البريئ روح طاهرة جسد جريح (+18)

البارت 23 (محطات)

كبل لا يخلص صبرنا ويطفى دم
وجوهنا وتطلع صفر خذني يمك بعد
ماظل كل عذر لا تعتذر خذني يمك كبل
لا يم الصفر ينحط صفر

- جبار رشيد

:: الووو ..زينب حبيبي شلونج يروحي

_غصيت بدموعي كلش مشتاقة لصوته ثواني ورديت

:: احمدد خوية شلونك حبيبي

:: الحمدلله بخير وانتي شلونج ليش تبجين يروحي اني بخير والله وصحتي زينة

:: خايفة يروحي خايفة عليك والله منهم ما اريد الي صار بينا يرجع ينعاد دير بالك على نفسك اموت وراك والله ...

::لا تخافين اصدقائي وياي مراح يعوفني وحدي ادعيلي بس ادعيلي ...

_كاعدة بغرفتي حتى من الكلية حرمني وما يقبل اطلع خارج الطابق مالتنا ما كدرت اكله لاحمد شدا يصير وياي حتى اهلي ما يدرون هو اساسا الي بيه مكفيه ..

_سمعت صوت فتحت الباب طب علي جايب مسواك وشغلات نسائية حطهم بالمطبخ لامة رجليه لحضني وحاطة راسي بينهم وكاعدة بلكاع وساندة ظهري بالتخم اجى اتقرب مني كعد مقابيلي سحب ايدي واني ارجف وعيوني بعيونه باس ايده وهمس

:: دا اسوي كلشي لمصلحتج

:: عن يا مصلحة تحجي وانت حارمني من اهلي واخوية

:: زينب افهميني انتي متعرفين اخوج شنو  و ويه منو متورط ما تعرفين اي شي

_صحت بعلو صوتي

:: حتلو حتلو يبقى اخوية ومن لحمي ودمي والي يصير عليه يصير علية شنو مشكلتك

:: مستحيل اخليج تتاذين بعد

_ وكالها وعيونه نار فهمت وقتها شنو جان قصده يتصور سبب موت طفلنا هو احمد لذلك حاقد عليه،صرت بالنص بين اخوية وبين الانسان الي احبه ...

علي::_ كعدت الصبح بدلت علمود اروح للكلية زينب جانت نايمة عفتها  وطلعت قفلت باب الطابق ونزلت امي هم نايمة عفتها وطلعت وصلت لهناك دخلت محاضرة احمد صارله فترة طويلة ما يجي للكلية وبالاخص بعد الاحداث الاخيرة لحد الان محد بالكلية يعرف شنو صار والعباس حيل مشهور بالكلية رغم هو من قسم ثاني بس شهرته واسعة والكل يتابعه بحساباته وللصراحة ما انصدمت من سمعت بالمقهى الي صار العباس ورغم شخصيته الي الكل يحبها بس هو عنده جانب مخفي وهي المخدرات والشرب الشي الوحيدة الي جان ما مهتم بيه هو النسوان لذلك جانن البنات يشوفنه نبي لان ماله علاقة بيهن تالي طلع يحب الولد مو علمود ادب لو اخلاق وبالاضافة للجرح الي بوجهه منطيه هيبة وكارزمة ....