العشق قسرا

P7

#عدنااا
#7

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

ومن بعد هاد سطور لي نطق غبر من قدامها ومبقاتش كتحس بيه بقات غير كتبكي وتنزح معرفاتش شنو غدير كانت باغيا تخرج عند واليديها زلكن شكون غيتيقها من لعائلة لي كلها مجموعة غيضحكو عليها وتشوه راسها واليديها بقات غير كتبكي و كتعيط عليه :" ناصور "

وكتشهق :"عافاك "

دازت ساعة و الدار مجمعين وضاحكين وهي ساهية و ذاتها ثقيلة عليها ومنملة كتشم ريحة زوينة فحال شي حاجة كطيب شوية الريحة تجهدات ورجعات ريحة خانزة ديال لحريق و بدا كيدخل الدخان من تحت لباب و كتسمع لغوات برا و صوت رجلين كيشتفو وهي مقادراش تتحرك اعظامها تابتين فبلاصتها و مقادراش حتى تغوت...

كتسكع دقان مجهد فبيتها ومها غيخرج ليها لعقل :" وفاااء حلي ابنتي حليي "

كيجر فيها شي حد :" الوليدة را خاصك تخرجي من هنا "

كتنتر منو وكتغوت :" يانخرج مع بنتي يا نولي رماد انا وياها "

بدات وفاء كتبكي لداخل زوج دموع للعين و ملامحها يائسة خصوصا فاش شافتو ناعس حداها على كرشو :" نموتو بزوج هنا "

هي كتبكي :" عافاك ارحمني ماما غتموت "

ضحك :" يعني غنموتو بتلاتة "

كتتوسل ليه بعينيها :" عافاك حرقتي و متخلينيش نشوف ماما كتموت قدامي "

دوز يدو فوق خدها :" منقدرش نحرقك ، منقدرش نشوهك منقدرش نآذيك "

زادت فبكاها :" وشنو كدير دابا غير باغي تقتلني "

حيد يدو من فوقها :" نت لي وصلتينا لهاد لحالة ، قلت ليك مكاينش لي يفرق بيناتنا ومبغيتيش تفهمي غتموتي معايا ومغتكونيش لغيري "

هي بترجي وندم :" انا والله معرفتهم غيآذيوك "

شافت فيه بشفقة :" فحال هاكا "

و بدات تبكي فاش سمعات صوت مها كتسعل بجهد :" عافاك مبقاش غنعاود عافاااااك "

قربات تلاح تبوس على اطرافو :" معمري نعاود نفكر نآذيك ولا.."

كيتسناها تكمل :" ولاااا ؟؟"

نطقات بلسان ثقيل وهي كتخنق بالدخان :" ولا نتفرق عليك "

غير نطقات بهاد لكلمة يديها خفافو و جسدها نشط ناضت كتجري فتحات لباب بضعوبة كع الدار كتحرق حتى لبواني ذاب و خرجات عاونوها لبانبيا و هزو مها مع كبيرة فالسن و خرجوهم و الدار رجعات كلها سواد و رماد كاين لي تحرق حروق بليغة من لعائلة و باها تهرس بالعلع ناض يجري طاح طيحة خايبة و مها طاحت عليها مسطرة على راسها خداوها يديرو ليها سكانير اما وفاء غيبات من وراها و خرجوها للسبيطار يخويو ريتها من سم الدخان لي استنشقات ..