البريئ روح طاهرة جسد جريح (+18)

البارت الخامس عشر

لا ترموا كلاما

يظل في صدر صاحبه ليال طوال ، لا ترموا لهم مشقات

يحاربونها فوق حرب أنفسهم وأيامهم

            لقائلها؛؛؛

صوت يرن بزوايا  الغرفةالظلمة

_: روح الله وياك ييمه الدنيا ما ترحم
_:بالدنيا شتريد اذا اولها تتيتم
_::مكو غير الجروح اسمع كلمتي وروح

صوت بجي ونحيب صوتها منبوح
كاعدة بالكاع ساندة ظهرها بالجرباية
ولامة رجليها لصدرها ودافنة راسها برجليه
وتبجي ....

_فجاة انفتحت الباب دخل علي جان شايل كلاص مي وعلاگة بيها علاجات اول ما وكعت عينه عليها بسرعة حط الي بايده على الماصة وراحلها ركض نزل على رجليه وحضنها ..

_من حست بحضنه رجعت هي حضنته بقوة وتناغيه بصوت حزين

:: يمه يموت كلبي ولا يصيرلك يريتها روح الراحت ولا اتاذيت علاوي شسوي بعمري بدونك

:: زينب روحه لعلي وكلبه ما بيه شي اني سالم رجعتلج يبعد رومشي اخخخ شكد اذيتج ..

آسر::_ جنت بواحد صرت باثنين الطريق كله زينب تصرخ باسم علي ومو راضية تسمعني وصلنا للمستشفى بالتواسيل
طبيت كبل اخذتها لصالة الولادة بسرعة دخلت طوارى النساء وصيت البنات عليها ..

_اتصلت على علي جاوبني بسرعة

:: الو خوية

:: علي شلونك خوما صارلك شي

:: لتخاف ما بيه شي اصابات بسيطة بس السيارة ضربتها قوية

:: خوية فدوة الك المهم انت سالم ،اكلك احنا بمستشفى الولادة والاطفال زينب كامت تنزف وجبتها ركض لهنا ملخت روحها علمودك تعال خل تشوفك لان مدا تقنع بحجي

علي::_ اني سمعت كلام آسر واني الدنيا ظلمت بعيوني صرت ارجف من الخوف ما خفت لان اضربنا بالسيارة بس هسة خايف حيل ...

_ سديت المكالمة وطلعت اركض ياهو الي يودني واوصل واشمها حسيت الطريق مر سنة عليه كوة وصلت رحت للصالة كبل شفتهم واكفين آسر وامي بغرفة الانتظار

وفاء:: يمه ولدي علاوي يبعد امك مردت كلبي عليك

_ جرتني لحضنها وبدت تبوس وتشم بيه

علي:: يمه ورحمة ابوية ما بيه شي هاج شوف كلشي مكو

وفاء:: يمه والله وكع كلبي من سمعت بالحادث بديت ارجف حتى ضغطي ارتفع

_ حضنتها وكمت اهدي بيها وآسر هم يحاول يسكتها بس تبجي ورا شوية جان تطلع وحدة من الصالة صاحت

:: وين اهل زينب جواد بسرعة

_ رحتله اركض وصحت

:: اني اني زوجها