البريئ روح طاهرة جسد جريح (+18)

البارت الخامس

فؤادي وهل في ضلوعيٕ فؤادَ
لقدٕ كدتُ انسأه لولا الصدىَ
                                             بدر شاكر السياب

آسر:: جاوبني احمد!
صفن شوية بعيد وبعدين باوع بعيوني وكال
:: كلنا انضربنا واتأدبنا ع ادين اباءنا وهذا الموضوع طبيعي ابوي عصبي واي شي ما يعجبه ايده والكتل وهو يشوفني مو رجال حقيقي لان لا لحية ولا شوراب وجسمي ضعيف وما احب اتعارك وهواي امور يسوها الولد  واني ما اسويهاهههه مدري شلون يفكر ابوي..

حاولت اصدكه بس ما اكدر ملامحه تكول اشياء ثانية بس شسوي ما اكدر اضغط عليه كتله
:: اوك تمام بس دير بالك ع نفسك لا تخليه يتمادى هيج باذيته بعدين انت ما غلطان بشي .

احمد:: صح ان شاء الله
آسر :: كوم خل اوصلك للبيت خاف تتاخر
احمد:: ما يحتاج اني اروح.
باوعتله بخزرة ورفعت حاجب واحد
احمد:: لا هاهية جاي وياك ..

آسر: كاعدين بالسيارة واحمد طول الطريق صافن ما حجى اي شي ما ادري وين باله او حتى بشنو دا يفكر احسه مهموم وشايل حمل جبير فوك كلبه بس ساكت وضام كلشي بضحكته الحلوة وصلنا لبيته ودعته وراح طب البيت..

هلال: رجعت للبيت وي بابا وايو جانت نايمة بحظني طببتها للغرفة وبدلت ملابسها وبقيتها نايمة وبدلت اني هم وطلعت لكيت بابا دا يسوي عشا رحت اساعده واحضر الزلاطة واللبن وهو يگلي البتيتة والطماطة ودا يحضر اسبگتي صافن عليه يضحك ويدندن
هلال:: لازم شايفلك شوفة وهيج تضحك.

كريم:: هههه لا بس طلابي اليوم سولي مفاجاة بمناسبة تخرجهم وكالو عني احسن دكتور درسهم طوال الاربعة سنوات وهالشي كلش فرحني حسيت بانجاز ..

هلال:: بابا انت تستاهل شايف  نفسك شلون تساعدهم وواكف وياهم شايف روحك شكد تسويلهم ملخصات وكلشي بوقته تسويه انت افضل استاذ شفته خلال مسيرتي الدراسة ترة محد اله خلك الطلاب نفسك..

كريم:: شهادة اعتز بيها هههه حبيبي هذا واجبنا ومو فضل من عدنا لازم نساعدهم ونطلعهم  افضل هذولة بيدهم المستقبل واني صارتلي فرصة اصنع جيل المستقبل فهالشي فخر الي ..

حظنته بقوة وكتله :: كلش فخورة بيك بابا تدري انت افضل اب ودكتور  بالنسبة الي  بعدين خلصنا العشا وكعدنا نتعشا ونسولف ..

هلال:: باجر جمعة ليش ما نسوي حملة ع البيت ونظفه ونرتبه
كريم:: ماشي ع شرط باليل نطلع نفتر بالمول ونشتري ملابس لايو اكو ثياب حلوة شفتهم منزليهن ع قياسها
هلال:: هههه تمام موافقة بس من اخلص من الشغل
كريم::تمام

هلال: خلصنا غسلت المواعين ورحت لغرفتي تمددت ع الجرباية فتحت الموبايل طبيت ع الانستا لكيت احمد ناشر ستوري صورة اله بالمقهى كاعد ع الكرسي وحاط رجل ع رجل ولابس نظرات وبيده الجزء الثالث من المقبرة وكاتب بالستوري :