البريئ روح طاهرة جسد جريح (+18)

البارت العشرين

_اغصان الشجر اليابسة والهوى الي يحركها
دون ارادتها يمين ويسار ،مالها اي ارادة هي
ميتة بالنهاية ،سواء تحركت لو تكسرت لو
وكعت مراح يفرق شي مراح تحس باي شئ....

_ليان ماتت وراحت من عالمنا وانتقلت لعالم ثاني هي ارتاحت من هالدنيا لكن احنا بقينا عايشين بذكرياتها ومتندمين لان ما كدرنا ننقذها .

_كاعدة بحديقة الجامعة ما دخلت محاضرتي الاخيرة وفضلت اكعد لوحدي اباوع للشجر الجو جان بارد وكئيب كلش مر على وفاتها شهر لسة اربعينها ما طلع،صافنة والافكار تاخذني وتوديني لحد ما عيوني غرگت بالدموع رددت كلمات قصيدة احبها :

:_ يمه ليش الي نحبهم ما يضلون جمرة ذكراهم يخلوها
ويروحون

:_يمه لو بالمدمع الراحو يردون والله ابجي دموعي كلها
وحتى العيون ..

:_ يمه جم غالي بعد عينج اودعه ؟؟!

_ضميت وجهي بين اديه وكمت ابجي بهدوء لحظات وما احس الا احد لمني بحضنه

فاطمة :: ابجي بحظني وعلى صدري لطمي كسري الدنيا بس لا تكعدين وحدج بعيد عنا ترة كلبي يوجعني عليج طول المحاضرة وحتى ما ركزت بشي بالي يمج

_رفعت راسي عليها باوعتها وبجينا ثنينا وتحاضنا

مريم:: جا واني هم بس انتن قابل

_بجينا هواي ومن خلصنا كعدنا على الحشيش بلكاع حطيت راسي على جتف فاطمة وصفنت

فاطمة:: هو عود ليش اهلنا ما يفهمونا ليش دائما يوكفون بوجه احلامنا ليان ما جانت الوحيدة الي تعاني من اهلها اغلب البنات حاليا هيج ..

مريم:: اكو اهل زينين بس مرات المجتمع ما يتقبل هالشي اذا يشوفون الابو او الام يدللون اولادهم ينتقدهم ويضلون يحجون الدودة مالتهم ما تتحمل تشوف ناس مرتاحين بحياتهم لازم يحطون خشمهم بالنص ..

_عدلت كعدتي ومسحت خشمي وعيوني وحجيت بصوت مبحوح

هلال::واجب الاهل يوكفون بصفنا وما يسمحون لاحد يدخل بتربيتهم بالنهاية هم يعرفون اولادهم اكثر من غيرهم انو الشخص يكون اب او ام هالشي صعب كلش ولازم الي يقرر يسوي اطفال يتحمل هالمسوؤلية هو مجبر على هالشي ..

_اهل ليان ضلموها بكلشي بطفولتها علقوها بانسان وغسلو عقلها بدل ما تفكر بدراستها خلوها تفكر بالزواج بعدين انفصلت عنه وهي تحبه بكل حواسها والنوب حرموها من الشخص الي يحبها صدك واذوها وضربوها بدون وجه حق ..

_صح ليان غلطت بالي سوته بنفسها بس همه هم غلطانين من راسهم لرجليهم وشبح ليان المكسور راح يلحكهم لاخر يوم بحياتهم لان جانت تحتاجهم وهمه عافوها ...