البريئ روح طاهرة جسد جريح (+18)

البارت الرابع

"إذا تُهْتَ في الخارج، سيأخذونك إلى بيتك، لكن إلى أين يُعيدونك، إذا تُهْتَ في البيت؟"

                                                      علي عكور

كريم::٫كعدت ع صلاة الصبح صليت وعدلت الجرباية طلعت للطارمة جريت الملابس من الحبل حطيتهم بالسلة  صفنت ع الفجر  واتذكرت من جانت هالة موجودة جانت الخاشوكة ما تخليني اشيلها جانت حيل مدللتني رغم جنت احاول اساعدها ما تقبل تريدني ارتاح لان ارجع تعبان من الكلية ومحاضرات وتصحيح اوراق هسة اني صرت اسوي كلشي بغيابها اني الاب والام  خلصت طبيت للبيت بديت اصفط بملابس البنات واعزلهم وملابسي واعزلهم هم حطيتهم ع الماصة الي صايرة بنص الكليدور كلت من تكعد هلال ترجعهم للكنتور لان هسة ما اريد اطب لغرفتهم خاف يفزون خل يشبعون نوم  رحت للمطبخ اسوي ريوك واحضر كهوة الي طلعت بيض وطماطة وبصل وفلفل اخضر ونقانق دجاج وجبن شرائح الاكلة الي يحبوها البنات وبديت اسوي حطيت الجاي ع النار ع عين هادية بين ما يخلص الاكل ..

هلال: فزيت ع ريحة الفلفل والبصل والجاي وصوت فيروز:

:_  يا انا يا انا  انا وياك
:_ صرنا القصص الغريبة
:_ يا انا يا انا  انا وياك
:_ وانسرقت مكاتيبي وعرفو انك حبيبي وعرفو انك حبيبي
:_ يا انا يا انا هرب الصيف وهربت على ايدي الزينة واذا ضيعني الهوى شي صيف في ئلبك بتلائيني

: ضحكت وكمت من فراشي طلعت لكيته يطبخ ويغني وياها دا يثرم بالطماطة رفع راسه باوعني ضحك وكلي

:: صباح الخير هلالي
:: صباح النور بابا شو دا غني منطرب اليوم ههههه
:: البارحة شفتها بالحلم راح اطير من فرحتي
:: هههه عشاق عيني
:: يله حبيبتي توضي وصلي واخذي الملابس الي ع الماصة رجعيهم للكنتور
:: تمام حبيبي

هلال : رحت اتوضيت بعدين اخذت الملابس وزعتهم ع كنتور بابا وكنتوري وكنتور ايو وراها فرشت السجادة وسديت الباب وصليت خلصت كعدت ادعي واجى ابالي احمد نسيت ما راسلته البارحة اسئل عليه اخذتني النومة ونسيت فكرت ادزله رسالة و من يكعد يجاوبني دخلت ع الواتساب ودزيتله

:: صباح الخير اعتذر دا اراسلك بهيج وقت بس البارحة اخذتني النومة ونسيت  اسئل عنك شلون صرت ان شاء الله بخير

سديت الموبايل وكلت من يكعد يجاوب فجاة اجاني اشعار شفته طلع احمد كاتب:

:: صباح النور معذورة هلال اصلا البارحة تعبنا بالشغل الحمدلله صرت احسن جان هبوط ضغط عادي شكرا الج
:: شو كاعد من الصبح اتصورتك نايم
:: كعدت ع الصلاة وبعد ما اجاني نوم ودا اكلب بالموبايل
:: هاا تجي اليوم للشغل للكلية ؟
:: اي اجى ما اكدر ما اجي بداية سنة تدرين والشغل اي اجي بس آسر كلي لا تشتغل واذا شفتك تشتغل اكسر رجلك ههههه
:: هاي شبيه آسر صاير عنيف ما عرفته هيج هههه
:: انتو اصدقاء من الطفولة؟
:: اي من جنا اطفال جنت سوية هو جيرانا جان بس بالرابع اعدادية شالو راحو للبصرة وافترقنا
:: وهسة رجعتو التقيتو من جديد !؟
:: اي
:: قصتكم حلوة ناقصها بس الحب هههه
:: هههه لا آسر اخ بالنسبة الي هو يحب يكون الشخص الحامي والي يهتم ويدري باله ع الازغر منه من طفولته وعنده شخصية قيادية
:: هاا هاا بين الحب بعينج هههه
:: لا لا هههه خرب مو قصدي
::هههه يله اني اروح اتريك اشوفج بالشغل
:: بيباي