အပိုင်း ( ၂၁ )
ချီရှန်းက ကျန့်ပေါင်ကျူးကို ညစာကျွေးမယ်လို့ ပြောခဲ့ပေမဲ့လည်း ဒီည သူမမှာ အချိန်ရှိမလား မသေချာပါ။
မနေ့က သူမရဲ့ ပထမဆုံး သရုပ်ဆောင်ဖျော်ဖြေပွဲကို လက်ခံရရှိခဲ့ပြီး အစမ်းလေ့ကျင့်မှုမှာ ပါဝင်ရန် အကြောင်းကြားစာမှာ ညနေလေးနာရီ ၊ ကျန့်ပေါင်ကျူးသည် ဤမျှနောက်ကျသည်ထိ အစမ်းလေ့ကျင့်မှုကို တစ်ခါမျှ မတက်ရောက်ဖူးပါ။ အများအားဖြင့်တော့ မနက်စောစောသွားရရင် ညနေပိုင်းဆို ပြီးသွားပြီဖြစ်သည်။ ဒီနေ့ဟာ သူမအတွက် ညနက်သည်အထိ ကုန်ဆုံးသွားနိုင်ပါ၏။
သူမက ချီရှန်းကို မနက်ဖြန်အတွက် ညစာကို ပြန်စီစဉ်ခိုင်းထားပြီး ရုပ်ရှင်စတူဒီယိုကို တက္ကစီစီးလာသည်။ လမ်းတွင် ကျန့်ပေါင်ကျူးသည် ဤထုတ်လုပ်ရေး၏ သဘောသဘာဝကို တွေးတောနေဆဲဖြစ်သည် ၊ စုဝေးတာက ဘာကြောင့်နောက်ကျတာလဲ? မိတ်ကပ်လိမ်းတဲ့ ဟိုတယ်ကို ရောက်သည်နှင့် ၎င်းက ထိတ်လန့်ဖွယ်ရာ ရုပ်ရှင်ထုတ်လုပ်ရေးတစ်ခုလို့ သူမ နားလည်လိုက်သည်။
သူမသည် ထိတ်လန့်ဖွယ်ရာ ဇာတ်ကားတစ်ကားတွင် အသေးအဖွဲဇာတ်ကောင်တစ်ခုမှ ပါဝင်ခွင့်ရလိမ့်မည်ဟု သူမ မထင်ထားခဲ့ပေ။ ထို့အပြင် ၎င်းက တရုတ်စတိုင် ထိတ်လန့်ဖွယ်ရာရုပ်ရှင်များထဲမှ တစ်ကားဖြစ်ပြီး သူမအကြောက်ဆုံး အမျိုးအစားဖြစ်သည်။ အထူးပြုလုပ်ချက် မိတ်ကပ်လိမ်းထားသော မင်းသားတောင်မှ အရင်တစ်ခေါက်က သူမကို အတော်လေး ကြောက်ရွံ့စေခဲ့သည့်အတွက် သူမ ရိုက်ကွင်းကနေ ထုတ်ပယ်ခံခဲ့ရသည်။
သူတို့ရိုက်ကူးမည့်ဇာတ်ကားကို 'မင်္ဂလာဧည့်ခံပွဲ' ဟူ၍ အမည်ပေးထားသည်။ ကျန့်ပေါင်ကျူးက ဧည့်ခံပွဲတက်ရောက်မည့် ဧည့်သည်တစ်ယောက်အဖြစ် ပါဝင်သရုပ်ဆောင်မည်ဖြစ်သော်လည်း ပွဲမပြီးမီတွင် သူမသည် ကြောက်စရာကံကြမ္မာကို တွေ့ကြုံရမည်ဖြစ်သည်။
သရုပ်ဆောင်တွေရဲ့ခံစားချက်ကို အသက်ဝင်အောင်လို့ဖြစ်မယ်.. ဝန်ထမ်းတွေက သူတို့ရိုက်ကူးနေတဲ့ အိမ်အိုကြီးကို ရည်ရွယ်ချက်ရှိရှိလား ဒါမှမဟုတ် မရည်ရွယ်ဘဲနဲ့လား ဆွေးနွေးနေတာလည်း ဖြစ်ကောင်းဖြစ်နိုင်ပါသည်။ ၎င်းတို့အဆိုအရ ထိုနေရာတွင် ရိုက်ကူးခဲ့သည့် ယခင်အဖွဲ့သားများသည် ထူးဆန်းသည့်ဖြစ်ရပ်များ ကြုံတွေ့ခဲ့ရသည်ဟု ဆိုသည်။
