العشق قسرا

P17

#17

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

هي غيخرج ليها لعقل :" واش هادشي معندكمش فقبييلتكم ؟"

حرك راسو بكل جدية بلا :" لي غلط فديالي غيتحاسب "

جا يقرب ليها بعدات وزيرات راسها :" متقربش ليااااا !!"

هزات صبعها بتهديد :" ومرة اخرى تآذي عائلتييي انا لي غنبعدك عليا "

تابعات كلامها :" حيت الى صابرة عليك غير على ودهم "

جنون بداو كيلعبو ليه فوق راسو من هاد لكلمات لي نطقات بيهم :" يعني ؟"

شدها من فكها وعلا ليها راسها حتى جاو عينيها فعينيه :" مكتبغينيش ؟"

مجاوباتوش حيت عارفاها زلة و زلقات ليها من لسانها و عارفاه غينكدها عليها...

زيرها حتى حسات بفكها غيتدمر ليهااا و راسها ضاغطو مع الحيط :" نتياا ديالي كيف بغيتيني كيف لا "

نطقات :" واش بصح كتبغيني ولا كتعذبني ؟"

غير سمع سؤالها و رخى منها و حط يدو فوق خدها :" نقدر ندير اي حاجة باش نبقا معاك وميدخل بيناتنا حتى واحد "

وفاء :" الى بصح بغيتيني ومبغيتي تاواحد يدخل بيناتنا متقربش من عائلتي و بابا شنو غيوقع ليه دابا ؟"

بعدم اهتمام نطق محاملش باها :" واحد سيمانة و غيتسرح لسانو و يتقاد "

وفاء شدات فيديه :" ياك انا باغياك وشنو بغيتي عندهم هما هاكاك كيحاولو يحميوني  الى سكنتيني غتحميني"

قاطعها ببوسة من فمها :" مكنقدرش نقاومك "

و خشا لسانو وسط فمها و بدا بتقبيلها وهي تبعد :" دابا خاصني نبقا مع بابا "

بقلق :" و انا ؟"

ضورات عينيها بضجر :" نت لي وصلتينا لهادشي كون مقربتيش ليه مكناش غنبقاو هاد نهار بعاد على بعضياتنا "

باسها من عنقها :" غنتسناك "

هبطات لقاتهم موجدين طابلة جلسات حدا باها ومها بيناتهم و بدات كتوكل باها بيدياتها و العائلة مجموعين جالسين حطات ليها مها كاس شي سائل خضر :" شربي ا بنتي هذا "

هزات فيها حاجبها :" شنو هذا ا ماما ؟"

عنبر :" ومالكي كتسولي فحالا غنشربك السم "

حطاتو عند شفايفها :" شربي ابنتي الله يرضي عليك شربي "

وكتزعم فيها بعينيها وفاء ما ارتاحتش حتى نطقات مها :" شربي لعل وعسى يديرو ربي دواء وتتهناي من داك عدو الله "

وهنا مع نطقات بهاد الجمل وفاء مشعراتش امتى رمات بلكاس بجهد تشتت فالارض و هزات عينيها مقوصين ونظرتها تبدلات خدات لموص لي بان قدامها لي كانت كتدهن بيه الخبز بلكونفيتور لباها و نطقات بصوت غليض :" مبغيتيش تخلينا فحالنا ؟"

و شدات داك لموص كدورو فيديها وهزاتو و كانت غتخشيه فمها غتطعنها جاب الله من لطف الله باها دفعها بكتفو حتى تحركات و جرحات غير يد مها داك الزدحة لي اعطاها باها فحالا فيقاتها قفزات فاتحة عينيها كتشزف فيديها لموص و كتشزف الدم غوتات و هي كتشوف منين جاي طلعات عينيها ليد مها كتشوف مها كتشوف فيها بشفقة ضورات وجهها كلشي كيشوف بخوف و تقزز منها

ضارت بيها الدنيا تمشات وهي فيدها لموص وكتخضر بوحدها فحالا توسوسات حماقت تخوطرات فدماغها :" كنت غنقتلها "

كتبكي و كلها كتترعد :" ماما ماماا..."

كتمتم :" كنن...كنت انا غنقت...لهااا "

كانت كتترعد مرعوبة من حالة لي وصلات فيها حسات انها ولات كتشكل خطر كبير على واليدينا وعائلتها واي مخلوق حي ضاير بيها..

هزات لموس حتى للسماء بزوج وهي ترجعها لعندها خشاتها فكرشها شافت الدم فيديها و هابط مع رجليها وابتاسمات بدات كضحك قبل ميخرج الدم من فمها وطيح على وقفتها...