و أسترجعت بعضً من ألايام ذاكرتي
لتاخذني الى اقسى محطاتي
الى حباً قديماً في مدينتنا
الى وقتاً بيه اختلفت قناعاتي
هلال :كعدت الصبح ع صوت المنبه الساعة بال6 كمت رحت غسلت وجهي وصحصحت شوية رحت للمطبخ حطيت القوري ع النار ورحت للثلاجة فكرت شنو اسوي اليوم كل يوم بابا هو يسويلي اكل بس اليوم قررت اسوي بدل عنه لان خطية دومه تعبان ويانا دا ادور بالثلاجة
وجان اسمع صوته كال: صباح الخير بنيتي
رديت :صباح النور باباتي اني حسوي الريوك انت ارتاح
هو ضحك ومتفاجئ
كال: لا ماله داعي البارحة جبت جبن عرب كلش طيب ماله داعي تسوين ريوك حطي خيار وطماطة وجاي وهذا هو
كتله: تمام بابا راح يغسل ويكعد ايو اختي الزغيرة الي عمرها هسة 5سنوات ..
كريم: ايو بابا حبيبي كعدي يروحي كعدي اتريكي بوستها وكرصتها كعدت كامت تعيط كالعادة وتتنعوص علمود اشيلها شلتها وكعدتها بحضني واسولف وياها وهي تكلي بابا اريد انام نعسانة عوفني واني شابع ضحك عليها تشبه امها بكل تفاصيلها
هلال: يله يمعودين تعالو اكلو صار الاكل بسرعة راح اتاخر ع الكلية ...
اجى بابا وايو كعد يوكلها ع كيفه وهو ياكل شوية شوية لحد ما خلصنا رحت غسلت وبدلت دا اتحضر لاول يوم بالمرحلة الاخيرة واخيرا راح اخلص من الكلية طلع بابا مبدل لايو وملبسها ثوب ازرك يجنن وكلي صعدي للسيارة علمود اوصل ايو لبيت جدها وبعدين اوصلج وصدك وصلها وبعدين ذبني بالكلية اما بالرجعة فعندي خط يوصلني لبيت جدي بليل بابا يرجعنا
للبيت ...
طبيت للكلية تلكني البنات فاطمة ومريم زميلاتي
فاطمة :شلونج اخبارج شلونها العطلة وياج
هلال:زينة الحمدلله مكو شي جديد
مريم :شعجب مكو خطوبة منا منا بلكت ينفتح حظنا
هلال:ضحكت لا مكو شي باقيات معشعشات
فاطمة :هو هذا حظنا كلهن صاحبن وحبن واتزوجن بالكلية الا احنا مخلصتها الف مبروك وبالعافية
هلال:كل واحد وقسمته بالدنيا ما معروف شوكت يجي دورنا ويجوز من تجي قسمتنا نحمد الله ع سنوات الانتظار مو يكولون التالي ربه عالي
فاطمة:انتي دومج متفائلة مدري شبيج
هلال: يله امشو المحاضرة راح تبدي لا ننطرد من اول يوم...
دخلنا المحاضرة ساعتين ضبط لحد ما ملينا وطلعنا كعدنا بالنادي اني طلعت كتاب احبه دا اقر بيه هالفترة الهي نفسي بيه لبين ما تصير المحاضرة الثانية ،فاطمة ومريم صافنات ع ولد مدري من يا قسم يباوعن ويتهامسون مدري شكو...
هلال:شبيجن ما شايفات ولد
فاطمة: ياولد يا بطيخ دشوفيه شلون جمال النوب ما يباوع مركز بكتابه شجاك عمي دباوع
مريم:هذا من يا قسم اول مرة اشوفه غير حلو ومرتب ..
هلال: باوعتله شكله عادي بس فعلا ملامحه حلوة ومبين ما مهتم لاحد مركز بكتابه الي دا يقراه لحظة هذا شدا يقرا الجزء ما قبل الاخير من مقبرة الكتب المنسية واني دا اقر الجزء الثاني الظاهر يحب السلسلة نفسي، صار وقت المحاضرة ودخلنا
للمحاضرة.
اجى استاذ فرقد كلش مكروه هالاستاذ اني مركزة وياه وفاطمة ومريم يسولفن ويضحكن شافني احاول اسكتهن كام رزلني وطردني عباله اني السبب انقهرت بس عادي اصلا اكره هالاستاذ.
كعدت ع المصطبة جوة الشجرة وجان اكو هوى عالي وشعري يطير اتذكرت ماما باول يوم مدرسة الي وشلون ضلت وياي اليوم كله وشلون اخذتني للحديقة تلعب وياي وتركض وشلون جانت تكلي ما عوفج حتى من تدخلين كلية اجى وياج دموعي نزلن وبديت اشهك وردد بكلبي اشتاقيتلج يمه وينج عني ربي مو اعتراض ع حكمك بس اشتاقيت الها ..
أنت تقرأ
البريئ روح طاهرة جسد جريح (+18)
Misterio / Suspensoلن تدنسوآ جسدي مهما فعلتم خلقني اللٓه مطهراّ لن تنجسني انفاسكم القذرة ولنا يوم المعاد وقفة ستطول... من غرائب الاقدار ان يكون المجرم صالح والضحية طالح لكن لا غرابة في ذلك نحن نعيش في اسوء الاماكن على الاطلاق وبين اقذر المجموعات البشرية عليك المحارب...
