العشق قسرا

P6

#6

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

و لبسات عليها جلابة وخرجات كتجري بلبالطوفة ديال الدارهبطات لقاتهم كيتسناوها فطوموبيل ركبو وكسيراو نص ساعة ديال طريق وغاديين بسرعة حيت السحار لي غاديين عندو هاد لمرة برا لمدينة من نواحي..

وصلو دخلوها لعندو قبل من ناس حيت فاش عيطو فنمرتو وعاودوليه قصتها من اول للاخير و كاع لي رقاوها متيقش انها ممسوسة من #ناصور حيت هو من السحرة لي مارسو سحر لاعوام كيديرو القبول و الصلح بين الازواج واخا تاهوا كيتعتابر سحر وكفر وشرك بالله عز وجل ولكن عياو دقو جميع لبيبان و بغاو يجربو حتى هاد لباب..

بقات كتعاود ليه وكتبكي لدرجة صوتها مبقاش كيتسمع من كترة بقاها ونواحها قربات تغيب ليه حيت غير كتتفكر شنو كتعيش كل ليلة مع واحد من غير جنسها كتبغي تهبل اعطاها ماء و وصاها تتوضا بيه كل نهار فحال جيل انتيم و ترش بيه بيتها و سريرها ونعسها قدامو وجبد كتاب كبير و عريض و كيقلب فصفعاتو بيدو حتى وصل لصفحة و بقا كيردد عليها حروف وكلمات بلفة تانية مفهماتهاش و كيكتب شي طلاميس فوراق قديمة وممزقة بحبر المداد و ريشة رقيقة فحالا جالس فعصر اخر و رمى فلمجكر بخور خانز و مقرف بزاف خلاها بدات كترض ، طلق لبخور خانز وهو احد الاطعمة المفضلة عند الجنون المشركين  و حط بانيو عامر بالدم و مصارن خانزين ديال لحوالا نيئين..

هي ملي شافت الدم زادت جهلات وبدات كتحرك بجهد وبقوة و فحالا غتلاح على الدم تجننات وهما شادينها باها ومها و الساحر و راجل لي كيعاونو صحيح و عامر وكويل قوتها فاقت تلاتة رجال لي صحتهم تعادل ستة درجال عاد مها ولاو فيها عشرة وعينيها تقلبو ولاو بيضين غاب منهم داك لبؤبؤ و هي تطير على وذنين سحار و عضاتو حتى سال الدم من وذنو وغوت شدوها و خنقوها حتى غيبات ومها بدات كتبكي :" الله على بنتي "

جمال باها نطق بخوف :" اش وقع "

السحار كان متكيها وكيرش عليها واحد لما حمر وكيقرا عليها بشوية شي حاجة مفاهمينهاش شاف فيهم :" بنتكم مسكونة ساكنها جن كافر ماعندو حتى ديانة ، ناصور من اخطر جنون فالبعد الاخر ولاول مرة نشوفو عاشق امراة "

بدا حتى باها يبكي بقلة حيلة :" واش بنتي مغتبراش ؟"

سحار :" دابا تبعو كلامي و رشو الدار بهاد لماء و تتوضى بلاخر و غيكون خير ، سكنها من سحور تخدم ليها "

مها كتعنق بنتها وكتبكي :" الله ياخد الحق فلي كان سباب الله ياخد الحق فلي كان حيلة وسباب "

جمال كيعاونها يهزو بنتهم :" حسبي الله ونعم الوكيل "

خرجو دايرين معاه موعد تاني فيوم اخر متخلصش منهم حيت هو مهتم بهاد لافير وباغي يكتاشف ناصور وباغي يستحوذ عليه كساحر... ، رجعوها للدار رشو الدار و رشو حتى بنتهم و خلاوها ناعسة فبيتها وهما مجموعين فصالون كيتعشاو مع لعائلة لي جات تشوف حالتها وتتشفا فحالتها هي فاقت على صوت الريح كيحرك السرجم ديال بيتها بجهد قفزات معاقلاش شنو طرا من ورا مدخلات عند الساحر...

لقاتو واقف حدا السرجم وعاطيها بالظهر نطق :" قلت لك حتى حاجة مغتفرقنا ، علاش كتعذبيني ؟"

هي بدات كترتعش فاش شافتو بدا كيدور جهتها و ضرب فيه الشعا ديال الزنقة وشافت نص وجهو مشوه كلو محروق و حروق خايبة بزاف و مدمرة و كتعيف كتنوض لخاطر فحالا مقيحة و يدو كلها جروح مفلحة فحالا مغروس فيها السيف هي بدات كتبكي :" انا مدرت والو "

حرك راسو :" علاش مكتفهميش بلي مكاينش لي يفرقنا "

امفاجرات بلبكاء وهي كتشوف تعابير وجهو كتخلع و شوفاتو ليها غيحرقوها فبلاصتها :" كتعذبيني حتى انا غنعذبك"

بدات كتحرك فراسها بجهد وبهستيرية وكتفرك يديها بزوج :" لا عافاك عافاك "

كتغوت بجهد :" عافاك مدرت والو مقصدتش..."

فنظركم كيفاش غيعذبها ؟؟