كل الفاظ الوداع مرة
والحروب مرة والموت مر
والشوق مر
وكل شي يسرق الانسان من الانسان مر
هلال: فزيت من النوم اباوع الدنيا ليل فتحت الموبايل الساعة 3:00 الفجر كمت دا اريد اشرب مي شفت ضوة غرفة بابا مشتغل بعده كاعد رحت اتقرب للغرفة وقبل ما احط ايدي ع الباب سمعت ونينه جان الباب شوية مفتوح باوعته لازم صورة امي ويبجي ويكلها:
مو انتَ واتوسل بكاياك
يدري الله بالصاير بلياك
خاب ع شوفه وجهك انخاك
انخاك جا وين
المسولفهن وياك
نزلت دموعي وياه مرت خمس سنوات وهو لسه ما كدر ينسى كل يوم هذا وضعه من يخلى عليه الجو يطلع صورها ويبجي ويحاجيها يحبها واخذها بالكوة من اهلها امي جانت حبه وصديقه الوحيد رحت لفراشي ودموعي بعيني ادعى الله يهون عليه ويلكى الشخص الي يعوضه مكان ماما لان بابا يستاهل
آسر:٫ بعد وفاة ابوي وزوج اختي عم الحزن ع بيتنا وصار عبارة عن سواد قررت بعد ما اخذت رائي امي واخواني نرجع لبغداد ونعوف البصرة لان الحياة صارت بيها صعبة بعد الي صار بعت بيت اهلي ومحلاتهم ورجعنا لبغداد لبيتنا وهناك اشتريت هيلك مقابل جامعة علي اخو وحولته لمقهى سميته عهد الاصدقاء جان هذا الشي حلمي من الطفولة جنت احب علاقة روميو والفريدو وصداقتهم القوية والي ما بيها مصلحة اتمنيت يصير عندي هيج صديق بس كل الي عرفتهم جانو اصدقاء مصلحة سواء بالمستشفى او الكلية ما لكيت الي يفهمني ويحبني بدون سبب ما لكيت الي اعتبره اخوي الي ما جابته امي بس هالشي مراح يدوم .
هلال : كعدت ع العشا وي بابا وايو جان يوكلها ع كيف ساكتين ما حجينا شي لحد ما بابا كال
_هلالي حبيبي عاجبج تشتغلين بمكان هالفترة
_هاا اشتغل ليش
_ اذا ما تريدين براحتج ما اضغط عليج
_لا لا بابا مو هيج قصدي اريد اشتغل بس وين منو يشغلني
_ باعي آسر يريد احد يشتغل ع قسم الكهوة بالمقهى مالته وكالي اذا تكدر قنع هلال هم هي تستفاد وهم اني امن ع رزقي فشنو كلتي بابا
_موافقة بابا اكيد اني من زمان اريد اشتغل دا امل من الكعدة حيل
_هو اني هم كلت هيج فمن باجر من تخلصين كلية مري ع المقهى علمود تبدين شغل
_ تمام حبيبي وحظنته حيل وبوسته
_ولج اختنكت ههههه خرب
هلال الصبح كعدت متحمسة ع غير العادة غسلت وصليت وبدلت لكيت بابا محظر الريوك صاحني تريكنا وطلعت للكلية وراء الكلية رحت للمقهى ركض حيل مكيفة واخيرا راح اشتغل واعتمد ع نفسي طبيت لكيت آسر دا يرتب بالمكتب وولد كاعد ينظف طاولات الاكل وبنية واكفة يم الكاشير تحسب
هلال:: السلام عليكم
اندار آسر وباوعلي وابتسم وكال
:: وعليكم السلام تعالي هلال افهم من جيتج اليوم انو انتي موافقة تشتغلين ويانا
:: اي موافقة بس ما اعرف اسوي كهوة نفسكم يعني متعودة اسويها بالبيت
:: عادي عادي ليان تعلمج
اشرلها تجي اجيتي بنية حلوة عيون غزال وشعر عسلي ع بني
أنت تقرأ
البريئ روح طاهرة جسد جريح (+18)
Mystery / Thrillerلن تدنسوآ جسدي مهما فعلتم خلقني اللٓه مطهراّ لن تنجسني انفاسكم القذرة ولنا يوم المعاد وقفة ستطول... من غرائب الاقدار ان يكون المجرم صالح والضحية طالح لكن لا غرابة في ذلك نحن نعيش في اسوء الاماكن على الاطلاق وبين اقذر المجموعات البشرية عليك المحارب...
