كانت نظرتي الأخيرة
عميقة ..
وكأن عيناي تحفظ ملامح وجهك
لأيام طويلة .. وكأنها
تعلم أن اللقاء مرة
اخرى سيكون مستحيلا .
لقائلها....
لينا::_ دا امسح بالبيت بعد ما خلصنا غدا قرابة ال3الاربع الظهر وليان كالت راح اصعد ابدل علمود اروح للشغل بابا كاعد بالصالة دا يشرب جاي ويباوع تلفزيون الصالة مالتنا بيها بابين باب لبرى على الحديقة وباب لداخل البيت مقابيل الدرج اذا فتحنا هاي الباب راح نشوف منو ينزل ومنو يصعد
فاليوم بابا جان فاتحها وكاعد مقابيل الدرج علمود يشوف منو ينزل ..
_ نزلت ليان وراحت جوة الدرج دا تلبس حذاءها وجان يصيحها
حامد (ابو ليان):: وين طالعة؟؟
_ تباوعله منصدمة وبعدين جاوبته بهدوء
ليان:: للشغل غير
_ حجى بعصبية وصوت عالي ونتر بيها
حامد:: امشي صعدي مكو روحة من اليوم تبطلين وتكعدين ما عندي بنات تشتغل
ليان:: هااا بابا ليش شمسوية اني قابل
_دموعها بعينها وصوتها يرجف
حامد:: مو دا احجي وياج شنو تعانديني انتي
ليان:: حباب ابوس ايدك ليش هيج والله احب شغلي
حامد:: دزيتج تشتغلين مو تدورين حبجيات صوجي من البداية خليتج تشتغلين لو مبقيج بالبيت احسن
ليان:: مو بكيفك اروح يعني اروح اني جبيرة واعرف اتصرف
_ باثناء ما دا تحجي ليان وي بابا وما اشوف الا الراجدي اجاها من علي اخونا نزل عليها كام يضربها وبابا ساكن ما اتحرك ولا شعرة
علي:: ابسزز رعنة هيج تحجين وي ابوج اليوم اني اعلمج الادب جلبة بومة
_ كمزت من المطبخ اركض جريتها من ايد علي بالكوة وخليتها وراي
لينا:: بوية بروح امك عوفها كافيييي
حامد:: امشي صعديها للغرفة واذا تنزل جوة اكسر رجليها خوشش
لينا:: اي اي خوش
_ اخذتها للغرفة بالكوة نامت على الجرباية وكام تبجي بحركة وتصرخ حاضنتها اريد اسكت بيها مكو ووجهها صار احمر من الضرب
ليان:: اه اه اريد اموت اريد امي
لينا:: دسكتي لو هي موجودة هسة وشافتج شلون تحجين وي ابوج جان دفنتج بمكانج احمدي ربج يم بيت جدي
أنت تقرأ
البريئ روح طاهرة جسد جريح (+18)
Mystery / Thrillerلن تدنسوآ جسدي مهما فعلتم خلقني اللٓه مطهراّ لن تنجسني انفاسكم القذرة ولنا يوم المعاد وقفة ستطول... من غرائب الاقدار ان يكون المجرم صالح والضحية طالح لكن لا غرابة في ذلك نحن نعيش في اسوء الاماكن على الاطلاق وبين اقذر المجموعات البشرية عليك المحارب...
