العشق قسرا

P22

#22

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

خرج ساحر عند واليديها :" عندو شرط "

تصدمو وعنبر انفاعلات :" وبااقييي كيتشرط "

خنزر فيها تا سكتها :" بنتك غتسد عليها سبع ليالي و نهار تالي دير حماام العروسة بالشمع والورد الحمر وريحة الريحان و ميحضر معاها حتى حد "

وأكد كلامو فاش شافهم كيشوفو بشك :" ومن بعد هاد سبع ليالي غيغادرها "

شافو فبعضياتهم ونطق جمال :" حنا مستاعدين الى من مورا هاد سبع ليالي غيخليها "

خداو وفاء و نزلو بيها لحمام فوسط لمدينة غسلات حالتها من الدم وتنقات هي ومها و لبسو حوايج اخرين وحوايجهم مارماوهمش رجعوهم معاهم باش يحرقوهم حيت لاطاحو فيد سحار تاني وعرفهم ديال قبيلة اقوى جان غتبدا شي قصة جديدة..

وصلو مهلوكين لمراكش وفاء طلعات ترتاح دخلات ولقاتو جالس فوق سريرها حط يدو جنبو باش تجلس حداه وفعىا جلسات حداه ونطقات كاسرة الصمت :" فاشنو كتفكر ؟"

ناصور كيدوز يدو فوق شعرها وعلى ظهرها :" بغيت ندوز هاد سبع ليالي معاك كآخر ليالي ليا فالدنيا "

طلعات عينيها فيه :" بصح غتمشي ؟"

ناصور بتأنيب كيعاتبهاها بنظراتو :" ماشي هادشي لي بغيتي "

ابتاسمات فرحانة :" لا "

ناصور :" عرفتك عمرك بغيتيني ، ولكن عشقي كان كافي لينا بزوج "

تكا و جرها نعسات على دراعو :" شنو غديري من ورا منمشي "

هزات كتافها :" غنضحك ونفرح بزاف "

كيدوز يدو على خدها وهي تنطق :" ونت شنو غدير "

ناصور :" غنبقا نفكر فيك لعمر كامل "

شاف فيه :" حتى انا غنبقا نفكر فيك كأسوء فترة فحياتي "

ابتاسم :" مهم غنبقا فبالك "

نعسات وهي فوق يدو وسط نعاسها تقلبات براحة و تخشات فحضنو نعسات وهي فوق سدرو و معنقاه كيحس بقلبو كيحرقو و المار شاعلة فيه باغي يوقف الوقت باغي يبقا معاها مقادرش يفارقها و كتزيد ذوبو بحركاتها كيستنشق ريحة عطرها مطول حيت معمرو مادامو حي غينسااه

وكيحفظ ملامح وجهها حيت معمرو غيشوف جمال يعادلو..

كيدوز صباعو فوق عنقها و صدرها و سرتها.. :" كنعشقك "

#ناصور #العفرت خليييو توقعاتكم و اراءكم فشروطو 👀❤️