العشق قسرا

P3

#3

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

مشات مها كتجري كدق عليها وهي مكايناش فهاد لعالم غير كتبكي مكتسمعش لي داير بيها نعسات وهي كتبكي فاقت لقات راسها فوق السرير غيكون هو لي هزها لبلاصتها تقلبات فوق السرير على جنبها وهي تشهق حيت لقاتو فاتح عينيه كيشوف فيها ولكن هاد لمرة ماشي فسيفتو فسيفة راجل اخر
راجل زوين سمر شوية و عندو لحية مشتتة شوية و حروفو شرقية حرشة و حجبانو معقودين كتافو عراض و فيه شوية ديال الزغب فوق صدرو :" فقتي ؟"

حركات راسها بآه و شد يديها وسط يديه :" ارتاحيتي "

رجعات حركات راسها بآه و قربها :" اجي اجي لعندي "

وجرها من يديها حط راسها فوق صدرو :" نتي ديالي بوحدي "

كيلعب فشعرها الطويل :" اكثر حاجة كتفتني فيك هي شعرك "

واستنشق عبيرو :" وريحتو "

ريحتو كانت ريحة الحنة الكحلة بقا كيطبع قبل فوق راسها وهي كتستنشق زفيرو لي طان عبارة عن ريحة رجولية زوينة ولكن قاصحة كتخنق ولات حافظاها حيت كان مرافقها فاي موضع كتمشي ليه ،

كانت ساهية كتشوف فبعيد وهو كيلعب فشعرها كتفكر عاماين هادي معمرها ارتاحت ولا ذاقت النعاس كيف ناس من نهار فسخات خطوبتها مع ولد خالتها سحرات ليها مو فحوايجها حيت تكبرات ليها على ولدها لي كان لل خدمة لا قرايا لا زين وهي كانت حاسة بزينها بزاف و خالتها حلفات تهبط ليها كواريها و سحرات ليها من كترة حقدها و غيرتها و غلها عليها سحرات ليها بزبابل ديال الفلوس باش طيحها فالجن الازرق وهو اخبث انواع الجن وهو الجن الازرق اشد الجنون كفرا مكيخافش لي خلقو و اخبثهم قلبا و قالبا من قبيلة العفريت وبضبط قبيلة بني قيعان وهم اقوى قبيلة بين الجن كيهابهم جميع الجن حيت كيتعتابرو اولاد ابليس مخلوقين من نار من بعد سبعة اشهر السحر بدا فالظهور فالاول اعتابروها حمقة كتتخايل قبل متتعايش مع لوضع كثر كان كيعذبها كلل نهار كتشوف راسها كتعاشرو فاحلامها و كتحس بنفسو معاها فلبيت كانت كتقتل تخيلاتها وكتكذب احساسها مقادراش تيق حيت عمرها آمنات بان الجن ممكن يآذي بشر ظنات انه خرف منها..

ولكن هلوساتها زادو على حدهم رجعات كتفيق وكتلقا راسها عريانة و كتلقا راسها ساردة جايباه ، وكل ليلة بلا متحس كتلقا راسها كتزوق راسها قبل متنعس و كتطلق شعرها رجعات كتخاف تنعس بوحدها ولات كتشوف واليديها وكتهضر معاهم و لطن من بعد كيقولولها حنا مقلنا لك والو و لا ليوم مكناش فالدار وهي نهار كلو كانت كتدردش مع مها و دخلات معاها للحمام و حكات ليها ظهرها ، كيجي باها عيان فالليل كيقولها رجليا تنفخو وانا كنهز فالصنادق من صباحو لرواحو وهو عاد كان خارج معاها و تفرجو ففيلم فالسينما بزوج

نهار على نهار كابوسها كيتمتل فلحقيقة حتى شافتو قدامها نهار لي تخطبات...

نهار تخطبات نهار خطيبها مشا يموت بتسمم غذائي من ورا ماجات من سبيطار دخلات تنعس كانت بوحدها فاار حيت وليديها كيجمعو القاعة الصغيرة لي كراو فين نظمو لخطوبة رجعات بوحدها ترتاح حيت عيانة دخلات لبيتها كان مظلم شافت خيال واقف حدا شرجم خيال راجل عاطيها بالظهر :" بابا ؟"

غمضات عينيها و حلاتهم...

لي قراات تخلييي شي #تويييشية ❤️