العشق قسرا

P19

#19

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

عنبر من ورا ماعرفات بنتها بيخير وكيتسناوها تفيق مشات هي وراجلها لجنازة ولد ختها لي ما.ت ليها ولدها بعد معاناة عاماين بتوكال مخلات حتى طبيب مدقات بابو وحتى فقيه ماترجاتو وحتى والي مزارتو..

طاحت على ختها وبكات معاها :" همي من همك اختي نتي ولد دفنتيه وانا بنتي كنت ليوم غندفنها "

ختها كتحرك راسها بلا غتحماق بلبكاء ونواح :" لا اختي عنبر نستاهل داكشي لي تمنيتو لبنات الناس خرج ليا فولدي "

كضرب فصدرها :" عذبت ولدي بيدي اعنبر اختي انا سباب وليدي انااااااا "

عنبر كتسكتها :" اش كتقولي اختي نتي وقفتي مع ولدك ربي بغاه وخداه "

تكلمات بندم :" عنبر ختي عارفاك مغتسامحينيش حتى غذا قدام الله ولكن خاصني نهضر قبل منمو..ت تقدر تنفعك هضرتي "

عنبر بقلق ممرتاحاش لكلامها :" اش واقع ؟"

شدات فيديها :" انا بنت الح.رام انا كا..فرة بالله و ربي مغيسمحش ليا ، انا اعنبر اختي سباب بنتك فحالتها انا اختي عنبر لي مشيت عند سحار فلجنوب يسحر ليها بتوكال "

عنبر وسعات عينيها ممتيقاش :" اش كتقولي اش هادشييي ؟"

سكتاتها :" خليني نكمل اختي سحار فلول كان باغي و فتالي مبغاش قالي عندي ليك حل احسن و اعطاني واحد لما رشيت بيه بيت وفاء و سريرها و من بعد عرفت بلي فيها المس العاشق فنفس الوقت ولدي هز توكال ملي مشيت عندو قاليا هذاك هو لمقابل لي طلب المس لي فبنتك "

عنبر كتحس بالدنيا كضور بيها فحال شي هزة ارضية ولا شي زنزال مقادراش حتى تفتح عينيها من ورا مسداتهم قليها و صدرها تزيرو عليها كتسمع اعتراف ختها د.م واحد كيرجي فعروقهم و بزولة وحدة رضعوها ، كيقولو ديما ان الج.ن الازرق و المتمرد منهم بالضبط لاستحضارو و لا لخدمة منو كيطلب حياة مقابل حياة ، و كياخد منك اغلى مكتملك وهي خدا منها صحة ولدها مقابل سعادة وفاء ،

خت عنبر منها عدد كبير من لجهلة او ذوي القلوب الحاقدة ولكن ان الله يمهل ولا يهمل كل واحد غياخد حسابو فنهاية الطريق كل شر عندو الحد ديالو و شر خالتها آن وقتو...

كمشات ليها فيديها ورقة و كتبكي بندم :" هادي نمرتو وعنوانو يقدر يكون هو خيط الحل "

عنبر مكانتش كتشوف فيها وهي تنزل على رجليها باستهم :" متسمحيش ليا ا ختي حيت عمريي غنسامح راسي "

خرجات عنبر وفيدها راجلها لي عاودات ليه كولشي :" لا حول ولا قوة الا بالله "

يمكن قلبهم برد من جهتها حيت لي فيها مكفيهاش دمرات حياة بنت و قت..لات ولدها و كفرات بربها مكاينش شي عقاب كثر من هذا وماشي بعيد تحماق ورا ولدها حيت هو لي كان عندها..

شافت فيه :" غنشدو طريق هاد الليلة "

جمال :" و وفاء ؟؟"

عنبر تنهدات :" غنخليو معاها مك دير فيك هاد لخير خاصنا نعتقو بنتنا من عدو الله راك شفتي كانت غتم..وت بمسبتو "

فعلا مشاو للرياض وجمعو كاع حاجتهم فالسفر شي حويجات و مشا معاهم خو جمال هو لي سايق بيهم طريق كاملة حيت جمال عنقو معوج ميمكنش يسوق شدو الطريق من مراكش  حتى نواحي للداخلة فين معروف هاد السحار خاصة و السحرة عامة من قديم كان معروف بلاصتهم الجنوب ماشي غير الداخلة ولكن جميع مدن الجنوب من مراكش لتحت وهدشي غتكونو ولا بد سمعتو عليه

مشاو لداك العنوان ومدخلوش حتى صوناو عليه و سمح ليهم بدخول دخلات عنبر وراجلها و ترجاوه وعاودو ليه القصة وهو بطبيعة لحال منساهمش حيت ميمكنش ينسا بلانات اقوى عفاريت و اولاد واحفاد ابليس.. :" عشق اولاد ابليس صعيب "

قاطعاتو عنبر :" عافاك نحضرو لي تطلبو قالو بلي الحل بين يديك "

نطق بلاما يشوف جهتها حالتو كتخوف شعرو طالع للسماء حرش فحال الحلفة وماشي بعيد يكون معشش فيه شي فار حيت كيبان مو..سخ و مق..رف و كل شوية كيحكو وطرطق فيه صباحو لحيتو رقيقة عندو غير كويديمة ولكن طويلة واصلة حتى لحجرو شعرو حمر فحالا كيدير ليه الحنة وشي ملون عجيب ولا كيرقدو كل ليلة فاتاي باش يعطي داك اللون لي كي.قزز شوية :" متقاطعينيش "

حطات قدامو واحد لبركة ديال لفلوس بالسكات و رجعات جلسات وهو مغمض عينيه :" ناصور من اعند العفاريت متمرد زمانو "

الدنيا ضواارة العفرت لي دار شي حاجة كترجع ليه سواء ليوم سواء غذا 😉💋