He Created (သူ ဖန်တီးသော)(U&Z) - Completed

HC - 37 (U&Z)

(Unicode)

ခုံသမာဓိ ရုံးတော်မှ အခေါ်လွှတ်သည် ဆိုခြင်းကြောင့် ရှောင်းကျန့်တယောက် ဇဝေဇဝါနဲ့ လိုက်လာခဲ့ရသည်။

ဘာကိစ္စ ရှိလို့ များပါလိမ့်...

🎐 🎐🎐 🎐🎐🎐

ရိပေါ်...

*အရှင်ရော ရောက်နေတာလား...

နတ်ပေါင်းများစွာ စုဝေးကာ ရောက်ရှိနေတဲ့ ခုံသမာဓိ ရုံးတော်မှာ ဝမ်ရိပေါ်ကိုပါ တွေ့လိုက်ရသဖြင့် ရှောင်းကျန့်က အနားကို အပြေး သွားလိုက်သည်။ ဝမ်ရိပေါ်က ခေါင်းငြိမ့် ပြလေသည်။

*ကြင်ယာတော်လောင်း ရှောင်းကျန့်...အရှင့်ကို ကောင်းကင်နတ်ဘုရားက လိမ်လည် လှည့်ဖျားပြီး...လက်ထပ်ခွင့် တောင်းခဲ့တယ်လို့...တိုင်ကြားလာပါတယ်...
ဟုတ်ပါသလား...

*ဟင်...
မဟုတ်ပါဘူး...

ရှောင်းကျန့်က ခုံသမာဓိ နတ်မင်းများကို နားမလည်သလို ကြည့်ရင်း ခေါင်းခါ ပြလိုက်သည်။ ထို့နောက် အနားမှ ဝမ်ရိပေါ်ရဲ့ လက်ကို ဆုပ်ကိုင် လိုက်လေသည်။

*ရိပေါ်...ဘာတွေ ဖြစ်နေတာလဲ ဟင်...

*ဘာမှ မဟုတ်ပါဘူး ရှောင်းရယ်...စိတ်မပူပါနဲ့...

အနားကပ်ကာ တိုးတိုးလေး မေးနေတဲ့ ရှောင်းကျန့်အား ဝမ်ရိပေါ်က အားပေးစကား ပြောလိုက်သည်။

*ကဲ...ဒီအမှုကို တိုင်ကြားထားတဲ့...နတ်သား လင်းချူမင်း...ရှေ့ကို ထွက်လာခဲ့ပါ...

လင်းချူမင်း...

ခုံသမာဓိ နတ်မင်း၏ စကားကြောင့် ရှောင်းကျန့်က အလန့်တကြား လှမ်းကြည့်လိုက်သည်။ လင်းချူမင်းက တဘက်ခြမ်းမှာ ရပ်ပြီး ဝမ်ရိပေါ်ကိုသာ စူးစူးရဲရဲ ကြည့်နေလေသည်။

*နတ်သား လင်းချူမင်း...အရှင်က ကောင်းကင်နတ်ဘုရားဟာ...ကြင်ယာတော်လောင်း ရှောင်းကျန့်ကို...လိမ်လည် လှည့်ဖျားပြီး လက်ထပ်ဖို့ ကြိုးစားနေတယ်လို့ ဆိုထားတယ်...
သို့သော်လည်း ကောင်းကင်နတ်မျှော်စင်မှ...စိတ်အလင်းရှင် ဖန်လုံးကို စစ်ဆေး ကြည့်ရာမှာလည်း...မသင်္ကာစရာ ဘာမျှ မရှိခဲ့ဘူး...
ထို့အတူ ကြင်ယာတော်လောင်း ရှောင်းကျန့်ကလည်း...ငြင်းဆိုနေတယ်...
အရှင့်မှာ သက်သေပြစရာ...ဘာများ ရှိပါသလဲ...
ကောင်းကင် ခုံသမာဓိရုံးမှာ...လိမ်ညာပြီး တိုင်ကြားရင်...ပြစ်ဒဏ်ကြီးကြောင်းကို...အရှင်လည်း သိပြီး ဖြစ်မှာပါ...