العشق قسرا

P10

#10

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

نطقات وفاء بصوت رقيق نبرة خوف وذعر قربات تبكي :* ماما هانا جايا سبقيني "

مها مزال كدق :" حلي راه جبت ليك لماء لي خاصك تشربي "

وفاء بدات كضور فعينيها وسط راسها بخوف فاش شافتو واقف كيتسناها :" اش كتسناي باش تعذبيني ؟"

خرجات عند مها و دفعاتها براحة يديها لصدرها قصحاتها و كانت غترميها من لحديد لي كيطل على لتحت (فصالة الرياضات) :" قلت. لك سيريييي سيري من هنااااا "

مها فهاد اللحظة ترعبات منها خافت من بنت كرشها وفلدتها و بعدات شادة فلحديد لاتركبها من تما :" وفاء نتي ييخير ا بنتي "

وفاء غرغرو عينيها ونطقات بتوسل :" عافاك ا ماما سيري من هنا "

شوية عينين وفاء تلونو بالحمر و وقفتها تبدلات :" غنق_تلك "

حطات مها يدها على قلبها وشهقااات بجهد و غوتات حتى صوتها تردد فالرياض كامل  :" جمماااال "

و بداو العائلة لي ساكنين فالرياض كيطالو من لتحت و خارجين من غرفهم لفوق كيشوفو شنو واقع ، عنبر جرات هربانو وهي شادة فلحديد و كتجري و قلبها غيطيح من يديها و وفاء كتهضر بصوت غليض ماشي صوتها المعهود :" غنق_تلك وغنق_تل اي واحد باغي يبعدني عليها "

كانت غطير على مها دفعها من تما بواحد لقوة كتعادل رجال ولكن الله وقف من جهتها حيت شدها راجلها من جهة لاخرة و تجمعو ولاد عمامها و عمامها عليها كلنت جاهلة لي لقاتها قدامها كتهرسها قلبات المكينة ديال صابون فاول حمام قدامها هرسات لمراياات بيديها و هبطات التلفازة لي فصالون على وقفتها التلفازة لي كانت كبيرة وثقيلة باش يهزوها كيتعاونو زوج رجال هي هزاتها فحالا هازة ريشة..

شدوها ربطوها بقنبة قاصحة وغليضة ومزال متغوت وكتهضر بصوت ثقيل :" غنق_تلكم "

جابو راقي بدا كيقرا القرآن و هي كان صدرها كيطلع وينزل بجهد و اطرافها كتتحرك و صوتها كيخوف و كدير شي حركات وشوفات كيرعبو و رابطينها ولكن رخات القنبة من القوة لي كانت فيها و رمات على الراقي المزهرية لي كانت على يمينها شقات ليه جبهتو على زوج تفلح وشد راسو واستمر بقراءة القرآن و هما شادينها و كتفوها مرة اخرى بحبال اخرى..

وفنفس لوقت باها كيصوني على داك السحار لي مبقاش كيجاوب الا من مورا نص ساعة :" عافاك اسي..."

قاطعو :" متبقاش تعيط ليااا "

جمال :" علاش اش واقع ؟ وفيناهوا سي مالك (هو الس_حار لي كيهضر معاه غير خادم عندو )"

كيغوت فوسط تيليفون صمكو من سماعة الهاتف :" شي حاجة كتر من هادي ، حنا دابا فسبيطار و السيد مشات ليه عينيه وذاب وجهو بالماء لقاطع "

وقطع عليه جمال تلفت فبنتو حال فمو محسش امتى شافت فيه وعينيها مقلوبين :" نوبتك جايا "

وبدات تضحك ضحكة شريرة بجهد لدرجة تقشعرت الابدان و المسامع و لولاد صغار لي فالرياض بداو يبكيو من هول المنظر..

شكرا على تفاعلكم فلاراء ولكومونطيرات و ابداعاتكم فلكوفرات وفيديوهات حبيتهم كلهم❤️

وتجمعو غنبداو السهرة 🔥🔥