العشق قسرا

P9

#عدنااا

#9

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

جات ترش من عطرها ولكن مخلاهاش دارت غير صابونة من العرق و خرجات..

دخلات للشركة فين غدوز المقابلة مع وفاء طانت حاصلة على شهادة في التدبير و المحاسبة فورماصيون ديال تلاتة سنين..

تسنات مع دوك الناس دازت ساعة تقريبا قل شي حاجة ناضت قادات عكرها و زادت من فاغاجو و دارت شوية من عطرها و خرجات للمقابلة دخلات قلبها كيضرب ومتوترة شوية حيت من مورا ماخدات شهادتها ما استاقداتش منها حيت مباشرة اصابتها لعنة الجن العاشق لي مخلاهاش فسبيلها كانت فحرب ضد راسها و ليوم جا لوقت لي تخدم شهادتها مع جلسات ردات لبال للجنة لي قدامها حركات فمها بشوية :" حسام !!"

ابتسم :" وفاء زيانيتي "

خدودها تودو :" شكرا "

و مدات ليه لملف ديالها محلول :" هاهوا سيفي ديالي ديجا حطيتو هنا "

سدو و معذبش راسو يحلو :" فين كنتي كاع هاد لوقت ؟"

ابتاسمات بزز :" غير الدنيا "

رجع ابتسم :" باقي كتستعملي نفس لبارفان لي كيعجبني "

حسات بشي حاجة كتزير على عنقها و بدات تسعل بشوية :" نقدر نشرب "

وقف كيقاد فكوستيم ديالو و عمر كاس ديال لما جابو ليها :" خودي "

قبل متشدو لكاس تخبط مع الارض ورجع كلو شقوفة هي تخلعات وتوترات بزاف قربات تبكي وهو كيهدن فيها بكل لباقة :" موقع والو سي پا كغاڤ !"

مع ذلك بقات كتترعد بوحدها هبط هو يجمع اجزاء لكاس المكسور وهو يتجرح فيدو فبلاصة قريبة لمعصمو للعرق لي مرتابط بالقلب و بدا الدم كيسيل هي زادت ترعبات و بدات تغوت وتهضر مع راسها فحال شي مجنوونة :" مادرت والو مادرت والوو "

بدات تبكي :" مكنتش عارفة مكنتش عاارفة.."

خرجات كجريي حتى من صاكها نساتو لداخل معقلاتش على راسها امتى خرجات و خلات حسام تابعها من اللور :" وفاااءءء..."

وكينده عليها وهو شاد فيدو يالله جا يدو مشافش دراري لي كيدخلو فالحواسيب الجدة للشركة بكمية كبيرة وهما مشافوهش ترضح معاهم و طاحت وحدة من الشاشات على رجليه...

دخلات للدار و ديريكت لبيتها بلاما تشوف فحتى واحد سدات عليها وبدات كتبكي :" والله مدرت والو مكنتش عارفة "
سمعاتو كيضحك وعرفات ضحكو مكيبشرش بلخير عارفة هاد لحركات :" وحتى لبارفان لي كيعجبو مكنتيش عارفاه ؟"

بدات تبكي :" لا "

وناضت جبدات كاع عطورها و بدات ترمي فيهم  فالارض ،:" صافي ارتاحيتي ؟"

حيات بيه زير قبضتو على كوعيعا بزوج بين يديه قرب يقسمهم وظفارو وسط لحمها :" كنتي كتشوفي فيه الشوفة لي عمرك شفتيها فيا "

حركات راسها بلا :" مشفتفش فيه "

خرج فيها عينيه ورماها بجهد للور حتى ترضحات مع الحيط :" متدويش "

ناضت للحمام و هزات المقص و شدات شعرها بين يديها كتترعد شافتو وراها باغي يقجها بالاعصاب :" شنو كديري ؟"

بصوت غاااضب :" كيعجبك تخسري اي حاجة كتعجبني "

حسات بشي حاجة كتقجها حتى خارت قواها و طاح ليها لمقص :" هو كديريليه لبارفان لي كيعجبو وانا غتقطعي الشعر لي كنعيش فيه "

طاحت فالارض كتبكي :" عييت عيييييت تعبتينييي "

بغيرة :" فاش كنتي معاه كنتي واخدة راحتك ومعايا ديما عيانة وعينك ذابلة وصوتك مبحوح "

بجدية تابع كلامو :" ولكن انا غنهنيييك منو "

قفزات :"اشنو غدير لااا عافاك غتزيد تعذب ناس "

صحك بغيرة قرب يقتلها :" وكتخافي عليه "

بدات مها كتدق ودار واحد الشوفة خطيرة جهة لباب حيت جات فوقت غير مناسب...

احبكم ❤️💋