و جواد سند يامان دخلة جوة رحت شغلت اضوية و سبلت على حار لأن جان جو بي برودة و كعدنا بل صالة.
يامان: حبيبي بس مي من يمج عطشان.
جواد: تدلل يا بعد بيتي يمة عطشان حبيبي سودة بوجه تميم.
تاليا: قصدة علية اجيبلة مي انت شكو.
جواد: لا والله اني اجيبلة.
تاليا: زوجييي زوجييي انتتت شكووو وخر والله اني اجيب.
جواد: ما حزرتي يا حلوة اني رايح قبلج.
سمر: صارو يركضون للمطبخ مثل جهال و رجعو ثنينهم بيدهم كلاص مي.
تاليا: والله يا يامان اذا تشرب من ايد جواد الا ارجع بيت اهلي و بعد ما تشوفني.
جواد: يامان اذا تاخذ من ايد هل قزمة قسم بالله انهي كل علاقتي وياك.
يامان: ما اشرب مو عطشان.
تاليا: يامااان.
يامان: جيبي حبيبي جيبي.
جواد: يامااااان.
يامان: سم ولك صوتك منا جوارين.
جواد: مااا يلا اشرب من ايدي.
تاليا: يامان اني.
جواد: لا والله الا اني.
يامان: جيبو اشرب من ايدكم ثنينكم بس سكتو.
جواد: يلا عادي.
سمر: والله جهال احسن منكم شوفوهم يلعبون و ساكتين.
تاليا: كولي لزوجج يعوف زوجي.
جواد: كولي لهل قزمة تعوف اخوية.
يامان: سكتو لا اطردكم ثنينكم برة.
تاليا: اني هم، سويت نفسي زعلانة.
يامان: لا يا روحي تعاي كعدي يمي و صيري عاقلة.
جواد: اني هم اكعد يمك.
سمر: جواد تعال اكعد هنا لا اسوي شي ما يعجبك.
جواد: ها اي اي تدللين.
تاليا: هههه ما يخاف من احد بكد ما يخاف من سمر.
جواد: انجبي.
تاليا: يامااان.
يامان: اذني بوية هسة ليش تحجين ويا خلي يولي.
جواد: ادبسزية.
تاليا: حبيبي انت تعبان كوم اصعدك تنام و ترتاح شوية.
يامان: والله ياريت اريد اسبح هم.
تاليا: هسة رايحة احضرلك حمام.
صعدت فوك فتحت باب غرفة شفت ملابسي على جرباية و اكو بل كاع والفراش مخربط عرفت يامان الي مسوي هيج شلت الملابس و عدلت فراش رحت حضرتلة حمام و طلعتلة ملابس ردت اطلع اصيحلة شفت جواد ساندة و واكف بل باب.
جواد: سوي طريق شوية يمعودة.
تاليا: ها اي اي ادخلو.
جواد: اخخ ضهري والله يامانو انت يرادلك جيم.
تاليا: لا والله اصلاً جسمة حلو خوما تريدة يصير معصعص.
جواد: يامان اشو مرتك صايرة ما تستحي شنو تكول جسمك حلو.
تاليا: حسيت اني شنو جفصت بسرعة نزلت راسي و ركضت طلعت من غرفة و بس اسمع ضحكهم عزااا الله ياخذني على هل جفصة نزلت جوة متوترة من خجل.
سمر: ها دادة ها على كيفج شبيج.
تاليا: عوفيني جفصت فد جفصة و كدام منو كدام زوجج جواد كولي مو جواد كولي قناة الشرقية هسة راح يفضحني بين الوادم كلها.
سمر: ههههه شنو من جفصة.
تاليا: جواد من صعد يامان لزم ضهرة كال والله يا يامان ينرادلك  جيم واني جاوبتة كلت لا والله جسمة حلو و زوجج نيتة عاطلة يكول ليامان مرتك ما تستحي تكول عليك جسمة حلو.
سمر: عزااااا ههههه يمة متتتت خرب بعقلج وين جنتي من حجيتي هل حجاية كدام جواد.
تاليا: مو اكولج اني غبية خل اروح اطلع شي اطبخة للغدا.
سمر: اي يلا اني اساعدج.
تاليا: رحنا للمطبخ طلعت صدر دجاج و جان عندي بتيتة و شعرية و كشمش و جزر و بزاليا كلت اطبخ برياني و فاصوليا ويا خضراوات بلشنا اني و سمر نطبخ و نسولف كملنا برياني و خليتة على نار هادئة يتهدر و سمر كملت طبخ فاصوليا جانت كاعدة تنظف خضراوات بس شافت جواد صاحتلة.
سمر: جوادوو تعال نضف وياية.
جواد: سمر مابية حيل.
سمر: تمام لا تجي.
جواد: يابة اجيت بس لا تزعلين.
سمر: لا والله لا تجي.
جواد: جيبي والله انظف وياج يول جنت اشاقة يا بعد بيتي.
سمر: نضف بس ماحجي وياك ولا تحجي وياي.
جواد: بليل اراضيج كولي اريد شسمة ههههه.
سمر: صار يغمز و يضحك، يا ادبسززز كوم منا يلا اني انضفهن وحدي.
جواد: سمرررر.
سمر: شكو.
جواد: احبج.
سمر: افتهمنا.
جواد: وانتي تحبيني.
سمر: لا.
جواد: شكد جذابة والله تموتين علية.
سمر: ما دامك تعرف شكو تسأل.
جواد: اتأكد اكثر.
سمر: امم.