البريئ روح طاهرة جسد جريح (+18)

البارت الحادي عشر

أن لم نكن في الاماكن التي نحبها ومع الاشخاص الذين نحبهم فنحن غرباء أينما كنا...

آسر::_ عفت احمد ورحت اسلم على ابوه

:: شلونك حجي امورك خيرك ليش تصيح

:: مو خلصتو شغل ليش ما معزلين بعدين ما تستحون متحاضنين هيج بنص المحل متكول العالم شتكول عليكم

احمد:: بويه امروتك شبيك
جواد:: انجب اغبر
آسر:: هههه عمو احنا وين عايشين وهيج تفكر ثانيا مدا تشوف كاعدين ننظف ونرتب المحل وشكو بيها اذا اتاخر شوية هو مو طفل

جواد:: لا تحجي من يمك بدون فهم ..وانت اخر مرة تاخرت بيها بالرجعة سويتلنا مصيبة تريد اذكرك

_ باوعت على احمد وجهه صار اصفر وعلامات الصدمة عليه

احمد:: هاهية بوية الي تريده يصير امشي خل نرجع للبيت

_ صاح ابوه بصوت عالي
جواد:: امشي يله كدامي

آسر:: على كيفك حجي مو هيج
جواد:: معليك انت

_ كمشني احمد من زندي وباوعني بنظرات معانها اسكت لخاطري هدات وخليتهم يروحون ..

_ تصرفات ابوه مو منطقية مدا افهم شبيهم وحيل خايف عليه منه انتظرت ساعة ودزيت رسالة لاحمد ومرت نص ساعة وما جاوبني خفت فاتصل عليه جاوب

:: الو
:: شلونك!!
:: زين لا تخاف عليه
_ صوته بيه بحة مبين باجي هواي
:: سوالك شي !اذاك؟؟
:: ههه لا تهتم مو اول مرة اتعودت اسف لان خليتك بهيج موقف
::احمد سولفي ليش هيج دا يعاملك ؟
:: من يجي الوكت المناسب اسولفلك وعد بس مو هسة
::احمد؟؟؟
::حباب لخاطري خل نسد الموضوع
::تمام براحتك ارتاح شوية تصبح ع خير

_بالي يمه وابد ما مرتاح بس احس بعجز مدا اكدر افهم شراح اسوي ...

هلال::_ كاعدين بالبيت وي عمو وبيبي نتفق على يوم شوكت نروح لبيت آسر نحجي بالبنية لان رجعولنا خبر موافقين ...

_عيوني على بابا وملامحه ابد ما قابل بس مجبور بسببنا انقهرت عليه حيل بس دا سوي هالشي لصالحه ميصير يبقى هيج على ذكريات ماما لازم يرجع يعيش حياته ..

_ لذلك اتفقت وي بيبي تسوي نفسها مريضة علمود نخوفه هي صح فكرة شيطانية بس مالكيت حل غيرها وابوي من يوصل الشي لامه كلش يخاف ...

حوراء::_ ورا يومين كلت لامي موافقة ورجعو خبر لكريم واهله واتفقو الخميس يجون النسوان ويسولفون بالمهر وهاي الامور ..