العشق قسرا

P20

#20

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

شافها زادت حطات شي فلوس من تحت ستار لفاصل بيناتهم وحنحن :" ولكن غنشوفو كيفاش نديرو "

دار اشارة لمساعدو لي هز لفلوس وتابت كلامو :" عندكم الزهر حيت قبيلة ناصور كتقلب عليه ومحتاجاه "

تحركو زوج من مساعدينو وتابعين ليه بداو كيصاوبو الوسط لي كان من جهتو مع فارق بينو وبينهم حاجر لي هو ستار كبير وهابط وشفاف شوية  و كيحطو شمع وشي دواور و المرايات بزاف موقفينهم قدام بعضياتهم عدد كبير منهم صغار ولكبار و البلاصة كلها شموع مكايناش اضاءة من غير ديال شموع طلف لبخور خانز و حط جلد لحلوف و جثث حيوانات خانزة كتنوض لخاطر و فوق واحد الحجرة كان كيمضي فيها سكين حط سكين وسط يدو و زير عليه وحيدو حتى سال الدم من يدو وهبط فوق الحجرة بظا كيقرا شي تعاويذ لي تا واحد مكيفهمهم من غيرو هو و جوادوو و كيحرك راسو لي بدا كيهبط منو القمل وهو كيتحرك كان كيخاطب مراة من بنات ابليس هي خادمتو الاولى و هي عشيقتو حيت بنات ابليس او الاناث من الجن كيطلبو المعاشرة مقابل خدمتهم تستمر فالمراسيم لمدة ساعة قبل عشر دقائق و بدا كيجهد من صوتو بحالا كيتحير وكيغوت و كيخفض صوتو فحالا كيغني...

شوية هز يدوو و كان لابس لحاف فحال الخفاااش دوزو على الشموع وطفااو بلاما يتحرق حيت اللحاف مبلل بدم الخنزير وريحتو خانزة كتقيي..

وشاف فيهم :" قالت ليكم نتوما محتاجين تحضرو ملك الجااان ابو ديباج ملك قبيلة العفاريت و واحد من اولاد ابليس السبع وهو القاضي بين الجان و قوة ديالو هو الوحيد لي تقدر تردع قوة ناصور ويقدر يخضع ليه "

حركات راسها بغات تنطق وحرطها جمال باش تسكت حيت غتعصبو وكمل السحار كلامو :" خاصكم تذبحو ثور و معزة كحلة ولكن الذبيحة بلا متسمي الله حيت هكا الذبيحة ممقبوللش حيت مغيحضروش ليها و يذبح واحد ممسلمش مكيصلي مكيصوم ،و حضرو معاكم لبنت "

خرجو من عندو و شافت فراجلها :" منيين غنجيبو هاد لفلوس ؟"

جمال غنرجعو لمراكش نجيبو وفاء و نجيبو فلوس الضحية "

تنهد :" غنديرو لي فجهدنا خاص غير ترجع لينا البنت "

فعلا ديك الساعة بلاما يرتاحو شدو طريق مراكش استغرقو ساعات و ساعات طويلة وكانت طول حيا باغيين يوصلو سرع مشتاقين فبنتهم و مشوشين عليها عنبر مشات للسبيطار عند بنتها فحين جمال مشا كيدق بيبان الصحاب و الحباب وحتى العدوو طلب ويرغب و زاوغ خدا من خوتو و خدا من مو ذهبها وباعو ..

وبعد مرور اسبوع...

واش بصح باغيين التتمة 🙂
وا #العفرت حطوو دوك الاراء وتوقعااات القصة كتبتها باش نشوف اش كاين فداك المخيخ...🥺💋