عظيمه ايام هجرك ياهو ولها سنة بوداعك يسكتون بيه ..!
لقائلها.......
علي::_ كعدت من النوم على صوتها وهي تكح بقوة ودا تتقيى ...اي نعم هي حامل للمرة الثانية وهالمرة حملها صعب كلش كمتلها طبيت وياها للحمام بديت اغسل بوجهها وجهزت علاجها وعلكتهن ومنتظرها تطلع علمود اشده الها ..
_طلعت واتمددت على الجرباية وشديت المغذي الها وبدا ينقط قطرة قطرة
زينب:: تعبت والله حتى ابنك مسموم نفسك
_باوعتلها وما كدرت احجي شي وياها حقها من الالم كلشي تحجي رحت للمطبخ سويتلها شوربة خفيفة وجبت فواكه حطيتهم كدامها علمود تشتهي الاكل
زينب:: ما اريد ازقنب عوفني بحالي
علي:: مو بكيفج صارلج يومين بدون اكل مو زين عليج
_صاحت بعلو صوتها
:: عوفنييييي ما اريدك اكرهك من كل كلبي
_دمعت عيوني درت وجهي عنها علمود ما تشوفني وطلعت من الغرفة وجان اشوف امي دخلت للطابق
وفاء:: يمه علاوي شبيها زينب ليش تصيح
_مسحت دمعتي واتقربت الها بستها من راسها وحجيت
علي:: يمه حبابة خليها تاكل صارلها يومين بدون اكل الوحام دمرها
وفاء:: سودة بوجهي وليدي ليش تبجي يروحي بيه ولا بيك
علي:: يمه حبابة روحيلها ابوس ايدج روحي شوفيها
_عفتها ونزلت لجوة احس روحي تريد تطلع كلبي يوجعني عليها كلش وخايف عليها حيل ...
زينب::_ عافني علي وطلع شوية وجان اطب عمتي سلمت عليه واجت اتمددت يمي على الجرباية واخذتني بحضنها كامت تمسح على شعري وتكول
وفاء:: يمه بنيتي كون المرض بيه ولا بيج يروحي ما تساهلين هالالم
زينب :: اسم الله عليج خالة شعندي غيرج اموت بلياج
وفاء:: لخاطري اكلي لكمة شوية
زينب:: والله ما اشتهي
وفاء:: لخاطري بس شوية
_ وشالت الطاسة بيدها وشالت خاشوكة وقربتها لحلكي ما كدرت ارفضها هي حيل حبابة وتحبني كلش اكلت من ايدها وكامت تگشرلي الفواكه وتنطيني كوة اكل بس لخاطرها بلعت الاكل ...
![](https://img.wattpad.com/cover/371766653-288-k572814.jpg)
أنت تقرأ
البريئ روح طاهرة جسد جريح (+18)
Mystery / Thrillerلن تدنسوآ جسدي مهما فعلتم خلقني اللٓه مطهراّ لن تنجسني انفاسكم القذرة ولنا يوم المعاد وقفة ستطول... من غرائب الاقدار ان يكون المجرم صالح والضحية طالح لكن لا غرابة في ذلك نحن نعيش في اسوء الاماكن على الاطلاق وبين اقذر المجموعات البشرية عليك المحارب...