البريئ روح طاهرة جسد جريح (+18)

البارت 21(الحقيقة المرة)

نام ليلك وأنه انام والنه الله الما ينام ! يشوفنة وعينة علينة أحنة غير الله شبدينا ؟
  
           سمير صبيح

لينا::_اتمددت بفراش ليان اشم بعطرها بلكت اغفى وبين النايمة والكاعدة حسيت عليه طب لغرفتي مسح على راسي وباس كصتي وجهه رطب مبين باجي كومة مديت ادية وحضنته

لينا:: بابا حبيبي

حامد:: سامحيني بنيتي حبيبتي

_ما اكدر اسامحه بس كلبي انكسر عليه بابا يحبنا بس امي جانت تحش براسه علينا بس هو هم لازم يفكر مو كلشي ينكال يصدكه اووف والله تعبت ....

حوراء::_ وفاة ليان خلت كريم يخاف هواي على بناته اكثر من السابق وبالاخص هلال اذا زعلانة شوية يخبص الدنيا الا يعرف السبب صار يخاف من كلشي حتى عليه هم يخاف ..

:: كريم يله عيني يله كوم صار الليل كافي نوم

_ كام عيونه مورمة ما نايم زين من وراي لان اتوحم والليل كله كاعدة هو هم كاعد وياي والنوب راح للدوام ورجع كبل نام

:: شلونج هسة تحسين روحج احسن ؟؟

:: اي الحمدلله هو اكثر شي الصبح ونص الليل يجي بس لتخاف عندي علاج اخذه واصير زينة

:: الحمدلله يله خل اكوم اسوي العشا

:: اكعد انت ترة سويته وجاهز وايو خطية اتكمز تريد تشوفك كوملها

:: ليش تعبتي روحج هو انتي كوة تتحركين

:: ما عليه شي لتخاف طبيعي اي حامل هالفترة تتعب لتخاف ..

_ كام طلع من الغرفة ايو دا تلعب بالكليدور واني هم كمت ردت اعزل بالكنتور لان صار هوسة بين ما تجي هلال من الشغل عزلت كنتوري وخلصت واتوجهت لكنتور كريم عزلت القوط مالته وملابس البيت رتبتهم وبين ما دا افتح المجرات لكيت المجرة الاخيرة مقفولة دورت على مفتاحها ما لكيته الظاهر هو قافلها تفاجات هو من عرفته لسة ما يضم عليه شي كلشي يجي يحجيه صار عندي فضول اعرف شنو موجود بيها ..

كريم:: حوراء ؟؟؟

_جنت كاعدة بالكاع ومن صاحني انداريت عليه وجاوبته

حوراء:: هااا كلبي

كريم:: شدا سوين

حوراء:: دا اعزل بالكنتور لان هوسة كلش وصار فترة ما عزلته

_اجى اتربع بصفي ويتبسم ويكول

:: خوش لعد خل اساعدج مدام ما عندي شي

:: ممكن سؤال ؟؟

:: اي جواب !

:: هاي شنو بيه المجر وليش مقفول

_ لمعت عيونه من آشرت للمجر وابتسم وكال

:: اشياء خاصة لذلك مقفولة