العشق قسرا

P8

#8

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

بعد مرور اسبوع...

و فوسط رياض العائلة لي تنقلات ليه وفاء وعائلتها صغيرة مها وباها حيت دارهم تحرقات ومعندهم فين يجلسو وماشي فاستطاعتهم يكريو حاليا..

عنبر كتعيط من لمراح :" وفاااء وفاء ا بنتي هبطي تتعشاي "

غير سمعوها وبداو كيتغامزو عليها عيالات لوسها :" غا خليها نطلعوه ليها لبيتها "

عنبر :" وعلاه بنتي فيها جدام حتى متجلسش معاكم فطبلة وحدة "

ابتاسمو ابتسامة صفراء :" لا حاشا اختي عنبر "

وشدو فعنقهم وبداو يقراو المعوذتين "

هي اشمئزات منهم جابت صينية ردخاتها فوق طبلة وهزات ماكلة بنتها وطلعاتها ليها دقات عليها وحلات :" هاكي ابنتي ماكلتك "

وفاء :" شكرا ا ماما "

و قبل متسد لباب حبساتها ومدات ليها قرعة :" هاكي هاهوا لما باش تتوضاي ورشي بيه بيتك مزيااان "

حركات راسها :" واخا ا ماما "

وقفاتها :" بنتي كيفاش كتحسي دابا ؟ واش حسن من لول ياك ؟"

حركات راسها :" اه ماما "

عنقاتها وعينيها دمعو :" كلشي غيفوت ا بنتي "

فلحظة حتى وفاء دمعو عينيها خدات صينية و لماء ودخلات ورجعات سدات عليها لباب و خدات داك لما لطواليط وخواتو فلكرسي و خوات عليه لما حسات بيه معنقها من اللور من خصرها :" متوحشتينيش ؟"

بلعات ريقها :" اه "

تلفتات جهتو و مد يدو ورا راسها و حيد لاستيك باش جامعة شعرها حتى تطلق على طولتو وضرب فطرمتها حاولات تبتاسم ليه واخا باقي كيقتلها بالرعب و كتخاف و تدعر منو ولكن على الاقل رجعات كتشوفو فسيفة تحسن سيفة رجل زوين و طويل انيق بلباس كلاسيكي و بيض و عينين ماهما خوضر ماهما زورق فحال الرمادي و حسانة زوينة و معندوش اللحية جات معاه هاكا فحالا كان كيقرا دماغها حيت فحال هاكذا كان فتى احلامها :" غتبقاي معايا ليوم ؟"

حركات راسها بلا وهي كتشوفو وراها من لمرايا :" لا غنمشي لاونتخوتيان "

باسها فوق عنقها و بقا متكي على لحيط وحاضي تفاصيلها وهي كتتحرك وكتوجد فراسها ، ماكياج خفيف ولباس انيق و انثوي جات كتحمق و شعرها الطويل كيلمع اسود داكن مخليته مسدول على طولتو قرب ليها و همس فوذنيها :" هاد الشعر مغتجمعيهش ؟"

وفاء هزات حاجب :" ياك كيعجبك هاكا ؟"

ناصور :" كيعجبني هاكا ماشي باش يعجب رجال برا "

وفاء :" حتى حد مكيشوف فيا "

كيتلمس فخصرها :" لعين لي تشوف فيك نعميها "