He Created (သူ ဖန်တီးသော)(U&Z) - Completed

HC - 34 (U&Z)

(Unicode)

မိမိ ရှေ့မှာ ဦးညွှတ်နေတဲ့ ကောင်းကင်နတ်ဘုရားကို ရှောင်းရီဝေးက ခပ်ငေးငေး ကြည့်နေခဲ့သည်။

အခု ကောင်းကင်နတ်ဘုရားက...ငါ့ကို ဦးညွှတ်နေတာလား...တလောကလုံးက ဦးညွှတ်ရတဲ့ အရှင်သခင်ကလေ...
ဒါက အိမ်မက်လား...တကယ်ပဲလား...

ရှောင်းရီဝေး တယောက် မိမိအဖြစ်အား မယုံကြည်နိုင်သလို ကောင်းကင်နတ်ဘုရားကို ကြည့်နေခဲ့သည်။ ယင်းရွှေလိကတော့ ပြုံးနေလေသည်။ ရှောင်းကျန့်ခမျာလည်း ကောင်းကင်နတ်ဘုရား ဝမ်ရိပေါ် နံဘေးမှာ ရပ်ရင်း ဖခင်​ ပြောလာမည့် စကားကို ရင်တထိတ်ထိတ်နဲ့ ငံ့လင့်နေခဲ့သည်။

*ကျွန်...ကျွန်တော် အရှင့်ကို...ဘာပြောရမယ်...မဟုတ်သေးဘူး...ဘယ်လို ပြောရမလဲ ဆိုတာ...စဥ္းစားလို့တောင် မရဘူး...

ရှောင်းရီဝေး၏ လေသံက အနည်းငယ် အဖျားခတ်ကာ တုန်ယင် နေသည်။ ရှောင်းကျန့်က ဖခင်ဖြစ်သူကို မျက်နှာငယ်လေးနဲ့ လှမ်းကြည့်လိုက်သည်။

*ပါး...

*ကျွန်တော်တို့ကို လက်ထပ်ဖို့...ခွင့်ပြုပေးပါလို့ပဲ...တောင်းဆိုချင်တာပါ အရှင်...
ကျွန်တော်နဲ့ ရှောင်းကို လက်ထပ်ခွင့် ပေးပါနော်...ကျွန်တော်...ရှောင်းကို တကယ် မြတ်နိုးလို့ပါ...ဖူးစာမှတ်တမ်း ကျောက်တိုင်က စာကြောင့် မဟုတ်ဘဲ...ကျွန်တော် ကိုယ်တိုင်က...ရှောင်းကို တကယ်ပဲ လက်ထပ်ချင်တာပါ...ခွင့်ပြုနိုင်ရဲ့လား...ခွင့်ပြုပေးဖို့ကို တောင်းဆိုပါတယ်...ခွင့်ပြုပေးပါနော်...သဘော တူပေးပါ...

ဝမ်ရိပေါ်က ပြောရင်း ကြမ်းပြင်ပေါ်မှာ ဒူးထောက်လိုက်သည်။

*ရိပေါ်...

*ဟင်...
အဲ့လို မလုပ်ပါနဲ့ အရှင်...

ရှောင်းကျန့်က အံ့အားသင့်ကာ ကြည့်နေသလို ရှောင်းရီဝေးကလည်း ကောင်းကင်နတ်ဘုရားကို အလန့်တကြား ပြေးထူလိုက်သည်။

*ကျွန်တော်တို့ကို ခွင့်ပြုပေးပါ...အဲ့ဒါမှ ကျွန်တော် ထ ပါမယ်...

ဝမ်ရိပေါ်က ရှောင်းရီဝေးကို ရှောင်လိုက်ပြီး ကြမ်းပေါ်မှာ ဆက်လက် ဒူးထောက်နေခဲ့သည်။