العشق قسرا

P21

#21

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

بعد مرور اسبوع لي كان طويل عليهم و وفاء مفراسها والو داك الاسبوع كانت كتتق.اتل كتبقا على وضوء حتى كتنعس كانت كتصلي واخا كان شاق بالنسبة ليها كانت كتسمع للقرآن واخا كانت كطيح وكتغيب مكانتش كتخليه يقرب ليها واخا شي مرات كيقهرها وكيغلبها و لكن كانت على الاقل كتحاول هو كيضرب من جهتو وهي كتضرب من جهتها كانت فحرب معاه وفكل مرة كتعصى كلامو كان كيزيد يعذبها نفسيا قبل من جسديا بلا الصداع و الفتن لي كان كيخلق فالدار بين الخوت و الازواج..

و وصل اليوم الموعود لي دايرين فيه مع ساحر الجنوب شدو طريق ليلة قبل وصلو لقاو الثور و المعزة موجدهم ليهم واحد الراعي تما خلصهم بلكريدي لي خدا من البنك بسمية خوه لي وقف معاه فهاد الشدة و حط حانوت ديالو كضمان على قبل خوه كي خداو الضحيات باس ليه فوق راسو كيشكرو و كيبكي امتنانا لخوه...

وفاء مكانت فاهمة والو حيت الساحر وصاهم ميعلموها بوالز حيت ناصور محتل على افكارها وكيقراهم وهادشي يقدر يأثر على مسار خطتهم وتقدر تغير نهايتهم و تبدل قدرهم...

وصلو و باب دار السحار تذ..بحو الضحيات و ذب..حها السحار حيت هو ممسلمش ومكيصلي مكيصوم بمقابل مادي...

خدا من د..م الضحيات و قطع لسان الثور و قطع اطراف المعزة و دخلو نعس وفاء فالارض و رسم حداها شي رموز واعطاها اطراف المعزة تعنقهم وهو رابطهم وبدا كيقرا فورقة راشية و كيرش عليها د..م الضحية و كيتمتم بكلمات حتى واحد مكيفهمهم ولا كيفرزهم ووفاء خايفة ولكن مها كتحرك ليها راسها وباها كيطمنها بلي حنا معاك... قبل ميسدو لباب عليهم وخلاوهم برا

شوية بدات كتردخ وهو كيزيد يقرا ويرشها بواحد الملح ريحتو خانزة :" نااصوور ابو ديباج كيستدعييك "

كتهز وكتحط :" ناصور ابو ديباج كيآمرك تخرج "

قفزات من بلاصتها و شنقات عليه وصوتها تحول لصوت غلييض :" مبغيتيش تدخل سوق راسك ؟"

كتغوت :" مغنخرجش مكاينش لي يفرقني عليها "

و بدات كضرب راسهاا مع الحيط بقهر حست هادو ردود افعالو هو لي لابسها دابا :" لااا "

شوية تهدناات حيت حضر ملك الجان ابو ديباج و معاه بنت ابليس زيتونة

ناصور :" مغنفارقهاش "

زيتونة :" كتخرج على الطاعة ديال ملك الحان وقاضي القضاة ؟"

ناصور شاف جهة الملك :" عشقتهاا "

ابو ديباج :" خاصك ترجع للقبيلة مسيفطتكش باش تعشق ليا فبني آدم "

ناصور قرب يبكي حيت عارف بلي قوة ديالو متقدرش توقف قدام ملك الجان حتى النقاش معاه ممنوع ولكن حيت ناصور متمرد كيتعاند وكيجاوبو و كيترجاه بصوت وديع :" منقدرش كنعشقهاا غنم..وت "

ابو ديباج :" غتم..وت راجل ققبيلتك و متبقاش مغرب فشعر بنت آدم "

ناصور :" كنعشق فيها "

ابو ديباج بعصبية وحكمة :" نااصوور الامر جاايك من ابلييس غترجع للقبييلة ونت عاارف بلي الى قاومتي كلمتي متقدرش تقاوم كلمتو "

ناصور خدا نفس طويل :" واخا "

معندوش حل اخر قبيلتو قلبات عليه الدنيا و مخلات حتى بلاصة يقدر يكون فيها وهو كان عايش فشعرها  هو من ولاد ابليس القبيلة كتوقف عليه حيت اولاد ابليس سبعة و خاصهم يكونو فلقبيلة ويديرو خدمتهم ويتكاترو باش يمتد النسل... و ميمكنش يعاند امر ابليس لي هو باه ولا يطيح كلمتو حيت عواقب خطيرة استدعاه خاصو يحضر ومن كلام ابو ديباج كيبان جدي

نطق :" بغيت شروطي "

ابو ديباج :" ولكن غترجع معانا"

حرك راسو باستسلام :" الى تحققو شروطي "

يالله #العفرت مبقاش مبقااش فنظركم شنو هي شروطو ؟؟