البريئ روح طاهرة جسد جريح (+18)

البارت السادس عشر

   ""ومن الحب ما قتل""

::السلام عليكم

_تقدمت اله و صافحته

:: وعليكم السلام عمي ,اني امير اشتغل هنا بالمقهى

_ابتسم وحضني صراحة شكله جان يخوف بس من ابتسم تلاشى خوفي منه شوية

::اتشرفت بيك ابني اني والد ليان وصديقها المقرب هههه مو بله باباتي

_اتقدمتله ليان ولفت ايدها حول ذراعه وحجت

:: احلى صديق والله حبيبي ليش ما خابرتني قبل ما تجى جان طلعتلك ليش تعبت نفسك ونزلت وانت تعبان من الشغل

:: اجاني فضول اشوف مكان شغلج الي تسولفين بيه هواي واتعرف على اصدقائج بس الظاهر اجيت متاخر ان شاء الله غير مرة

:: ان شاء الله حبيبي يله نروح

_ودعوني وراحو ليان جانت خايفة بس تحاول تصرف طبيعي بس ابوها زين سبورت مو من الاباء العصبيين يعني اكدر احجي وياه بتفاهم...

آسر::_ متمدد بفراشي واحمد نايم على الجرباية غافي بسابع نومة صحته هالفترة احسن دا ياكل وملتزم بعلاجاته يعني وضعه الحمدلله ..

_صافن بالسگف واتخيل هلال لمن جانت نايمة على التخم ما كدرت امنع نفسي ما اباوعلها اتمنيتها بحضني نايمة رغم كل الشغلات المو زينة الي دا صير شوفتها اطمئاناني وسلامي ارتاح وتهدا نفسي من اشوفها واسمع صوتها

::_ تررررن (صوت اشعار رسايل)

_فتحت الموبايل لكيت رسالة من هلال انصدمت

:: دك دك بعدك كاعد ؟؟

_ضحكت ورديت عليها

:: اي كاعد بعدني

:: شعدك لسة كاعد بله سهران وي الحبيبة مو ؟

:: هاي شنو دا تحاسبيني ؟؟

:: اي غير اغار عليك😏

_ حسيت بنغزات ابطني من الفرحة شوية ورديت

:: هههه لا والله ما عندي شي بس ما جاني نوم

:: ليش ..لازم تنام وترتاح خاف احمد مدا يخليك تنام

:: لا بالعكس والله بس ما اعرف النوم طاير من عيني

_ فجاة اجاني صوت احمد

:: سوالف هلال اضحك مو هههه