البريئ روح طاهرة جسد جريح (+18)

البارت الثالث عشر (بين الواقع والخيال)

تلك قطرات دمي المتناثرة على الثرى وذاك قلبي المحطم يدهسه من خلقتُ لاجله ...

هل سوف يمحو القدر ذاكرتي ؟!
هل سوف انسى ما حصل ؟!
هل كان لي ذنباً في ما يحصل؟!
هل تراني ياللّه ام غضضت الطرف عني ؟!

           

:: كريمممم يمه تعال اتغدا

_ جان يحفر بالتراب متربع وكاعد على الكاع ولد مدبدب ابيضاني على احمر ملابسه كلها تراب عمره قرابة ال5سنوات

:: ولك يمه مو دا احجي وياك يله تعالللل

::اجيت
_كالها بصوت طفل خدوده تارسة وجهه كوة الكلمة تنفهم منه

:: اويلي عليك هاي شمسوي بروحك صدك جذب مو توني بدلتلك شهالتراب بالله امشي خل ابدلك
_ اجى صوت ثخين من الصالة جان بابها مفتوح وكاعد بالديوان رجال متوسط العمر بس ما مشيب لابس نظارات ودا يقر بالقران ..

:: مو كتلج اضربيه خل يتأدب بس انتي ما تتعاندين

:: هو طفل مو كلشي بالضرب بعده زغير ويحب يلعب

:: اي ضلي ضلي لحد ما يركبج وتطلع عينه من ورا الدلال

_ بعدها تحولت الصورة لطفل جبير عمره قرابة السبع سنوات خاتل ورا الميز مال الطعام يرجف ويسمع صوت الصايح والدعاوي من عماته على امه وامه دا تلم بغراضها واجتي كمشت ايده

:: كوم يمه امشي كوم

:: وينننن بت القن... وين ماخذه ابنا عوفيها

_ جرت الولد منها وضربتها وطردتها نظرات الولد لامه والصدمة الي على وجهه ما جان يدري هاي اخر مرة يشوف بيها امه ما جان يعرف شنو منتظره من حزن والم بعدها وشكد راح يعاني يله يلتقيها ..

_ مرة القدر اخذ امي مني ورجعتها هسة الموت اخذها شلون ارجعها ...حوراء شلون ؟؟

_ رفع راسه وعيونه بعيوني والدموع تنزل من على خدي وخده اي صح جنا ثنينا نبجي اتخيلت روحي بمكانه شنو جان راح يصير بيه بدون امي ..

_ مسحت دموعي وعدلت كعدتي واستجمعت طاقتي وسئلته

:: ليش ابوك طلك امك ؟؟

::امي جانت فقيرة من اهل الله تخاف وكلشي يكولون الها تسوي لو ابوي يكسرها  تكسر ما تحجي شي عماتي جانن ما يحبنها ابد ما ادري ليش هي علوية وشارتها بالايد لان فقيرة جانن عماتي حيل يستهزن بيها ويقلدن عليها..