البريئ روح طاهرة جسد جريح (+18)

البارت الثاني عشر

ما حجينا بس بچینا !
وبقت بس ترجف ايدينا
وما نسينا بس تجاهلنا ومشينا

اشباح الموت من تحوم يم بيوت اهلنا تصير البيوت رماد من ذكرياتنا ودموعنا الحزن من يدك علينا الباب تفتح ما تفتح راح يزورك يتسرب من الشابيج المفتوحة من جوة البيبان ومن ثقوب الحيطان ...

حزنا وبجينا بهذاك اليوم جن موتت امي انعادت علينا وفتحت كل جروحنا نظرات ابوي وتجاعيده وشيباته ودموعه
""حاسة بيك يا روح بنيتك  حاسة وداعة امي كسرة الام كسرة وعازتها عازة """

هلال::_ بهذاك اليوم المشؤم اخذنا الحجية للمستشفى جانت بيها روح لسة اول ما دخلناها حولها انعاش وضلت هناك حولي الاسبوع وشكم يوم ..

_ جنا نتناوب عليها من الصبح لليل كل 5 ساعات واحد وبابا جان يلزم الشفت الليلي وبيوم الاثنين الساعة بال4 الفجر اتوفت الحجية وعافت بابا بحالة صدمة مكسور ومهزوز صياحه ولطمه لسة باذني مدا يروح من بالي من جابو التابوت للبيت نظرات الشتات واليتم احس امي ماتت مرة ثانية .....

_ بالمقبرة ابوي نزل بنص الكبر ونزل جثمان الحجية بايده ما قبل احد ينزلها غيره شفته همس باذنها كلام

:: وداعة الله يمه انتي بعباية امير المؤمنين يمه اذا شفتيها سلملي عليها كوليها كريم لسة يحبج ما نساج

_ حجيه خلاني انهار وسدها بالتراب وبقى يم الگبر يبجي هو وعمي ابوي حيل متعلق بامه اكثر من باقي اخوانه حقه مالومها عمر هو بعيد عنها وبالكوة انجمع بيها شراح يطيب جرحه بعد ...

حوراء::_ وفاة الحجية هيج جروحي القديمة وفاة زوجي وهذيج الذكريات الاليمة وكلام الناس عني رجع كلشي انعاد من جديد وهالمرة من اول يوم الي ما ادري ليش هيج حضي فگر يا بيت اطبه اهجمه كريم ما حجى ولا كلمة وياي من توفت امه حابس روحه بالغرفة وما يقبل يحجي وي احد واية تبجي عليه تريده واني حايرة ..

_ مر اسبوعين على وفاتها وهو ما يقبل يحجي وي احد اخذ اجازة شهر وكعد بالبيت مكو احد ما حجى وياه هلال واخوه واصدقاءه اجو ومكو فائدة ..

_بهذاك اليوم جنت دا انظف بالبيت واسوي الغدا وايو اول ما كعدت من النوم كامت تبجي تريد ابوها راحتله للغرفة تحجي وياه ما يرد عليه هلال جانت بالكلية ..

_ شفت ايو طلعت من بالغرفة وكعدت بنص الكليدور وكام تصيح بعلو صوتها وتبجي وتشهك

ايو:: بابا ما يحب ايوو
_ وتصرخ بحركة وتكول اريد بابا حاولت اسكتها ما تقبل وتكلي وخري عني ما احبج اريد بابا لهناك شفته طلع من الغرفة وملامح الغضب على وجهه وعيونه حمر شكله حيل يخوف اخذتها بحضني بالكوة ادفع بيه عبالي راح يضربها