العشق قسرا

P23

#23

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

فاقت لقات مها كدق اعطاتها عشاها ودخلات حطاتو فوق السرير و جالسة غير بدوبييس فالاحمر كيفما كيعجبوه و هو جالس قبالتها كتاكل وكتلذد اول مرة تعرف مذاق النعمة :" اممم "

كتهز حواجبها فيه :" معمرني ذقت فحال هاد الرغايف "

و فرحانة و كتغمغم و كتبتاسم عمرو شافها فهاد الحالة كملاات ومسحات فمها وحيدات صينية من فوق السرير وعاونها تسوس الغطاء و تكاو بزوج نطق :" خليتيني نتمنى نكون آدمي ، الج_نس لي كرهتو من قبل زيادتي "

شافت فيه :" كان يمكن نتجمعو زعما ؟"

باسها من خدها مطول :" كنت ناخدك بالسيف عليك "

و كيعنق فصدرها :" كنت غنخ_طفك لارض بعيدة وخالية نكونو فيها بزووج ونولدوو 99 ولد "

هي كضحك :" اه و لول نسمييوه قدير "

ناصور :" ولبنت اميرة "

خنزرات :" انا هي الاميرة فالقصة "

بدا كيهر فيها وهي كتموت بالضحك و كضرب فصدرو الليلة كلها وهما كيهضرو وكيضحكو الليلة دغيا دازت و حل الصباح محسوش كيفاش دازت اول مرة متحسش براسها جالسة مع عذابها حسات براسها جالسة مع شي آدمي و كيتحاورو و كيهضرو ويتناقشو وكيحلمو فحال زوج عاديين...

دوزو الليلة اللولة حتيت و الليلة التانية ضحك فحال اي زوج عادييين و دوزو السبع ليالي كاملة حب و عشق ورومانسية لدرجة ان وفاء ولات خايفة يوصل نهار حمام العروسة حيت ولفاتو و تشكل الاعجاب عندها بيه..

وككل صباح فنهارهم قبل الاخير وفليلتهم الاخيرة فاقت على قبلاتو و مصي_صاتو فعنقها و لمساتو على شعرها :" صباح النور برانسيس "

ابتاسمات وهي سادة عويناتها :" صباح ناصوور "

مكانتش كتخرج من لبيت نهار كلو وهي معاه وكضحك غير معاه و ناشطين بزوج :" نلبس هادي ولا هادي "

غمزها :" متلبسي والو "

توردو خدودها  ونطقات بصوت ملحن :" وقولييي "

شدهم من يدها ورماهم فوق سرير وعنقها من خصرها :" راني قلت لك متلبسي والو "

باسها بشوية فوق عنقها :" عش.."

قاطعاتو قبل ميكمل :" عشقتك "

هبط عينيه بصدمة وسط عينيها ، وشاف كيفاش كتشوف فعينيه ببراءة و هدوء وسلام مكاينش فعينيها الح.قد و الكر..ه لي كان من قبل ابتسم قبل ميتلاح على شفايفها كيقبل ويمص فيهم وهي هزات يدياتها و دوراتهم على عنقو وتعلات علىى ثينات صبيعاتها كتبادلو قبلات بكل شغف و حب وعشق كيحس بقلبو شاعلة فيه لعافية من الشوق ليها قبل ميغادرها كيحس براسو كيتقطع من لداخل كيذوب عمرو ذاق العذ..اب قبل بهاد الشكل..

حتى عرفها عرف الحب عرف العشق عرف السكينة و السلام شاف الرقة والجمال نطق وهو ذايب ومأسور بجمالها  :" عمرني غنعشق من بعدك "

قبل ميتحيها على لحيط ويهزها ويلصق خصرها مع حجرو..ويديه محاوطينها ومعنقها بجهد

و اليوم هو اليوم الموعود صباح حمام العروس...

يمشي ولا يبقى ؟؟ مع اوضد ؟؟❌✔️
نشوفوو الاحزاب لي كاينين عندنااا ، اخليو اراءكم وتوقعاتكم #العفرت 🔥🔥🔥👀