البريئ روح طاهرة جسد جريح (+18)

البارت السادس

- إذا أردت أن تعيد إنساناً للحياة فضع في طريقه إنساناً يحبه، إنساناً يؤمن به، العقاقير وحدها لا تكفي.

دوستويفسكي

علي:: _طلعت من البيت ورى ما خابرت احمد ووصلت يم بيته دكيت عليه انطاني رفض ورى شوية طلع من الباب اباوعله بخوف صعد يمي بالصدر وكال

:: هااا علاوي خيرك
:: خل نروح بغير مكان ونحجي
:: يله تمام

علي::_ رحنا يم الشط كعدنا هناك على المسطبات كعد احمد بصفي وكالي
:: يله سولف خيرك
:: صراحة ما ادري شراح اكلك بس صدكني اني مو مثل ما متصورني من وصلت اختك للدوام اصدقائي طلعو حجي علينا صدكني ما عندي نية سوء تجاهها ابد حتى استحي اباوعلها من فشلتي منك
_احجي واباوع لاحمد عينه بالكاع وصافن اخر شي كال

:: اني ادري اعرف بمشاعرك

_نزلت ع رجليه وحطيت راسي بحضنه وكتله

:: وحق هو علي ما عندي نية سوء والله عاشكها ورايدها بحلال هاك موبايلي فتشه اذا حاجي وياها تعال عاتبني رايدها وخايف اخسرك صدكني

_كمشني من زنودي وكومني وكال
:: علي ليش متخيل نفسك مسوي جريمة ترة هو حب لا هو عيب ولا هو حرام خوية انت ما غلطان واني اعرف منو طلع السمعة الموحلوة عليكم ولان انت ابن حلال اجيت تسولفلي الصار وتحاول تصلحه رغم مو غلطك هسة عرفت ليش احبك هههه..

_كعدت بصفه ودمعتي بعيني كتله

:: اذا خطبتها منكم راح تنطوها الي
:: ما اكدر انطيك حجي اكيد لازم تجي وتشوف رائيها ورائي ابوي يجوز ما تقبل بيك هههه
:: وعد خلال هالاسبوع اجيب اهلي واجيكم بس انت انطيهم خبر
:: تدلل هههه
_صفنت شوية وكتله
:: احمد ليش انت هيج متفهم وما تتعصب وتحاول تفهم كلشي قبل ما تتصرف ليش يقودك عقلك بوقت اغلب الشباب تقودهم غريزتهم ليش انت هيج مثالي وكامل منو علمك ورباك ؟؟

:: هههه الحياة تربينا وتعلمنا اني مو كامل الكمال لله سبحانه اني بشر مثلي مثلك دائما احاول اكون افضل واحاول افهم العالم واحسن الظن بيهم الحياة خلصانة وما تسوي نخلصها بكره وحقد..

:: صديقي الاحبه تعال لحضني..

_حضنته وكلبي يرجف من الفرحة ما ادري ليش ما حجيت ويا احمد من البداية وليش هيج خفت منه ...

آسر:: هلال وينج
هلال:: آسر اركض بسرعة
آسر :: شكو ليش ؟؟
_ و جان اسمع صوت عوي مال جلب ركضت بكل سرعتي لزمت ايد هلال وركضنا لحد ما وكعت هلال واجى الجلب هجم عليها