The Unwritten Epilogue

Page 17

"Kaninong jacket 'yan?"

Tanong ni Ate Ven, ang pinsan niya na ka-age ni Miya. Magkapatid ang Papa niya at ang Mama nito, na Ninang naman niya sa binyag.

Ate ang tawag niya dito kahit na mas matanda siya dahil ganoon ang tradisyon sa kanila. Mas matanda kasi ang Ninang niya kaysa sa Papa niya.

"Kay Kino, ang bango nga eh!"

Kinikilig na sabi niya at nanlaki naman ang mga mata nito. Gayundin si Maui na nandito rin pala nakatambay sa bahay nila. Kakauwi lang kasi niya kaya hindi niya agad napansin ang mga ito.

"Pahiram ako!"

"Ako muna! Paamoy!"

Pilit na inaagaw sa kaniya ng dalawa ang sweater.

"Hoy! Baka masira!"

"Ang bango naman!"

"Akin na lang, Ate."

Tila nagdilim ang paningin niya sa sinabi ni Ate Ven.

"Hiram ko lang 'to ha!"

Pumasok na lang siya sa kwarto dahil baka mamaya ay nakawin pa ng dalawa ang sweater sa kaniya. Nang dumating ang kinagabihan ay nagchat si Kino.

***
Nikolai De Vera

'Jacket ko sayo na lang or
babalik mo?'

'Sweater*'

'Akin na lang to HAHAHHAHA'

'Okss'

***

Kinikilig naman siya dahil finally ay mayroon na siyang gamit ni Kino na ibinigay nito sa kaniya. Balak sana niyang hingiin iyon pero nauna itong mag-insist kaya mas okay para sa kaniya.

***
Nikolai De Vera

'(Sent a photo.)'

'Ang cute ko'

'Hahahahha'

'Hays'

'Nakapaghalungkat pa
ng family pic'

***

Nakangiti niyang tiningnan ang family picture na isinend sa kaniya nito. Pinagsesend nga pala sila ni Ma'am Fatima ng family pictures nila. Gagamitin siguro sa graduation day pero matagal na siyang nakapagpasa.

"Ang cute naman kahit bata pa."

Napansin niyang sa family picture ay ang Lolo at Lola nito ang kasama nina Kino. Namumukhaan din niya ang tatlong mga mas nakakatandang babaeng kapatid nito. Bunso at nag-iisang lalake nga pala si Kino sa pamilya nito.

"Nasa ibang bansa nga pala ang parents ni Kino."

Inistalk niya kasi ito dati kaya nalaman niya at hindi rin niya nakita sa iba pang mga family pictures na isinend pa nito sa kaniya.

Kinabukasan ay pinapanood niya ang Season 1 ng Stranger Things dahil kailangan niyang makarelate na kay Kino kapag nag-aya na ulit itong manood ng Season 4.