صوت الطرقات الخاوية وقرع الابواب
صوت السجان وخوف السجين وحيرة المظلوم
انها المحاكم يا اعزاء ...لا صوت يعلو على صوت القانون
وسوف تسترد الحقوق مهما طال الدهر لابد للحق ان يظهر لا يمكنه الاختباء طويلاً.....
يا ايها السادة القراء انكم على مشارف قراءة محاكمة من اطول المحاكمات وابشعها واقبحها اتمنى ان تكون لقلوبكم القوة والصبر كي تستطيعو اكمالها للنهاية .....
فرح::_ اتحضرت قبل بيوم للمحاكمة حضرت ملابسي وحضرت الاشياء الي راح اكولها وفهمت احمد شنو راح يكول وشنو ممكن يسئلوه اثناء المحاكمة بصراحة هاي القضية من ابشع القضايا الي مرت عليه حرفيا تعبتني نفسيا ما اعرف شلون اخوض بيها للنهاية ...
_طبيت للمحكمة اني واحمد وآسر صار موعد المحاكمة دخلنا للقاعة كعد احمد بصفي وآسر كعد وي الحضور وهلال موجودة هم ومجموعة من اصدقاء احمد هم موجودين واهل العباس واهل اصدقاءه هم انتظرنا شوية وجان يدخل العباس لابس قاط ومرتب شعره واصدقاءه وراه ومحامي الدفاع وياهم ،ملامح العباس جانت كلش ملامح غضب وبنفس الوقت ثقة بالنفس مبين ما خايف من شي ويمشي كله ثقة بنفسه عكس اصدقاءه مجرد دقايق وجان يدخل القاضي وكلنا وكفنا احتراما اله وبدت الجلسة الاولى ...
:: هيئة الادعاء فلتتقدم الى المنصة
_اتقدمت للمنصة وبديت اسولف
فرح :: سيادة القاضي ...هيئة المحلفين ...نحن اليوم نقف في صدد مناقشة قضية من اعقد القضايا الحساسة والخادشة اقف وبصفتي محامي الادعاء لاقص عليكم القصة الكاملة واترك لكم القرار بالحكم الاخير ...
_في يوم من ايام الشتاء الباردة وكأي طالب من طلاب المراحل المنتهية كان موكيلي عائد من احد الدروس في تمام الساعة ال8ونص الى 9 كان يبلغ من العمر قرابة ال18عشر ربيعاً ،في ذالك اليوم تم اختطافه على يد المدعو العباس حيدر ورفقاه ليتعرض الى ابشع انواع الاغتصاب مما ادى الى نزف مستمر والى حاجته الى عملية طارئة لانقاذ حياته ،كان هذا الحادث قبل 5سنوات من اليوم وقد تنازلت عائلة المجني عليه عن القضية لكن الان موكلي يتعرض لانواع من التهديدات سواء الالكترونية او على ارض الواقعي او تشويه للسمعة وبالاضافة الى الاعتداء بالضرب في مكان عمله دون وجود اي سبب مقنع ادى الى ذالك من قبل العباس ورفقاءه...
هلال::_ طول ما فرح تحجي وتسولف الي صار لاحمد اباوعله مدنك وعينه بالكاع رغم هو ماله ذنب باي شي بس مع ذالك يحس بالعار والالم ...
محامي الدفاع:: سيدي القاضي المحترم ...هيئة المحلفين ... من غير المنطقي ان يعاد فتح قضية تم حلها بالتراضي بين الطرفين قبل 5سنوات بالاضافة الى ان تلك القضية لم تصنف على انها اغتصاب بل حدث ذالك بالتراضي بين الطرفين مقابل مبلغ مادي ..
أنت تقرأ
البريئ روح طاهرة جسد جريح (+18)
Mystery / Thrillerلن تدنسوآ جسدي مهما فعلتم خلقني اللٓه مطهراّ لن تنجسني انفاسكم القذرة ولنا يوم المعاد وقفة ستطول... من غرائب الاقدار ان يكون المجرم صالح والضحية طالح لكن لا غرابة في ذلك نحن نعيش في اسوء الاماكن على الاطلاق وبين اقذر المجموعات البشرية عليك المحارب...
