العشق قسرا

P15

#15

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

من بعد ليلة طويلة مع عشيقها ناصور كلها حب وعشق فاقت صباح كتحرك بشوية و كتحك فعويناتها و كتبتاسم حيت غرقها كلام زوين وغزل دازت من قدام لمرايا بلا مترد البال رجعات بزربة لقات ذاتها مزوقة كلها طبايع خضرة و زرقاء غالبين على طبايع خضرين شهقات و ابتاسمات مرة اخرى سرحات شعرها كانت غتجمعو وتفكرات بلي هو كيعجبو مطلوق و ديما كيوصيها متجمعوش..

لبسات حوايجها حيت فبيتها كتبقا ديما عريانة ولا مخففة بزاف بدو بياس و لا شي كسيوة فوق ركيبات و تكون كاشفة صدرها حيت  هاكا كيحمقو..

وهبطات مع الدرووج ، داخلة جيهت الكوزينة كانت مرت عمها كتعجن فالمسمن عشقوه معمر فالشحمة  و جداتها جالسة كتقطع فطريفات الشحمة كانو ضاحكين غير شافوها و هوما يعبسو و مرت عمها جرات على بنتها خايفة عليها
وفاء تبسمات لجداتها و بغات تبوس ليها يديها ولكن جداتها حيدات يدها بالزربة قبل متمسها  ونطقات  :"ماتبوسيني منبوسك جمعي غير ديك السوالف راه كتشوفي العجينة مبغيناش ناكلو الشعر فالمسمن "

وفاء  بحزن نطقات كتحس بالحكرة : " ولكن اجدة عاد كانت بنت عمي معاكوم و حتى هيا طالقة شعرها"
نهضات فيها  :"  هاذي دارها تطلق شعرها دتحير دير لي بغات دار باها هاذي "
وفاء بعصبية : "مدوخيش عليا اجدة ياكما يسحابليكوم بابا سكت على حقو و حتى حنا عنسكتو علييه "

وقبل متجاوبها جداتها حسات بقبضة قوية فدراعها معا الدورة لي غادي دور كتجيها تصرفيقة لي خلاتها تسمع غير الطنطين فودنيها شافت فييه و حابسة دموعها بزز مراضياش تبكي حداهووم أو يشوفو الضعف ديالها
جمال  بعصبية ممصدقش هاذشي لي كيسمع من عند بنتو  :"  آش هاذشي لي سمعت من ايمتا كدوي معا جداتك بهاذ الاسلوب كيبان ليا مربيتكش مزيان كون قالوها ليا مكنش نتييق "

وفاء نترات دراعها منو و بلا متجاوبو خلاتو واقف و طلعات كتجري فالدروووج بلاما تشوف وراها و شزية كانت غطيح حيت ضببات الصورة بالدموع..

دخلات لبيتها و سدات الباب شدات على صدرها و بداو دموعها نازلين حتى حسات بيديه كيمسحو بحنان فوق راسها و هيا عنقاتو بلاما تحس ولا تفكر وزيرات عليه و بدات كتشهق و كتهضر فنفس الوقت: "ضربني قدامهووم مدارش ليا قيمة حداهووم  "

ورجعات كتبكي

نصور كل شهقة كيسمهعا كيزيد يحقد  شاف اتجاهها و حط يدو تحت الذقن ديالها حتى طلاقاو عيونو معا عيونها لي كانو حمرين بالبكا  :  "مغاديش نخلي شي واحد يبكيك"
و رجع عنقها... ببين دراعو

#يتبع ..غداااا