العشق قسرا

P18

#18

🏴‍☠️#العشق_قســـراً🏴‍☠️
بقلم : " Ikram Soukra Elyaakoubi "
                  *  لعنة الشيطان العاشق  *

طاحت فالارض ومزال كضحك سنانها كلهم حمرين بلعاب مخلط مع الد.م وهي كتتخايل خيالو قدامها :" بغيتينا نمو..وتو غنمو..تو بزوج "

هما سمعو زدحة جسم ثقيل مع الارض وكلشي تلفت جهتها كلشي ناض كيجري مها تلاحت عليها و جداها كتضرب ففخاضها ولكشي وقف تجمع عليها باها متسوق ليه حد بلغوات و النوح كاع جيران بظاو يتجمعو مع باب الرياض كيبقا محلول باها كيتنتر باغي يوصل لبنتو ومعندو جهد مد يدو حتى طاح من فوق الكرسي جا فالارض كيحاول يعوج عنقو باغي يشوف اش واقع خصوصا حيت كيسمع صوت عنبر بح بالغوات...

داك ساع عمها مشا كيجري جاب طوموبيل من الكاراج معندوش الوقت يصوني على لابيلونص حيت كانت كتنزف بزااف وقف الطوموبيل حدى باب الدار و دخل كيجري لقا عنبر ربطات ليها واحد الشال فوق الفتحة و حاطة يديها عليها باش متزيدش تنزف بزااف هزوها و حطوها لور ديال طموبيل و راسها على رجل عنبر و ركبات جداتها معاهوم و عم وفاء مخلاش العائلة تمشي كلها حيت باش ميلفتوش الأنضار ليهووم

فالطريق صونا على واحد الطبيب صاحبو باش يكون فالإنتضار ديالهووم و داكشي لي كان دازو 3 ديال السوايع و هيا فغرفة العمليات

شوية و هو يخرج الطبيب بنفسو غير شافتو عنبر و هيا تجري لعندو:  واش هيا بيخير ولات مزيانة؟؟
الطبيب  :  استأصلنا جزء من المعدة ديالها حيت تقاصات ليها بالموس و خيطنا ليها الفتحة ودابا شوية غادي   ينقلوها لغرفة ديالها اما  دابا خاصني نعلم البوليس باش يشوفو واش عملية انت..حار أو شي حد حاول يقتلها
قبل متجاوبو عنبر شاف فيها عم وفاء و وشوش ليها فودنيها و شاف فالطبيب و قرب لعندو كيدوي معاه بشوية

عنبر غير دوا معاها خرجات من سببطار ديريكت للذهايبي باعت سرتلة ديالها وطوينغاتها ديال الذهب ورثتهوم من عند مها الله يرحمها لي وصاتها خبيهم ولي مباعتهمش حتى نهار مبقات ليهم حتى دار باش تسطت بيهم طبيب كرشوة حيت لا تدخلو لبوليس فالقضية غيكبر لموضوع..

دازت ساعات..

بدات كتقتح عينيها بشوية و مضببة ليها الرؤية سمعات صوت صداع السبيطار و ناس لي حداها فالغرفة و خسرات ملامح وجهها ملي حسات بلحريق فكرشها وبدات كتتفكر احدات هاد الصباح تفكرات بلي فاش كانت كتخشي لموس فكرشها شي قوة من لداخل كانت كتمنعها عرفاتو هو لي القوة لي كانت كتمنعها هبطات الدمعة من عينيها :" شنو بغيتي مني "

لقاتو جالس فلكرسي ديال الزوار لي قدامها :" بغيتك نتي "

بغات تجاوبو وقاطعها :" متحركيش "

تحركات وهي تغوت بلحريق  :" علاش مكتسمعيش "

وفاء :" شنو استافدت فاش سمعت ليك ،كنت ليوم غنغطي مي بالتراب "

بملامح جامدة رد :" تستاهل علاش كتبزز عليك ، علاش باغيا تفرقنا وحنا باغيين بعضياتنا "

وفاء :" هذا ماشي حب لي بيناتنا و يستحيل يكمل نت من عالم وانا من عالم ، انا عندي ديانة وانت لا انا عندي حوايج كنٱمن بيهم ونت لا انا باغيا السلام وانت كتجيبليا الحر.ب "

ناصور :" متقدريش تبعدي عليا حتى لم_وت متقدرش تبعدك عليا "

شد فيديها :" مغنخليش هادشي يتعاود "

غرغرو عينيها وهي كتدفع فيديه :" اعطيني بتيساع ، بعد مني كرهتك كرهتكككك "

ناصور :" على الاقل كتحسي من جهتي بشي حاجة !"

#فاصل_ونوااصل بغيت اكبر عدد ديال الارااء شوية ديال النشاااط #العفرت 😂❤️