البريئ روح طاهرة جسد جريح (+18)

البارت التاسع

يواهس تضحك الدنيا على شفافك
يبو الليل الحلو اليلعب على اجتافك
احس روحي تأمن بيك وتخافك
واحسك لغز شنهو انت وشنو اوصافك

          عريان السيد خلف

زينب::_ اول ما فتحت عيوني لكيته نايم بصفي حاضني وانفاسه بشعري من ورا بديت اسحب نفسي منه شوية شوية حس عليه وفتح عيونه كوة وباس راسي وابتسملي

:: صباح الخير رويحتي
:: صباح النور
:: نمتي زين البارحة ؟؟
:: اي شبعت نوم هسة تكدر تهدني اريد اكوم
:: خليني حاضنج بعد اريد اشبع منج
:: لابله وخر عني
_ دفرته ابطنه وطفرت من الفراش شفته اتوجع حيل كام يتلوى رحتله لزمت بطنه صاح رفعت القميص شفت اثار الليزر

:: هاي شنو ليش شلت الوشومات من جسمك
:: مو انتي ما تحبيهم شلتهم علمودج
:: بس يوجعن كلش
:: عادي كلشي يرخص لعيونج المهم ام بيت راضية

_ضربته على راسه وكلت

:: كافي تتلوگ كوم اسبح خل ننزل

::_نزلت اني ولحكني علي  شفت امه دا تشتغل بالمطبخ تحضر الريوك واخته تعزل وتنظف

وفاء:: صباح الخير عروستنا الحلوة مصباح المبارك عليج
_حضنتني وبوستني وحوراء نفس الحالة

زينب:: صباح النور عمة خل اساعدج بالشغل

حوراء :: وين يمعودة بعدج عروسة روحي كابلي علي وكعدي احنا نجيبلج الريوك يله بسرعة للحديقة

_ جرني علي للحديقة طلعنا لكيتهم حاطين ميز مال طعام و6 كراسي تقريبا والجو يجنن لا حار ولا بارد رحت كعدت على المرجوحة وصافنة على الاجواء اجى كعد يمي حط ايده على ايدي وشبك اصابعه باصابعي وهمس

::دا شوفين الهدوء الي بالحديقة واجواء الربيع شلون لطيفة

:: اي شبيهها؟!
_رفعت تك حاجب وباوعتله وهو كال

:: يشبه كلبي حاليا وانتي يمي احس حياتي اكتملت واخيرا

::احساسيسك مؤقتة فترة وتروح انت حاليا تحت تأثير الدوبامين
_ ضحك وضربني على خدي ع كيفه وكال
:: اخ منج زنوبتي
::شمسويتلك بله
:: حاركة كلبي
_ طلعت حوراء شايلة الصينية مال الريوك وعمتي وراها شايل صينية الجاي والكلاصات كمزت الها ركض اخذ الصينية منها ما قبلت ورجعتني كعدنا نتريك ونسولف

حوراء:: هاك هاي اللكمة من ايدي حبيبي
_مدت ايدها لحلك علي وهو فتح حلكه واكلها وابتسمله
زينب:: جا لعد واني شمعنى بس هو
_ برطمت وباوعت لحوراء بعيون طفل
حوراء :: لا انتي العزيزة هاج هاي من ايدي
_ مدت ايدها واكلت من عدها وضحكت وهي هم ضحكتلي
وضلينا ناكل ونسولف ..